【活捉走地股】有概念有NAV 亞太衛星1045短線先睇3.2元

日期:2021-04-08
更新時間:13:28:58

亞太衛星(01045.HK)長期大低殘,已經唔係新鮮事,但近期就見到有新鴻基嘅疑似「鳳凰盤」不斷收貨,之前1045已經憧憬過私有化,加上「鳳凰盤」收貨,睇住NAV炒有唔少空間可以博。

新鴻基今年初已經持倉1045約420萬股,但最新持倉更升至831萬股,最新市值2094萬元。單係,3月26日當日已經加倉達114萬股,涉資約272萬元。

近年Elon Musk旗下SpaceX 亦大搞衛星網路,呢種技術更被形容「顛覆5G技術」。反映太空概念股真係可以有好多幻想空間,技術亦已經逐步成熟,達至「落地階段」,唔再只係「吹到上太空」。

1045手上擁有五個亞太系列衛星,全要覆蓋亞洲、歐洲、非洲和澳洲等全球約75%人口之地區,公司為商些地區客戶提供衛星通信與衛星電視廣播傳輸等「一站式」服務。


1045帳面每股NAV(資產淨值)高達6.4元,其中現金12.91億元,比2019年大增43.7%,即每股含金量達1.39元。


「契媽」Cathie Wood嘅「太空探索ETF」ARKX已經推出,雖然初步有少少雷聲大雨點少嘅感覺,但只要有一、兩隻成份股爆出,市場又會當「契媽」神咁拜,又會追捧太空概念題材。

首先最緊要係有概念,其次1045亦有真材實料,NAV亦夠高有齊安全網,短線上望NAV一半3.2元已經有27%潛在升幅,認真和味。

相關評論

相關評論