最寂寞的無敵孫柏文| 港股策略王

最寂寞的無敵孫柏文

【最寂寞的無敵】天下無不散之筵席（孫柏文）（第110期）

2014年秋天，香港多處路面，都因有行人瞓街而封路之際。孫柏文突然收到小炒王梁心欣電話。佢話：「喂，我哋會搞份雜誌，你有冇興趣一齊？」咁我一聽到就答：「搞咩雜誌？FasHion？不過以你體型，唔通童裝雜誌？」畀佢抦完一陣之後，心欣姐就解釋話，原來資深財經傳媒人陳承龍，統領一眾最autHentic嘅年青財經傳媒人，諗住出本財經雜誌。呢本雜誌嘅名？就係你手上嗰本《港股策略王》。就係咁，我有幸從本刊嘅創刊號開始執筆，撰寫呢個「最寂寞的無敵」專欄。當然，今日忽然講埋呢啲嘢，就係因呢篇將會係我喺本欄嘅最後一篇文，之後再見。咁睇番呢廿幾個月，我真係要不但多謝《港股策略王》提供嘅稿費，更重要嘅係我未試過寫作嘅空間可以咁廣闊。內容當然我寫得好free，不過最緊要係連風格、格式，社長陳承龍都放膽畀我試。而推到最盡嗰次，就係我以連載式，一連六周咁寫點解要賣樓。亦係我本人入行撰稿超過十年，內容上最富挑戰嘅一次。而嗰輯文，到今日都仲有人喺街撞到我時提起。真係冇《港股策略王》，都唔會令我坐下認真咁諗同寫。點到好，由70年代尾、80年代初開始嘅投資大環境，將會開始劇變。嗰種全球越來越低嘅通脹（不過又唔係通縮）、貿易越來越自由、經濟越來越開放、權力集中化等，都可能結束。隨之而來，可能係滯脹或通縮兼蕭條，又或突破由08年開始，靠印、靠谷大借貸泡沫嘅迷糊，換來新景象。喺呢刻，有啲資產（港樓、美股、A股等）確實唔抵要跌。有啲（英鎊、二線城市日本樓等）則應該差不多見底或已見底...

財經快訊

最寂寞的無敵

2017-2-6 18:00:15

【最寂寞的無敵】禍不單行昨夜行（孫柏文）（第109期）

早幾個禮拜，孫柏文喺呢到寫咗篇題為「外匯市場最大（冇人講）的黑天鵝」。文中，就係講一個特朗普諗緊叫Destination Based CasH Flow Tax，花名則叫Border Tax，不過實質係個美國全國性本土銷售稅嘅新稅。講嘅原因，係如果呢個稅一但落實，所有進口貨即賣貴，而美國製造嘅出口貨，就會有退稅。一來一回，就會令入口大幅減少，出口增加。咁即令美元外流它國情況減少，美元匯率爆升。而雖然會令美國消費者要俾多好多，不過就會鼓勵工業移回美國，所以特朗普好大機會會同國會搞呢個新稅。就係因為咁，我不但建議拋空人民幣同日圓，最緊要係更身體力行咁，造咗唔少呢兩隻貨幣匯美元嘅淡倉。點知你老闆，上週，阿特朗普佢滷味接受唔知邊個傳媒訪問，忽然話：「呢個Border Tax好煩，我都係唔推啦。淨係會用啲簡單好多嘅關稅，去打入口算數。」講真，你特朗普係狂牛都好，以前美國簽落嘅協議都要遵守。簡單嘅關稅，係唔做得㗎，因為會違反世界貿易組織嘅協議。你落實啲關稅，人哋嗰啲美國入口商司法覆核，就會贏，之後推翻你啲關稅。嗰個銷售稅就唔同，世界貿易組織話到明准用呢招，所以英國、大陸等都有。咁即係有料到、准用嘅，你就放棄。冇料到兼會被推翻嘅，你就話會靠佢，咁即係唔使打貿易戰啦！佢呢句說話嘅結果係點？當然首先令美元大插插啦！而更緊要係，我見拋空日圓同人民幣最大理由冇Q咗，咪忍痛止蝕，買番晒之前拋空咗嘅日圓同人民幣，走去平倉囉！咁就俾佢打咗一大把！咁我又諗，唔打貿易戰，即係買得啲出口股啦...

