登入

不問價追 小炒王梁心欣

【不問價追】 Shopping list(小炒王梁心欣)(第89期)

九月份真係一個好開始,原本坐艇的股份全部開turbo,由蝕變賺嘅感覺相當良好。不過,你話係咪賺好多?咁又未必。因為我買嘅唔係騰訊(00700.HK)、匯豐控股(00005.HK),可能我太貪心啦,近期凱升(00102.HK)、慧聰網(02280.HK)其實都大賺了,只不過隔離飯香,投資者偏偏總係喜歡羨慕其他人。上一篇我提到九月份會開大, 即係睇好後市,咁係咪正如我早前所講( 六月份)今年見24000點?照現時嘅形勢,有機會上調目標,因為眼見散戶仲未全面有貨,大市應該仲有得去。單睇散戶動向太唔準確,最緊要睇大媽方向。11月中下旬殺到嚟嘅深港通,除咗要識睇大媽大叔買什麼大股,仲要知道有乜嘢50億市值樓下嘅股份值得注意。呢排我淨係持有呢一張購物清單已經夠玩。張清單來自「格隆匯」,係,就係滬港通出晒名嘅格隆匯,過去兩年我都密切睇實佢哋嘅分析,睇吓有冇炒作。結果清單一出(如圖),好多都升咗上來,絕對絕對有參考作用。例如:我曾經推介過嘅凱升(00102.HK)都在名單之列,IGG (00799.HK)更加由低位升咗三、四成,似乎炒呢一張名單更加實在。唔難發現好多醫藥股都在名單之中,好似東瑞製藥(02348.HK)、微創醫療(00853.HK)、李氏大藥廠(00950.HK)、康臣藥業(01681.HK)近來都接力跑出,如果本錢唔夠多,每隻買些少,等佢爆升,咁你就真係坐享其成。因為根本你唔會睇基本因素,純粹跟大媽炒, 感覺上係考你觀察力。咁你會問,咁多隻點炒啊?用排除法的話,小炒王唔會揀國際資源(01051.HK)、五洲國際(01...

2016-9-11 18:00:34

【不問價追】9月開大定開細?(小炒王梁心欣)(第88期)

  上回提到小炒王10月份唔想炒股,一來10月份係傳統股災月,二來美國總統大選在11月舉行,萬一特朗普嘅勝算增強,咁10月份就會變得更為波動。我哋要特別留意嚟緊每個月都有大事件,1)9月份美國到底會唔會加息,2)人民幣入SDR及美國總統大選,3)11月下旬來到的深港通。大部分人都睇到9月份偏淡,因為擔心美國真係加息,但我覺得市場既然預期咗咁耐,加咗反而係好事,因為可以消除不確定性。反正美國聯儲局主席耶倫你都唔會有加息時間表,只要唔係漸進式加息,市場根本不用太擔心。  仲記得10年嘅大浪論嗎?每逢7字尾(例如:1987年、1997年、2007年)就會一個大浪,暫時我都相信恆指在2016年都唔會有勁大嘅表現,呢齣好戲要留到2017年先至上映。所以2016年點都要有貨底喺手,免得出現大浪先至嚟狂追令自己揸得唔舒服。  如果大家細心啲留意到內地流入香港嘅資金其實每日逐少逐少增加緊,大媽的金錢已經潛伏於某些股份,只係香港人唔知,我哋就要從呢部份嘅蛛絲馬跡逐一擊破。大家有記性的話,應該幾多小炒王喺6月份曾經寫過一篇「深港通策略王」裏面明確列表提出心水股。有跟買科技股嘅朋友一定賺到笑。直至近日,深港通開通日子越來越近,大行法巴同埋高盛,都有列出心水股當中更加有類似嘅,法巴以穩定現金流、穩定額外回報及健康資產負債表為原則,挑選其中15隻股份。高盛就列出吸引內地南下資金投資之中小型股名單,我就將佢哋列來畀大家參考。  明眼人都睇到,三份名單都有慧聰網(02280.HK),呢隻一早...

