登入

即買即中 魏力(逢周五)

【即買即中】下季點樣睇?望實呢樣嘢!(魏力)(MAR 31)

港股季結在即,回顧首季港股表現相當亮麗,恒指升幅近12%,於亞太以至全球股市都名列前茅,是故季結也不用怎樣粉飾了,本周初基金更率先掟貨食糊,鎖定利潤應付贖回,但週三已見不少股份大反彈,反映等候低吸者眾,屬於利好因素。港股通由本週四至下周二因為清明節假期暫停,呢幾日正好考驗港股的底子,如在無北水的情況下仍能穩守,將為假期後港股注入強心針,屆時說不定能出現向上突破。近期多數推介績優股,IGG(00799.HK)在業績靚爆、北水加持下飛到上太空,樓上又無蟹貨,終於在哪實在難說,有貨的話,分段食好了,或索性減持至零成本,餘貨一路坐到尾。舉個例,有位戰友在6元跟魏力掃入IGG,持有至今未走過,賬面已賺近8成有多,當買入1萬股,賬面已獲利逾4萬元,只要沽出6,000股,已能取回所有成本,另外4,000股就是零成本了,可以無壓力坐上去,套回本金後也能作其他投資,一舉兩得。另外,近日先後推介的金山軟件(03888.HK)、中糧肉食(01610.HK)、興達(01899.HK)等等,也是績優待爆格局,密切留意!近日無意中clicK入半新股版面,看看有否異樣,魏力驚訝發現,上市時喪炒過一輪的「越棧」膳源控股(01632.HK),回氣一輪之後又上衝,昨日仲破埋頂,市值去到36億元。基本因素去睇,確是難以解釋為何炒作如此瘋狂,但如果從貨源歸邊角度去看,事情就變得合理起來。翻查權益披露,公司只有25%股份存放於CCASS,即可於市場上交易的股份。當中,首十家券商合共持股83.55%(截至本週三),即市場上的「散貨」...

2017-3-30 16:17:36

【即買即中】隱世高科技.高派息股(魏力)(MAR 24)

好多時,炒股票都會遇到一個難題:你想好悶咁去贏,定係好刺激咁去輸?炒股票梗係想贏錢,好正路係揀「悶住去贏」,但魏力發現,去到實際操作,大部份人卻是選擇後者:在市場跳出跳入,炒幾格沽出,想博回幾格買番,又再執幾格,諗起都開心。但實際情況係,短線走勢無法預測,沽出後再升幾格,忍唔住又追番,點知就開始回,賬面輸番之前所賺,一來一回,白做。為了贏錢,要忍得住悶,這個很重要,今日介紹隻睇落有點悶,但買落幾好賺的隱世高科技、高派息股畀大家:東江集團(02283.HK)。為何說其悶?打開股價圖就明白,每天成交通常不過幾十萬元,對炒家欠吸引力,但對於工作繁忙、無時間睇市的投資者,東江卻是不錯的選擇:收入、盈利穩步增長、派高息、再搭個高科技「工業4.0」概念,又有惠理基金撐場,可說攻守俱備。事實上,東江為國際知名的注塑模具一站式解決方案供應商,多家矽谷科網巨企均為其客戶,產品包括手機及可穿戴設備(如Fitbit)外殻,商業電訊設備(客戶如Polycom),汽車儀表板外殻,家用電器機身,以及數碼設備、智能家居控制裝置外殻等,涵蓋生活各個層面,故訂單相當穩定,2017年在手項目總額6.455億港元,按年增長6.9%。魏力認為,東江屬高科技股,皆因近年配合國家工業4.0計劃,將旗下廠房生產流程逐步自動化,節省人手成本之餘,亦助提升產品精密度,間接為公司爭取更多高毛利訂單。業績方面,去年純利2.05億港元,按年增長9.9%,毛利率升2個百分點至28.1%,淨利潤率升1個百分點至12.6%,在行內...

