井噴上升火燎森| 港股策略王

井噴上升火燎森

【井噴上升】又係時候講bye bye（火燎森）（第110期）

大家好，又見面啦，侵侵上台後未見美股有大型沽壓，港股新年後亦好睇上唔上到800億成交，Keep得住嘅話，好可能係28000點前嘅升浪，另外，今期將會係小弟最後一期喺港股策略王上推介股票，首先好多謝廣大讀者一直以嚟嘅支持及信任，亦希望你哋睇咗呢個專欄後，可以有唔少斬獲，同時亦非常期待未來日子，會再有機會為大家推介更多好股，及分享投資心得，最後喺呢度要多謝陳承龍、心欣（有講少咗嘅多多包涵），祝大家新嘅一年旗開得勝，全年股票贏到盤滿缽滿，隻隻倍升！咁作為最後一隻喺港策推介嘅股票，就一定要搵隻升唔只一倍嘅介紹，先對得住大家，仲要係未來行業前景無限，龍頭地位不可動搖嘅，生意長做長有嘅，係咪聽到大家隻眼發哂光呢？開估啦，嗰隻就係上海醫藥（02607.HK）啦，集團主要為國內醫藥製造商及配藥商，為醫院、分銷商、零售藥店等提供醫藥及服務，據集團早前截至9月嘅業績顯示，營業額按年上升14.5%為905億元，純利方面則按年增長12%達24.57億元，業績增長唔錯，但最唔話得嘅係，集團過往五年營業額都保持複合20%增長，同時集團亦係國內第二間年收千億嘅醫藥企業，早前集團亦透露，目標2020年達到年收兩千億，成為國企醫藥龍頭，另外，集團DTP（高端藥品直送業務）亦係未來盈利爆發點，搶佔市場一半份額，而阿爺亦非常著重互聯網+醫療，集團早前亦伙拍京東進軍互聯網業務，可謂強強聯手，咁幾錢入？由於之前見16短元水平期底後急彈20%，執筆時$20.5，呢口價追入唔係好理想，小弟建議投資者可以等回到1...

財經快訊

井噴上升

2017-2-6 18:30:11

【井噴上升】聯想一下（火燎森）（第109期）

先恭祝大家恭喜發財，身壯力健，睇返近期個市，成交普遍都係500億左右，相信新年後情況先會有所改善，而且2至3月係企業公佈全年業績高峰期，大家可以做定功課，盡量喺盈喜股公佈業績前入貨，發個新年財。有咩個股可以留意下？不妨留意下渣打銀行（02888.HK），執筆時高見$71.35，單日抽升6.89%，仲創埋52周新高，呢下衝得咁急，係有少少反映咗未來業績比預期好，之但係呢口價又唔太值得追入，只係可以肯定渣打最壞時期已過，而且未來息口上調，對銀行股會有唔少幫助，而英國發表完脫歐講話後，市場反應未有解讀為硬脫，亦為市場消除唔少負面情緒，所以英國業務比重較高嘅股票，都可以多啲留意。另外，市場現時為炒股唔炒市嘅階段，即使大市急跌，對個股影響亦屬輕微，所以建議係早前有喺低位入股票嘅投資者，切勿亂沽手上嘅優質股。咁今期介紹嘅係聯想控股（03396 HK），集團為一間多元化嘅投資控股公司，涉及範圍包括金融、房地產、現代服務及其他戰略投資。據集團中期業績顯示，營業額按年下跌5%為1,349億元，毛利則按年下跌4.6%達225億元，純利則按年下跌35%達25.8億元，旗下聯想集團（00992 HK）為3396主要收入來源，992業績下跌間接亦令3396受唔少影響，之不過3396本身業務為創新消費業務、互聯網、金融服務、醫療、農業食品等等各大風口板塊，投資992主要投IT行業，投資3396正正係投中國經濟增長動力，集團自2015年6月上市，當時價約$43左右，執筆時，股價為$17.82，下調幅度高達60%，集團現市值為70值左右，同時...

