【長雄林仔週記】天長不妨參與認購(林志培)

日期:2018-02-22
更新時間:8:30:59

02182

踏入農曆新一年,小弟首先係度同各位親愛讀者拜個年,祝大家嚟緊一年係股市上財運亨通、繼續買邊隻升邊隻最緊要當然係賺到盆滿砵滿喇,而小弟就繼續努力為大家發掘更多有潛質嘅新股以及半新股。

「新正頭」期間就有主板嘅內地一體化注塑解決方案供應商天長集團(02182.HK)正在招股,集團業務表面睇起來好似並無太大特別之處,但細看之下原來集團亦會從事到電子煙製造業務範疇,透過代工方式為Fontem 製造旗下「blu」品牌電子煙產品,而毛利率更達至三成以上,其實電子煙可謂係近年先興起嚟嘅玩意,而中國電子煙製造市場預計在未來五年內將持續成長,預期更會以20.3%的複合年增長率快速向上,屆時市場規模將可高達540億元人民幣,隨著日後集團生產線逐漸自動化以及產能提升,屆時盈收能力有望得到顯著升級,至於在主要業務注塑模具製造方面,集團所生產注塑組件一直被廣泛應用於各種生活產品,同時亦已與各類國際知名企業建立客戶關係,當中包括著名嘅Brother、佳能及松下等,由此可見集團在注塑嘅舊有市場以及電子煙新興市場雙線發展下,未來業務前景絕對可被看高一線。

 接著再睇翻數據資料,集團前年市盈率約在 11.9倍至 13.7倍之間,招股價定位屬合理水平,另外今次獨家保薦人為創陞融資,相信大家都耳熟能詳,過往保薦接近九成嘅新股於首日均錄得升幅,至於集團預定於3月8日掛牌上市,而招股期亦較一般長合共多達十一日,總結以上多項因素下,預料天長將能吸引較多投資者嘅注意,故此小弟亦係度建議大家不妨去馬參與認購,並係新股市場打響狗年頭炮。

林志培
魚缸小鮮肉,奮力避開大鱷追擊,從中發現新股市場的魔力,繼而找出固中賺錢良機,志不在奢華的大魚大肉,只望能搵回高昂的生活費。

相關評論

相關評論