財經快訊

最寂寞的無敵

2017-1-30 11:00:53

【最寂寞的無敵】鐵路優先滅亡鐵路盤神話幻滅？（孫柏文）（第108期）

南港島線通車，除非你住香港仔，如果唔係，理論上就好受惠。多唔好講，我作為一個住過港島南區幾個月嘅人，喺港鐵南港島綫通車前，最主要嘅交通路線，就係香港仔隧道。而如果要預測香港仔隧道究竟塞唔塞，準繩度直迫估一條港女心情般難測。南港島綫通車，攞黃竹坑為例，以前搭車去中環嘅時間，有如喺荃灣上車般。不過一通車，只要金鐘站聽聽話話，去黃竹坑時間等同去銅鑼灣！嗰啲喺黃竹坑一棟棟嘅舊工廈，唔通可以呎租追羅素街水平？當然，黃竹坑啲商用空間未見有特別爆前，呢啲已升咗唔少嘅舊工廈，都係等吓、觀察吓先再行動。不過，南港島線沿線嘅住宅樓盤，確實引來唔少人買。始終全港空氣最清新喺南區，搭車出中環時間又短，買得起嘅人，真係會心動。不過，自從南港島線開車後，接駁嘅金鐘站就開始出問題。每日上落班時間，乘客等車怨聲四起。等車，等好多班，港鐵甚至話金鐘站本身要落閘唔俾人入。呢個不但係唔健康嘅現象，更重要係人為政策嘅直接後果。咩政策？咪就係「鐵路優先」政策。美其名話「優先」，實際來講，根本就係「鐵路壟斷」政策。你嗰區一有地鐵，巴士、小巴全部say good bye。要去到你條線嘅使用量，超設計上限，政府先會慢慢同你研究開番幾條巴士線。死未？睇香港地圖，如果計埋人口分佈，地理上，即邏輯上，交通中心應該喺旺角。不過，一個「鐵路壟斷」政策落實後，金鐘成為成個交通網絡嘅中心兼超級樽頸位。當沙中線都通埋車，會否令今日要等四至六班車嘅情況，變成更嚴重呢？如果會，時間上，...

財經快訊

最寂寞的無敵

2017-1-23 17:00:26

【最寂寞的無敵】如何推落馬洲河套區發展（孫柏文）（第107期）

孫柏文都唔記得邊個老一代嘅商界人士，喺千禧年代初，香港經濟極低迷時講過話：「以前企喺羅湖邊境，啲燈，全部都係喺香港嗰邊。到今日，反而係深圳嗰邊燈火通明，香港嗰邊則漆黑一片。」佢講完十幾年後嘅今日，此現象更明顯。喺世界上好多邊界區，例如墨西哥、美國、加拿大、歐洲（就算未有歐盟前）各國，人嘅屋、辦公室、商店，都會起到去邊界嗰到。香港同大陸嘅邊境區就唔同，有個好多公里闊，特登唔畀發展嘅「緩衝區」。香港地少人多，樓價高企，既又唔可以填海，又唔拆舊樓，更唔可以郁啲郊野公園，呢個好多百公頃嘅冇開發地，確實奇怪。歷史因由，「緩衝區」嘅出現，當然係大英帝國、殖民地時代嘅軍事需要而出現防北方入侵。你睇到呢到，可能會問：「依家都回歸啦！防乜呀？點解仲唔攞來用呀？」冇錯，地呢味嘢，真係各門各派都有方法用。連啲左膠，都會覺得你只要好冇效率咁用，例如做社企、起公屋等，都可接受。如果係咁，點解回歸廿年，都未郁手呢？答案好簡單，因為啲特區官員弱勢。喺資訊咁發達嘅世界，好難主動推一個發展項目係可以冇阻力。因為啲人一知，就反你。而依家，政府突然宣佈話要發展呢個「緩衝區」，仲要話畀啲大陸人可免過關咁自出自入。我雖覺maKe sense，不過唔睇好呢個計畫可推行。當然，你依家唔得，唔等於將來唔得。要推就要做前期工夫。大英帝國殖民政府最勁嘅地方，就吓吓將啲政策，推出時都俾到市民感覺係「終於成功爭取！」而如要成功推行呢個落馬洲河套區發展計畫，如何解決到最反對...