財經快訊

井噴上升

2017-1-30 10:00:43

【井噴上升】派利是股（火燎森）（第108期）

本地樓市繼續瘋狂，有投資者接受訪問時話，買樓要識投胎，呢類說話令小弟有啲毛骨悚然，因為呢啲對白往往喺結尾先會出現，希望只係小弟敏感啦，環球方面，英國首相文翠珊會於星期二發表演說，表明英國將會進行硬脫歐方案！相信英鎊將會進入新一輪下挫，咁投資者可以點樣部署？建議大家可以留意返英國業務比重較高嘅股票，例如匯豐銀行（00005.HK）及長和（00001.HK），皆因當日反應會比較激烈，而呢兩隻股票因素亦唔差，先講5號仔，上次脫歐低見44蚊，受惠破天荒回購計劃大舉升到64蚊，升幅高達5成，未來更有機會再推多次回購計劃，股價絕對有力再上，所以出現低位不妨撈下，而長和做生意一向穩健，涉及範圍更偏佈全球，集團現金流亦相當充足，脫歐呢類突發性影響，相信屬於短暫性，所以見到低位可以出手！咁除咗以上2隻股票，仲有咩可以揀呢？識買梗係買港交所（00388.HK），集團中期業績顯示，收入按年下跌18%為56億港元，純利方面則按年下跌27%達29.8億港元，每股盈利為2.47港元，業績差其實係2015年大時代表現太好所引致，集團亦透露去年有126家新公司於本港上市，集資金額高達1948億元，雖然金額比去年少25%，但就繼續係全球集資中心第一名，大市現處於牛市階段，而大家對滬深港通都忘記得7788，有一點要留意，滬深港通最大嘅受益者除咗証券股之外，就係港交所啦，港交所自2007年高位係265蚊，2015年高位係311蚊，股價浪頂一浪高於一浪，反映出恆指就算唔破頂，港交所高位都會破上一次嘅高位，所以現價186.6蚊絕對...

財經快訊

井噴上升

2017-1-23 17:30:39

【井噴上升】今次輪到個仔（火燎森）（第107期）

自從本地地產商開始賣劏房，再到有新樓出供2代plan幫買家入市，政府出辣招冷卻炒家，再到市場重現租金管制嘅聲音，美國進入加息周期，小弟之前都講過，本港樓市劇本發展其實同日本樓非常相似，之前喺facebooK亦都提過大家，呢種跌並唔係急跌，係一個周期性嘅下跌，同慢火煎魚無咩分別，時間上亦可以長達十年以上，所以要喺呢一刻上車嘅，條安全帶綁緊少少，2017年有2個板塊想大家要注意下：1. 國內電動車市場、2. 手機市場。講電動車，不得不提處於爆煲邊緣嘅樂視，之前推出咗吹到飛上天嘅電動車FF91終於粉墨登場，仲有傳3 日訂咗成65000部，勁過Telsa不過睇落似龐氏居多（亦唔建議撈2369）。另外，國內污染程度已經去到一個極限，為國家未來發展，2017年國內新能源汽車應該有一浸炒下，但應該屬曇花一現，建議賺2至3成可以沽貨。手機市場大家就可以留意下比亞迪電子（00285.HK）啦，集團主要為國內外手機商提供手機零件、模組製造、組裝及銷售，集團中期業績顯示，營業額按年大升62% 達154.8億元，毛利方面則大升28%達12.3億元，純利亦按年大增32.4%達6億元，中期息每股派6.7分，集團大客戶分別有華為、蘋果、三星、聯想等手機龍頭企業，雖然Note 7出現咗少少問題，但勝在有華為增長勢頭強勁，相對抵銷咗Note 7對集團短期風險，中國移動互聯網高速發展，國民機不離手已經成為習慣，消息透露指出，2016上半年，全球手機出貨量有6.78億部，當中42%（2.35 億）部係中國市場包辨，增長幅度比上年同期多13%，而且消費者對...

