登入

女神軍令 米曹

【女神軍令】年度最強抽水機 《選老頂》(米曹)(第69期)

我終於去睇咗《選老頂》,無太大期望,所以算係相當驚喜。最大驚喜,應該係識笑真係好好笑,抽水仲勁過陶傑。如果你期望有深度就唔好睇了,事實上佢除咗瘋狂抽水,真係無乜意思想講,最多都只能話係明示好多緊香港政局現況,將問題用直白方式講出嚟。公投選老坐,條橋係特別嘅,但除咗呢點係唔係好有創意呢?我又唔認同,但係啲對白寫得一流,每句都抽得好盡,成齣戲零悶場。我就其實未睇過王宗堯任何演出嘅,今次嘅演出唔突出但不過不失,而杜汶澤係幾令我失望,太cHoK,唔夠放。反而成齣戲最搶眼嘅係一班叔父、黃秋生同姜皓文,真係好有江湖味道,特別係姜皓文,又型但又好深情,演出相當驚艷。嗱,呢齣戲就話黃秋生係「友情演出」,但眾所_知黃秋生同監製兼主角嘅杜汶澤以前係交惡交得幾惡嘅,但又相傳佢地因為政見相同,大家又同樣敢言所以就行得番埋一齊。我深信,政見相同而走埋一齊嘅合作先夠堅韌,但可惜香港多少政客、政治團體係因為相同政見而合作。我哋90後,成長嘅時候已經好少黑幫電影,大個咗識欣賞電影之後已經係合拍片年代,中國嘅電檢要求思想正確,黑幫係壞人壞人要有惡報,要顧呢樣嗰樣,點會拍到好電影?所以合拍片出極未都係《賭城風雲》質素嘅戲。港產片今時今日要完全唔考慮中國市場,大膽創作先做到正嘢。中國嘅電檢,係連血腥同鬼都唔可以出現,連《踏血尋梅》都要改做《踏雪尋梅》。《選老頂》其實原名叫《選老坐》,黑社會話事人一般叫「坐館」,所以老坐其實更貼切,亦絕對係更霸氣,但電...

2016-4-25 18:00:01

【女神軍令】既然遲早發生, 不如先彩排一下(米曹)(第68期)

早兩日去睇咗劇團「小劇場工作室」一齣叫《彩排》嘅話劇,故事內容講自由身編劇與太太對23條立法後嘅猜想,畫劇嘅slogan係「既然早晚都會發生,不如先彩排一下」。夫婦二人前後三次「彩排」23條立法,兩人矛盾愈揭愈多,男主角喺妻子逼迫之下,要喺追求公義以及當「逃兵」之間作決定。呢個劇團喺表演後一般都會有個小小嘅座談會,觀眾可以向導演演員發問或者畀意見,我問佢哋如果真係代入番個角色會點做?男主角有一句說話幾值得分享:「要挑戰底線,比底線行多一步,咁條線先會愈嚟愈闊。」做人做得耐,其實大概都會明白,唔行出comfort zone係唔會進步,但做香港人做得耐就會知留喺comfort zone唔只唔進步,係會死,因為個政府每日都逼緊你去死。所謂港豬,其實就係長期被圈養慣咗,養到呆頭呆腦,缺乏危機感,遇到事應該要反抗時都淨係識忍讓,仲以為咁叫做美德,自居道德高地而其實只係畀個原因自己咩都唔做。長期困喺comfort zone嘅人會同你講:「俾人強姦呀?反抗好嫁,又可能俾人打,學下享受啦,叫床叫得大聲啦開心啲HigH啲,咁個強姦犯未唔會嬲囉。喂,俾人強姦最緊要係唔好激嬲個強姦犯呀,如果唔係佢派坦克車碌_死你呀!」呢一兩年好多人都講緊世代之爭,注意係世代之爭,唔係年紀,係世代。生於70年代嘅人唔係問題,問題係到咗00年都仲活喺70年代嘅人,佢哋係拖緊成個社會後腳。90後嘅成長環境充滿競爭,離開咗學校,我哋甚至無一個comfort zone去立足,個圈細到得一點,仲談何底線?我又飛咗去大西洋……其...

