【活捉走地股】油價強硬兼伊拉克復工憧憬 安東油田服務3337短線料挑戰0.7元

日期:2021-10-06
更新時間:13:57:06

美國呼籲石油增產,但油組拒絕配合,油價走勢強硬,今日連中海油(00883.HK)亦升穿9元大關,油服股繼續可以博反彈,安東油田服務(03337.HK)要睇實。

3337同海隆控股(01623.HK)一樣,係資產淨值極高嘅油服股,講手頭訂單亦唔差,3337單係第二季新增訂單達17.76億元人民幣,比該股最新市值16.24億港元還要多。

3337最新手頭訂單高達71.1億元人民幣,係公司現市值嘅5倍水平。

今年上半年,3337已經轉賺4282萬元人民幣,但今年下半年更值得憧憬。除咗因為油價大反彈之外,3337主要市場伊拉克嘅疫情亦見大改善,於8月份一度單日新增1.2萬宗個案,但最新已經回落到單日新增2000宗。

伊拉克市場佔3337收入達35%水平,上半年新增訂單達17億元人民幣,下半年喺全面復工憧憬下,業績有望大反彈。

以上半年業績推算,3337現價市盈率只係15倍左右,但油價大反彈,加伊拉克全面復工嘅憧憬尚未反映,短線有望挑戰0.7元水平,甚至有機會向0.9元進發。

相關評論

相關評論