財經快訊

井噴上升

2017-1-17 17:00:07

【井噴上升】唐宮係投資者的皇宮（火燎森）（第106期）

大家好，又見面啦，新年新開始，小弟喺呢度先祝大家2017年新年快樂，股運亨通、財源廣進、身體健康。喺介紹股票之前，我哋先回顧一下2016年最後三個交易日嘅走勢先，大市三日都係500零億成交，市場氣氛淡薄，而且當中有成10%以上嘅成交，係畀建設銀行（00939.HK）佔領咗，星期五嗰日建行更成交咗70幾億元，而五個交易日計落都有成10%升幅，北水狂買建行，究竟係月尾衍生工具影響？定係建行前景比同行更加樂觀呢？小弟覺得係前者居多，皆因現階段未睇到建行有咩咁吸引，反而升得咁急，建議無貨嘅投資者唔追好過。至於早前介紹過嘅信達國際（01359.HK），執筆時報$2.81，推介至今同建行一樣都係升咗8至10%左右，2017年太多未知數，1月20日係特朗普上任嘅大日子之餘，大市又未見終極一跌（希望有），所以暫時策略係有10%左右利潤就沽貨，留返啲彈藥再入會舒服啲。今期想講嘅係唐宮中國（01181.HK），集團主要於國內從事餐廳營運及食品生產，集團早前公布中期業績，收益按年上升15%達$6.3億，毛利方面則按年上升19%報$3.8億，純利方面則按年增長40%達$4101萬，當中更豪派特別息每股6港仙，呢次特別息係集團上市以來首次派發，而集團於最近更透露全年溢利將大幅上升，相信業績前後亦有一番炒作。集團早前亦表明，未來開店策略會偏向細店舖為主，細店轉身速度比大店快，好處在於經濟不穩時可以將損失降到最低，亦反映集團早已為經濟不穩做好準備，集團現時擁有49間分店，分店主要遍佈北京、上海、深圳等一線城市。雖然餐飲業...

財經快訊

井噴上升

2017-1-9 18:00:47

【井噴上升】2016拜拜（火燎森）（第105期）

大家好，又見面啦，話咁快2016年眨下眼又過去啦，展望2017年究竟個投資策略應該點做好呢？喺講來年睇法之前，先回顧一下2016年發生過嘅大事先啦，2月份，A股溶斷機制，油價見近年大底，以上兩件事令環球股市急劇下挫，當然港股亦好難獨善其身啦，之不過有危有機，急跌亦令港股出現咗終極一跌，但好在3-4個月左右，又整個英國公投脫歐，結果大家都心裡有數啦，雖然到現時為止，脫歐是好是壞依然係未知之數，但就令到香港歐洲業務比較重?公司，例如: 匯豐（00005.HK），長和（00001.HK），等等大隻股票，提供咗個幾靚嘅買入機會，再到近期11月嘅美國大選，意大利公投，呢兩單嘢相信亦都令唔少人跌哂眼鏡之餘，更加打亂咗本來投資嘅陣腳，總括嚟講，今年黑天鵝滿天飛，亦令小弟覺得天鵝可能原本就係黑色嘅... 哈哈...講到呢到，當然亦唔少得一路係咁貶嘅人民幣啦，大事黎講算數得7788啦，嘅咁17年應該點部署先？首先，息口方面，美國應該會如耶倫所講，一年加三次，者係話美元來年會比較強，咁本港樓市就會面對真正嘅危機，呢個跌並唔係話會即刻跌幾多十%，而係成個勢會轉弱，形成一個周期性嘅下跌，股票方面，小弟會比較睇好油股，賭股，航運股，呢幾類16年見底嘅行業，相對地比其他行業易玩得多，而市場熱錢比較多，所以升跌速度亦唔可以同以前相提並論，短線嘅轉身要比以前快，長線嘅不妨揸多少少CASH，因為美元強，啲CASH亦唔使點輸，仲可以等大市急跌買入好股票長揸賺鋪勁嘅，最後，補充埋人民幣嘅睇法，小弟係節目到...

