【獨家認威】社長愛股億和838異動升三成 大炒假盈警+Tesla概念

日期:2021-01-08
更新時間:12:50:13

社長陳承龍的愛股億和(00838.HK)昨晚發假盈警後大彈,今日高見0.8元,升幅達33.33%,暫錄成交2520萬元。

億和控股(00838.HK)唔止係電動車上遊供應商,客仔更加係「電動車之王」特斯拉(Tesla),真係相當吸引,加上838大股東低位不斷增持,短線好大機會衝擊1.3元水平,下站隨時睇2元關口。

原來喺2019年年報,838提過「成為特斯拉(Tesla)的合資格供應商」,又話,隨著特斯拉上海超級工廠落成,集團計劃繼續加深與特斯拉在中國的業務關係。Tesla成為全球最牛股份,今年累升近6倍,838食正Tesla概念,股價冇理由咁失威。

睇返838啲大客仔,東風(00489.HK)升穿過2019年高位,長城汽車(02333.HK)、A股長安汽車更加係近5年高位,單係睇一班舊客,838相對低位0.36元只係彈咗75%,作為一隻市值只係10億嘅股仔,表現明顯大落後。

838近年仲受到客戶邀請,去墨西哥建廠、去日本設立產品開發團隊,即係話唔止Tesla,838仲有一批新客戶尚未浮面。

公司大股東兄弟張傑、張耀華由高位0.7元水平,到低位0.46元水平一路增持,兩年來累計增持超過1200萬股。838短線突破0.7元水平後,好大機會挑戰2017年高位1.3元水平,若然追返2333等車股嘅升幅,隨時睇2至2.6元水平。

相關評論

相關評論