2017-3-23 17:19:22

【即買即中】趁勢收集高增長資源股(魏力)(MAR 17)

美國加息塵埃落定,理論上令企業借貸成本增加,但鑑於通脹升幅快過加息,目前實際上仍處於負利率階段,資金流出債市、進入股市的趨勢暫不會改變,更多熱錢入場搵食,更可能令股市升勢轉急,港股作為「估值窪地」,吸引中外資進場搵食,其實不難理解。港股通3月6日「換馬」後,北水加緊南下搶貨,佢哋炒股首先唔係睇盈利,而係睇品牌、睇概念、睇舵手,當然如果加上夠平,會搶得更狼。北水由於資金量大,幾億、十零億的股票唔夠裝,也可能看不上眼,要近百億或以上才啱心水,難怪美圖(01357.HK)無盈利都可炒到600億市值,IGG亦重返百億市值行列。新經濟股當旺,舊經濟股回順,是趁低收集的好機會,洛鉬(03993.HK)是魏力首選。公司去年出海併購後,已成功「升呢」成為綜合礦業公司,估值不能同日而語。至者,洛鉬收購時機極佳,幾乎以摸底價掃入靚礦,即使乜都唔做,齋賺過去一年金屬價格(銅、鈷)的升幅,已經賺到笑。銅向來對經濟增長高度敏感,中金近日報告分析,目前銅佔洛鉬利潤44%,將顯著受惠於全球經濟回穩復蘇,打穩盈利增長的基礎。然而,鈷才是洛鉬的秘密武器。鈷的用途廣泛,目前近40%消耗量用於充電電池材料,其中最主要的用途是用於鋰電池。去年併購完成後,洛鉬將成為世界頂級銅生產商和最大的鈷生產商之一,預期將受益於鈷需求的日益增長,尤其是來自電動車輛的需求,潛在回報可觀。中金報告估算,銅和鈷價格每上漲10%,將令洛鉬盈利分別增加29%及8%,該行給予洛鉬H目標價4.4元,較現價水位達55%,建...

2017-3-16 19:10:02

【即買即中】千股跌市下的一隻耀眼股(魏力)(MAR 10)

特朗普憧憬炒完,全球股市回歸基本步,望實下星期美聯儲加息,家陣利率期貨話你知,下星期係100%會加息四分一厘,美匯升番上102,人仔又貶過,港匯急速轉弱,情況是否似層相識?無錯,確實幾似去年12月的市況,每日陰啲陰啲,唔覺唔覺,個倉唔見一大截。當然,今次上到二萬四,唔少戰友都醒水食糊減磅,應該唔會太傷,但加息前風高浪急,即使有CasH在手,都建議忍幾日手,睇埋會後議息聲明點講加息步伐,先再入市不遲。中期去睇,魏力對市況仍偏向樂觀,原因好簡單:要大跌先要大升,恒指由21500點急彈至24200點,累升2700點(12.6%),斷估不算是一個大牛市,頂多是一個由經濟回穩、估值吸引帶動的修正市。無錯,資源股呢浪升得好急,所以近日亦回得好狠,捱價當然十分無癮,但卻是炒股的一部份,只要設定止蝕位,到價就斬,留得青山在,日後大時代絕對會預埋你!今次講隻剛剛新加入watcH-list的股份:元征科技(02488.HK)。呢隻股在2015大時代,憑著「車聯網」概念炒到30幾蚊,家陣塵歸塵、土歸土,得番四分一,8個幾。加入觀察名單,皆因下周五(17日)業績前,股價昨開始出現異動,成交更創今年新高,千股見紅之下,顯得份外耀眼!魏力鍾意睇盤,而元征科技個盤相當過癮,值得講吓。此股平日得幾十萬成交一日,昨日就827萬銀,某家外資大行在買買買,本身無咩特別,問題係平時成交咁疏,買盤好多時得幾千股,仲要個spread勁闊,買到一褲都係,萬一業績唔得點沽?咁大膽煲落去,當中有何意味?戰友們不妨諗諗。#即買...