財經快訊

最寂寞的無敵

2017-1-17 18:00:12

【最寂寞的無敵】還「債」的一年（孫柏文）（第106期）

理論，往往同現實脫節。而同現實脫節嘅理論，一但變成政策，加埋政府威迫權，就會衍生好多悲劇。而一個又一個嘅悲劇積聚後，就會轉化成憤怨，集結起，就會令政府改變。好彩嘅，話事嗰班只係需要臨崖勒馬、改變方向，社會穩定及佢哋嘅權力可受保留。唔好彩嘅話，人民大規模起義，將成個已證明無能嘅統治階級推翻。債，唔一定係我畀咗錢，跟住等你還。可能係你做咗啲嘢，等報應。當然，中文好過我呢啲讀國際學校大嘅人，會叫做孽。睇開呢個欄嘅人，都知孫柏文由《港股策略王》創刊之今，都鬧過好多政策。而2017年，將會係呢啲罪孽有報應之年。如非全報，只係時辰未到。睇到呢到，你可能會問：「頂！講埋啲佛偈！同投資有乜叉關係呀？唔畀個冧把過來就回水！」如果你真係咁諗，我想你冷靜先。孽呢味嘢，其實係最好炒。點解？孽，如果用牛頭角順嫂嗰句，就係有咁耐風流，就有咁耐折墮。咁你知啦，當一個人，一間公司，一個板塊，甚至成個概念都風流，仲要風流咗好耐，個價就會托咗上去啲泡沫位。而如果要還，開始折墮，捉到個轉角位，就真係特首曾蔭權嗰句，想窮都難呀！唔明？ 2016年就有個好好嘅例子。大陸多年來飛黃騰達，仲要各行各業中，以「高科技」最為風流快活。仲有，喺呢個講關係嘅社會裡，冇乜嘢比我係邊個邊個嘅同學值錢（可能得我係邊個邊嗰嘅仔能勝）。咁又搞高科技，又係一班各行業領導嘅同學，仲唔風流？冇錯，好風流，好快樂。《樂視》個樂。佢檔嘢，究竟係咪真係上市嗰part冇財困，真係冇同其他業...

財經快訊

最寂寞的無敵

2017-1-9 18:00:34

【最寂寞的無敵】外匯市場最大（冇人講）的黑天鵝（孫柏文）（第105期）

大家如果係忠實fan屎，可能知道孫柏文除咗正職做財演之外，公餘時間，會喺我有份搞嘅「獅子山學會」做公共政策研究同建議。所以，我對全球各地、型型式式嘅政策，都好有興趣。不過，喺眾多政策類別當中，有一項雖然喺全球各地都舉足輕重、影響深遠，不過我確實少睇。係乜？就係稅，特別係稅制。點解咁少睇？首先，香港不但係個低稅港，更重要嘅係香港稅制非常簡單。喺唐英年卸任，曾俊華做財政司司長後，政府更加唔鍾意用稅制去「鼓勵」某啲行為（除咗瘋狂加煙稅外）。即係呢十年來，政府都冇乜改過、用過稅制去做嘢，冇乜好特別研究。不過如果冇研究，點解今日要提呢？原因係美國特朗普當選，佢嘅共和黨控制國會，大家都知會有好多政策將會翻天覆地。而其中一個啱啱放風想推嘅政策，就係一個新嘅稅制建議，亦可以一嘢迫到人民幣對港元一對一嘅政策。冇錯，真係一嘢隊冧人民幣。咩稅？全名叫做Destination-Based CasH Flow Tax，花名則叫Border Tax。不過呢啲全部都係政治化妝，呢個稅實質係個美國本土銷售稅。特朗普係個商人，有好多商家佬朋友。傾起計時，一定講佢哋公司有乜舉動。其中，我相信特朗普多年來都會聽到佢啲朋友，將廠房外移，離開美國。而特朗普呢個堅信美國工人好得兼抵請嘅人，多年來都會聽到啲廠家將工廠外移嘅理由，唔係因啲工人唔掂，而係美國本身個稅制有份造成。如果美國開廠，賣嘢去例如日本，要交足所有美國稅項。不過如果例如英國或大陸開廠，造嘢賣去日本，則英國同中國政府會退稅。如果美國...

