【活捉走地股】踏入穿戴式產品收成期 信利國際732有條件升幾倍

日期:2020-07-03
更新時間:12:53:01

手機概念股真係未玩完,琴日講完隻華顯光電(00334.HK),今日可以睇下隻同樣做顯示屏幕嘅信利國際(00732.HK),732客仔同樣包括三星、華為、中興等大牌,但732最大優勢係早兩年已經佈局主攻穿戴式產品市場,2020年正正踏入公司收成期!

732早在2018年已經佈局AM-OLED穿戴式產品應用,當年呢條產品線虧損達4.2億元,但2019年穿戴式產品已經虧損大減至幾乎收支平衡,公司管理層更預期「信利惠州可於二零二零年錄得經營溢利」。

即係穿戴式產品有望成為繼主業後,新一個盈利增長火車頭。

2019年,732錄得純利5.62億元,每股盈利17.1仙,現價相當於市盈率僅5倍水平。

睇返手機概念股當中,近期大反彈嘅高偉電子(01415.HK)市盈率10倍左右,龍頭舜宇光學科技(02382.HK)市盈率32倍。

732單係追返10倍市盈率,每股合理值係1.7元,計埋穿戴式產品呢個概念,隨時可以挑戰2.5元樓上。

相關評論

相關評論