2017-3-9 20:16:37

【即買即中】一個Re-rating故事的開始(魏力)(MAR 03)

美股突破21100,如入無人之境,以為港股有運行?又錯了,二萬四確係宇宙級蟹貨區,一上就鬥掟,恒指高開200幾點後由頭隊到尾,與國指雙雙形成大陰燭,日線圖相當肉酸,調整浪似未完,料下試10周線23212,距周四收市價23728尚有約500點。市況不理想,但爆升股仍然不缺,今日介紹隻陽光油砂(02012.HK)。先望圖表再解釋。ClicK張周線圖望下,過去1年形成大雙底,本周谷底超大陽燭掘起,RSI急升,MACD轉牛差,周四更造出1年最大成交,見底爆升味道出哂嚟!「兩日累升3成喇喎!仲追?」無錯,短線9RSI確係進入超買區,穩陣嘅去番4毫樓下先買,絕對合理。當然,如資金容許分幾注入,可現價先落口釘,回至4毫樓下再加注,以免股價一去絕塵。好,講番陽光油砂個故仔先。事緣公司周三出通告,宣佈位於阿爾伯塔省阿薩巴斯卡地區的West Ells,一期產油項目已實現商業化生產,並自3月1日起停止資本化會計處理,換言之該專案所產生的石油銷售收入、許可費、稀釋劑支出、運輸費及經營支出將開始在損益表中反映。WestElls的初步生產目標為每日5,000桶,根據商業化生產的定義,該項目目前已達設計產能約60%。Layman咁去講,就係經歷多年投資期,油砂項目終於投產,陽光油砂開始有收入回籠,而呢個就係估值re-rating的開始。舉個近期例子,去年鐵貨(01029.HK)鐵礦石項目公佈開始投產後,股價由不足2毫水平,飛快升至最高0.485元,升幅超過1.5倍,這就是re-rating的威力。根據此邏輯推演,陽光油砂中線仍有不俗上升空間,以去年9月高位...

2017-3-2 17:54:17

【即買即中】低調內房股 三折有交易!(魏力)(FEB 24)

不經不覺,2007年「直通車」大時代至今已是第十個年頭,當年中資股(特別是資源股)掃到飛沙劈石,今日當然不能同日而語,但北水源源不絕南下爭奪「話語權」卻是事實。就目前所見,中資先掃金融、內房、基建、資源、航運等舊經濟股做倉底,皆因估值夠平,H股較A股大折讓之餘,不少市值僅100億至300億港紙,以其財力衡量,控制場面並不困難,食夠一大批貨之後,配合市場氣氛改善,就可從容推高股價。舉個例,目前北水已持有廣汽(02238.HK)達21%股權,過去半年淨買入2億股,平均價約10.4元,目前賬面已升3成,但股價仍較廣汽A折讓53%,對大媽而言仍有不錯吸引力。阿爺力保經濟增長,再加辣打樓市機會不大,令內房股近期相當醒神,大陸人熟悉而又較落後的選擇,可留意花樣年(01777.HK)。早前農行報告計算,花樣年每股淨資產達3.5元,現價1蚊多少少,三折有交易,睇到已經流口水。銷售增長加快價殘抵買花樣年發展走得夠前,目前已全面完成基於未來移動互聯網、客戶大數據時代的業務戰略部局,成為中國領先的以金融為驅舫、社區服務為平台、開發為工具的金融控股集中,涵蓋社區金融服務、彩生活住宅社區服務、地產開發、國際商務物業服務、社區文化旅遊、社區商業管理、社區養老、社區教育產業等八大增值服務傾域。以2016上半年計,物業銷售佔總收入81%,物業管理佔13%。2016全年,集團合約銷售122.06億元人民幣,按年增長8.3%,並完成全年120億元的銷售目標。農行報告預期,集團於深圳的重建項目,將於今年成為集團銷售...