財經快訊

最寂寞的無敵

2017-1-2 14:00:33

【最寂寞的無敵】跌得快過人民幣的貨幣（孫柏文）（第104期）

呢條題，你第一眼睇，特別如果係追開本欄嘅fan屎，第一個反應必定係：「孫柏文！你一定又想譁眾取寵！人民幣已經跌到嚇親人！如果真係一隻跌得比人民幣快嘅貨幣，一定係啲小國！唔係委內瑞拉，就係津巴布韋！香港人都冇得炒！講來呃字數！」如果你真係咁諗，首先，我會叫你冷靜啲，唔好用，咁多感嘆號。第二，就係呢個貨幣不但跌得快過人民幣，仲要係大國貨幣，香港人都可以炒。而最緊要係，不但已跌得快過人民幣，仲要如果你係個愛港愛國嘅人，拋空人民幣、買佢跌呢個舉動，過唔到你心中嘅愛國情操，呢隻貨幣你一定拋空得好開心。咁呢隻貨幣係乜？就係日圓。雖然近乎冇人講，唯一有報導日圓呢排走勢嘅，都係嗰啲「港女旅遊新聞」，不過對上個六個禮拜，由特朗普當選後高位計，日圓匯美元已貶百分之15。匯「跌到HigH HigH」嘅人民幣，日圓都跌咗近百分之10。真係唔講，大家都可能唔知。點解日圓會咁弱？其實最重要係日央行之前嘅一個政策目標，出台時大家都覺得no big deal，因為日央行話要將日本10年期國債息率控制喺0厘或以下。咁當時大家都對呢個政策提唔起勁嘅最主要原因，係因為日本10年期國債今年好多時候都負利率，市場都幫日央行達成佢嘅政策目標。點知，特朗普一當選後，市場好似滿希望咁，覺得世界可擺脫以嘅悶氣。即唔需要再借錢畀政府時，補貼佢。結果係全球長年期，十年八載後先還嘅政府借貸，要利息先氹到啲人入局。即係如果日央行要日本10年期國債0厘，佢唔使望私人資金走去喺呢個息率買。咁日本政府仲係...

財經快訊

最寂寞的無敵

2016-12-26 13:00:26

【最寂寞的無敵】按揭的最大謊言（孫柏文）（第103期）

孫柏文寫呢篇文落筆呢刻，仲未知究竟周三（即香港時間周四凌晨）聯儲局有冇加息，又或者加幾多，更唔知佢哋嘅議息聲明嘅講話，會令市場覺得出年加息幾多次。點都好，息口走勢，上嘅壓力好大。美國五年、十年期國債利率，不但不斷上升，仲要升穿晒一啲維持咗好耐嘅阻力線。即反映借啲鎖死利息嘅長期貸款，要借新錢，將會越來越貴。喺云云香港人可以賭嘅資產裡，理論上同利息敏感度最高嘅，一定係樓。點解？原因係咁多資產類別當中，樓，借錢去買係最普遍。咁點解當利息越跑越高，樓價受壓？首先，所有潛在新買家都要重新計數，睇吓究竟利息抽升會令佢哋每月嘅供款多幾多。第二，就係已買咗樓嘅人，要供樓，每月要攞多啲出來，連帶消費力下降。當然，相信就算最傻、最天真嘅買家，當佢係借錢買樓，佢一定明利息升嘅時候，每月供款會多咗。而好多人買樓，甚至做任何決定，都會問：「Worst case scenario （最差）會點先？」咁因為上周，香港銀行同業拆息不斷上升。六周內升一倍，由0.32厘升至金融海嘯後新高嘅0.62厘。我見好多報導，都講啲按揭利息不斷升。而嗰啲做咗按揭買樓嘅人，每月還款都一齊升。但當我諗住：「嘩！如果啲人嘅供款不斷升，要斷供沽樓，樓價咪回落畀我買！」點知，啲報導都相繼話有樣嘢叫做「鎖息上限」，又或者有啲叫「封頂息率」。即係計每月供款嘅利息，原來有上限。幾高？報導話只係兩厘多啲。兩厘幾？我一見就諗，今次應該冇乜人要掟啲樓出來啦？不過我再諗：「它媽的！，咁咪玩死本刊《港股策略...

