登入

板塊關鍵點 康思源

【板塊關鍵點】炒二綫股 做淡大股(康思源)(19/7)

【板塊關鍵點】炒二綫股 做淡大股(康思源)(19/7)大市周三再高開低走,走勢高開已預了低走,但倒跌後跌幅無擴大反而已算幾好。差的係一層一層向下,再失28000有可能跌得更深,因為始終在現水平已整固了,叫有個橫行區,如穿了應會有止蝕盤。若然破位,隨時再向下可以仍有幾千點都唔奇。如參考之前幾次熊市,維時約11個月至13個月,中途都有反彈,但歷史不會簡單重演,雖則可增加預算,但又不要太依賴。短期來看,其實大型新股招股在前,加上市況淡薄,無謂太博。不過,其實無大方向,資金在板塊間短炒,又或流入新股搵食,唔係全無機會,好似一直看好的物業管理、教育、醫藥,以及燃氣都唔差,市況一穩都識彈。思源現時只持有住中海物業(02669.HK)及楓葉教育(02954.HK)。彩生活(01778.HK)沽了後暫時未有補回,再候機會。楓葉教育拆股改了代號,食唔到剛過的反彈浪,惟有等下次。除了少數較強板塊外,體育用品及啤酒股都有機會短彈。個別焦點股如平安好醫生(01833.HK)及小米(01810.HK)都仍屬市場焦點。不過,思源自己即使炒都傾向平安好醫生。另注意小米的成交會否開始縮減,走短的要諗諗自己獲利點。新股炒供求及資金,如論長綫,思源不太偏好小米,即使股價升了也不會改變看法。記得在二綫焦點板塊搵食,搵到要食,有風吹草動要走。另外邊廂,大股暫時唔係焦點,萬一大市跌反而又被拖累。周二博了小注的騰訊(00700.HK)及平保(02318.HK)即月long put,會睇多幾日看中唔中,預期變廢紙,希望博到就有倍計回報。騰訊及...

2018-7-19 15:11:02

【板塊關鍵點】博反彈有機 再跌要識閃(康思源)

中美貿戰升級,港股又腳陣。美國特朗普政府列出新加徵關稅清單,擬對中國總值2,000億美元,逾6,000種商品加徵10%關稅,包括服裝、電視零件和冰箱等消費品以及其他高科技產品,但不包括手機等一些備受關注的產品。在時間方面,美國貿易代表署將在8月20到23日,就有關貨品清單舉行聽證會。關稅可能會在8月30日公眾諮詢結束後生效。這又會係另一關鍵日子。受消息拖累,亞太區股市普遍受壓。恒指周三最終挫370點,收報28311點。在早段其實曾跌超過600點。在操作方面,思源自己將之前恒指淡倉及騰訊(700)淡倉已全平,因為貼近上次低位,穿先再考慮部署,相反萬一反彈就無仇報,由於再很快跌穿的機會降低了,尤其恒指係做即月long put兼頗價外,如再彈很可能變廢紙,依家有錢賺應收錢先。期權唔同股票,長坐會損失時間值。另外,呢下反彈應困住不少人,再穿底有可能再下尋底。不過,樂觀看,由於已公佈新一輪加徵關稅措施,估計在8月底前未必會有太大不利消息出台,其實同上次落實加徵關稅的情況一樣,壞消息落實反而代表短期壞消息盡出,係反擊的黃金機會。因此,假如恒指做唔成雙底,反而要小心緊慎。周三恒指係做了一枝陽燭,但美中不足係低位並非近日最低位,而回升的幅度又唔係好夠,只是有得彈又好過無。首站先望上28500點,企唔穩就好大機會再穿低位。假如要博,可以留意二綫燃氣股好似天倫燃氣(1600)及中裕燃氣(3633)。至於新股小米(1810)都唔排除有機會再升,但要小心周三出了長針,唔排除係見頂。本周五及下周五都應...