財經快訊

井噴上升

2017-1-2 12:00:47

【井噴上升】睇五成水位嘅股票（火燎森）（第104期）

上星期四一如所料，聯儲局加息0.25厘，而大市亦跌三百幾點嚟做回應，跌三百幾唔係因為加息，而係耶倫表明話2017年會加三次息所引致，一年8次議息，加得少嘅就全年加0.75厘，加得多嘅就1厘以上，真係一次一驚心，睇怕收息股下年唔睇之外，更要防佢喺係加息後大跌市，不過壞消息有時都係入貨時機，大家不妨留多D現金等機會！今次想介紹嘅係德昌電機控股（00179.HK），集團主要從事設計，製造及銷售微型發動機，現時亦係內地最大微型發動機生產商，全球擁有37000名員工，最近中期業績顯示，營業額按年上升33%達13.67億美元，毛利方面則按年上升29%達3.66億美元，純利方面則按年上升23%達1.2億美元，將新收購嘅收入撇除的話，汽車業務及工商業務分別按年上升大約3%及7%左右，係環球經濟咁動盪嘅情況下，算唔話得。而另一個著眼點係，中國現時為全球最大嘅汽車市場，全年銷量已經超過2500萬架，亦係全球首個超2500萬架嘅國家，咁大嘅市場，德昌未來幾年盈利都唔成問題，而集團為鞏固未來汽車行業競爭力及地位，一年內收購兩間國際性公司，分別為世科特國際及艾默林。1. 世科特為國際領先嘅汽車原始設備製造商，為全球提供發動機泵，變速箱泵，粉末金屬部件製造商，及為其一級供應商提供服務，公司歷史超過109年，旗下員工超過2500人，營運地區分佈係亞洲，歐洲，北美等合共9個生產基地，收購世科特除咗令集團係歐美各地做得更好之外，亦可以加強集團產品技術，完成收購後6個月時間，已為集團帶來2億幾美元收入。2. 艾默林係一...

財經快訊

井噴上升

2016-12-26 12:00:26

【井噴上升】買垃圾一樣可以發達（火燎森）（第103期）

星期一有消息報導，阿爺有意打壓內地險資，更傳出中保監將會召見保險公司負責人，最嚴重嘅情況係迫險資沽出手上股票，A股急跌2%，港股就急插三百幾點，指數其實唔算跌得多，但就有好多股份跌幅超過5%，不過強勢股份收市跌幅就收窄哂，大市現時借勢進入調整階段，加上深港通開咗成個星期都未見有咩動靜，更加突顯出大戶想震走哂啲散戶，呢個時候有坐貨嘅投資者心理上要穩少少，揸實啲貨，如資金充足的話，就更應該等大市嚟個急插，大手買入自己心水愛股，美國星期四議息，市場普遍認為加0.25厘，市場擔心嘅係普哥未來日子會瘋狂加息，所以議息結果加幾多唔太重要，重要嘅係耶倫有咩暗示未來會唔會有狂加息嘅跡象，就以上幾點都足以令大市呢個星期跌多過升!咁今次想介紹嘅就係中國信達（01359.HK），集團主要業務為不良資產經營，投資及資產管理，金融服務等，截至6月中期業績，營業額按年增長20%為$455億，純利則按年微增2%為$80億，盈利方面係做得唔錯，不過其中不良資產所產生嘅收入就減少咗11%，集團重要收入來源為處理不良資產，不良資產收入減少，會令人擔心集團失去未來收入動力，但其實減少原因係因為集團比其他行家更為保守，集團透露中國銀行不良貸款比率已經連續十九個季度上升，上半年銀行出售不良資產約2000億左右，而信達食咗800億，反映出集團偏向吸納優質不良資產，而且中國樓市亦係一個巨大風險，盲目亂吸未必係一件好事，中國有意仿傚國外處理不良資產嘅手法，信達現時亦將投放重心轉移到債轉股業務上面...