財經快訊

最寂寞的無敵

2016-12-19 18:00:06

【最寂寞的無敵】一注獨贏彩星玩具（孫柏文）（第102期）

三個禮拜前，孫柏文喺呢到寫咗篇題為「一注獨贏買俄鋁（00486.HK）」嘅文。文中，我講過話因冇人預會（起碼啲大行十九分析員冇）特朗普當選，所以喺當選後世界出現劇變時，有好多資產嘅命運會大變。好多資產價格，亦要大幅調整（講真，我最Q憎啲人價跌叫「調整」，on99。我係好正宗咁用呢個字）。就係因為咁，三個禮拜前，我就推介大家以「一注獨贏」嘅型式買俄鋁。原因有三。一，美國將會喺貿易上，強硬好多去對付大陸。二，俄羅斯由最被美國仇恨，忽然friend過打band。三，美國將會大規模減稅、大興土木、廢除監管惡法，經濟轉強，原材料需求有望上升。咁加埋，首先大陸鋁產能嚴重過盛，以前大量割喉式傾銷去美國，特朗普上台唔可以再做。鋁價升。不過俄羅斯公司唔會被要求減產，甚至受惠於減少被美國政府喺融資上搞，所以食盡鋁價升嘅着數。嗰期《策略王》出街後嘅第一個交易日，俄鋁開市賣3.07元。只要你聽聽話話，乖乖咁一注獨贏，五日後，已高見3.63元，升18%。咁上週，我就話過人民幣對美元大插插，理應最受惠嘅股票類別係，一定係出口股。所以，揀股一定係出口股。不過，嗰間公司嘅產品，又唔可以係出口歐洲、英國、日本，因為人民幣對嗰啲貨幣，不但冇跌，仲要微升。我亦話，出口股近排都係冇運行，除咗外圍經濟表現差外，仲要特朗普話美華貿易，依家係搵美國人笨，咁樣嚇死出口股。所以，要搵嘅股票，係一隻出口股，一隻產品最好只係出口去美國嘅公司，一隻連特朗普都唔會想呢個產品，回流美國本土生產嘅出口...

財經快訊

最寂寞的無敵

2016-12-12 18:00:42

【最寂寞的無敵】女神到手又如何？（孫柏文）（第101期）

2007年，即九年前，孫柏文仲係一個血氣方剛嘅後生仔。當年，忽然出現咗個女神，兄弟當中神魂顛倒，就算覺得女神流流哋，都照追。唯獨我，企埋一邊，不但冇參與，仲要大大聲喝住啲兄弟要堅持，唔好輸人兼輸陣。早排，網上廣傳一幅Instagram相。相中一男一女。女，畢業，男，著西裝企喺佢側邊。幅相，就係一位Instagram用戶名叫carmencHeng放上網，佢亦話：「他不是男朋友，卻比男朋友更親更重要。陳先生這十年一直在鄭小姐身邊，不管她多野蠻多任性，依然守護她遷就她。謝謝你，陳文俊。」2009年至今，我嗰班兄弟，都做咗「陳文俊」，對當年嘅女神不離不棄。而每次當班兄弟近乎放棄，女神又會cHoK啲希望畀佢。呢個女神，叫咩名？佢，叫「資金自由行，港股直通車」。不過，唔知係咪連最毒嘅毒男，有日都會醒，早幾日鐵定12月5日周一「深港通」開車都好，完全冇反應。我諗，我哋香港投資者，大個仔成熟啦。其實，香港人當年咁興奮嘅原因，係因為覺得可以front run啲大陸投資者。先我哋圍內炒高，跟住高沽畀國內同胞接貨。點解佢哋會高價、唔抵都接貨？一係佢哋「冇資產選擇」，焗住幫親我哋港交所買股票，一係佢哋係唔識嘢、盲流、亂買。講真，「深港通」我真係唔識睇。巴菲特曾經講過，股價長線係個磅，短線就係個投票機，呢期真係唔知嗰班「滬港通唔來、深港通先來」嘅投資者會點投，所以都係基本因素咁分析好啲。人民幣對美元大插，理應最受惠嘅股票類別，一定係出口股。所以，揀股一定係出口股。不過，嗰間公司嘅產品，...

