【林作文】兄弟 保證家族傳承（林作）（第118期）
只要對中國歷史有些少認識，相信大家都會知道諸葛亮係邊個——蜀漢丞相，一手撐起蜀漢半邊天嘅偉大人物。如果有讀過《三國演義》，咁大家可能會留意到諸葛亮有個呀哥叫諸葛瑾，喺東吳幫孫權打緊工。不過，應該無乜人會知其實佢哋仲有個堂細佬，叫諸葛誕。雖然無兩位呀哥咁出名，其實諸葛誕係歷史上亦都係一個著名嘅人物——「蜀得其龍，吳得其虎，魏得其狗」，狗其實就係指諸葛誕（狗在這裡意指「功狗」，意思係有功的戰將咁解，並唔係貶義）。一門三傑，認真巴閉。唔知有無讀者留意到呢？三位兄弟竟然喺一個戰亂不休嘅時期喺三個國家裡面出仕，豈不是好殘忍，要手足相殘？非也。呢種情況喺古代，尤其係世家裡面十分常見，係一種唔將所有雞蛋放喺同一個籃入面，分散投資嘅藝術。為嘅，係家族嘅傳承。諸葛瑾一脈最後斷絕，但係因為有諸葛亮同埋諸葛誕嘅存在，諸葛一家最後得以係亂世中繼續流傳落去。當然，最後諸葛一家有無出到一個諸葛紫岐就真係無從考究。類似嘅例子仲包括日本戰國世代真田家父子喺關原之戰嘅時候分別加入東軍同埋西軍，我甚至認為家香港兩位田少截然不同嘅政治取態，都有呢方面上面嘅考慮。兩邊一齊落注，幾乎可以肯定總有一方會喺最後勝利者個邊，保證家族嘅傳承，甚至可以為落敗嘅一方求情，保住性命同埋地位。加入咗西軍嘅真田信繁以及真田昌幸就係因為得到真田信之向德村家康求情而最後保住一命。當然，呢種情況離我哋呢啲升斗小民好似好遠，不過箇中嘅道理其實好值得我哋學習。好多身邊嘅朋友，所謂...
2017-4-4 16:00:20