2016-4-18 18:00:41

【女神軍令】無人可以抹殺《十年》嘅藝術價值(米曹)(第67期)

啱啱星期日嘅香港電影金像獎,《踏血尋梅》橫掃N個大獎:最佳男女主角、最佳男女配角、編劇、攝影, 對我嚟講,《踏血尋梅》的確係年度最高質港產片。但係, 最佳電影最後竟然係落喺《十年》手上。各位未必有睇到《十年》,畢竟唔係一部Hit嘅戲,我就略略解釋一下:《十年》係一部由五個完全唔同、故事無關連嘅影片所組成,五條片分別係郭臻導演嘅《浮瓜》、黃飛鵬嘅《冬蟬》、歐文傑嘅《方言》、周冠威嘅《自焚者》、伍嘉良嘅《本地蛋》,質素有差到我真心嬲咗嘅,亦有感動(激動)到我喊嘅。當中,《本地蛋》論節奏、劇本、演員等等,平均分係最高,但我睇得最激嘅係《自焚者》, 大概因為我覺得當中有啲情節會喺不久將來發生。故事講2025年,一個因為反23條立法而入獄嘅學運領袖喺獄中絕食身亡,其後一個身份成謎嘅支持者喺英國領事館門前自焚。影片最後影住自焚嘅嗰個人慢慢行去領事館門口,我睇得好心痛。我好怕,怕終有一日我哋嘅社會要行到去呢一步。自焚係當一啲人無能力去作出抗爭嘅時候,只能以自焚如此極端嘅方式去令幫到佢哋嘅人maKe action,例如西藏人咁,由2009年到2015年,粗略計算有122個藏人因自焚而死。大家都知道自焚同絕食一樣係非常消極嘅抗爭行為,但對於藏人嚟講,佢哋無條件同能力去作出積極嘅行動,「死」已經係佢哋最大嘅反抗。而我怕嘅,係終有一日,我地都無晒籌碼喺手,只能自焚靠外國勢力救。飛咗去大西洋,講番正題:好多人都不停咁鬧爆話《十年》無資格拎最佳電影,問我,我都覺得呢套...

2016-4-11 18:00:01

【女神軍令】做教育絕唔係打份工咁簡單(米曹)(第66期)

我終於有一個星期無睇戲,唔係無戲想睇,而係好_ 忙,忙住返母校排話劇……做咩啫,我初中開始就有做drama,校際比賽年年有獎嫁!每次番到中學都會諗起好多嘢,嚴格嚟講,我中學嘅生活並唔開心。學校功課算多,而且我係頭一兩屆334 嘅白老鼠,老師學生個個都係摸石過河,三不五時都要改課程,學生癲,老師更癲。我好好彩,一早就知自己想讀art,又好早就考到Central St.Martin 接近零條件嘅offer,升學唔算特別大壓力。不過我知自己係幸運嘅一個, 好多同學係捱得好辛苦。咁多年嚟,善良有熱誠嘅老師我遇過唔少,但_ _ 嘅都唔係無。我由細到大都好鍾意睇書,暑假一派中文書就會睇晒所有課文嗰隻。不過我好懶,成日唔交功課, 升咗高中第一份交俾新中文老師嘅長文功課,就已經係唔知乜嘢假期後嘅閱讀報告。平時睇咁多書,求其搵本嚟寫, easy job啦。記得喺長假期嘅時候,約埋另外兩個住得近嘅好朋友一齊嚟做功課…… 同埋互相參考數學功課,哈哈。假期過後,嗰位中文老師隔咗一段時間終於派番篇文畀我哋,然後講解閱讀報告應該點寫,講講下佢就開始眼金金望住我單單打打:「嗱有啲人呢,就唔好以為抄文我會唔知…… 」我脾氣咁暴燥,點忍?即時問:「你話我抄文呀?憑咩呀?」佢竟然話答我因為啲文筆唔係中學生寫得到,喂大嬸你有無帶腦番工……喺我考慮緊應該多謝佢定_爆佢嘅電光火石之間,一齊做功課嘅兩個好朋友已經彈咗起身話:「我哋睇住佢自己寫嫁啵。」、「你話佢抄,咁你攞證據囉,佢抄邊篇文呀? LinK呢?」故事嘅...

