【創富策略王】PPS 繳費靈 交卡數教學

日期:2019-11-22
更新時間:16:00:54

市面上咁多間銀行同發卡機構發行信用卡,大家一定冇可能有齊晒咁多間嘅儲蓄戶口,碌完卡之後打開銀行個ebanking轉賬交卡數。當申請到唔少信用卡喺手,大家又用開咩方法交卡數呢?最多人用嘅一定係繳費靈PPS喇,一個戶口管理晒。(原文:https://www.hongkongcard.com/s/UnV3g

繳費靈係24小時賬單繳付服務,可以隨時隨地透過電話或互聯網繳付900多個商戶嘅賬單,包括還信用卡賬單費用。交易完成後, 資金即時從你嘅銀行賬戶扣除,以繳付有關商戶賬單,省卻去銀行排隊入數、郵寄支票交單等等煩複程序。 只要有提款卡或具有提款功能嘅信用卡,去就近繳費靈終端機開立繳費靈戶口,就可以用得喇。

登入之後,揀「登記賬單」,可以用商戶編號搵返銀行/發卡機構。

我地幫大家搵齊各大銀行/發卡機構嘅編號

找卡數嘅方法都好簡單,先揀「繳付賬單」,再搵返啱啱新增嗰張,之後填好銀碼同繳付日期,就可以順利還到卡數喇。大約一、兩個工作天內就會見到筆錢存入信用卡戶口,所以最穩陣預早一、兩日,唔好deadline嗰日先黎找數呀!

撰文:HongKongCard

相關評論

相關評論