登入

合縱連環 張秀賢

【合縱連橫】回購領展 益左基金佬(張秀賢)(第153期)

每年領展(00823.HK)公佈業績時,總會引來唔少我嘅朋友去抗義,指領展破壞屋邨嘅規劃,令好多商戶都要捱費租,從而令公屋居民都要捱貴貨,大商戶搶佔令好多市民都少左選擇。以上指控,唔少我都極其同意。公屋商場本身係政府部門嘅規劃,係公營設施一部分,私有化、市場化雖然幫到佢地改善成個環境,但牟利至上嘅方針都會令到公營商場逐漸變質。公屋居民同政黨代表嘅聲音,並唔係完全冇道理。不過,有一句說話,我總係覺得好刺耳,就係「回購領展」,因為呢件事執行上完全行唔通。當年領匯2005年上市,政府係一股都冇持有,成個房地產信託基金上市12年,直頭入埋藍籌,市值超過1500億港元。如果要回購,咁就最少要講緊50%溢價,即係坐底2300億先可以全數買返。當然,畀左呢個價出來,唔代表一定政府私有化成功,都仲要睇一班股東會唔會支持。當外面一班政黨不斷提出要回購領展,你估基金佬會唔會繼續抬價,去迫政府買貴貨先?最後埋單找數,分分鐘要用成3000億,一間領展,值唔值呢個價?同樣幾千億,政府其實可以做好多野,例如重新搞返公營商場、公營街市同墟市,為社區街坊服務。真正去解決領展問題,其實係要有競爭著手,令領展唔能夠再好似今日咁,享受到獨市生意嘅地位。今日領展變賣商場,其實有幾點留意,第一係領展有相當大資金需要去做新併購,第二係領展有好多商場、停車場資產回報麻麻想套現,將新資金換取更大回報,第三係領展開始轉型去做更區域性嘅房地產信託基金。政府其實可以趁領展有資金需要,針對地...

2017-12-5 22:30:12

【合縱連橫】馬會眼中嘅肥豬肉(張秀賢)(第152期)

喺八十年代嘅港英時期,嗰時政圈就流傳過一個故事,就話前港督麥理浩(即係大搞公屋、設立ICAC個位)喺政府會議上,就重提一句喺港府內部同英資之間流傳嘅說話:「實際統治香港嘅,係馬會、怡和、滙豐同港督府,排名不分先後。」大家由呢個就睇得出,馬會喺香港建立嘅影響力幾咁鞏固同穩定。最重要嘅連結,就係馬會個會籍,因為呢個會籍係要靠馬會嘅大董(即係董事局成員)推薦,先可以入會養馬。大家睇睇馬會個發展方針,雖然唔少收益都話自己會做慈善,但實際上就係一間以博彩同娛樂為主業嘅「非牟利」企業,每次見到新嘅投注方式出現,都總係覺得呢班人個腦只係諗緊點樣可以賺多啲錢。大家睇下個馬會服務宗旨,「令顧客百分百滿意」,就可知一二。對馬會來講,最關心嘅其實係投注額問題,而投注額本身就關乎兩件事,會籍同馬房空間。而會籍數目,其實就要睇到底馬會畀幾多空間出來,去起會所畀會員使用。依家馬會開咗間北京會所,就係為咗畀班達官貴人用。跑馬地馬場就已經搵唔到地方擴建,淨返嘅選擇就只得沙田馬場。本身沙田馬場其實冇咁大,不過2008年搞完奧運馬術項目之後,馬會就借啲倚去霸埋本身借咗香港體育學院嘅地做馬房。來緊沙田馬場旁邊,就有一塊用地來緊會空置,就係沙田濾水廠用地。政府今個星期公布,沙田濾水廠將會喺呢10年內完全搬走,市場普遍預期原來濾水廠用地市值將會超過千億元。呢塊用地本身,係喺正吐露港最南端,假如最終係用來起豪宅,售價將會接近烏溪沙一帶嘅豪宅售價。你話你係馬會,...