2016-9-4 18:00:19

【不問價追】 冇肉食的深港通?(小炒王梁心欣)(第87期)

宣布深港通後,係咪好難炒呢?由6月叫大家建倉,話基金儲貨, 「勸」你點都買啲,直至8月中,係咪感覺良好呢?起碼由20000點附近買上23000點,收穫頗豐。唏,且慢,你開初就話難炒喎,邊句真呀?小炒王維持10月不炒股論調,有咩10月前搞掂,等新一任美國總統正式登場先再作部署,咁究竟點解?呢個可以下回分解。今日想講吓,咩為之升浪,2016年中呢次又算唔算大浪呢?在每個升浪的初段,小炒王都在餐廳、電梯等不同的場合,聽到別人紛紛講現在的股市風險好大,賺一點點就離場好了。又有不少人,對於多年蟹貨終於見到家鄉而感到非常雀躍,及早鬆綁走人。投資者還會對股市小心翼翼, 證明股市未完全瘋癲。蟹貨死守多年終見家鄉固然難得,但既然你手上的股票已經超越歷年大位,反正早已持有多年, 現在可以返家鄉,甚至有機會倒賺的話,只賺一個幾毫或者一千幾百元就「急急腳走人」,似乎又未免太心急。通常出現以上情況,我都叫自己放心進場。今次呢浪正正係呢個情況!有時民間智慧的確好準,當四周的人都在講股票,就要提高警覺,不要以為連大廈保安、清潔工人(絕無歧視成份,純以藍領作例)都賺錢,你入場也會必贏。其實他們也有個人的投資智慧,最重要是學懂分析別人的說話內容和心態。這時你就可以把握機會識得走位,觀人於微也是一種智慧。咁好啦,遇見升浪卻無貨在手, 的確慘過輸錢,但假如我叫你在某個位追,你沒有買,等到股價升了50% 至80%才追,後果只會更加慘烈。因為股價在幾日內大升,自然會在高位來來回回...

2016-8-28 18:00:07

【不問價追】牛市資金部署(小炒王梁心欣)(第86期)

呢期俾人問得最多嘅唔係「冧巴」, 而係資金點樣運用。一去到「牛市」就算多多錢都唔夠你使,即使係四叔持有的基金都唔會夠錢用!(人哋有成過千億)同一個問題小炒王都經常遇見!好早已經叫咗你哋唔好「全職炒股」,平時返工等多啲錢可以滾動, 有儲蓄有贏來備戰,咁就唔使頭痕。不過咁,依家追究都無用,因為牛市已經來到,呢隻買咗落去唔升,而第二隻爆上去,係咪好肉痛呢?呢種叫做「機會成本」。好簡單等我解釋一下,例如你得十萬蚊,好似上個星期咁,你將佢買落安徽海螺水泥(00914.HK),結果隻914唔多郁,但係隔離隻中國平安(02318.HK)就升到嘭聲,呢一刻你只會怪自己當黑,又或者邪童上身,其實根本唔關事!呢一刻你就會諗如果有多一嚿資金買落平保咁我咪會雙贏囉,當然啦,最簡單嘅方法就係借孖展,咁你就可以槓桿多幾倍落去,但同樣你幫緊經紀同證券行打工,又畀息,又驚俾人call孖展,久而久之你會好唔安落,甚至自怨自艾。所以,如果你嘅資金唔多,其實都有另一個嘅玩法。既然個市咁旺,好多貨我都會坐過夜,之後第二朝一高開就即刻出咗佢。小炒王嘅玩法係咁,既然個市咁旺,好多貨我都會坐過夜,之後第二朝一高開就即刻出咗佢,(你會話:升就梗好啦,係咪一定升?)我敢寫包單,就算升你都唔走,因為貪心係人之常情。但呢一下,最緊要放開自己來對戰,試諗下,嗰一隻貨噚日尾市谷咗上去,第二朝通常有力再谷,之後就好容易出現沽家食胡,隻股自然會回調。換咗筆錢返出來之後就可以部署第二隻,因為通常...

