【果迷注意】想追款兼慳荷包?一文解構買新iPhone定舊iPhone好

日期:2019-09-11
更新時間:18:01:39

 

雖然近幾年推出的iPhone系列都驚喜欠奉,不過蘋果仍然有一大班信徒,每次出新機都總會掀起換機潮。不過iPhone向來售價唔平,要追款都要慳住個荷包,新出嘅三款iPhone,究竟邊一款性價比最高?買完都覺得物超所值呢?

蘋果公司在發布會上,一如外間所料公布將推出3款最新型號iPhone,分別是iPhone 11、iPhone 11 Pro及iPhone 11 Pro Max。新機將於香港時間周五(13日)晚上8時開始預訂,9月20日上市,售價由5,999港元起跳。

去年曾傳出出現滯銷,今次似乎想先下手為強,一早調低售價,入門門檻今次都降低不少。上年度推出的iPhone系列(iPhone XR、XS、XS Pro)多次被傳銷量欠佳,於系列開售約三個月後蘋果即推出優惠計劃促銷救亡。

近年新機銷情欠佳,但蘋果就先出招望刺激銷量,今次的iPhone 11 64GB以5,999元發售,比起上一系列的iPhone XR 64GB便宜約500元,同時,iPhone XR及較舊型號iPhone 8已開始減價促銷,想再慳多啲的朋友亦有多個選擇。

講返今次推出的新機款,在比較之下,iPhone 11似乎最能夠平衡追款加慳荷包兩者。相信大部分用家如非必要都不會想走回頭路,iPhone 11既配備新系列的全新技術,比起iPhone XR亦由單鏡頭變雙鏡頭,包括1200萬拍攝像素廣角鏡頭及1200萬拍攝像素超廣角鏡頭,感覺更上一層樓。

而其售價僅比iPhone XR貴800元左右,似乎在眾多機款中,最為值得考慮。用800元即可玩埋夜間功能、超廣角鏡及拍4K短片,打卡可更吸晴;前置鏡頭亦由700萬變1200萬像素,Selfie起上來就更方便,最重要是電池更可捱多一個鐘,尿袋長伴左右的日子暫時可以抖一抖,亦令人感覺使多800元非常物有所值。

iPhone 11比iPhone XR的功能遠遠優勝,比起iPhone 11 Pro又便宜兩千多元,既可滿足追款的慾望,又較為慳荷包,iPhone 11似乎是眾多機款中最為值得入手的一款。

 

相關評論

相關評論