財經快訊

最寂寞的無敵

2016-12-5 18:00:11

1 2 3 4 5 6 7

1 2 3 4 5 ...7

熱門專欄

【書健弘觀】楊書健：美國政府帶頭換車的意義

美國拜登上場一週，首先簽署的行政命令，不少都和能源政策有關，反映了脫碳的確是這屆美國政府的優先政策。其中停建大型油管影響最快，將會即時影響了油公司在美國南部的部署。但是拜登政府更進一步，宣佈將會更換為數65萬輛的政府用車，改為電動車。在2018年，美國全國有2.73億輛已注冊車輛，因此65萬輛的政府用車只是全國車輛的約0.24%，表面上未足以影響大局。但是汽車壽命很長，每年出售的車輛不多。2016年美國就賣出了630萬輛汽車，65萬輛就是一成。就算分開四年採購，亦已經是每年2.5%的新增需求。現時美國好幾家車廠都推出電動車，2021年會出現巿場上有超過40個電動車款的戰國時代。再加入政府採購，也許美國政府完成本次任期的2024年，電動車真的會佔巿場兩三成的份額。另外，電動車在歐洲的2020年巿場佔比已經超過15%，未來亦會繼續增長。像本週歐洲議會就通過撥款，支持在歐洲生產電動車的電池，希望自己掌握這個關鍵技術。再加上亞洲的發展，也許將來回看，2019年可能同時是石油和煤的需求顛峰。現代化石能源主要有三種：煤、天然氣、以及石油。煤的最大用家是火力發電廠，但太陽能發電成本下跌了八成，已經形成了趨勢，所以就算特朗普時代環保政策被忽視，煤電亦開始失去競爭優勢，在部份地區慘被撇帳。之前在本欄也有討論。至於天然氣，一方面因為頁岩氣的出現，所以成本較低。另一方面，天然氣可以提供尖峰...

【天下第一倉】高山行：騰飛池中物

科網股捱沽，但冇影響反覆尋頂大勢，其中最新獲騰訊(00700.HK)入股成為大股東的百奧家庭互動(02100.HK) ，老高在去年中已力推其絕非池中物，今次再獲大哥入股，股價大抽後步入回氣，先已突破6年多上市以來歷史新高，以最新布局而言，未來應可成就為中級科網股，現市值57億元，已肯定成為中港通囊中物，未來再升幾倍，絕對大有資格！最新引擎是，0700剛在周一宣布向2100數大股東購入共3.26億股，佔權12%，成為最大股東，公布並沒披露入股價水平，翻查資料粗計，大概是每股1.15元左右，大哥入股價平已是常態，周二當日最高扯上2.9元，之後回到2.12元現價，又係上車良機。現價計仍係十分抵玩，首先是2100於2014年4月上市，每股招股價2.15元，意即現價仍未及首掛; 其次是去年上半年中績大爆，令估值空間大大提高，期內營業額6.58億元人民幣(下同)，按年升337%，純利1.51億元，按年升644.8%，每股盈利5.71分。去年下半年業績料更佳，首先是附屬公司出售動漫業務大賺逾6,000萬元，另又成功在韓國推出手遊，旗下「奧拉星手遊」又進軍歐美地區，及「食物語」日本版更在11月3日正式登陸。換言之，單是下半年維持上半年業績推斷，全年便賺近3億元，2020年預計市盈率僅16倍，扣除半年結時手頭現金等值物加現金高達19億港元計算，實質市盈率更僅12倍，在科網手漩股中實在大大偏低。近年業務交足功課，一直為用戶創造多元化及提升遊戲內容...