2016-4-4 18:00:54

【女神軍令】不正常麗莎:愛情面盲症(米曹)(第65期)

我又去咗睇戲。今次係發行商請睇嘅傳媒優先場,一齣stopmotion 動畫”Anomalisa”。Stopmotion 即係定格動畫…… 嗱,一般嚟講呢,現時嘅大部分電影,每一秒嘅映像係由二十四格圖像去組成嘅,調番轉嚟講,亦即係可以由映像砌番一條影片,而定格動畫就係用一齣相快速播放, 好似企鵝家族咁。一般俾小朋友睇嘅stopmotion都會用泥膠,因為易改變,同埋會無乜仔細嘅setting。但呢齣戲嘅恐怖之處,就係佢好_仔細。人物嘅表情、動作變化都非常非常像真,據講成齣戲拍咗三年,每日拍盡都只拍到兩秒貨仔。而為咗要做到咁仔細嘅面部表情變化,團隊竟然製作咗1261塊臉!無可置疑,呢部戲絕對係誠意之作。咁當然啦,我唔會因為一部戲有誠意就推薦,再有誠意都可以拍得好垃圾。電影講英國大作家中年男主喺MicHael一次去美國出差, 認識咗自卑而平凡嘅女主角Lisa,二人一拍即合,激情過後, 沒有然後。電影最特別之處,亦係男主角會睇得起Lisa嘅原因,就係喺男主角眼中,除咗Lisa,所有人都係同一個男人嘅樣、同一把男人聲。男主角突然之間認識到「世上唯一一個女人」,緊係狗衝。只係可惜亦可怕嘅係,係激情過後嘅朝早,Lisa不再anom,佢變成咗同一個人。電影乍看似係講「面盲症」,其實係講人性,而且, 非常真實同赤裸……話時話齣戲又真係有啪啪啪場面,哈! 真實嘅唔係佢嘅面盲症,事實上,真正嘅「面盲症」有兩種, 一種係認唔到人,一種係記唔到人,而電影描述嘅其實兩樣都唔準。佢講嘅係人到中年,對身邊所有人、事都失去熱情嘅寂...

2016-3-28 18:00:38

【女神軍令】有一種安慰,叫陪伴(米曹)(第64期)

我屋企有兩隻狗一隻貓一雙倉鼠,其中年紀最大,係一隻叫「毛球」嘅白色松鼠狗仔,但佢個樣同身型都完全唔似松鼠狗,比較似一隻⋯⋯啤啤熊。由小學到依家養咗十幾年,一直都有好多毛病,食咗藥好多年都斷唔到尾。全家人入面佢應該最唔鍾意我,我既唔係餵佢嗰個, 亦唔係全屋最大power嗰個,相反仲成日同佢「鬧交」。佢好衰格㗎,會匿埋喺媽媽後面吠我,但如果我抱起佢佢就會即刻收聲,狗仗人勢。兩三年前搬咗屋,唔知點解佢好鍾意喺我房張史廸仔地毯度瞓,媽媽話佢鍾意藍色,查一查先知,原來狗又真係唔係色盲,只係睇唔到紅色同綠色⋯⋯所以佢可能真係鍾意藍色。我記得當時喺暑假搬入嚟,之後我就去咗英國。我嗰時成日諗,我出咗去咁耐,間房會點呢,原封不動? 會唔會有啲似TBB劇入面啲人死咗、失蹤咗,然後家人就一直都唔會入嗰個人間房。當我開始適應英國生活、無咁掛住屋企時,媽媽有一晚突然send咗一張相嚟:毛球喺張地毯度瞓著咗。等佢「typing……」等咗五分鐘,佢終於打完呢句:「頭先入你房執嘢,佢衝咗入嚟瞓。」然後我喊住咁覆番媽媽:「由佢係度瞓啦。」狗狗當時已經十幾歲,身體差年紀大,而且比正常松鼠狗超重一倍。佢終究會死,我知我唔怕,但我怕我當時唔係佢身邊。我早幾日去咗睇《抖室》,電影係奧地利真人真事改編, 講述Joy被禁錮七年,喺第二年因姦成孕生咗個仔JacK。五年以嚟,個小朋友就係佢最珍重嘅嘢。即使個仔嘅出生係一個悲劇,但陪喺佢身邊嘅就只有個小朋友了。從JacK 出世開始,Joy 盡最大努力去...

