【期權投機客】書展有咩期權書好買（歐陽一心）（第82期）
唔使審喇，一睇個標題就知我想賣廣告啦。咁我都唔轉彎抹角，直接入你中路，今年我出咗兩本新書，分別係《期權投機客市場中性操盤攻略》，同埋我首本財經小說《期靈王》。兩本書完全係唔同類型，首先講咗前者先。《市場中性操盤攻略》係《期權投機客》三部曲系列嘅最後一本，開宗明義就係專講一啲不問方向都可以賺錢嘅策略。一如所有期權策略一樣，個組合本身唔難，最難嘅地方係點樣制定個策略，要理解到當中嘅邏輯先至識得點去執行。喺書入面我主要係用「季節性因素」同「高波幅連續性」兩個approacH去制定策略，對邏輯型投機者嚟講相當實用。至於《期靈王》，就係我一路都想寫嘅財經小說。有別於一般財經小說，呢個故事係講上世紀初嘅股神Jesse Livermore陰魂不散，機緣巧合上咗一個香港後生仔身上，籍此重出江湖，用期權喺香港市場上大炒特炒。故事唔止有炒賣情節，甚至有關於香港歷史鮮為人知嘅一面。真真假假穿插，同其他財經小說比根本係另一個層次。連同早一兩年出版嘅《期權投機客獲利手帳》同埋《期權投機客VIX獲利絕技》，我總共都已經出咗四本書，寫到有啲厭。而如果大家有留意開我FacebooK page，都應該知我一早有封筆嘅念頭。所以今年呢兩本書將會係我最後兩本作品，其他雜誌專欄亦都會停寫，換言之你手上睇緊呢篇文已經係我最後一期專欄。可唔可惜呢？其實對於長期讀者嚟講，我炒期權嘅套路已經非常明顯，吸收到嘅讀者一早已經吸收到，而悟性低嘅讀者其實無論睇幾多都唔會吸收到。既然係咁，我都算係功成身...
2016-7-26 18:00:56
