【活捉走地股】嘉泓物流2130市值低、概念勁 即將進入爆炒關口

日期:2020-10-29
更新時間:12:20:32

高端物流概念股嘉泓物流(02130.HK)進入乾炒階段,咪以為呢隻股好高,雖然已經較上市價2.66元累升近五成,實際上呢隻股只係進入大炒嘅初段!首站升穿4蚊阻力,之後應會進入「無人之境」。

2130之所以叫高端物流概念股,全因公司有多個奢侈品品牌大客,包括:連卡佛載思、開雲集團(即Gucci母公司)、紅酒批發商L’Imperatrice(母儀)等。其中,2130係香港葡萄酒貨運代理龍頭,市佔率達23.4%。

近期物流股熱炒,圓通速遞國際(06123.HK)都值25億市值,本地龍頭嘉里物流(00636.HK)亦處於高位水平,市值達280億元。

2130咁有概念,都只係剛剛值10億水平,未來潛力極高。睇返上市文件,公司有圓通台灣、時代集團執行董事劉健成等等入場支持,特別係圓通系剛剛獲阿里巴巴(09988.HK)入股,更加惹人幻想,國內高端物流需求龐大,未來可以有好多合作空間。

而突破4蚊,只係令2130升穿10億門檻,從盤路去睇2130走勢越走越乾,似乎有心人已經收齊貨,再掃穿埋4元阻力,之後升幅越時更驚人,中線甚至有機會挑戰10元。

相關評論

相關評論