2016-3-21 18:00:43

【女神軍令】 每個人心中 都有一個《丹麥女孩》 (米曹)(第63期)

早幾日同男朋友去咗睇《丹麥女孩》。由齣戲出有trailer 到上映,等咗接近半年。我好鍾意睇呢類題材嘅電影, 因為拍得好並唔容易。如果要仔細去分,《丹麥女孩》講嘅並唔係同性戀,而係性別認同。好多人搞唔清,其實性取向同性別認同係兩回事。一個男人覺得自己係女人,但佢都可以鍾意女人。甚至我聽過,有男人覺得自己係一個女人,但佢又鍾意用碌_嚟搞,所以佢係一個女人樣、有波有「籮」但有J嘅跨性別人。又好似我咁,我就係雙性戀嘅,即係男女都會鍾意,好girly 嘅女人都會鍾意,但我好肯定自己係女人…… er,好似係。睇完齣戲,搵番啲史實,男(女)主角Lile Elvenes喺1913年所做同致死嘅手術係子宮「移植」,而今日通用嘅男變女嘅手術(正名:性別重置手術),喺1960至1980年間所創嘅「陰莖內翻手術」,即是用本身有嘅陰莖去建造陰道,大大異於Lile 所做嘅移植子宮。真實嘅Lile,係死於器官排斥, 而電影只係簡單話佢死於第二次變性手術。當年,Lile同佢老婆Gerda Wegener搬咗去巴黎住,史實嘅Lile喺巴黎以女兒身身份示人,Gerda同佢係以女同性戀人嘅身份去生活。當時巴黎相當自由,佢哋兩個有朋友、有社交,所以電影中Lile係街俾人打係編導吹出嚟嘅。而我覺得相當重要嘅係,史實嘅Lile係某次手術中,醫生發現其實佢有對唔成熟嘅卵巢,即是話佢天生是雙性人。電影根據2000年出版嘅同名小說由英國導演改編,而小說係由美國作家根據Lile本人死咗之後,係1933年出版嘅回憶錄改編。嗱,我寫咁大篇嘢,就梗係因為齣戲值得...

2016-3-14 18:00:40

【女神軍令】FACEBOOK BLOCK 男朋友,好奇咩?(米曹)(第62期)

首先要再重申,我男朋友係大我一倍有凸嘅70後叔叔, 而我係一個90 後。可能係成長背景問題,佢嗰輩嘅男人都比較大,大男人。由佢識我無耐已經知道我喺網絡有些許知名度,男人嘛,追嗰時梗係以為自己乜都得,但個個都係追到手就愈嚟愈煩,管呢樣管嗰樣。最近有啲無厘頭到笑嘅抹黑,男朋友知道咗之後非常嬲豬,一再要我公開佢身份。佢唔明: 唔post 任何素人親友嘅相,係一種保護。我洗濕個頭,唔會想最親密嘅人都一齊受罪。啱啱過去嘅立會補選,問題去到白熱化,facebooK每出一個post 讚其他男性,我都會收到一個憤怒嘅電話。去到上星期,我終於忍唔住,blocK 咗佢。去到投票日,係大埔撞到一位男性朋友一齊派傳單, 又咁啱俾佢聽到男朋友打嚟問長問短。朋友好驚訝我竟然blocK 咗佢但又無分手,而其實,又有咩所謂?兩個人拍拖,唔係靠facebooK 去知對方生活點滴。特別係公眾人物、網絡紅人、藝人等等,係公眾平台講嘅所謂生活,有幾多成真。睇唔睇到facebooK ,真係無乜所謂。我嘅真實生活係佢,唔係facebooK。網絡其實唔易玩嫁,例如講錯一句嘢俾人cap低咗耐唔耐就會浮番上水post 咗一張相,就永遠係會係網絡世界存在。70後大男人唔熟悉網絡世界,我啲post成日都要同佢解釋好耐,潮語、高登話甚至政治嘢乜都要慢慢解釋。有時會諗,解釋完又點,佢同啲朋友又唔會講嘅。不過,原來聽佢亂用潮語都係一種情趣,Hi auntie 講咗 Hi uncle、GG 以為係good girl……次次俾我大大力恥笑完, 之後又繼續講。諗諗下終於明白,佢只係...

