【活捉走地股】國安國際143母企資產億億聲 一注資可望變50億市值

日期:2020-01-14
更新時間:12:30:30

市場資金近期開始炒到仙股,升倍隻隻講緊倍倍,尚未起動嘅國安國際(00143.HK)琴日低成交異動,呢隻仙股短線上返中信國安成本價0.13元,已經有七成潛在升幅,仲未計注資憧憬帶來爆升幾倍嘅可能性。

國內資金緊張,中信國安入股143已經超過2年,可以隨時啟動注資大計。中信國安係中信系與民資合作嘅混改企業,係混改第一梯隊,截至2018年底,集團總資產逾2000億元人民幣,中信國安A股市值1460億元人民幣。

港星雙重上市優勢

143喺自己業績都講明,「將善用在香港和新加坡的雙重上市平台優勢,特別專注可與母公司業務產生協同效應的增長機會。」

計返中信國安入股成本,最初買入價約每股0.116元,之後再以每股0.17元「2供1」,實際成本約0.13元,相對現價已經有六至七潛在升幅。

0.13只係首站目標

但0.13元成本價只係首站目標,中信國安業務包括電訊、能源、物業開發及管理,以及資產管理,只要注入其中一項都係幾十億咁計。而143手上仲有證券1、4、9牌照,除母公司旗下項目亦可以幫其他友好來港上市、發債集資。

首站目標價0.13元只係講緊10億市值,一旦注資計劃啟動,143隨時上望港股通入門門檻50億市值。中信系已經有代有化大昌行(01828.HK)例子在前,國企大重組已經進行得如火如荼,143無論注資、私有化、賣盤,都可大炒倍倍聲。

相關評論

相關評論