2018-7-13 10:18:23

【板塊關鍵點】整固或向下突? 部署隨時再出擊(康思源)

恒指周三再跌303點,報28241點。恒指繼續在28100點之上,但假如再向下,相信28000點會失,要試27800點。事實上,牛證仍重,有機會先屠牛。然而,前路尚未算絕望,大市仍有可能在28000點至29000點間整固,暫時以這兩個關卡作為辨別方向的指標。技術上很多股份已進入超賣,但會不會反彈,實在很難說得準,因為周三的沽壓明顯很大,個別板塊的沽壓甚至較周二挫逾800點時重,投資者顯然要錢唔要貨。此外,周三人民幣滙價一度回升,但A股跌幅持續擴大,港股的表現亦受拖累下挫,而且跌得較A股深。短暫無謂再投入新資金建倉,但就考慮繼續在不同板塊及個股間換馬。思源始終選擇將少部份資金留在股市,是因為持有的物業管理及教育股未算跌得很多,而且每回穩都有反彈,意味有人沽,亦有人趁低吸納。萬一大市真的有意外驚喜築到底,這兩個板塊有機會重拾動力。不過,亦有遭洗倉的風險。醫藥股昨日就遭洗倉,石藥集團(01093.HK)急跌8.2%;中國生物製藥(01177.HK)跌5.1%。內房未止瀉,但未失早幾日低位。水泥股就仍在尋底,華潤水泥(01313.HK)跌6.4%;海螺水泥(00914.HK)跌3.6%。上周思源未有再新建淡倉,是因為預期會有反彈,可以只在上周五彈了一下,之後就乏力。接下來可能會再搵機會建淡倉,但當然要看中美貿戰的發展及市場氣氛。周五美國會對中國首批貨品徵額外關稅,中國已揚言會落實報復性關稅,由於屬重大事件,將可主導大市方向,所以如因負面消息向下突破,就會順勢追沽,內房、水泥、手機設備股會係目標。另外,想買股...

2018-7-5 10:36:57

【板塊關鍵點】別人恐懼時貪婪 但勿必太貪(康思源)

港股近日持續下跌,主要是因為A股不斷尋底,再加上內地資金緊張,北水要救自己主場,所以要抽錢走。恒指失守了2月低位,又穿了250天綫,相信已被不少人視為入熊。股市要跌到咩位?28100是一個大位,個人看即使再跌在27500至27800應有整固,這是去年底整固的支持位,亦是2016年引伸升軌支持。股市跌得多難免讓人恐慌,但思源都寫過不止一次在高位出大陰燭有機會調整,見到應避一避,跌穿了橫行區支持,已講會急跌,都應要走一走。如從最近浪頂約31500計,已跌了近3000點,會否再直插無水花?至於個股,要跌的相信已跌了,再沽的話,應係割肉。A股不斷跌,昨日在降準後再出招,將監管收費暫停。會否刺激股市?力度應不大。要看的是人民幣仲會唔會貶值,因為企業美元債務會加重,因此很多受負面影響的板塊如內房及航空等都下挫。人民幣大跌有機會引致滙兌虧損,所以不少IT(00999.HK)及紙業股等都跌。人民幣要跌幾多才夠?思源估應較上次少,因為經濟已轉型到內需,如果貶太多去幫出口,內需受損,又是得不償失,而且美元債務問題會引發金融危機。在出口與金融穩定間權衡,不能一下貶得太過份。此外,物業管理、醫藥、消費、教育是一直偏強的板塊,近幾日都要跌,昨日跌得較急。係洗倉開始,抑或最強的股都被沽,係跌浪尾聲?倉位總不能常滿,面對跌市一係換馬,而跌了下來,思源會考慮從以上幾個板塊分注吸納。要賺錢總不能高追低沽,但當然要控制好自己注碼,自己承受到風險才好。別人恐懼時貪婪,但勿太貪。康思源Email: ...