2017-11-28 22:15:24

【合縱連橫】國泰踢走藍籌係早晚嘅事(張秀賢)(第151期)

上星期五,恆指股務公司公佈季檢結果,舜宇光學(02382.HK)同碧桂園(02007.HK)大熱染藍,換咗嘅係昆侖能源(00135.HK)同本地薑國泰航空(又稱因管理不善而從全球最佳航空公司排名榜節節下跌的國泰航空,簡稱「因航」)。國泰(00293.HK)由八十年代尾染藍,到依家做咗藍籌三十年,三十年光景,見證住國泰起飛同衰落嘅唔同時間,由香港引以為傲嘅品牌,變成人人唾棄嘅「因航」。我依家去親台北,本身都幫襯開「因航」,諗住都叫可以儲下里數,幾方便下。不過「因航」嘅出現,就令到我開始唔太鍾意呢間公司。飛機餐事小,服務愈來愈差事大。雖然香港去台北呢個距離,同歐洲好多內陸線都好類似,唔一定要畀飛機餐。但好多時,呢啲航線就收到幾貴下,有時仲要貴過歐洲內陸機票嘅票價,如果冇飛機餐,其實都幾難講過去。當然,有時都唔只講飛機餐,更加要講整體嘅服務質素。我搭過嘅航空公司,最差嘅非港航同佢子公司HK Express莫屬。票價平,但經常delay,有次我本身係搭9點飛機離開大阪返香港,點知最後要delay到第二朝7點。呢啲航空公司,搭完真係冇下次。相比港航,「因航」似乎服務好啲,又準時啲,但相比新加坡航空、長榮、華航之類,「因航」好明顯就輸蝕啲,尤其係長途機入面,單講杯麵或其他服務,「因航」不斷cut budget,有限額咁派杯麵或服務包等等,就令大家幾不滿。即使實際可能冇乜變過,但觀感就係一切,喺呢啲位,顧客就係大晒。佢哋判咗「因航」死罪,「因航」就好難再翻身,派幾多張馬可勃羅會綠卡都...

2017-11-21 22:00:47

【合縱連橫】強積金供樓?唔好啦(張秀賢)(第150期)

上星期,謝偉俊議員喺立法會質詢時,就問財經事務及庫務局,可唔可以盡快落實容許用戶,利用部分戶口結餘去供樓畀首期。政府官員就話,自2015年起,積金局都有就呢個議題做研究,可能之後有機會落實。不過,佢地計過數,話平均用戶結餘得18萬,未必真係幫到手畀首期咁話。強積金一路都畀人叫做「強姦金」,冇乜回報但一直都畀基金佬強制收管理費,令公眾一直都覺得強積金係一件好討厭,好惡哽嘅事。相比起新加坡嘅中央公積金制度,香港嘅強積金直頭係地獄級。有啲人或者會覺得,畀用戶用強積金供首期,可能會畀到空間大家去供樓,彈性用強積金結餘。不過,畀用中央公積金買組屋嘅新加坡政府,每月要僱員僱主一共供款每月入息嘅37%,同時冇金額上限,相比香港要供10%,金額3000蚊封頂,你話香港個制度點樣比?而家新加坡政府仲要保證每個用戶,最少有政府所提供嘅2.5%每年回報,擺錢喺中央公積金戶口仲高過銀行存款,咁大家就咁都睇到,新加坡制度推呢啲點都易過香港啦。我都仲未講到,新加坡嘅樓價入息比係5倍,遠低於香港18年。講供樓,新加坡都易過香港啦。我一直都覺得強積金制度係一個死症,只要一日都仲係基金佬睇住成條數,都係代表住呢個制度完全冇得搞返好。當時推強積金制度,本身係想基金幫手投資,令用戶可以有穩定回報,最後拎到一舊大啲嘅錢退休。不過,強積金十幾年來,搞到天怒人怨,一同朋友講親強積金,除左粗口,都係得返粗口可以講。當然,推動政策來講,推動一個所有人都冇著數嘅政策,係可能比推動...