財經快訊

井噴上升

2016-12-19 18:00:35

【井噴上升】知唔知日本賭場好快開先？（火燎森）（第102期）

深港通於星期一開通，大市一如預期無咩反應，情況同滬港通初期開通嗰陣相當之似，似乎大戶想大家覺得港股唔識升之後，再一下子夾上去，相信亦有唔少投資者喺開通前沽咗貨，又或者已經開始轉咗睇淡，但大市處於牛市階段，切記唔好睇得太淡，擔心嘅點都留返2-3成貨會好啲，出現回調的話，亦應該大手掃入貨，因為衝上去嗰下應該都幾急，到時先追入壓力會唔細，意大利憲法改革公投失敗，總理倫齊下台，睇落當地銀行業應該有排衰，只係短期未反映出嚟，有一則重磅消息想分享下，日本眾議會於上星期五通過賭業法案，為日本興建賭場開綠燈，會興建以賭場為主嘅綜合度假區，促進當地旅遊業，振興日本經濟，本來無了期嘅法案突然通過，睇落安倍都好想趕喺2020前將賭場搞掂埋，QE，負利率，奧運，賭場樣樣齊，幾乎可以肯定衰咗廿幾年?日本，未來將會大變天，穩穩陣陣唔想煩?齋買日本樓其實已經爆哂機！咁巨型嘅風口，除咗日本樓，仲有咩可以投資下先？梗係地頭蟲DYNAM JAPAN（06889.HK）啦，集團為當地經營日式彈珠機遊戲館，先睇睇截至9月底嘅業績，營業額按年輕微跌0.21%為4162億日圓，純利則按年跌19.31%達$38.6億YEN，成績每況愈下，反映出彈珠機行業競爭激烈，及處於萎縮狀態，政府之後亦會收緊投注高額彈珠機，睇落似係對集團帶嚟唔少威脅，但其實集團早就做好準備，將高額彈珠機比重降到40%左右，集團亦預期，新政策將會淘汰一班同行，到時就可以趁多間彈珠機公司頂唔順執笠，用更低嘅價收購佢哋，擴大市場佔有率，鞏固其龍...

財經快訊

井噴上升

2016-12-12 18:00:58

【井噴上升】玩回購仲有呢隻（火燎森）（第101期）

大家好，又見面啦，上星期五確認深港通會於12月5號正式開通，雖然比預期遲咗成兩個星期，但總算喺呢年裡面開通到，可喜可賀！近期人民幣加速貶值，內地居民處於極度恐慌嘅狀態，阿爺揀喺呢個時間開通，對內地居民嚟講可以話鬆咗一口氣，話哂國內資金可以名正言順咁走出去，其實坊間都唔太睇好深港通，但小弟依然堅持睇好，亦相信會有一陣炒風，不過QE年代錢實在太多，市場升跌會比以前快幾倍，相對地，短線投資者轉身都要比以前快幾倍，如果唔係，會好容易好似上年咁坐哂艇，另外，CEC國際（759．阿信屋）用咗兩日時間狂升4成幾，小弟嘅睇法係，1. 以前十幾間分店時，阿信屋係3毫幾，今日200幾間分店，絕對唔會又係9毫幾或1蚊，2. 本港零售業未係好轉，但有見底跡象，對759起咗正面作用，3. 日圓貶值，令阿信屋入貨成本下降咗，加上日圓應該會喺低位徘徊一排，所以貨幣優勢應該可以Keep到下，當然，升得咁急，心血少嘅投資者建議獲利先，但長線嘅投資者，要考慮嘅並唔係咩價位走，而係要揸到林生退位先沽貨都未遲！好啦，今期想介紹嘅係敏華控股（01999.HK），集團中生產高檔傢具產品，睇返集團截到9月底嘅中期業績，營業額按年跌2.47%達35.93億元，但毛利方面則按年上升12.46%達15.34億元，而純利方面就按年大升43.94%達8.84億元，業績反映出集團營業額雖然微微下降，但控制成本方面成績非常優秀，足以抵消到北美市場經濟疲弱所帶來嘅收入影響，業績更再創新高，集團早前同HOME GROUP達成合作協議，未來日子可以利用HO...