2018-6-28 9:29:07

【板塊關鍵點】勿撈中興 大市議息後行新方向(康思源)

恒指在上周五出現大陰燭後,周三又出了枝大陰燭,沿用之前的模式,恒指有機會下試30500點,如果都失守,就有機會再考驗31000點支持。思源周三在開市初段選擇了做恒指即月30000點Long put。騰訊(00700.HK)及平保(02318.HK)跌幅十分溫和,從跌市可真正試到個股的支持有多大,暫時睇係較之前好,可是港股正面臨缺水,所以再次在阻力前腳軟。A股反彈完後再跌,萬一再探底恐怕對港股很不利。從剛公佈的市場數據看,不論新增人民幣貸款或M2等都反映去槓桿持續。此外,香港同業拆息上升,亦意味香港都有資金緊張問題。在美國聯儲局議息前,港股已跌定先,倒要看看今次議息是否放鷹,因為局方有建議每次議息後都開記者會。周四大市點走?技術走勢係向淡,但議息為重大基本因素變化,隨時可扭轉形勢。因此,周三雖跌,但成交量委縮,顯示沽壓未真係算好大,相信係部份投資者在有消息前先減倉。跌勢成唔成,要聽候發落。議息要關注的重點為日後的加息路綫,從公佈經濟預測點陣圖,可估到加息會不會加快。係加三次定四次?甚至更多?美國加息及預期會影響美滙走勢,再左右新興市場股滙債表現,所以宏觀變化要望實。另外,亦要睇緊港滙,資金有無流出,甚至小型銀行會上調最優惠利率,這對股市會屬震撼彈。最後,中興(00763.HK)復牌,思源建議不要撈,因為除了罰款,高管要全部撤管殺傷力其實更大,試問一間大公司經歷全盤人事重組怎會是一時三刻可以復完?普通公司併購都會有戒心,因為做得唔好,人事起衝突會拖死公司,今次問題其...

2018-6-14 9:27:56

【板塊關鍵點】資金易位 大價強股領軍(康思源)

恒指周三繼續反彈,升165點,報31259點,再向上挑戰31500。昨日現貨最高見31332點,已將31200至31299區熊證殺了,亦殺了部份31300至31399區的熊證。重貨區如無意外會升至31600至31699區。到底向上可以升至哪個水平?參考過去三次,31500及31800是兩個很大阻力,一是再行區間,保守的可升至阻力先減倉,二是有機會突破,思源認為並非全無機會,尤其今次並不是太多人看好,但股市偏偏在穿30000後急速回升。升市往往在疑惑中誕生。在過去幾次都是在相對高位出現大陰燭後回調,唔想沽貨住,可等出現大陰燭時再撒退。如果無貨的話,又唔建議在現水平再大舉建倉,最多只好揀些強勢板塊投入部份資金,因為升可以受惠,遇着行區間止蝕都唔會太傷。大市要再升,騰訊(00700.HK)今轉一定是領軍主將,一來走勢在換馬後已轉強,周三以全日高位收,二是外圍科技股再展神勇,納指已再創新高,幾隻主力科技股如蘋果、亞馬遜、阿里巴巴等都已破頂,未破的都處高位,蓄勢待發。科技股係偏強,但又要提一提,未係如之前般強,勇態仍有待回暖,而今轉納指幾靠醫藥股拉上。香港科技股能同美國科技股對標的,只有騰訊,將來或許可加入小米,而小米要高估值上市,騰訊當然受刺激。426.5元是騰訊複式頭肩底的頸綫阻力,假如抽得穿,很可能會升返上高位,短綫也起碼吸引到技術買盤。此外,近日沽的為散戶居多,低位的貨入強手,不要低估股王的爆發力,行多50元,一點也不難。平保(02318.HK)是另一隻具值博的股,平安好醫生(01833.HK)周三急升近一...