2017-11-14 21:00:41

【合縱連橫】Facebook轉會Medium?(張秀賢)(第149期)

最近FacebooK喺6個國家做緊測試,試緊專頁唔畀錢嘅情況下,消失喺News Feed之中。呢個消息一出,震驚咗超過七百萬人。喺香港來講,大部分嘅網民都有用FacebooK,FacebooK就成為咗大家溝通嘅主要工具,同時亦都變成咗MarKeting嘅主要途徑,唔少產品同品牌都投放咗資源去搞好佢哋嘅FacebooK專頁。呢個消息一傳出,最擔心嘅當然就係呢啲擺咗超多資源勁多錢嘅公司啦。有啲人睇到呢個消息,就覺得FacebooK成日改規則同演算法,屈晒用戶機,所以就蘊釀緊「移民」,由FacebooK慢慢轉會去到Medium。可能睇緊專欄嘅讀者未必知道Medium係咩,等我花少少篇幅介紹下。其實Medium唔係咩新social media平台,係2012年8月由Twitter其中一個創辦人Evan Williams發起,係一個整合線上雜誌、故事出版、社群同內容嘅網上平台,呢用戶喺呢個平台可以用類似於blog嘅形式刊載文章。有啲朋友同Medium訂左啲合作協議,更可以按view數來賺錢(雖然錢就唔多㗎啦)。當然,人人話轉會,唔通人人都想轉會咩?FacebooK依家唔單只係一間企業咁簡單,更似一個掌握所有用戶資料嘅政府。隨便一個國家嘅政府,都未必好似FacebooK咁掌握咁多人嘅資料。而FacebooK收購咗WHatsapp、Instagram之後,令到佢哋好似入咗無敵狀態咁,而家未有一間現存或潛在嘅科網企業,可以取代到FacebooK呢個壟斷地位。喺大家咁依賴FacebooK嘅時候,又點會輕易講轉會呢?尤其係香港人嘅性格,不嬲都係一窩風跟機,見到邊樣興就會跟風跟機,之前有段時間興Line嘅時候就個個用Line,...

2017-11-7 22:00:10

【合縱連橫】稅務高峰會整色整水(張秀賢)(第148期)

星期一,林鄭政府搞咗個「稅務新方向高峰會」,搵咗唔同嘉賓講者去傾未來政府嘅稅務政策。當然,喺林鄭嘅發言入面,又提到自己成功落實公司頭200萬收入稅率減到8.25%,科研開支可以得到200%-300%扣稅咁樣。老老實實,喺其他國家同地區,呢啲做法都已經做過晒,香港嘅「改革」都只係跟返晒原來嘅步伐,唔係新嘢。不過,講返真正嘅稅務改革,今日個利得稅減免,其實係做錯事。如果從政府收入而言,喺兩層稅階政策下,減下層稅加上層稅先係最普遍嘅做法,當然香港有錢,只減下層唔加上層好似仲砌到盤數,唔太影響到香港收入。但長遠角度而言,咁樣改革對長遠政府收入未必係好事。不過,好似香港咁樣整嘅企業稅制,其實都幾奇怪。如果我係林鄭,我係會咁樣改,200萬收入以下嘅企業,稅制係8.25%,200萬收入以上嘅企業,稅制係16.5%。呢個方向去做改革,就真係針對收入較低嘅中小企,而唔係劃一去減稅畀所有企業。當然,如果用呢種制度,其實200萬條線就太低,最少都應該做到1000萬呢條線。而家減咗嘅稅,每間企業都只係慳最多16.5萬,除返開12個月,連一個有少少工作經驗嘅大學生都請唔到。如果1000萬為線,配合我啱啱個建議,每間1000萬以下收入嘅企業都可以慳到82.5萬,真係可以請到幾個人幫手,又或者慳返成年嘅租。呢啲做法,就真係幫到中小企啦。少修少補,咁不如真係做返個正常啲嘅稅務改革,配合返成個經濟發展方向。要幫中小企嘅,個稅務改革就應該針對中小企,做得大刀闊斧啲,唔係做到開倉派米咁。扣稅同免稅嘅政...