2017-2-23 18:52:33

【即買即中】神州第一號狗股 引擎啟動!(魏力)(FEB 17)

港股突破二萬四,氣勢相當強勢,但要留意的是,近兩日整體市寬(股份升跌比例)逐步轉弱,以周四為例,恒指在漲逾百點的情況下,跌股比升股多逾百隻,反映二三線近期喪炒之後,將進入回氣整固階段,魏力周三下午起亦陸續減持強勢股如舜宇(02382.HK)、丘鈦(01478.HK)、比亞迪電子(00285.HK),將部份利潤轉入較落後的股份,跟上大市節奏之餘,亦可博殘股有意想不到的收穫。閒話少說,即刻推股。周四早上在Tasty Money推介的中國飛機租賃(01848.HK),想補充幾句。此股升浪經常在業績前後出現,以2016年為例,2月中見底後,由5.8炒上9蚊,升幅55%;第二浸升浪出現在8月中期業績後,由8.5元掃上11蚊。今次業績會點?據彭博綜合券商預測,2016年中機租賃每股調整盈利將按年增長51%,至0.96元,現價預測PE剛好10倍,加上3.7厘股息率,相當吸引,周四大成交突破橫行區,9.5元吸納,先上望10.2元水平。低吸神車值博率甚高另一隻魏力稱之為「神州第一狗股」,皆因個名有「神州」,股價又長期在地板,佢就係神州租車(00699.HK)。股價大落後,當然有其原因,包括去年車隊增長緩慢、市場競爭激烈令毛利率下降等,但上月農曆年前,旗下神州專車宣佈已獲得全國首張《網絡預約出租車經營許可證》,成為第一家「攞正牌」的網上租車平台,這除代表政府規範行業的第一步,令經營門檻大為提高,競爭下降將有助毛利率回升,更確立集團的龍頭地位,或意味日後定價有上調空間。前景改善之餘,股價長期低沉亦已將不明朗因素大致反映,...

2017-2-16 20:11:04

【即買即中】買定三隻股 迎北水大時代(魏力)(FEB 10)

「大時代是否重臨?」從資金流入來講,係,並且頗有2015年2至3月的影子,當時指數慢慢上,但二三線股已經率先起動,板塊輪流炒上,而成交逐步增加,均與今次十分相似。「上次話險資南下掃港股,結果中了個大伏,今次又話養老金入市,仲有債券通,會唔會又係伏嚟架?」大時代原因並不重要,反正在量寬年代,一切都是熱錢話事,有錢掃嘢,跟就對了。內媒昨報道,內地私募基金王亞偉今年將加大港股投資力度,另亦有基金經理撰文指出,不少大型基金公司,在農曆新年前與內地潛在客戶交流,均表示對港股有極大興趣。「點解唔炒A股,而要南下掃港股?」原因不外乎港股市場夠細,你睇昨日多了200億成交,今日媒體已大肆報道,可見港股在內地私募眼中有如「細價股」,要掃起佢不過小菜一碟,目前正處於儲貨階段,股價會cHoK上落,將意志不夠堅定的投資者先震出場,之後就是戲肉了。如何部署?資金已在港的私募及大戶,毋須經港股通額度入貨,但跟風追貨者不少仍要靠港股通,故鎖定港股通可買賣股份(特別是深港通新貴,因為市值相對較細)趁低買貨,魏力認為是值博率較高的方法。今日大中細各畀一隻大家,各有優點,任君選擇。第一隻:網龍(00777.HK),市值最大(116億元),但VR教育概念十足,對喜愛炒concept的大陸人來講,啱哂!去年仲蝕緊錢,但彭博綜合券商預測,今年將扭虧為盈,炒股炒憧憬,無PE限制,真係可以任舞。股價仍在低位,downside相當有限。第二隻:和諧汽車(03836.HK),市值62億元,近期公司大舉回購,成...