2018-6-7 10:29:35

【長雄林仔週記】天平道合(8403)獲股壇猛人睇中(林志培)

相信大家上週有留意小弟文章的話,應該都可以係敘福樓(01978.HK)同21世紀教育(01598.HK)兩隻新股身上賺翻吾少生活費,當中前者首掛升近一倍,另外後者喺開市價1.56元去追的話,與高位仍有超過兩成水位利潤,表現絕對係有所交代,而今個星期小弟就搵咗隻正喺度招股嘅「創仔」天平道合(08403.HK)同大家分析一下落注值博率有幾高。 集團貴為內地一間綜合展覽及活動管理服務供應商,可以黎得香港上市背後當然吾少得有股壇猛人撐腰喇,無錯今次天平道合就獲得美圖公司(01357.HK)嘅董事長蔡文勝先生入股,當中股份佔上市後股權約4.99%,之不過有一點值得留意嘅係,蔡老闆今次入股並無設定禁售期,即係代表著佢本人係集團上市首掛後可以隨時沽貨,加上持股量不足5%要減持更加吾使申報,所以我地依班小股民要捉其手影可謂一啲都吾容易;跟著睇翻業務表現,集團去年業務收入按年錄得近一成的增長,但盈利方面就受到上市開支影響而錄得輕微虧損,集團主要依頼為一班國際知名汽車品牌當中包括林寶堅尼、大眾汽車等舉辦車展,所以對於內地落實七月降低進口汽車關稅,集團未來業務大有可能間接受惠! 而今次獨家保薦人就係RaffAello Capital Limited ,過往合共只得四次保薦經驗,不過往績紀錄就似乎不太理想,最近保薦嘅ZC TECH GP(08511.HK)股價更一直潛水發展,綜合而言集團基本因素以及保薦人實力都只係一般但基於名人入股效應炒熱下,預料會吸引到一班短線炒家支持,所以有意落飛嘅朋友要適當控制注碼,而掛牌後有少許利潤都要...

2018-5-31 8:30:54

【板塊關鍵點】擠擁投資要小心急跌(康思源)

恒指周三午市只跌300點左右,到收市跌約470點,競價收市位跌568點,收報30665點。成交1154億元,略為放量。恒指尾市跌幅擴大是因為A股及美股期貨也跌幅增加。消息及政策市主導,不是看基本因素,很難有主要走勢出現。從技術分析看,大陰燭跌穿了上方密集區,很大機會要下補5月第一個上升裂口,要試一試30500點。30500至30599區是牛證重貨區,如無意外在下方再低位置應會再有牛證累積。周三跌得最勁的是資源股,石油股急跌因有傳油組會增產壓油價。思源在中美貿易談判後已看淡油價,因為美國要向中國輸油,美國油公司自然敢再加大資本投資,石油及天然氣遲早都會有更大供應。因此,也Long put了中石油(00857.HK),但在周三已止賺。原因係油價唔係好肯跌,油股跌反而受市場因素影響居多。不過,思源沽的時候係早段,如到睇埋收市,仲有機會跌。雖然賺少咗,但決策永遠無得往後望,當時應做就做,如果有變化,寧願再重新部署。至於煤炭股跌,是因為監管部份要嚴控電煤價,勿出手撈。大市弱,但資金繼續炒教育及醫藥股,而且每有小調整,資金都湧入呢兩個板塊,在經過幾次湧入及累積升幅顯著後,要小心已變得過度擠擁,因為如上期講,板塊的落後股都已爆上,好似中國新華教育(02779.HK)從3.1元就急升至周三最高4.47元,升幅達44%。當然股場實際係炒無求,升勢其實可以不斷,可是要小心隨時會出現急跌,求安心可定好止賺盤。現階段思源不建議再追入,諗住長綫的要預坐貨。假如大市有較深調整,不妨趁低分注吸納航運及環保股。...