2016-3-7 18:00:48

【女神軍令】哪來的自信(米曹)(第61期)

話說,我早幾日深夜喺facebooK 出咗一個post,大意係新東補選只要梁天琦當選,我facebooK 就會轉性感相做pro pic 一個星期,有無靚女跟機咁。本身「丁圖社運」其實好小事,私煙BB都著校服啦係咪?但問題就係我依個status惹嚟一位身形澎湃嘅女士跟機……賤嘴朋友即刻留言: 「口下,唔好啦。」其實肥本來並不足以令人咁狠毒去正面抽擊嘅,但嗰位女士真係太有自信,自信到出post 問人XXX靚啲定自己靚啲, 大家口徑一致話XXX靚啲,佢仲好意思問人點解、話人審美有問題!一石激起千重浪,原來本身就有唔少網友私下食緊佢花生,賤嘴朋友一講大家就忍唔住強力恥笑了。係同一星期內又有一位女作者寫咗篇文,大概係話自己嘅靚令自己有偶像包袱,甚至會令人睇唔見自己嘅才華……唉,其實關公真係好忙。依種「哪來的自信」除咗見於囡囡自拍,仲有見於今次選舉。咁話說民主派有兩位熱門候選人,分別係律師楊岳橋以及大學生梁天琦,其中律師黨嘅支持者竟然就發咗狂咁攻擊藍衣激進派,仲話對方毫無勝算、係(界刂)票,真係笑到我甩牙。邊個(界刂)邊個票、邊個多票啲都未知啦,傻豬豬嚟嘅。最好笑嘅,係佢哋口氣真係好大,我都只敢講性感相,竟然有人口氣大到話「乜都得」,大佬,你哋以為自己真係贏梗嫁?選議員特別係新仔,必須「謙卑謙卑再謙卑」,因為你入唔入到去議員,個決定權並唔係你手,依個亦係「選舉」、「民主」嘅最大意義:要對選民負責。所以從來唔會有議員敢講「議到無求膽自大」,即使個心咁諗亦唔會講出口。今日你敢擺出高...

2016-2-29 18:00:54

【女神軍令】偽毒呻吟節(第60期)(米曹)

每年情人節一定會睇大台新聞,因為當日啲記者比平日更X街,特別鍾意玩人,早幾年影到有個中年男人買咗兩扎花,人哋叫住佢唔好出街佢就照出,條片大概都會loop番十年八年。今年新聞除咗又見到人買兩扎花, 另外見到有人情人節結婚。嗱,情人節結婚本身就好正常嘅,但重點係受訪者係俄國美女與毒X嘅配搭,嘩X, 簡直好似睇緊美女與野獸現實版咁。情人節仲有一樣一定要睇嘅,就係「港女呻吟」。港女呻吟有兩種,一種係偽毒,一種係偽獨。前者, 就係大叫「我單身我快樂」嗰啲,意即「快啲媾我,我今日好得閒」。後者就多數係有番上下姿色嘅女仔,喺餐廳或者高級酒店房,拎住一大扎花或者首飾加句「多謝您」。點解叫偽獨?因為你永遠唔會係張相度見到有男人出現。講起偽毒,我情人節前一日就同位偽毒男性朋友一齊出去食午飯,成餐飯佢不斷同我分享夜生活同埋最近食過啲咩女,一路聽一路心諗「人不可以貌相」。食完飯,偽毒叫我一齊去睇禮物,隨口HEA佢一句:「食完仲送嚟做咩?」然後佢好輕描淡寫咁話:「送畀另一個呀。」HI你,果然係偽毒。偽毒仔個人好有趣,成日話自己無女、問我有無女介紹、叫我介紹邊個邊個女神朋友畀佢識,但其實,條友根本唔係想拍拖,佢只係要個人「攝時間」,得閒就約出嚟食下飯又或者畀佢食下咁,唔得閒嘅隨時三五七日都無個電話仲理直氣壯話自己好忙。大佬,其實你叫雞仲實際啦。記得舊年情人節前喺有線做咗一集關於情人節嘅《周日不講理》,喺pHone in嘅時候有個男人打咗上嚟,大概就係話啲靚女...