2016-8-20 18:00:10

【不問價追】DBC的1000天(小炒王梁心欣)(第85期)

「1000日」絕對無誇張,三年前,即係2013年嘅8月我正式在數碼港返DBC嘅財經台。如果有留意開我嘅人都知,2013年嘅年頭我已經轉咗做freelance,直至8月嘅時候,受到大當家馮淑眉嘅邀請,我正式進入咗電台,即係DBC數碼電台。我除咗做過電視台的工作,我確實無返過電台工,只係以前曾經返過商台嘅《星火燎原》做客席主持。返工第一日,我已經覺得好唔容易,嘩,一來數碼港相當之遙遠,二來係我從來未試過一條氣要講兩個半鐘頭!我即時諗起陳奕迅嗰首歌嗰一句歌詞「喉嚨痛得要死……」喂,你會話,唔係喎,以前你在電視台都係一連講三個鐘㗎啦,咁電台有咩分別呀?電台你係冇得偷懶,1秒鐘嘅deadair都唔可以有!呢個係我自己畀自己嘅目標,你飲水、睇手機都會令到人哋以為你消失咗,電台唔同電視台,電視台用畫面分散你的注意力、用嘉賓嘅靚樣分散你注意力,所以入電台係一個新挑戰。可能係我天生鍾意講嘢,第一個星期左右,我已經開始習慣唔唞氣一連氣咁講落去,我好多謝當時願意來數碼港同我做節目嘅嘉賓,因為佢哋在中環、上環、銅鑼灣過嚟都係非常之塞車,仲要係開市嘅時間,所以我對佢哋絕對有份尊敬。好多人話喺數碼港返工有個優勢,得閒去草地度瞓下囉,之後又可以好悠閒咁行下。Sorry,我從來都一收工就出咗去,同人食飯啦、應酬啦、睇住個市,所以我都係放假先至享受到數碼港嘅優點。直接搬去灣仔嘅電訊大廈嗰刻,我係非常之興奮。因為我哋嘅設備真係非常之完善,靚房靚咪,過多半年仲幫我哋做咗套電視嘅系統,只要你...

2016-8-14 18:00:15

【不問價追】萬達第二梯隊(小炒王梁心欣)(第84期)

早排在電視度講美股,兩隻我親身買入嘅美股我都先享用其產品,等自己有個概念兼覺得賺到錢先至投入金錢,結果兩隻都賺緊錢。咁好自然,小炒王就將呢一種概念套入港股度,慢慢發掘潛質股。兩隻美股,一隻係關於網上購物、另一個係FacebooK,仲有一隻係朋友介紹嘅調味料股(呢隻未買,走咗寶)。三個產品我自己都親身試過,再將資金擺落去,我自己就覺得幾湊效。好似早排去咗間餐廳,呢,Gordon Ramsay在香港首開的餐廳,Bread Street KitcHen,由於廚神之名,搞到我booK咗成個月先去到。餐廳好有英倫風,我心諗,邊間公司咁勁搵到Gordon參與?幾有gimmicK。點知佢原來隸屬一個飲食集團,一共有20幾間食肆,連我食過的BLTburger都有份。你都可以搵下邊間你有食過。(Lupa、Mamasan、Le Pain Quotidien、London House、BLT SteaK,仲有Bombay Dreams)今次主題唔係講飲講食,係呢間公司咩人持有?原來係有「國民老公」之稱、萬達王健林個仔王思聰揸住,難怪集團大部份餐廳都好有英國特色,事關王思聰的中學同大學都在英國讀,唔多唔少對英國都有分回憶。而呢間飲食概念(8056)又咁啱來香港上市,8月5號正式掛牌。飲食概念唔係王思聰直接持有,而是透過其私募基金購入的一批可換股債券所持有,佔公司上市後10.11%股權。從英國回來後,王思聰擔任萬達集團的董事,但並不負責任何事務。之後佢就成立咗一間基金公司「普思投資」,開頭用5億人民幣投資咗環球數碼、雲遊控股、九好集團同埋無錫海古德新技術有限公司,照睇都係鍾...