2018-5-24 9:27:40

【板塊關鍵點】領漲板塊 第二梯隊爆追落後(康思源)

恒指周三雖跌,但出了V彈,反映大市仍有力。在前3個月,大市都係在高位出大陰燭見頂,今次出陰燭後都要跌,可是低位見承接。今次從高位一震,又震出強勢股,醫藥股在回氣後再湧上,除了是受MSCI指數影響,反映出市場對前景較睇好,而且始終受外圍影響較低,又有政策加持,資金要搵地方泊,就成為爭追對象。石藥集團(01093.HK)及中國生物製藥(01177.HK)擔當領漲股,估值PE相對低的綠葉製藥(02186.HK)及東陽光藥(01558.HK)都見資金流入。另外,論近期升幅最勁的,其實要數白雲山(00874.HK),但有炒王老吉成份,炒作故事不盡相同。思源持有綠葉製藥及東陽光藥,泰凌醫藥(01011.HK)就擦身而過,等唔到那枝10%的大陽燭。同樣情況也出現在教育股,楓葉教育(1317)及新高教集團(02001.HK)等領漲,而周三整固了很久的中國新華教育(02779.HK)再升一枝大陽燭,雖然質素一般,但思源在第一枝陽燭時也追了,博開始估值追落後。不過,追落後有一定風險,要小心走位。騰訊季績符預期,收入735.28億(人民幣‧下同),按年增48%,按季增11%。非通用會計準則權益持有人應佔盈利183.13億,按年增29%,按季增5%。手遊同比及環比都增長,達217億,按年升68%,按季升28%。《王者榮耀》日活躍賬戶錄得雙位數同比增長,收入同比增長強勁。大行預期,收入同比增幅介於45%至48%之間,達到719億元至734億元盈利預期的中位數為185億元,按年增長30%。業績出了,到底市場點解讀至係重點,因為收入近預期上限,盈利近中位數,可以話好,又可以話欠驚喜...

2018-5-17 8:52:15

【板塊關鍵點】落後股有機會大復仇(康思源)

美股一直係全球股市的龍頭,升要睇佢,跌也因佢。美股自2月開始下跌,更大問題係科技股都跌,而且問題繞身,在3月FacebooK因泄漏客戶客隱及涉及選擇操控,所以股價一度急跌。不過,美股剛經過了一次季績期,雖然當中經歷了中美貿易爭拗,但亮點是科技龍頭的增長依然強勁,盈利預測亦一樣勁,隨即將擔憂一掃而空。蘋果更因為公佈1,000億美元大額回購,已升破了歷史高位。亞馬遜也破過歷史高位。個別中概股也轉強,特別是阿里巴巴,公佈季績後顯著走強,相信也有機會破頂。港股悶,但美股再出現機會,尤其蘋果、亞馬遜、阿里巴巴、FacebooK、英偉達(Nvidia)都仍可看高一綫。思源自己揀了阿里巴巴及蘋果,蘋果更係反手造好。美股很大機會再轉強,雖然短期突然大幅飈高可能未必會很大,但再突然大跌的風險降低了。A股在3050至3100築了底,而愈近月底,再大跌的機會也較低。港股要升,只有在美股及A股同步上升下才會出現,從周二及周三的走勢看,港股有初步重拾動力的跡象。恒指現時再試大三角,或上試阻力,如突破可先上望31000點。港股如重整試上一個台階,估計騰訊(00700.HK)有機會先築底。騰訊已升了兩日,下周三會出業績,在績前相信會有一定支持,而除非業績好差,否則未必會再試低位。騰訊從高位向下調整幅度其實都可達15%至30%才再回升,今次調整跌幅已有一度深度,而且不少死忠都捱不住。假如失守周二低位短綫可止蝕。若然大市回暖,今轉應升落後股,好像紙業股都係機會,因為再步入旺季,紙價亦再上調。

