【活捉走地股】業績強勁前景好 國泰君安國際1788有望谷底倍升

日期:2021-03-30
更新時間:12:53:12

科網股表現偏弱,反而舊經濟股有勢開炒,國泰君安國際(01788.HK)出完業績後表現更加亮眼,短線升穿1.73元,下站上望2.3元水平。

美股有唔少中概股隨時被可能DQ,需要另一個上市平台作為「Plan B」,港交所(00388.HK)當然會受惠,同時亦令1788等港券股嘅潛在客戶數量大增,未來做新股上市有望做到冇停手。

1788更喺業績公告提到海外大計,集團表示,將以國家「一帶一路」倡議為發展契機,加速探索東南亞市場,通過新加坡和越南子公司進一步推進東南亞業務發展,成為境內客戶「走出去」和境外客戶「引進來」的專業合作夥伴。

發展空間龐大,花旗亦給予1788目標價高達2.9元,相當於潛在升幅接近一倍。

但份報告係一月份出,當時花旗只係預測1788去年每股盈利升21%,實際升幅卻係高達44.4%,遠勝預期,即係話1788最終目標價遠不止2.9元。

相關評論

相關評論