【田北俊專訪】田北俊曾俊華或復出組黨:出錢出力,要一國兩制「重回正軌」(獨家)

日期:2020-01-17
更新時間:18:43:50

2003年,邊有人講港獨,講光復香港?」

2014年立法會議事廳內,田北俊問了時任特首梁振英一句「你會唔會辭職」,令他丟掉全國政協委員資格;2016年立會選舉為李梓敬「抬轎」,結果失去直選議席;2017支持曾俊華參選特首,結果對手以777票當選,「JT三人組」(田北俊、曾俊華、曾鈺成)以一曲《沉默是金》寄意,從此退下政壇前線。不足三年,他預告要重返熱廚房。

「我哋雖然退咗休,但係香港發生嘅事情會令我我用我哋嘅意思係,我、周梁淑怡、劉健儀、曾俊華,喺嚟緊嗰屆立法會出嚟做啲嘢,我哋考慮緊。」曾任自由黨主席20年,先後擔任功能組別及直選立會議員,自認「開明建制」的田北俊狠批包括自由黨在內的建制議員「唔夠料」亦欠理念。

「我哋幾個議員嘅公信力遠不如我做主席嗰20年,當時有周梁淑怡、劉健儀,丁午壽、個個都係喺界別好成功,而家嗰幾位係咪喺佢哋界別好成功先出嚟做議員?」

不夠料分析文件及問題、未夠班代表界別與政府討價還價,最終一班「唔夠叻」的保皇黨沒有阻止政府於修訂逃犯條例橫衝直撞、車毀人亡。「100萬人遊行,入面好多建制,好多藍絲第一次出來遊行,你(政府)點可以喺 6911點,話勇往直前唔駛停,而40個建制議員,包括自由黨四位立即贊成, 我覺得出咗問題。」建制全面歸隊,自由黨未有如17年前般,要政府停一停諗一諗,「後尾大家都知,壽終正寢、送終,幾乎幫林鄭送咗終,唔係幫條例送咗終。」


所謂「做啲嘢」,田北俊指至今仍未決定,「我唔可以話我哋會組成新政黨,我都唔排除會組成新政黨」。退任自由黨主席後,擔著榮譽主席虛銜,田自言於黨已無實際權力,亦無意令該黨重返正路,「 畀咗意見,現任唔接納。」

「我哋呢個年紀,唔應該自己出嚟做,但係我哋絕對有能力喺幕後策劃也好、出錢也好、出力也好,係咪可以令社會和諧,向中央要求一國兩制重回正軌,令香港市民對議會有信心,可以代表佢哋?我哋一班有心人士喺度諗緊,諗完喺咪要做呢?而家一月,五六月立會差唔多完結先可以做最後決定。」

所謂出錢出力,田北俊希望有質素的中間派別出選立會,「如果真係要我抬轎,我哋諗下點樣支持呢啲人參選,令佢哋可以平衡社會。」被問及「預告出山」是否想向政府施壓,要林鄭聽取民意,田北俊一頓道「可以係呢個暗示,政府已經知」。

採訪:Gloria

攝影:陳浩樂

剪接:Ray

【田北俊專訪】田北俊曾俊華或復出組黨:出錢出力,要一國兩制「重回正軌」(獨家)
https://hksmedia.com/article/130287/

【田北俊專訪】建制區選敗陣 田北俊:估唔到輸到「咁趴喺度」
https://hksmedia.com/article/130291/

相關評論

相關評論