財經快訊

井噴上升

2016-12-5 18:00:19

1 2 3 4 5

熱門專欄

【天下第一倉】高山行：點止批股咁簡單！

文化傳信(00343.HK)呢隻股已經沉寂好耐，不過近期似有大部署醞釀，誘發點是透過批股予一個國開集團高層，使其成為最新大股東，一切看來將有大事發生，批股後股價最高湧過上0.355元，其後回到昨日的0.25元之位，又係上車好時機，中長線最少應有條件上番4、5毛水平的大橫行區！ 0343早前剛公布向獨立第三方滕榮松發行2.78億新股，相當於擴大後股本16.66%，每股作價0.15元，認購總額4,170萬元，完成後，其持股更蓋過了現大股東L&W Holding的16.27%水平，所以可視為股權易手第一步。滕榮松為個人投資者，於投資方面擁豐富經驗，事實他一直是國開集團重心人物，早於1995年中、即20多歲時已開始在國開辦事，至2002年9月任職國家開發銀行信息中心網絡處，其後不斷升遷，至今已成為國開金融投資總監、及隆鑫通用動力股份有限公司董事！所以，滕氏不僅有投資金融業經驗，還有國開集團背後撐腰，今次以個人身份入股0343成為最新大股東，點會只係投資一家上市公司咁簡單！？事實上，0343多年來都曾求大變身，其中在2016年5月更由雲鋒金融策動注資收購，涉及由文傳以不多於38.75億元收購英超的中國及澳門播放獨家權，其中部份以可轉換票據支付，但由於播放權方面出現變數，令為時7個月的注資部署告終，股價亦自此反覆大尋底，一去不返。直至如今，集團主業仍只為出版及知識產權授權、數碼化市場推廣、及零售與批發業務，全部都表現沉...

【天下第一倉】高山行：追價空間倍倍聲！

長期大落後股一定不要睇漏眼，其中國美零售(00493.HK)更要吼實，近日借著大批股消息回落，是為大好上車良機，以同業龍頭比較，起碼有倍倍聲升幅可期！ 0493近年不斷在轉型之中，並狠狠將部份經營未達預期的業務商譽大減值，同期加強網上業務及物流建設，近日最大爆點當然是大股東黃光裕正式歸位，他明言希望在18個月內令集團恢復原有市場地位，更好地讓美好生活成為日常。霸王歸位之前，股價已由2月初的1元多水平怒漲到最高2.55元，黃光裕話音剛落後，集團更來一次大批股，以先舊後新方式配售約22.8億新股，佔擴股後9.57%，每股配售價1.97元，集資所得44億多元。集團現主業以自營及平台方式在中國經營及管理電器、消費電子產品、百貨類零售門店及以電子產品為主的全品類在線銷售網絡，其中「家生活」戰略第二階段正落地實施，截至2月底，線上線下雙平台GMV同比增長近4倍，經營態勢良好，所以集資有利進一步全力拓展線上線下雙平台一體化業務，加速數位化本地零售的未來發展。留意這配售份已於公布翌日立刻上板，雖則先舊後新的後新部份仍待正式發行，但已意味這次批股大計已火速完成，全數一早被有心人認去，如今現價1.96元仍低於配售價水平，實在是大好上車良機。未來股價參考方面，去年中集團兩度發行共3億美元CB，行使價分別為1.255元及1.215元，這是機構投資者食胡成本位，冇倍計升幅都唔會收手，而更實在參考數據便...