2017-2-9 17:55:36

【即買即中】一隻密吸博爆上的股票(魏力)(FEB 03)

新年本欄首次與各位見面,先祝雞年戰友們長炒長勝,即買即中,行運一條龍!1月港股係威係勢,升足千幾點,板塊百花齊放,相當好炒,過年前恒指更爆穿二萬三,道指又攻陷20000心理大關,形勢似乎相當好,但近日恒指23000樓上明顯有壓力,炒指數的朋友,魏力建議大家應轉審慎。點解?且聽小弟解釋。過去5年,除2015年大時代的兩個多月,恒指大部份時間在二萬至二萬四上落,市盈率介乎10至12倍。一直唔上唔落,原因來自中國與美國。先講中國,經濟近年持續放緩,今年目標降至6.5%,頂盡都係L型橫行;中證監要清理新股「庫存」,供應源源不絕,A股確係好難大升。另一邊廂,美國經濟穩步復蘇,老特話大舉發債谷基建,但倫姨似乎一於少理照加息,兩者互為抵消之下,美國亦唔見得會歌舞昇平,仲未計中美可能爆貿易戰、以至擦槍走火呢啲衰嘢,暫時睇爆穿二萬四的機會不大,仲要等催化劑。諗來諗去,催化劑都係來自北水。之前樂觀去諗,阿爺嚴打走資,會逼使資金南下買港股避險。不過港股仍係外資主場,大媽又點會唔知,故深港通啟動後,北水一直只係細水長流咁慢慢買,就係要分段儲貨,以免大幅推升指數,引來外資做世界。人仔跌勢喘定後,大媽南下炒上落的意欲應會較避險更高,有一兩千點波幅已經好和味。以此觀之,上落市格局暫時未變。當然,恒指推上一級,在2萬2至2萬4之間上落,只要氣氛平穩,個股都可以好好玩。魏力近期逐步收集的股份之一是光宇國際(01043.HK)。公司成功由產銷鉛酸電池,轉型為生產新能源汽車的動力電...

2017-2-2 16:17:19

【即買即中】喜壓歲股 博發新年財!(魏力)(JAN 27)

歲晚收爐,總結猴年真係十級難炒,皆因炒股最重要有勢,THe trend is your friend,當2016年個trend就係無trend,自然就無friend做了,點會易搵食?「狂人」特朗普11月當選,本來諗住天下大亂,點知反而炒經濟復蘇,商品、銀行股喪炒推起美股創新高。慢七拍的港股,終於在12月尾甦醒,由21500彈番上23000。二萬三大關悶咗兩星期,周四終現突破,而魏力觀察到,今次升浪與去年大為不同。去年無論指數點挾,二三線股都有氣無力,而細股價就較旺場。相對而言,今次指數停在二萬三回氣時,各板塊股份輪流炒得好癲,接近百花齊放格局,這反映1月份基金是在入場追貨,而非單純莊家的舞高弄低,這屬於健康的升市。可以預期,新春之後,港股仍有力再爆一段,之後再定去留。揀股方面,天寶集團(01979.HK)月中發盈喜,預料2016全年純利增長45%至55%,原因有兩個:毛利率上升;智能充電器及火牛產品銷量上升。兩者均與本業有關,亦非一次性收益,應是實淨的盈喜,水份不多。天寶以生產火牛起家,上市編號1979就是公司創立年份,經歷30多年的發展,集團亦發展出無線充電器及快速充電器等高科技產品。集團主要生產工業電源及消費電源,多家國際知名的電動工具品牌,包括BoscH及Stanley BlacK & DecKer都是其客戶。盈喜後股價輾轉回落至1.5元水平,料為春江鴨食糊所致。股價過去數日重拾升軌,周三更突破盈喜前高位,走勢亮麗。仲有幾多水位?先計計數,2015全年純利1.28億港元,中間落墨,以增長50%推算2016年純利,得出1.92億...