2016-8-7 18:00:34

【不問價追】 散戶今鋪注定食白果(小炒王梁心欣)(第83期)

「條題起得幾狠」,其實都係為你好。因為好似你睇完我上期預測依舊冇貨在手的話,咁同食白果一樣。延續返上期小炒王嘅講法,依家唔入市, 真係唔知幾時入?班餓狼的陰謀已經逐步浮現,你話依個市已經到22,200點, 咁點解口袋裏面都賺得咁小嘅?呢個同我嘅問題一模一樣,因為基金買貨絕對唔會好似散戶咁「怒衝上去」,而係一路買一路壓,等你短線一食胡就升爆廠, 咁呢一站你會點部署呢?呢轉真係可能係一個大浪,自己預備食「八番自摸」,造大牌。因為基金收齊貨嘅話,一去你根本追唔到。如果依家唔入貨,就真係蝕底咗啲。其實已經喺20,000點叫大家入,依家再唔入嘅話,見到24,000點就千祈唔好再問我入唔入好,因為到時真係唔識答你。依家見到好多散戶90%都冇貨,再從一個牛熊證嘅街貨分布圖睇,大家心裏面都係十五十六,正正係咁樣先令我有更大嘅信心,今次真係狼來了!所以一路冇散戶追貨嘅話,呢個市都係留畀大戶,散戶食白果嘅機會相當之高。早兩日喺電台講過佳景(703), 一講佳景,當日(星期二)股價就最多升10%。小炒王研究到呢間佳景做澳門嘅餐廳同埋做手信,即係主打旅遊業。佢嘅餐廳包括日式餐廳、中西式同埋美食廣場櫃位。至於手信方面,對上一次嘅業績,食品手信業務就增長了73%。澳門旅遊業近年表現如何,大家有目共睹。佳景亦由當時高位4.X元大跌落嚟,一身散晒。現時市值只係5億5千萬。呢隻幾時大升就要睇澳門嘅旅客人數係咪真係見咗底?最新金沙公布巴黎人喺9月13號(星期二)開幕,當消息一公布,金...

2016-7-31 18:00:29

【不問價追】餓狼的陰謀(小炒王梁心欣)(第82期)

「愛會像頭餓狼嘴巴似極甜;假使走近玩玩牠兇相便呈現;愛會像頭餓狼豈可抱著眠;牠必給我狠狠的傷勢做留念」開筆之際,我想起張學友的《餓狼傳說》,事關在弱肉強食的金融圈裡面,散戶經常被指為餓狼口裡的肉塊或弱者,而大戶、基金就係餓極了的狼,一啖就將食物一一吞噬。小炒王好少說故事,但現市況,唔用以上的句子來形容,又唔夠入肉。恒指來到今年內高位,相當多投資者嘩然,一來冇貨,二來講到英國脫歐咁大件事,點解大家當睇唔到?其實係因為過緊蜜月期,理得你火燒後欄,基金都砌到冠冕堂皇,唔通你見唔到大摩、摩根士丹利已經率先開口話恒指年內見26,000點?入唔夠貨又點會隨便俾位你?講真,就算現時同你講24,000點呢個目標,你都係步步為營,因為你根本就唔信會升。其實遊戲好簡單,就係大戶一路推個市上去,一路買貨,等你啲散戶完全唔敢追。直至推到22,000點,你又不得不買,跟住你開始信兼落搭呢一刻,你就會湧入去,然後喺度接貨再接貨。22,000接貨你都算比較聰明,直至23,000你先至話你要買嘢,咁就真係幫你唔到。市場其實一直都係好簡單,基金在六月尾已經埋咗數,半年結交唔到功課。據路邊社消息,七月初,基金成手錢搵嘢買,由於今年太多黑天鵝事件,買晒高息股的話,年尾都唔夠照。所以藉住七月份呢個咁好嘅蜜月期開工!今年冇聽到基金經理放假,就算八月份奧運都冇人當係一回事,結論係有理由相信,基金要加隻腳落去推高大市。小炒王相信年內高位10月前會見,依家唔積極部署掃貨就認真蝕底。大市...