【書健弘觀】楊書健：冰島破產後如何浴火重生

2008年已經在投資的讀者都可能記得冰島。當年金融海嘯席捲歐美銀行業，冰島的三間大銀行的債務總額是GDP的六倍，因此亦出現大量違約。而因為歐洲銀行都有和冰島做生意，因此又影響到歐洲銀行，甚至香港的投資者。當年冰島人甚至要移民挪威以避債。但是靠著綠能，冰島這十年卻浴火重生，成功轉型。冰島處於火山活躍帶，地熱資源豐富。港人熱愛的溫泉是一種地熱，但假如水溫夠高，人類可以用熱水推動發電機，就能像太陽能和風能一樣，生產沒有邊際成本的電力。而且地熱可以全天候廿四小時無間斷發電，不需要考慮儲電，就比太陽能和風電更簡單。冰島直至2008年的經濟都以漁農業為主，在歐洲中算不上富有的經濟體。但是自從2000年起，當地政府就一直投資地熱設施，其實到2008年金融海嘯來臨之際，當地已經建成了五座地熱發電廠，提供了當地四分之一的電力。加上水力發電，冰島的火力發電已經降至全國發電量的0.1%。另外，當地人口較少，人均產電量是全歐洲平均的三倍。因此，這幾年當地大量投資煉鋁工業。單從煉冶金屬的煉字是火字旁，就知道煉冶金屬需要大量能源，變成了煉冶工業的主要成本。因此，用無邊際成本的地熱電力煉鋁，降低生產成本，就變成了冰島的競爭優勢。到了2020年，鋁原料出口已經佔了冰島超過三成的出口額，經濟成功轉型。當然，冰島人口只有35萬，是個小型經濟體。因此冰島的出口量在全球仍然只排在十幾名，未...

【長跑深法】陳政深：尋找理由與預言

人的思考，不多不少都建基於理性，因此人很難牢記一些無邏輯可言的字串，亦因此人總會較易接受合其理解邏輯的事實。最簡單的例子，是跌市（又或是空倉遇上升市），很多人第一反應是「跌乜？」、「點解？」港股上日早上由升轉跌，很多人會歸咎財政司司長陳茂波「不排除進一步提高印花稅」的言論，雖然此可能是媒體手民之誤，又或者是波叔失言，但市場早已將「加印花稅」與「跌市」掛鉤。很多投資者習慣性地將分析師（又或是期望自己）是一個預言家，甚至將偶爾方向大錯的分析師或KOL視作明燈——戲言可以，真將之視為交易依據，相信會輸得很慘。基本上，企圖去預測未來，屬於術數的範疇，投資是分析、展望、反應的一連串動作，我們要做的，是為變幻莫測的世事，作出資金調配上的回應，而非預測未來，更非金田一上身尋根問底。因此，紀律在投資上極為重要，穿位止蝕、控制注碼，是風險控制的基本。恒指近日走勢反覆，印花稅只是籍口，「升得多」大概才是真正跌市的原因，相對去年第4季，環球股市目前仍然錄得升幅，而對大戶而言，一季仍然是短線操作，高位獲利部分，自可令其倉位相對輕身，這在今日買貨，期望下月便升的散戶視角，自是與股災無異。儘管新經濟類股份未來仍值得看高一線，投資組合內仍不可沒有防守類股份。筆者過往亦提及過豐盛服務集團（00331.HK）。公司屬新世界系，本身從事機電業務，後來進行過數次收購，逐步發...

【魚樂無窮】唐牛：三個好消息太興博爆邊

太興（06811.HK）日前公佈盈喜，預期去年盈利按年增長40%至55%，原因包括控制成本及維持業務穩定，包括與業主及供應商進行磋商及嚴控員工成本、繼續擴展其分店網絡、中港政府補貼以及未有一次性上市費用。值得留意的是，疫情下有社交距離限制，包括座位及營業時間，是故雖然有第三、四點的一次性原因，集團開源節流能力毋庸置疑。太興主打中港澳台餐飲業務，除旗艦品牌「太興」外，品牌組合還包括茶木、靠得住、敏華冰廳、錦麗等，多元化之餘更不乏人龍店。新一份財政預算案向市民派發5,000元消費券，太興變相成為政策受惠股。野村最新發表報告，認為太興純利增長有驚喜，故調高其純利預測1.65倍，以反映其復蘇動力，目標價由2.05元上調至2.5元。集團股價沿10天線向上爬行，近日在1.85至2.1元區間整固，隨着疫情數字持續下跌，配合盈喜及消費券刺激，呢轉博破位爆上2019年高位2.25元，已有逾一成水位，下方以1.85元做止蝕。唐牛 fb︰www.fb.com/tongcow88 YouTube︰Https://www.youtube.com/cHannel/UCLwEpfQ6w1d-MUVlAS86QcQ