2017-10-31 16:32:51

【合縱連橫】老屎忽誤港(張秀賢)(第147期)

出來做嘢打工,最怕就係撞正老屎忽。老屎忽叫得做老屎忽,好大程度因為老屎忽恃住自己資歷深,就阻頭阻勢,嫌呢樣唔得個樣唔得,新嘅就話實出事,後生嘅就話冇經驗會做錯事。喺呢班人眼中,好似只得佢哋先係正確嘅一邊,所有唔同嘅意見都聽唔入耳。相比老屎忽,有啲老前輩就好好嘅,會同你分享佢嘅經驗同故事之餘,仲會不恥下問,向後生過佢嘅人請教唔識嘅事物,同後生仔打成一片,而唔係恃住自己經驗多就「有佢講冇人講」。香港家下最大嘅問題,其實就係停喺度太耐,只係墨守成規,守住基本面,口講求創新同進步,實際就喺度原地打轉。而家好多前輩都講,而家大陸啲金融科技真係發展得好今快,搭的士、食路邊檔都只係用手機嘟一嘟,就已經畀咗錢,話好方便之餘,香港喺呢方面完全係大落後。喂啊哥,而家搞唔成呢啲技術,最大嘅責任唔係今時今日薪高糧準,喺各行業企業入面做緊中流砥柱個班中年老年人咩?幾時又變咗係仲喺處食物鏈最低層嘅後生仔責任?推動呢啲金融科技同支付工具發展,某程度令人慢慢擺脫對傳統銀行嘅依賴,你話代表傳統金融業界嘅人物,又會唔會知道呢個點呢?做創新科技,但有班嘅得利益者利益受損,呢啲人就會一路拖住呢啲創新步伐,咩都唔做住。結果去到今年,就有一個新式嘅P2P支付平台出現,睇返邊個負責搞呢個app嘅,大家咪知道點解做呢啲金融科技搞到咁慢囉。講到老屎忽嘅最大殺傷力,一定係呢班人參與香港嘅管治。由我哋嘅創科局,到運房局,都係啲外行人做返啲行內嘢,最後老屎忽性格,加埋...

2017-10-24 22:30:54

【合縱連橫】外匯基金留咁多錢做乜?(張秀賢)(第146期)

先利申:我唔係一個支持將錢亂咁用,亂咁使嘅人,我一向都係個句,應畀嘅投資同支出就畀,應有嘅福利同社會保障,都係應做就做。但儲一大舊錢,都應該有好嘅理由,同埋唔應該無了期只做股票、債券同外匯投資,更要將一定程度嘅收益畀香港人都有機會享受到。外匯基金,就係一個不斷投資,派息畀政府做收入,但冇乜實際直接對社會發揮嘅功能同影響。睇返上個月金管局公佈外匯基金8月資產值,差唔多去到4萬億港元,有1萬億係外匯基金票據同債券,另外又有接近1萬億係流動現金儲備。我當剔除晒啲有指定用途嘅數,盈餘都有成6800幾億。喺呢條數撥三分一出來,做其他嘅投資,都唔係好過份啫。上屆梁振英其實好想學新加坡咁樣,整個主權基金,金融發展局嘅成立本身就為呢樣嘢開路,不過5年都做唔到。新加坡主權基金有兩間,最出名就係淡馬錫,對外投資多,例如當年幾大中國國有銀行上市,佢有份認購,到近年入股屈臣氏,都有佢嘅身影。另一間就係新加坡政府投資公司,冇咁出名,但都係負責新加坡政府嘅海外資產。不過呢個模式下,新加坡主權基金就入股左好多新加坡國內嘅企業,例如銀行、傳媒、出版等等,某程度都係做緊集中制,令到企業要跟住國家意志去做事,情況同中國國企差唔多。香港撥錢去做投資,可以有三個用途。第一,政府可以撥1000億至1500億左右,去投資創新企業,又或者參與跨國龍頭企業嘅融資,同時利用呢筆投資去邀請呢類企業到香港設總部或分部,喺企業投資上獲得回報之餘,亦可以為本地提供就業職位。而家唔少...

