【專訪】「末日博士」羅家聰抛開中資包袱:我不嬲大膽,將來更大膽

日期:2019-12-06
更新時間:20:24:24

「我哋嘅底線一路俾人測試緊,係咪要再縮再退呢?」

有「末日博士」之稱嘅羅家聰,10月時離任交銀香港首席經濟師一職,離職消息被本港及外媒廣泛報道,「其實個人嘅去向唔值得鋪天蓋地咁報道,如果反映到制度變化,係值得拎嚟講」。

回憶經濟師生涯,他認為工作及各方面的底線均不斷被測試,「測試到一個位,係咪要再縮再退?中美打緊(貿易戰),『喂,你唔好企美國嗰邊,一面倒唱衰佢就可以』,美國經濟冇問題,你唱衰佢咪錯囉」。分析本應按數據說話,卻要倒向政治意願一邊,「去到最近,香港客觀環境都唔講得」。

對於離職,他表示「係我自己走,可以發表嘅空間越嚟越細,我哋落場做嘢,有冇人搞我哋,我最清楚。」被指「分析大膽」,他認為自己只是清心直說,「我不嬲都咁大膽,如果我細膽嘅,留咗喺度啦,或者我將來更加大膽,有論據、有數據、有證據咪講出嚟囉」。

未有被政治氣氛左右分析,終成為離職導火線之一,他沒有後悔,「睇錯市我都想收返,邊有得咁?最後悔係明明睇到咁樣,你都講咗第二樣嘢,呢啲我冇做過」。

逃出中資銀行城牆,自己的前路「見步行步」,對於仍在牆內的昔日戰友,「我祝佢哋好運」。

#港股策略王 #交銀 #羅家聰 #末日博士 #專訪 #香港 #HongKong

【訂閱港股策略王YouTube頻道,隨時重溫我哋所有節目!】
http://bit.ly/2KYxkVy

【港股策略王手機apps全新上架,想第一手接收我哋既新聞資訊,即刻黎下載!!】
IOS: https://apple.co/2KXphs6
Android: https://bit.ly/2IsiHu8

相關評論

相關評論