【活捉走地股】炒「兩會+染藍」憧憬 信義光能968嚴重超賣好值博

日期:2021-03-05
更新時間:12:32:41

今日兩會正式開幕,市場預計會有唔少刺激政策出台,特別係中央之前定下「碳中和」目標,太陽能行業一定係重點議題之一,信義光能(00968.HK)相比之前高位24.8元累跌接近一半,但公司業績後獲唔少大行唱好,現價正處於支持位樓上,值博率相當高。

太陽能一旦重新開炒,968一定係帶領行業嘅火車頭之一,公司剛剛公布完業績,亦有利股價抗跌力提升。

968去年全年多賺88.7%,每股盈利55.4仙,派息倍增至17仙。績後,瑞信及摩通兩間大行都唱好,評級分別為「跑贏大市」及「增持」,上調目標價至22元及24元。近期恒指宣布改革,中金更加預測,968有機會染藍,令公司多一個潛在利好因素。

業績記者會上,968表示對今年前景樂觀,又提到,兩條新生產線將陸續建設及投產。

睇返股價走勢,968今朝穿一穿12.5元即見反彈,呢個位正正係舊年年底嘅支持位,短線博超賣反彈之餘,又可以博兩會憧憬,由於近幾日跌得太過急,968有機會一舉挑戰15.5元阻力。

相關評論

相關評論