2017-1-26 16:44:19

熱門專欄

【今日吹乜風】梁風:有人叫我小心武漢沙士引發負資產

武漢肺炎爆發,再有朋友叫我小心沙士負資產嘅事,實際上如果再發生咁嘅市況係買樓良機。2002年中原城市指數高位40.28點(見下圖),去到2003年8月頭低見31.77點,跌幅21%。但沙士一過去,2004年8月頭,樓價指數升到45.27點,比2002年高位仲要升多一成幾,比沙士低位計升幅42.49%。中原指數網址:Http://www1.centadata.com/cci/cci.Htm對比起沙士呢類一階段事件,美國重啟加息周期呢類長期因素更影響供樓人士。好彩,今年內都唔見美國有加息嘅意欲。老實講,近幾年幾條辣條影響下,買得香港樓嘅人都好有實力,再唔同1997年個個借到盡狗衝,雖然有水份,但槓桿有限。順手講個故事呃字數,小弟有親戚都係地產經紀,當年經介紹跟過某位猛人做過幾日「艇仔」,呢位猛人勁在97年近乎「空手入白刃」(零資本)炒幾層樓,97年爆煲當然中晒招,由當年過千萬身家,變欠債幾百萬。佢同我講「我差啲跳落去」,但佢冇咁做之後一路死撐跑數,到我識佢時(約2004年),佢已經還清晒。我之所以一直記住呢個猛人,一個原因係佢嘅意志力,另一個原因係佢真係好敬業,佢唔係亂吹一通呃啲客,個新盤周邊有咩交通工具、有咩設施都一清二楚,真係幫個新盤做晒功課咁去Sell樓,呢份專業亦令我印象相當深刻。可惜小弟真係對樓興趣不大,跟咗佢幾日就唔做了。所以有人話我「中樓毒」,我不嬲都唔認同。我買樓只係因為我見到個大環境要迫住買,其實我係中咗嘅係...

【今日吹乜風】梁風:要準備「別人恐懼,我貪婪」

肺炎問題真係好困擾大市,市場情緒極差,啲短炒貨都係要執執佢,減磅過年,港股試緊250天線27700點,我估最悲觀情況有機會試埋26000點。點解咁灰?武漢剛剛先封城,班人臨封城前著草晒去其他地方,即係仲有更多利淡消息未爆,26000點唔係冇機會。但睇返2003年樓市咁,樓價恐慌式插完,一冇事就會大反彈。個市咁跌法,可能真係影響咗一啲刁,傾緊賣盤嘅松齡護老(01989.HK)今日就曾經跌67%,低見0.44元,最新彈返上少少,報0.58元。同股領袖傾開計,佢有一句講得幾岩:「賣唔成都唔洗$0.44掛」;社長陳承龍都係Fb講「1989未至咁cHeap。」1989最新報0.54元,市值唔夠5億,公司真係有業務,真係唔應該咁平,都反映個市連撈底資金都少,個個唔想坐貨過年,如果有勇者,1989呢啲位真係可以撈一撈,話唔定可以成功「別人恐懼,我貪婪」。 