2016-2-22 18:00:48

熱門專欄

【霜霜魔鏡】梁傲霜:春日氣息The Ritual of Sakura

還有一段時間才可外出旅遊,心中已急不可待整裝待發,加上正是櫻花盛放季節,但櫻花綻放燦爛卻短暫,幻想已墮入櫻花的香氣中,近日THe Ritual of SaKura 加入新成員,給我一個機會趁早擁抱綿綿春日氣息。 靈感源自日本傳統花見習俗,櫻花象徵新的開始,轉瞬即逝,人生猶如櫻花般璀璨,要及時捉緊當中最美的動人時光,THe Ritual of SaKura帶來甜美的櫻花香氣及清香的米奶,帶給身心煥然一新的感覺,令每天都有美好的開始,滿載喜悅歡樂。 想為家居創造獨特的芳香體驗,家居香氛噴霧結合甜美櫻花及米奶的細緻香氣,散發著夢幻般的甜美花香,讓初春氣息進駐居所,可根據房間大小,按需要均勻噴灑香氛噴霧,房間即時瀰漫春日的簇新花香,營造花香處處的氛圍。 身體乾性油蘊含96%的天然成分,能快速被肌膚吸收,讓肌膚亮澤滋養,於肌膚乾燥和敏感時,乾性油更可為肌膚補充養分,融合雅緻的櫻花和米奶的清香,帶來令人難忘的芬芳體驗,於晚上睡前開上冷氣前塗上身體滋養油,避免皮膚於冷氣下被抽乾水份,一覺醒來令肌膚更光滑亮澤。 出門前塗上Rêve de Hanami香水,以日本甜美而充滿生機的花見季節為靈感,迎接初春新開始,奶油色花束滲入玫瑰色調的花香,佐以荔 枝、梨和佛手柑的清甜果香,令前調及中調花香更鮮明突出,琥珀色的草木樸實香氣,滲出優雅的廣藿香及淡淡的香草香調,令基調更沉穩細膩,淡雅幽香,為每一天注滿正面新生力...

【書健弘觀】楊書健:疫下新習慣會如何影響房託?

拙作《疫後房託新攻略》最近上巿,是我第四本直接關於房託的著書。房託結構簡單,背後資產表現相對穩定,而且淨收入按法規需要大部份派為利息,要瞭解和分析並不困難。但是地產是經濟載體,表現反映了背後的經濟活動,因此經濟滄海桑田,地產亦會隨之而轉型。 去年至今的肺炎疫情改變了不少生活習慣,但隨著部份國家的疫情隨著接種率迅速提高,我們也許早就進入了疫情經濟的下半場。因此,就連《經濟學人》都在上週做了個專題報導,討論疫下新習慣會如何影響職場。 在這方面,地產最關注的當然是居家工作的長期影響。疫情爆發至今一年過去,我身邊的朋友有人拿了公司一筆器材費用,變成恒常居家工作;也有公司接受員工一週一至兩次在家工作;更有一些變成了相互交替的A/B隊,每週一隊在公司工作,另一隊則在家工作,減低全公司一起中招的危機。居家工作如何演變,就會影響寫字樓的整體需求。 在美國澳洲,早就因為網購發展而令到商場消費增長緩慢。今次疫情,則刺激了不少經濟體的網購發展。政府在今年一月開始公佈網購佔全港零售額的百份比。由2020年1月的3%,到了去年11月一度增長到9%,到了今年二月則仍有6%。當巿民習慣了網購,就算疫情消散亦未必會完全回到實體店。因此,這亦會影響到商場的長遠增長。 但在寫字樓和商場之外,房託其實亦是很多元化的板塊。像美國的十大房託之中,就有三隻發射塔房託、兩隻數據中心房託、...

