【田北俊專訪】反駁溫水煮蛙論 田北俊:你咁講,林鄭今日煮死咗啦!

日期:2020-01-22
更新時間:19:41:03

 

「全世界只有香港咁樣另類嘅暴徒。」

兩年多前,Blue Blood的田北俊曾表態是「藍色」。上年他多番公開反對逃犯條例修訂,呼籲林鄭下台,贊成成立獨立調查委員會,訪問當天他笑說「我緊係藍啦,你睇睇我著晒藍色衫,你有幾可見我著黃色衫?」

身在藍營卻未譴責過一次「暴徒」,如此政治不正確,是田家大少無誤。「示威者係咪暴徒?我覺得有兩類,大部份示威者梗係唔係暴徒啦。暴徒嘅定義,當然係勇武得嚟打爛嘢啦,有啲話冇偷冇搶唔算,我唔係幾同意呢個講法。」他覺得香港的暴徒很特別,「掟汽油彈嗰啲,我定義唔到,聽上去好暴力喎,但係掟喺地上面同掟喺警察身上我覺得有分別,掟喺警察身上,我會覺得你真係『幾暴徒』喎,掟喺地上之後走咗去嘅,要睇下乜嘢性質。」

「外國媒體可以見到,好負面對待我哋嘅CNNBBC近嚟都可以睇到,佢哋標榜我哋香港係點樣的示威者,點樣嘅暴徒。全世界未試過任何一個社會動亂,啲示威者戴面罩打爛嘢唔趁機打劫,得香港咁樣另類的暴徒。係咪暴徒?佢哋都問。」

反修例運動沒有大台,只有平台,連登為其中之一。田北俊關於逃犯條例、區選及葉劉的言論多次登上「熱門」。「你講連登仔,我要話俾佢哋聽,我個孫14歲,連登仔唔係大過我我個孫好多架咋,我個孫到1819歲就會咁架啦,要點樣分析俾佢哋,係要同佢哋溝通,好過當佢哋冇到,行開算數嗰個講法。」

田北俊又呼籲成立獨立調查委員會,「幾個月前佢(林鄭)話唔可以,要先平復動亂,而家平復咗,係咪應該考慮唔好做檢討委員會,成立調查委員會調查721831幾件大事?你講過架嘛,唔係幾時先做呢?係咪要等香港再冇一個示威者先做,咁樣市民會覺得你唔合理。20201月,林鄭繼續她去年舊調——拒絕辭、拒絕成立獨立調查委員會。


一場修例風波,林鄭「鴿派」形像破滅,「CY2.0」造成「撕裂2.0」,有網民指「好彩林鄭做特首」令全民大覺醒,若曾俊華上場香港只會繼續溫水煮蛙。「我唔明呢個邏輯,一國兩制延長50年、100年都係溫水,如果溫水唔加熱,煮到100年都係咁有咩唔妥?2019年嘅事情唔發生絕對好過發生,2019年如果曾俊華係特首,冇咗逃犯條例,溫水煮蛙可能煮多幾年,你咁講林鄭今日已經煮死咗啦。而家死定係煮到2047都煮你唔死,咪同你鬥長命囉,可能你唔駛煮死我,咁咪冇事囉。」

去年6月後,港人移民情緒暴升,田北俊指自己不會走,「我嘅資產全部都喺香港,當然要走好容易,好老實講,我睇過全世界,走又點?嗰度一定好過香港?至於香港三四十歲嘅精英,我都希望佢哋唔好走,睇住啲冇能力、想走但係走唔到嘅人」。

 

編審:Gloria

攝影:陳浩樂

剪接:Ray

相關評論

相關評論