【牛熊薈萃】小米又急抽 新Call上場參考20622

肺炎疫情轉催嚴重,週二大市急跌800點後,週三出現反彈,恒指升355點,全日波幅約450點,大市成交金額繼續千億港元。小米(01810.HK)雖然週二要跌4%,不過週三大市造好時這隻強勢股一馬當先跑出,愈升愈有,抽升近9%,高見14港元。在週二股價向下時,北水積極吸納股份,滬深港通當日合共有超過1億6千萬港元的資金流入,投資者可留意股價會否繼續破頂。上星期五小米股價急升,價外而年期合適的小米Call輪不多,七除八扣下只剩1兌1的輪選擇,證價非常高的選擇,不過近日陸續有新的小米認購證上場,行使價沒有舊的認購證般價內,而且沒有街貨,或是更適合大家參考的選擇。如投資者看好小米,可留意週三新上市的小米認購20622,行使價13.88港元,20年8月到期,有效槓桿約4.2倍。而看好小米,又想作中線部署的投資考,牛證少受引伸波幅和時間值影響,亦是可考慮的選擇。如投資者看好小米,可留意小米牛證50317,收回價11.8港元,20年7月到期,有效槓桿約5.7倍。更多窩輪牛熊資訊:瑞銀證網站: www.ubs.com/HKwarrants窩證教學及巿況焦點短片:Https://www.youtube.com/cHannel/UCKw86qy4eBAInmd52MND45Q?view_as=subscriber瑞銀亞洲股票衍生產品銷售部本產品並無抵押品。 如發行人無力償債或違約,投資者可能無法收回部份或全部應收款項。筆者為UBS AG的代表(作為證監會持牌人),並未持有相關上市公司的任何財務權益。本資料由瑞銀刋發,其並...

【股場放大鏡】歐陽風:小米中芯炒上的真正理由

武漢肺炎對股市影響只有兩日咁大把,周三A股及港股都先跌後回穩,港股大幅反彈逾300點。睇清楚股票表現,會發現指數升咁多,靠的是科技股,加上久未炒過的中移動(00941.HK)大升超過3%所致。另外中資科技股升得好唔尋常,尤其小米(01810.HK)同中芯(00981.HK),背後應有故仔。 由於中國與美國簽署首階段貿易協議之後,極需要出口賺外滙去買美國貨,因此要靠中資企業擴大出口賺滙。近日喪炒的小米,由於平價手機在東南亞、印度、南美、非洲都有市場,國家很大可能會全力支持小米大規模擴產,填補華為在手機市場出現的缺口。 事實上,華為手機即使功能再好,無得下載FACEBOOK等社交媒體,無得用GOOGLE APP,已經成為一部廢機,對海外用家而言只具通電與拍照功能。小米手機完全可以在華為手機的缺口作出填補,而且除了低價手機,亦可以生產埋高功能手機,擴大品牌效應。 中芯係另一個故事,由於美國對高科技晶片作出有限度出口,中國要靠自行生產芯片,去應付大量手機及科技產品出口,實際上中國亦無其他選擇,全部向南韓三星採購,益咗人亦令本國晶片商長期無法振作,倒不如先壯大中芯,再靠中芯加強研發開支,所謂做大做強。 兩隻股票今年表現一定唔會差,如果怕跌市咪買少少熊證做對沖,或者沽啲消費類股,以防內地疫情擴散影響大市。

【魚樂無窮】唐牛:跌市不可怕,最可怕嘅係……

恒指昨日由頭沽到落尾,埋單大跌810點,連28000大關都穿埋。壞消息可謂一籮籮,包括武漢肺炎持續擴散、穆迪調低香港評級,以及騰訊(00700.HK)主席馬化騰突然減持。從另一角度出發,恒指由去年12月初26000點,反彈至近日的超越29000點,累積升幅逾3,000點,大調整又變得合情合理。跌市難免要損手,不過如果拉闊嚟睇,現水平依然贏大鑊,只是賬面利潤減少,所以毋須自亂陣腳。還有,現今科技發達,消息流通極快,有心人或會利用部份人的負面情緒圖利。最簡單就係製造faKe news,然後在WHatsapp流傳,再將大市壓低,所以接收到不明訊息,切忌照單全收,一定要做fact cHecK,最怕誤信流言做錯決定,蝕底嘅就係自己。收到不少查詢,離不開追揸沽策略,由於各人倉位、承受風險能力不盡相同,所以難有統一答案。在我自己而言,大跌市乃最佳執倉良機,先將短炒貨沽出套現,然後再低吸心儀的強勢股,例如ATM呀、5G概念股呀,由於屬低賣低買,相對容易執行,戰友們不妨參考。唐牛fb專頁Http://www.fb.com/tongcow88

專業名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風