【活捉走地股】電動車上遊概念好抵博 億和控股838食住Tesla升勢

日期:2021-10-22
更新時間:13:29:45

「電車之王」特斯拉(Tesla)第三季季績優於市場預期,季度產量創單季新高,「Tesla上遊概念股」億和控股(00838.HK)仍然處於谷底,有大追落後空間,短線升穿0.85元關口,下站有望向52周高位1.24進發。

838大客仔Tesla第三季產量、交車量達到季度新高,其中交車量較第二季增長近兩成,反映838下半年業績亦很大機會錄得雙位數增長。

上次提過,今年上半年838已經扭虧為盈,於中期業績中,公司已經大打「開口牌」,明示國內、國外業績將會有強勁增長。


咪忘記838仲有兩大憧憬未反映,一方面有新落成嘅墨西哥廠房一期、二期陸續投產,可以搶佔海外市場訂單。

另一方面,838國內大客長城汽車亦準備於明年力谷新能源車品牌「歐拉」,預期明年銷售目標30萬至50萬輛,而2025年目標130萬輛。

電動車股已經集體反彈,838股價仍然喺5月份谷底嘅支持位橫行,以上半年每股盈利4仙推算,現價市盈率不足10倍水平,加上手頭現金高達14億元,每股含金量高達0.81元,現價入場相當值博,首站先睇阻力位0.85元,喺強勁訂單支持下,突破年內高位1.24元機會相當高。

相關評論

相關評論