2016-7-24 18:00:32

【不問價追】 21000後的部署 (小炒王梁心欣)(第81期)

突如其來嘅歐洲旅遊,搞到小炒王在個半月之內兩次出訪,一次去到日本嘅九州、另一次去到歐洲嘅法國南部同埋意大利,我仲係首次乘搭豪華遊艇出遊,人生真係「無幾可」,日日在海中飄浮、睡覺,都係難得的經驗。講返股市,歐遊期間仲係日升日跌,小炒王如果要炒股,就要凌晨3:30 morning call,因為米蘭慢香港6個鐘, 我捱住眼瞓玩咗兩日之後,最終都頂唔住。落機一到步,就係禮拜一早上, 一落機就已經大升上去,去到禮拜二仲見埋兩萬一千點嘅關口,呢次直衝全部因為外圍嘅消息利好,加上日本央行再次放水,你話,世界變得何其快!英國脫歐已經置身事外。歐國杯葡萄牙捧杯之後,小炒王認為在呢一個月裡面股市應該有好轉嘅跡象,主要係睇到外圍無乜特別壞嘅事情發生。而最重要係七月份美國聯儲局嘅議息會議,但現行加息係不可能的任務,最快去到九月先至考慮。所以話係蜜月期都不過份。最擔心就應該係十月份嘅傳統股災月。因為大家都知今年發生咗唔少嘅黑天鵝事件,十一月份將會係美國總統大選,而最大嘅黑天鵝就係特朗普有可能當選,呢個鬼故事聽落都已經好恐怖。所以計我話,十月之前呢, 都要特別小心。但係七月、八月期間你應該可以將內地嘅深港通消息無限發酵。因為大家睇返中國證監會嘅劉士余最新講話,佢指出係因為技術問題而延遲推出深港通,咁即係話我們可以憧憬一下今次深港通同上次滬港通嘅技術係有分別。所以今次要用更長的時間去研究,可能係好消息。所以依家都算係一個比較相當勁嘅蜜月期,在九月之前我覺得...

2016-7-17 18:01:00

【不問價追】 下隻華資優質股(小炒王梁心欣)(第80期)

近來好多華資股受到「注目禮」, 事關「賣資產」體現價值,兼且豪派特別息,搞到炒友出現恐慌性尋找資產優質股。亞倫國際( 684 ) 受惠一項資產出售收益,三年幾來首派特別息0. 28元,足足比末期息0.055元多好幾倍,股價一個月內升28%。寫到呢度,你本身都唔知亞倫做咩,絕對唔係譚詠麟所成立,唔該。又如愛高( 328 ),因為出售仁孚工廈物業獲利,盈利及末期息倍增,股價一個月內升45%,咁大家戥David Webb買隻隆成( 1225 )輸錢唔抵,咁愛高賺返又可以抵銷吓。既然係咁,簡單講,資產有價,特別係華資的老闆,知道樓市行情,高價沽出物業幫公司搵錢是十年難得一遇的,醒目的當然為股東尋求最大利益。今次講幾年前由永利控股( 876 ) 分拆上市的永利地產( 864 )。相信有聽《小炒王國》嘅朋友,一年前聽過呢隻股分。佢從事物業投資,有多個商業及住宅物業收租,集中在中環、灣仔及旺角,每年租金收入約2000 幾萬元,市值近4億元,資產十億, 全部係物業,好明顯股價未反映。既然講到咁正,做咩擺近三年,股價呆呆吓,毫無表現?首先要睇老闆質素,識得把握時機賣物業套現,體現公司價值是其一,其二係賣盤,一了百了。既然母公司永利控股已成功賣出,兼股價升了10倍,呢樣嘢我們無須質疑。股東手貨有69. 51%,( 中央結算睇唔到,要睇SDI )要賣非難事, 只在於有冇好價錢出現。據牌面睇, 公司上次賣盤得到「完勝」紀錄,今次唔排除食過翻尋味,再次洽商合適的買家。以現價約一蚊的水平睇,公司尚未發力,一年前...