2017-10-17 22:30:53

【合縱連橫】戲院熱潮(張秀賢)(第145期)

近年香港戲院市道好似愈來愈好,隨住票房數字急升,唔少新戲院開張服務大眾。而呢啲新戲院,很多都係舊戲院舊址再復辦,例如柴灣、筲箕灣等等,深水埗黃金商場、屯門市中心將來都會有戲院舊址重開戲院。依家所有戲院加埋,每星期香港戲院總票房平均都超過2000萬,有時更去到4000萬至5000萬嘅狀態。全香港所有戲院,加埋每年做緊十幾億生意,除返開依家唔夠50間戲院,每間都最少做緊二千幾萬生意,其實都真係唔錯,最少夠交租之餘,仲有錢賺。香港唔少電影院線,母公司通常都拍埋電影,或者做埋發行,做足一站式供應。不過,唔係套套電影都一定賺梗,好多其實拍出來都爛爛地,結果套戲上咗,就愈上愈縮,最後提早落幕。戲院市道好,其實更需要係啲電影質素好先得。而近年電影質素確實有提升到(除咗《戰狼2》呢類得中國人睇得明而我睇唔明嘅戲之外),好多港產(合拍)片本地總票房都收到幾千萬,而近來泰國、印度、韓國同日本電影更加口碑唔錯,最後都幫到本地戲院去做多啲生意。舊年施政報告後,發展局喺兩張地契嘅條款入面,加入要開戲院嘅條款。但係,如果等呢啲地起好樓,開商場,都要等幾年先做到。到時電影市道係點?其實冇人知。要開戲院,倒不如鼓勵現有業主可以畀舊戲院去復辦,一來慳返時間工夫,唔使再改地契去開戲院,二來可以令社區原有嘅戲院復辦,令到街坊可以增加返對社區嘅歸屬感。有啲人會覺得,開戲院只會攤薄原來戲院有嘅票房,唔一定會令到成個市場個餅大啲。開多啲戲院,其實係減少緊市民搵戲院睇...

2017-10-10 22:30:20

【合縱連橫】政府要承擔 更多住宅供應責任(張秀賢)(第144期)

之前林鄭就成立咗個土地供應小組,有唔同界別、智庫、專業人士代表,凝聚唔同意見去處理長遠土地供應問題,從而解決住屋問題。喺樓宇同住宅供應問題上,我一向都唔覺得靠私人發展商增加供應就處理到成個問題。不論係政府樓市政策,到住宅供應,政府都係要有主導角色,唔應該將責任踢晒畀私人企業。依家香港人住緊嘅單位,超過一半人口都係任喺公家嘅單位入面,公屋同居屋喺一直以來嘅住宅供應都發揮咗重要作用,構建咗上公屋,有錢買居屋,甚至私樓嘅置業階梯。即使大家高舉自由市場原則,都唔會反對香港政府係有需要興建足夠單位,畀未有安穩住所嘅香港人居住。香港住宅供應有一個怪現象,樓價愈升愈有,但單位愈來愈細。我哋樓價負擔,排名全球第一,平均要18年唔食唔著嘅時間,先可以負擔到處樓價中位數嘅單位。唔好唔記得,相比其他國家同城市,香港嘅單位係數一數二地細,所以個排名仲未反映到呢個現實。過往政府試過搞港人港地,希望限制炒賣,點知最後開售樓價連香港人都冇乜邊個買得起。以前曾蔭權年代有置安心,先租後買計劃,但搞搞下都冇咗回事。董建華時代嘅「八萬五」,唔小心撞正金融風暴,計劃唔講就唔存在。咁多年來,政府搞房屋政策決心唔夠,做事都係虎頭蛇尾多。房屋政策其實未必要咩新招,有決心,隨時間形勢做政策轉變,先至係房屋政策最需要嘅嘢。我一向都覺得,房屋政策唔使太多新招花招,起多啲公屋居屋,比其他一切更實際。依家好多嘅住宅用地,都拎咗去畀私人發展商投標,麵粉貴,麵包就更貴...

