【港股策略】新資金不斷進場 雅高控股3313有翻炒

日期:2020-10-14
更新時間:12:21:46

首控集團(01269.HK)近日低位勁彈逾倍,其有份持股的雅高控股(03313.HK)亦要留神,隨時一發力升幅勁過首控集團。

首控集團早喺3313爆升前已經持股1.26億股,以3313高位14.96元計,一度帳面賺超過三十幾倍。但由於首控持股量一早已經低過5%,公司通告亦冇透露,所以中途有冇沽貨大賺,暫時係一個迷。

但睇返當時走勢,兩隻股表現高度相似,好明顯係同一班內地資金炒作。

近期3313 不斷配股俾新投資者,首控集團亦見低位大反彈,似乎係有新資金進場開始部署炒反彈。

當時3313急回,全因「入摩指(MSCI中國指數)」失敗,再引發大股東被斬倉。

背後一班炒家當時雖然一度帳面大賺幾十倍,但計及PR費、每日買賣成交等費用,實際上未必贏好多,現價計更加係要蝕大本。

所以見到3313好積極想重新炒上,近期已經多次配股,作價分別係0.09及0.1水平,但估計只係降低成本,實際成本仍然遠高於現水平,加上公司每股NAV達0.4979元,短線先睇返NAV三分一水平,應該好舒服,現價都有六、七成潛在升幅。

相關評論

相關評論