【活捉走地股】刺激政策點止基建內需 華潤醫藥3320可望大包圍

日期:2020-03-26
更新時間:12:30:43

炒阿爺刺激政策,除咗基建仲要睇實醫藥相關,今次疫情將會係長期戰爭,阿爺亦好可能要強化國內醫療設備及防疫裝備,華潤醫藥(03320.HK)有望大包圍,點都受惠,特別係最近已經公布中醫藥發展創新政策。

國內多地發布中醫藥發展創新政策,其中深圳就計劃打造「中醫藥政策創新、中醫藥標準化、中醫治未病」三大體系。同時,推進「互聯網+中醫藥」服務。

華潤醫藥係中國第五大醫藥製造商,是中國第三大醫藥分銷商,也是中國第一大非處方藥製造商,通過華潤三九、東阿阿膠、華潤紫竹及華潤雙鶴等品牌保持著市場領先地位。

過去一段時間行業持續有負面消息,3320講緊由13蚊樓上打落嚟,累跌超過65%,呢啲位入市博新一輪策略憧憬上望返6.5元水平,潛在升幅四成,頂多穿4.2元止蝕,3毫子博近2蚊,值博率夠高。

華潤醫藥更加係醫院改革項目領頭羊之一,集團去年12月公布,與重汽集團成立合資公司,參與中國重汽集團醫院改革項目。

摩根大通報告講到好淡,話「近期缺乏任何可見催化劑下,集團基本面在今年將要繼續面對有關挑戰造成的影響」,但目標價都睇緊6.5元。

策略王就憧憬有刺激政策,短線目標價都係6.5元,即係收復返3月以來嘅跌幅。

相關評論

相關評論