2016-7-10 18:00:38

熱門專欄

【股場放大鏡】歐陽風:中國有贊後台更強勁

微盟集團(02013.HK)等SaaS股有資金炒起,中國有贊(08083.HK)相比起來有更強勁後台騰訊(00700.HK),亦有旗下公司獲百度入股,前景可能更為光明。 去年4月,中國有贊以每股0.53元配售17.19億股,佔經擴大後已發行股本1.1%,其中向騰訊控股配售10.37億股。完成後,騰訊控股持有集團6.7%權益。同年9月,公司非全資附屬公司Qima成功向百度Baidu發行3000萬美元股份及認股權證,使其成為Qima的策略性股東。完成後,公司持有Qima的50.76%,百度持有1.2%權益。Qima主要於中國從事電商業務,提供各種有關虛擬批發及零售的線上線下解決方案及服務。 中國有贊是一家網商軟件提供商(SaaS),專門服務於國内社交平台上的電商及網店。它其中最關注的領域之一,就是協助各電商設計和管理它們在微信上的小程序。電商在有贊的平台上,還能運營不同社交平台上的網店,大大增加其經營效率。 除此之外,有贊也會提供其他延伸服務,例如有贊雲,有贊擔保,有贊分銷等,以滿足商家多種經營需求。 近年興起直播電商的潮流,有贊更為商家提供直播電商解決方案。騰訊去年入股,也正是看到有贊在此市場的潛力。隨著國内電商越來越普及和受歡迎,有贊的商家用戶和GMV在2019年均實現了強勁的增長。 在2019年,有贊的付費商家數量同比增長了40%,而其GMV也有高速的增長,同比上升95%。從2017年到2019年,其收入每年增長160%。儘管有贊還在虧損,但它2020年...

【天下第一倉】高山行:本周大衝刺

疫情影響,上市公司業績表現欠佳已在預期,其中體育運動產品股更係復甦夠快,而寶勝國際(03813.HK)更已消化了中績不利消息,下周將會正式納入恆生綜合指數份成股,股價剛見起動,絕對跟得過。 國策早已支持體育活動,原本目標到今年,全國體育消費總規模達到1.5萬億元人民幣(下同),重點支持消費引領性強的健身休閑項目發展,而3813則是裕元工業(00551.HK) 旗下上市成員,訂單已有保証,過去業績現及派息均佳,惟經歷上半年肺炎疫情封城所累,6月結止中績受影響,營收117.4億元,按年下降12.2%,純利1,231萬元,倒退97.1%,每股盈利0.23分, 不過,自3月以來,在品牌合作夥伴的支持下,集團已實施促銷計劃,於增加存貨銷售的同時整合線下線上渠道,銷售額增長於5至6月按年回升至正數,期內繼續加強實體店業務,關閉低效和業績不達標的店舖。於6月止零售網絡覆蓋大中華地區,包括5,597家直營及3,839家加盟店舖,加上積極減低存貨,同時延長賬款期,首6月的營運資金天數已回復至155天的良好水平,後期業績已錄強勁V型反彈,由首季度虧損扭轉為次季盈利 ,其中更以數碼化轉型、包括推出新微信商店間加快全渠道整合,上半年期間銷售量按年增長逾20%。 3813在上月中已獲選為恆指綜合指數成份股,並於下周一正式納入,股價昨日剛見起步,本周將是衝刺期,量度目標2.5元。 高山行

【今日吹乜風】Barry:安寧128呢轉應該要博

科指ETF引起市場熱話,除咗小弟提過嘅貓眼(01896.HK),當然仲有唔少超正科技股可以留意,但今日想講下剛出完業績嘅安寧控股(00128.HK),128呢隻股從來都係得兩個概念,一係華懋系打骰,二則係荃灣顯達鄉村俱樂部地皮申請轉「住宅(乙類)6」用途。 128上星期五公布業績,同時透露荃灣顯達鄉村俱樂部地皮嘅聆訊準備於9月1日(星期二)進行,呢隻股從來都係大波動,2018年一度炒上1.41元,但闖關失敗後即被打落0.7元。 今次128為提升闖關成功率,將顯達鄉村俱樂部伙數大減至458個單位,可建樓面降至53.07萬平方呎。 項目估值幾錢係一大問題,但亦要留意一點,128雖然身價14.2億元看似不低,實際上,公司一直有大量現金及投資揸手,最新資產淨值達9.09億元,當中大部份為金融資產及現金存款等。 截至6月底,128持有按公允值計入損益中之金融資產合計達6.64億元,另有現金及存款達1.19億元。 14.2億的市值扣除這些資產後,即顯達鄉村俱樂部的價值僅6.37億元,相當於每呎僅1200元(未補地價)。 闖關能否成功當然有風險,但現水平以幾日時間隨時可以博幾倍升幅,反觀下方於0.8元開始有支持,短線值博率極高。 Barry炒股成長日記

【天下第一倉】高山行:大把助跑元素!