2018-5-10 9:26:35

熱門專欄

【今日吹乜風】梁風:有人叫我小心武漢沙士引發負資產

武漢肺炎爆發,再有朋友叫我小心沙士負資產嘅事,實際上如果再發生咁嘅市況係買樓良機。2002年中原城市指數高位40.28點(見下圖),去到2003年8月頭低見31.77點,跌幅21%。但沙士一過去,2004年8月頭,樓價指數升到45.27點,比2002年高位仲要升多一成幾,比沙士低位計升幅42.49%。中原指數網址:Http://www1.centadata.com/cci/cci.Htm對比起沙士呢類一階段事件,美國重啟加息周期呢類長期因素更影響供樓人士。好彩,今年內都唔見美國有加息嘅意欲。老實講,近幾年幾條辣條影響下,買得香港樓嘅人都好有實力,再唔同1997年個個借到盡狗衝,雖然有水份,但槓桿有限。順手講個故事呃字數,小弟有親戚都係地產經紀,當年經介紹跟過某位猛人做過幾日「艇仔」,呢位猛人勁在97年近乎「空手入白刃」(零資本)炒幾層樓,97年爆煲當然中晒招,由當年過千萬身家,變欠債幾百萬。佢同我講「我差啲跳落去」,但佢冇咁做之後一路死撐跑數,到我識佢時(約2004年),佢已經還清晒。我之所以一直記住呢個猛人,一個原因係佢嘅意志力,另一個原因係佢真係好敬業,佢唔係亂吹一通呃啲客,個新盤周邊有咩交通工具、有咩設施都一清二楚,真係幫個新盤做晒功課咁去Sell樓,呢份專業亦令我印象相當深刻。可惜小弟真係對樓興趣不大,跟咗佢幾日就唔做了。所以有人話我「中樓毒」,我不嬲都唔認同。我買樓只係因為我見到個大環境要迫住買,其實我係中咗嘅係...

【今日吹乜風】梁風:要準備「別人恐懼,我貪婪」

肺炎問題真係好困擾大市,市場情緒極差,啲短炒貨都係要執執佢,減磅過年,港股試緊250天線27700點,我估最悲觀情況有機會試埋26000點。點解咁灰?武漢剛剛先封城,班人臨封城前著草晒去其他地方,即係仲有更多利淡消息未爆,26000點唔係冇機會。但睇返2003年樓市咁,樓價恐慌式插完,一冇事就會大反彈。個市咁跌法,可能真係影響咗一啲刁,傾緊賣盤嘅松齡護老(01989.HK)今日就曾經跌67%,低見0.44元,最新彈返上少少,報0.58元。同股領袖傾開計,佢有一句講得幾岩:「賣唔成都唔洗$0.44掛」;社長陳承龍都係Fb講「1989未至咁cHeap。」1989最新報0.54元,市值唔夠5億,公司真係有業務,真係唔應該咁平,都反映個市連撈底資金都少,個個唔想坐貨過年,如果有勇者,1989呢啲位真係可以撈一撈,話唔定可以成功「別人恐懼,我貪婪」。 