2017-10-3 22:30:30

熱門專欄

【專家點睇】Perry:進入期指轉倉高峰期

港股連日呈現反覆上落的格局,而為轉倉高峰期,下周29號為九月的期結日,相信真正的大方向會在期指結算後才會行出來。而指數仍然會比較波動,所以近期投資者只宜作短線部署和審慎控制注碼。 監管政策的風險仍需顧慮 市場仍然有一定的風險因素要顧慮,政策面變動對港股影響絕對深遠,因為在中央監管風險未明朗化之前,整體市場的投資氣氛明顯仍然偏向比較薄弱。現時就算博反彈亦需要以少量資金投放為主。 仍需要保持謹慎的心 在政策陰霾不散之下,對於中港股市展望當然有保留,以目前大市內仍充滿審慎氣氛,大市暫時該欠缺大升之條件,所以高追入之短炒切勿過勇,如持貨仍偏重者當需衡量個人的持貨能力做好風險管理。 中長期角度睇大局 但從大局方度來睇,長期升勢依然有機會已從去年3月低位21000點左右展開。所以暫時來講當前跌浪亦有可能只屬於長期升浪中的中期調整。但於現時局勢明顯反覆不定,而且淡友大戶控制了大局的情況之下,不論是短中長線投投資者,當然也不應貿然入市增持現貨。 還需耐性等待時機 雖然中期和長期新升浪不易於短期內開始,短期內呈現顯著幅度的反彈應該不太困難,問題只在於反彈浪正式開始前大市還有多大再跌空間。但當然港股市市場能否向上展開升勢,很大程度上要取決於各大重磅股及新經濟股能否重拾升勢。 ——————————————————————- 免責聲明:內容只作參考,不構成任何投資建議和邀約 筆者為證...

【置理明言】曹德明:銀行為按揭審批的「把關者們」

置業需要龐大的資金,大部份業主均以按揭方式向銀行借貸上車。根據金管局數據顯示,平均按揭貸款金額一直上升,今年6月更達到509萬創歷史新高,表示現時愈多買家以高槓桿方式上車。「借定唔借?還得到先好借!」,銀行除了向大眾傳遞正確借貸態度的教育信息,在審批按揭上,銀行亦擔當着「把關者們」的重要角色。 買家(借貸人)方面,銀行會對其作仔細的入息審查,包括審視其還款能力,即每月入息能否應付按揭供款。銀行亦會查核借貸人的信貸記錄,即過往有否逾期還款的習慣,從而判斷將來不償還貸款的風險。銀行亦會根據借貸人的工作類別(受薪僱員/自僱人士、所屬行業、固定收入/非固定收入),評估其借貸風險。此外,借貸人與銀行的關係亦是按揭審批的其中一個考慮因素,如銀行熟悉借貸人的財務實力(指若借貸人於該行設立戶口、生意往來或選用該行產品等),銀行或會以較優惠的條件批出按揭。 除了借貸人,銀行亦會對一手賣家(發展商)進行把關的工作。一般來說,發展商於建築前期或會向銀行申請融資,以獲得龐大資金完成工程。 銀行決定與發展商合作前,會透過Know Your Client(認識你的客戶)及Due Diligence(客戶盡職審查),對其作出嚴謹的背景審查,當中包括瞭解發展商的背景、政策、資金來源以及身分審查等。而近年環球經濟氣候變幻莫測,銀行對有關風險監管更為嚴謹。此外,銀行亦會對發展商進行詳細的信貸評估,...

【天下第一倉】高山行:換人兼擴陣 唔買就呻笨

繼續發掘潛力爆升好股,其中一定需在環保系列中尋找,難得見到隻首創環境(03989.HK)正慢慢標上,睇其大佈局,似乎在今、明兩年內會大快放,現價乜角度都超平,唔買都要睇實短炒機會。 3989是一家老牌環保公司,主事提供廢物處理技術及服務,專注廢物處理設施的技術開發、設計、系統集成、項目投資、顧問、營運及維護、尤其廢物轉化能源項目,最大賣點便是強勁股東背景,現由北京首創集團(600008.SH)系內公司合持67.86%股權。北京首創為國資委旗下成員,主業環境基礎設施投資及管理,包括水務工程、固體廢棄物處置及環境管理,顯然3989便是其重要的對外窗口及海外上市平台 。 多年注資重組後,業績表現已修成正果,今年上半年更大放異彩,期內收入40.05億人民幣(下同),按年增20.6%,純利2.57億元,增長34.4%,每股盈利1.8分,整體毛利率升4.8個百分點至29.2%水平,6月結止資產總額達247.32億元,同比增2.8%,並在國內儲備共73個項目(包括25個垃圾發電、7個垃圾填埋、7個厭氧處理、21個垃圾收集、儲存及輸送、9個危廢綜合處理、 2個廢棄電器拆解及2個生物質發電項目),總投資額達約177.9億元,總設計規模為年處理垃圾量約1,372萬噸及年拆解電器及電子設備量約為320萬件。上述項目已陸續進入建設和營運期,6月止,國內項目進入建設和營運期共有68個。 未來仲有大把增長空間,近期便再收購了泰來環保能源85.64%權益,後者擁河南駐...

