【港股策略】金源米業677有望成為大贏家中嘅大贏家

日期:2019-09-11
更新時間:11:43:46

雖然貿易戰問題見到,越南成為大贏家,講到越南概念股,緊係要講隻金源米業(00677.HK),集團除咗越南便利店業務,近年仲同順豐齊齊拓展越南物流解決方案,677有望成為大贏家中嘅大贏家。

野村國際匯整的報告顯示,自舊年4月24日貿易戰開打以來,已經有82家企業因美中貿易戰而將產生撤出中國,而其中越南成為最受惠國家,轉移產能的企業達26家。

報告說,越南因在地理上緊鄰中國,且勞動成本相對便宜。穆迪分析指出,在亞洲國家中,越南的出口品項結構與中國相近,有利成為取代中國的生產據點。

但搬產能又點止咁簡單,物流係其中一個重大問題,金源米業主席林烱熾曾經講過,同順豐合作有助拓展電子商貿速遞,並為便利店帶來合作機會,食品、物流管理、凍房運輸等多類公司都想利用集團的平台。未來計劃開放特許加盟店,相信屆時生意發展步伐會再加快。

一旦集團正式公布開放特許加盟店的消息,有望成為集團股價爆升的催化劑,677最新市值僅得9億元。

集團2018年、2017年都賺近半億,2019年盈利大減主要由於銷售及分銷成本增加,可以憧憬嘅係,呢啲成本可望轉化為集團嘅收入,帶來更高嘅盈利增長。如果真係如林老闆咁講「收成期將近」,677未來挑戰20億市值應不成問題,即現價有成倍幾升值潛力。

近月林老闆就自己不斷增持,涉資近148萬元,買入價在0.5至0.53元。

相關評論

相關評論