【牛熊薈萃】小米又急抽 新Call上場參考20622

肺炎疫情轉催嚴重,週二大市急跌800點後,週三出現反彈,恒指升355點,全日波幅約450點,大市成交金額繼續千億港元。小米(01810.HK)雖然週二要跌4%,不過週三大市造好時這隻強勢股一馬當先跑出,愈升愈有,抽升近9%,高見14港元。在週二股價向下時,北水積極吸納股份,滬深港通當日合共有超過1億6千萬港元的資金流入,投資者可留意股價會否繼續破頂。上星期五小米股價急升,價外而年期合適的小米Call輪不多,七除八扣下只剩1兌1的輪選擇,證價非常高的選擇,不過近日陸續有新的小米認購證上場,行使價沒有舊的認購證般價內,而且沒有街貨,或是更適合大家參考的選擇。如投資者看好小米,可留意週三新上市的小米認購20622,行使價13.88港元,20年8月到期,有效槓桿約4.2倍。而看好小米,又想作中線部署的投資考,牛證少受引伸波幅和時間值影響,亦是可考慮的選擇。如投資者看好小米,可留意小米牛證50317,收回價11.8港元,20年7月到期,有效槓桿約5.7倍。更多窩輪牛熊資訊:瑞銀證網站: www.ubs.com/HKwarrants窩證教學及巿況焦點短片:Https://www.youtube.com/cHannel/UCKw86qy4eBAInmd52MND45Q?view_as=subscriber瑞銀亞洲股票衍生產品銷售部本產品並無抵押品。 如發行人無力償債或違約,投資者可能無法收回部份或全部應收款項。筆者為UBS AG的代表(作為證監會持牌人),並未持有相關上市公司的任何財務權益。本資料由瑞銀刋發,其並...

【股場放大鏡】歐陽風:小米中芯炒上的真正理由

武漢肺炎對股市影響只有兩日咁大把,周三A股及港股都先跌後回穩,港股大幅反彈逾300點。睇清楚股票表現,會發現指數升咁多,靠的是科技股,加上久未炒過的中移動(00941.HK)大升超過3%所致。另外中資科技股升得好唔尋常,尤其小米(01810.HK)同中芯(00981.HK),背後應有故仔。 由於中國與美國簽署首階段貿易協議之後,極需要出口賺外滙去買美國貨,因此要靠中資企業擴大出口賺滙。近日喪炒的小米,由於平價手機在東南亞、印度、南美、非洲都有市場,國家很大可能會全力支持小米大規模擴產,填補華為在手機市場出現的缺口。 事實上,華為手機即使功能再好,無得下載FACEBOOK等社交媒體,無得用GOOGLE APP,已經成為一部廢機,對海外用家而言只具通電與拍照功能。小米手機完全可以在華為手機的缺口作出填補,而且除了低價手機,亦可以生產埋高功能手機,擴大品牌效應。 中芯係另一個故事,由於美國對高科技晶片作出有限度出口,中國要靠自行生產芯片,去應付大量手機及科技產品出口,實際上中國亦無其他選擇,全部向南韓三星採購,益咗人亦令本國晶片商長期無法振作,倒不如先壯大中芯,再靠中芯加強研發開支,所謂做大做強。 兩隻股票今年表現一定唔會差,如果怕跌市咪買少少熊證做對沖,或者沽啲消費類股,以防內地疫情擴散影響大市。

【魚樂無窮】唐牛:跌市不可怕,最可怕嘅係……

恒指昨日由頭沽到落尾,埋單大跌810點,連28000大關都穿埋。壞消息可謂一籮籮,包括武漢肺炎持續擴散、穆迪調低香港評級,以及騰訊(00700.HK)主席馬化騰突然減持。從另一角度出發,恒指由去年12月初26000點,反彈至近日的超越29000點,累積升幅逾3,000點,大調整又變得合情合理。跌市難免要損手,不過如果拉闊嚟睇,現水平依然贏大鑊,只是賬面利潤減少,所以毋須自亂陣腳。還有,現今科技發達,消息流通極快,有心人或會利用部份人的負面情緒圖利。最簡單就係製造faKe news,然後在WHatsapp流傳,再將大市壓低,所以接收到不明訊息,切忌照單全收,一定要做fact cHecK,最怕誤信流言做錯決定,蝕底嘅就係自己。收到不少查詢,離不開追揸沽策略,由於各人倉位、承受風險能力不盡相同,所以難有統一答案。在我自己而言,大跌市乃最佳執倉良機,先將短炒貨沽出套現,然後再低吸心儀的強勢股,例如ATM呀、5G概念股呀,由於屬低賣低買,相對容易執行,戰友們不妨參考。唐牛fb專頁Http://www.fb.com/tongcow88

專業名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風