【何車評股】何車:3.9倍PE買中海油

今年以來,紐約天然氣價格飆升88%,紐約油價大漲55%,中石油(00857.HK)大升58%,埃克森石油(美:XOM)亦漲40%,中海油(00883.HK,市值3603億元)只升12%,追落後佳選。 1)天然氣價格升幅遠在油價升幅之上,可刺激使用天然氣的行業,如技術上可行,改用石油,助長石油需求及價格,利好油股。 2)2020年(12月年結),中海油純利249.6億元人幣,大跌59%。今年上半年,營收1,102億元人幣,按年大増48%;純利333.3億元人幣,按年急升2.21倍,並已相等於去年全年的1.34倍。 預測今年多賺2.1倍 3)中海油半年結之後,國際原油7月至今均價較上半年均價高出15%,中海油下半年盈利更勝上半年。預測全年盈利770億元人幣,增長2.1倍,預測PE 僅3.9倍,歷來最低;2017年至今,中海油平均PE 11.4倍。 中石油今年預測PE 6.6倍,埃克森預測PE 13.2倍,中海油較兩者折讓極大。 4)中海油今年預測PB 0.62倍,較6年平均0.98倍折讓37%,高過中石油的0.46倍,但遠低於埃克森的1.49倍。 高息11厘 5)中海油中期股息增派50%,估計末期增幅更大。過去4年,平均派息比率62%,以此推算,今年每股派息可達1.08元人幣,股息率可達16厘,但保守計打七折,仍達11厘,折合派息比率42%。 目標11.4元 6)今年2月8日於2.39元薦買中石油(理由簡單,就是當...

【霜霜魔鏡】梁傲霜:GU 聯乘人氣角色Minions秋冬系列

大人及小朋友都喜愛的《壞蛋將門人》中的主角Minions,今個秋季,GU推出與Minions的聯乘系列,多款以Minions設計的可愛秋冬單品即將登場,一起闖進Minions古靈精怪的歡樂世界。 東京時尚品牌GU致力推廣「WEAR TOKYO NOW! 東京時尚自由,就是現在!」的品牌訊息,宣佈與備受世界喜愛的電影《壞蛋獎門人》推出特別企劃,將於下星期一 9月27日起發放一系列由人氣角色Minions設計的歡樂可愛單品,Minions 調皮的風格和每日都過得像假期般的生活方式為主題,貫徹 Minions 搞鬼特色,讓大家著得過癮,系列由秋冬必備的溫暖衛衣、舒適親膚的家居服佈滿 Minions monogram 的款式、到精緻可愛多款的小袋子等也應有盡有,設計中蘊含了不少周到的心思及現代感的細節。 如果你自認為Minions忠實粉絲,秋季將至,穿上Minions休閒裝,參加不同類型活動及生日派對等,溫馨演繹得意Minions出來,一同營造出青春活力的可愛造型,GU價錢方面繼續親民,新剪裁及新功能的新品,高質量以及耐穿,以簡單、 舒適、實用的穿搭設計滿足各種生活模式需要,合身的設計以及更舒適的穿著體驗,改良剪裁褲裝完美展示匠心之作。 梁傲霜 扮靚、養生、旅行愛好者。 愛分享,努力人生提升女性質素及優勢。 電郵:sHeungsHeung@yaHoo.com    

專業名家

何車評股 何車

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風