【天下第一倉】高山行:越做越雄 鮮到無倫

中怡國際(2341.HK)上市17年來, 近5年表現突飛猛進,且股價開始有反應,現位雖已邁向3年來新高,但相對合理身價仍差好遠好遠, 多角度分析,倍升都好有資格! 2341在2004年上市, 主事研發、產銷精細化工產品,包括藥物、保健及個人護理行業採用之功能成分及中間體,精細化工產品可分三大類,為芳香化學品、天然提取物以及中間體。 2341形象優質, 繼旗下海滄廠區獲2019年國家工信部「綠色工廠」認證,及香港環保促進會2019年度「綠色企業大獎」外,更在去年初獲得香港品質保證局(HKQAA) 頒發「國際綠色融資」資格認證,並於年內完成首次綠色銀團融資。 去年業績更係近年最勁,全年營業額25.1億元人民幣(下同),按年升3.6%,純利4.08億元,升77.4%;每股盈利52.69分,派末期息5.7港仙,全年計共7.5港仙,較2019年的6.5港仙更上層樓。 集團產品廣涉日用必需品及抗疫產品,尤其在抗疫、洗滌、消毒、衛 生材料等醫用、日用必需品類別,市場需求迫切,成為業績疫下大進關鍵 。 2341旗下古雷一期第二階段,已在2020年底展開,計畫將建設多組多功能裝置以製造市場需求殷切的新功 能化學品以及「芳香及味道」的新產品組合,以加速產業發展及業務擴張,並將逐步發展成未來的產業發展、業務擴張之核心產業基地。 古雷一期以功能材料項目為主,主產高端氫化石油樹脂產品,去年第3季度落成並試產,涉衛生材料、醫療防護、汽車零件、電子產品...

【天下第一倉】高山行:五年大計 步入盛世

內需股仍是避臉勝地,內房股尤其硬淨,寶龍地產(1238.HK)在多番利好消息推動下迭創歷史新高,但市盈率、派息率及市帳率仍係可人吸引,加上又已成功分拆物管業上市,在同儕中特別顯得落後,先睇12元又如何? 1238在2009年上市以來,業績表現一直強勁,且規模漸壯,土儲分佈長三角、海南、環渤海、中西部及海西區五大區,其中更在2016年早著先鞭,在海南以10.4億元人民幣(下同)投得海南海口「環球100寶龍城」項目,另又在去年中以40.8億元收購南京商住用地,漸進又及時地提高土地儲備。 近期喜訊,則是在第7屆中國廣州國際投資年會暨重大產業項目集中籤約及投產動工儀式上,母企寶龍集團與廣州市政府簽訂500億元戰略投資協議,在《新五年規劃》將以廣州市作為重要目標市場和重點投資區域,發揮自身在商業地產與文化產業領域的綜合實力和競爭優勢,全方位積極參與廣州市的經濟發展與社會建設,在集團資源配置上予以大力支持和政策傾斜,1238身為系內香港上市公司,自然又係子憑母貴。 消息亦正正配合1238本身的5年大計,定下目標盈利年複合增長率逾25%、商場數目達100個及到2025年盈利規模為100億元,積極態度何止推動身價再上一層樓。 再睇業績,去年營業額354.95億元,按年升36.3%,純利60.93億元,大升50.8%;每股盈利147.1分,派每股末期息33港仙,毛利率達36.1%,去年底止土地儲備總建築面積為3,650萬平方米,其中正在開發建設...

【魚樂無窮】唐牛:中滙下周放榜炒番轉

中滙(00382.HK)將於4月20日(下周二)公佈截至2月底止中期業績,有跟開呢隻教育股的戰友都知道,公司透過自家增長及併購,成為盈喜的常客,今次也不例外。 早於3月的時候,已預喜中期經調整純利增長不少於30%,主要由於期內旗下廣州華商學院及廣州華商職業學院在校學生人數及平均學費的增長,以及收購的四川城市職業學院及四川城市技師學院所帶來貢獻。 另一方面,執行董事廖伊曼盈喜後連番增持,平均價介乎約7.3至7.73元,意味現水平入場,與管理層最近的成本價相若,非常安心。事實上,3月時曾以上述兩個相同理據作出推介,股價最多升約一成後便回頭,其後窄幅上落,好聽嘅就叫靠穩,唔好聽嘅就叫沉悶。不少大行一早已給予中滙兩位數的目標價,且看今次派成績表,能否成為打破橫行局面的催化劑,續以7.11元作止蝕位持有。 唐牛 fb︰Http://www.fb.com/tongcow88 YouTube︰Http://www.youtube.com/cHannel/UCLwEpfQ6w1d-MUVlAS86QcQ

專業名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風