【魚樂無窮】唐牛：B仔股咪走漏呢隻

近期醫字頭B仔股走勢凌厲，熱炒的藥明巨諾（02126.HK）、啟明醫療（02500.HK）、康方生物（09926.HK）全線破頂，德琪醫藥（06996.HK），昨日在大跌市下創新高，同樣值得尊重。德琪為亞太地區臨床階段生物製藥公司，專注於創新抗腫瘤藥物，雖然上市只有約兩個月時間，但已得到不少大行關注。花旗發表報告，指公司是短期內具前景的擁有低風險資產的臨床階段生物製藥公司，除成功驗證SINE化合物的治療潛力，另還擁有其他9種協同管線產品，針對多種癌症治療作用機制。該行給予買入評級，目標價32.8元。摩通亦發表報告，指集團有點對點的綜合平台，採用組合及互補的研發策略，以最大化其產品線的潛力，給予增持評級，目標價30元。在大行一輪祝福後，德琪股價亦不負眾望，本月中突破上市高位後走勢轉強，成交亦明顯轉旺，可候回試21元吸納，目標先睇25元，跌穿19元止蝕。唐牛

【長跑深法】陳政深：當掌門人成為電視台掌門人，呢隻股有得諗…

電視廣播（00511.HK）早前發出內部郵件，公佈已邀請藝人曾志偉出任副總經理兼行政政委員會特別顧問，全面負責綜藝及資訊娛樂節目，同時委任另一位藝人王祖藍為首席創意官。曾志偉的工作，包括制訂綜藝及資訊內容策略、擴闊綜藝節目市場及渠道，以及培育台前幕後接班人。電視廣播截至去年六月底，半年營業額跌了37.6%，至12.26億元，蝕2.93億元，香港電視廣播蝕逾5億元、myTV SUPER盈利跌96%、節目分銷發行少賺48.5%。股價方面，電視廣播在2020年跌了34%。曾志偉的職責，似乎就是TVB管理層對TVB問題的研判——綜藝及資訊內容策略未能吸引觀眾、綜藝節目市場及渠道不足，以及藝人青黃不接——然而，這是否問題所在？時代的推移，有時不是你我可以阻止。三十年前，大家如果想看電視，只能按時坐在電視機前，充其量安裝錄影機；但2021年，朝九晚五每天生活規律的打工仔已愈來愈少，加上踏入4G年代令串流影片更流行後，人人都可以憑手機VOD（Video on Demand），誰還會為了電視節目而趕回家看電視？韓劇、日劇、歐美劇，甚至直播打機，內容選擇多的是。偶爾看TVB，你會發覺它確是無力滿足40歲以下、大學學歷以上人士的口味，而只能局限地將陳年劇集系列複製，以及在相對年長、低學歷的圈子當中提供娛樂——但免費電視是要靠廣告的，廣告主又豈會不知道，投廣告於TVB，只能針對低消費力的客群？既然如此，正在招股的快手（01024.HK）正正...

【天下第一倉】高山行：鴻海的小平台、大角色

鴻海集團入股雲智匯科技(01037.HK)已長達5年之久，近日再於注資重啟下重現生氣，市場仍未了解其業務模式，致使估值仍大未反映，以集團在兩年多前向高管發出的授股權行使價高達1.68元之價衡量，未來起碼有過倍升幅可期。 1037前身為台和商事，2015年鴻海集團開始入股進駐，改為現名，1037並鴻海旗下富士康簽訂連串涵蓋資訊系統運營及維護服務、執行資訊科技專案，包括”B-O-O”(建設—擁有—運營)專案以及軟硬體等銷售採購，結果業績大有進步，去年上半年收入及淨利潤便分別為2.579億元(人民幣.下同)及970萬元，同比增69%及61%。新注資後，新經濟業務再度加強，而且業務又可遊走中、港、台及美市場，未來潛力無可限量。去年底最新注資再引市場關注，涉及向鴻海購入鴻海精密所擁專利、軟體組件如電腦視覺技術，及相關軟體產品源代碼、商標及功能變數名稱項目，涉資2,334萬港元，全數由1037以每股0.5港元發行4,668萬新股支付，佔擴股後6.65%。收購前，鴻海已間接持有FSK Holdings約42.33%股權，而FSK則直接持及透過Asia-IO Acquisition Fund間接持1037分別25.53%及11.04%股權，所以注資後鴻海整體佔權已提高到逾四成水平，而這個雄厚背景正是遠遠被市場忽略。新注項目主事在美國、歐洲及部分亞洲地區從事開發及營銷兩種提升視頻會議體驗或串流服務之軟件應用產品，即「Presenter」及「CHromaCam」。「Presenter」使用複雜的電腦視覺及深...