【活捉走地股】「國企整體上市」概念爆發 重慶機電2722隨時變軍工概念股

日期:2020-10-16
更新時間:13:12:27

上海集優(02345.HK)被母公司私有化,明顯係為母公司整體上市做準備,概念近似嘅重慶機電(02722.HK)隨時成為下一隻私有化股,兩股有幾大共通點,一)母公司都係國企,近年積極準備整體上市,二)NAV極高,隱藏唔少優質資產及技術。

2013年,「三中全會」提出國企改革,其中重要一環係「國企整體上市」,近年終於開始陸續有大動作出現。

「國企整體上市」將會成為未來一段時間股場上嘅重頭戲,早喺2014年,2722前董事長王玉祥已經透露母公司會以陸續向2722注入優質資產,以實現整體上市。

近期終於有新進展,董事長王玉祥突然宣布辭任,由50歲嘅張福倫接捧。資料顯示,張福倫曾經於解放軍後勤工程學院工作,有濃厚軍事背景,2014年加入2722母公司。

2722母公司重慶機電集團係國內製造業龍頭之一,2019年位列中國企業500強當中第375位。涉足領域,包括汽車、汽車零部件、環保、軌道交通、直升機,甚至軍工產業等等。

2722會唔會準備變身成為一隻軍工概念股?令人相當期待,更重要一點,2722本身同2345差唔多,都係NAV極高但股價大折讓嘅股份,2345私有化作價近NAV六成水平,2722單係追返每股NAV 2.166嘅六成(即約1.3元),已經有近1.8倍潛在升幅。

相關評論

相關評論