第一隻恒指科技股ETF登場,立令天下大亂,但也証明這個板塊幾咁吃香,其中處於中游的中軟國際(00354.HK)有得諗,不單業績正及購股權定價有啟示,而且有機會爭入12月份的恒科新成份股之列,所以仲有幾個月賽跑期,股價上行機率大於一切。 354之爆,係擁雙馬概念,早於2013年底,集團已與阿里巴巴旗下「阿里雲」合作,成立全國首個雲計算產業聯盟「雲棲小鎮聯盟」,與阿里雲一起主持聯盟工作,涵蓋了基礎計算設施、中間件平台和應用軟件三個層次的雲服務,去初又與阿里健康(00241.HK)確定戰略合作關係,成為馬雲概念股。 2017年底,354再與騰訊(0700.HK)訂立為期兩年合作協議,躍居成騰訊遊戲最大IT服務供應商,為騰訊遊戲提供運營、測試及維護等全面的IT服務,其後又在去年3月再與騰訊微眾銀行簽訂合約,進入萬億企業級互聯網金融IT服務領域。更重要係,354年更早已早已向Dan Capital發行本金總額9億元、2022年到期之可換股票據,年息3厘,兌換價為每股5元,而Dan Capital主要股東及發起投資人為騰訊創辦人之一的陳一丹! 業績更係不賴, 2018年獲利7.16億元 人民幣(下同) ,去年再升上7.55億元,今年上半年營業額60.59億元,按年升9.4%,純利4.01億元,升10.7%,全年再獲佳績冇走雞,主業技術服務與解決方案業務穩中有進,雲智能業務更高速發展,數字化轉型加速落地,並連續兩年入選Gartner 全球IT服務市場份額百強,建基於「...

【置理明言】曹德明:非住宅物業減辣 對後市起正面作用

為應對新冠肺炎疫情對本港經濟所帶來的重大影響,金管局與銀行業界於今年相繼推出「還息不還本」、「百分百擔保特惠貸款」以及其他紓困措施,以協助受影響的中小企業以及市民。而金管局於日前加推新措施,宣佈由8月20日起將非住宅物業按揭貸款的適用按揭成數上限上調一成,一般情況下,上限由四成增加至五成。 金管局副總裁阮國恒表示,有關措施的考慮因素主要為非住宅物業價格走勢、交投量、經濟基調及外圍環境等。根據差餉物業估價署所顯示,自去年年中,寫字樓、零售業樓宇以及分層工廠大廈的售價指數均出現顯著跌幅。此外,根據土地註冊處以及美聯物業房地產數據及研究中心所顯示,今年首7個月的非住宅物業註冊宗數(包括工商舖、純車位及其它註冊宗數)為4,564宗,比去年同期的7,248宗,下跌近四成。破產管理署數字亦顯示,今年七月提交公司強制清盤呈請書的宗數為53宗,按月上升逾一成,與去年同期比,升幅逾六成。以上各項因素反映推出有關措施的迫切性,並且釋放一個訊號-「金管局注視市場發展,在有需要時調整逆周期措施」。 放寬非住宅物業的按揭上限,相信能有助刺激該類型物業的交投,而且亦能讓受疫情嚴重影響的中小企業主,更易出售或者加按套現手頭上的非住宅物業,以作資金周轉,舒緩每月面對的開支壓力。非住宅物業按揭無需繳交額外印花稅,而即使購入多個非住宅物業亦只需繳付第一標準稅率的從價印花稅,固較適...

專業名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風