登入

知魚之樂 唐牛(逢周二)

【知魚之樂】挨近配售價好抵博(唐牛)(MAR 28)

1987、1997、2007……港股每兩個五年便一個牛市,從呢個角度諗,時間會過得快些,人亦會開心些,咁啱今年係2017,用學能測驗模式推斷,牛市會在未來三季誕生,講到呢度,成個人即刻精神晒。無啦啦為乜喪派心靈雞湯?明嘅就會照單全收,唔明嘅,我就真係恭喜你呀!同得仕(00518.HK)日前宣佈,以每股1元配售4200萬股新股,相當於擴大後已發行股本約9%,集資淨額約4,100萬元。做生意要錢,向市場伸手無可厚非,但翻查最新資料,同得仕手頭淨現金近億,今次集資額不及原來彈藥一半,似乎有點到喉唔到肺。同得仕主要從事製造及銷售成衣業務,由於經營環境困難,最新中期業績虧損擴大至5,946萬元,幾近等於上年度全年虧損。業績通告亦不諱言,經營環境不濟,加上營運成本上升,下半年市況未感樂觀,擴張業務更不知從何說起。咁集資究竟為乜?公司通告表示,配股集資將用作一般營運資金或根據公司投資目標作未投資,雖然講咗好似冇講,但種種迹象顯示,公司正準備華麗轉身。再講,公司市值只得奀豬5億銀,早年更將觀塘工廈售出套現,大股東持股逾三成,要轉手話都冇咁易。咁今次抽水係咪熱身?你問我我問邊個,但批股上周五剛完成,越挨近配售價1元,值博率越高!#知魚之樂 #唐牛【只要用心,人人都可以係股神!】Https://www.facebooK.com/tongcow88

2017-3-27 18:58:09

【知魚之樂】唔怕唔識升 最怕追唔切(唐牛)(MAR 21)

同胞炒股有幾癲?你睇美圖秀秀(01357.HK)就知,10日升一倍有多,然後單日再由高位調整三成,牛市熊市一日完成,基本因素無變下,竟然有如此波幅,心血少啲都出事。另一邊廂,香港人搶樓亦不遑多讓,剛過去周六日,三個新盤狂賣千伙,發展商累積套現逾百億銀。新財爺陳茂波喺網誌話,樓市風險逐漸增大,情況令人擔心,故此現階段看不到有條件「減辣」或「撤招」。簡單經濟學都有教,市場價格由供求釐定,辣招令市場供應扭曲,結果成為樓價越升越有嘅元兇之一,不撤招更會令加強市民對樓價只升不跌嘅期望,你可以話政府正在買時間,等待新供應才撤辣,但到時樓價會升成點,實在難以想像,開講有話「升得越高跌得越痛」,香港人只能自求多福。聽到心跳加速?今日推介中糧控股(00606.HK),等你舒舒服服贏錢吧。中糧控股主打糧油食品,包括油籽加工、生化及生物燃料、大米加工及貿易、小麥加工、啤酒原料等,雖然唔係近期熱炒題材,但相信好快會落鑊。點解咁有信心?第一,中糧月底將會公佈業績,由於已發盈喜,成績表靚靚幾無懸念;第二,中糧控股阿媽中糧集團乃央企改革試點之一,乃炒注資混改佳品。中短線炒作概念齊晒,睇圖已橫行一段時間,唔怕唔識升,只怕一起動追唔切咋!#知魚之樂 #唐牛【只要用心,人人都可以係股神!】Https://www.facebooK.com/tongcow88

2017-3-20 18:01:18

【知魚之樂】人工智能大茶飯(唐牛)(MAR 14)

千禧年伊始,量化寛鬆加息減息乃家常便飯,當時因工作關係,經常要為息口調整後供樓負擔變化計數,還記得當時以樓價200萬元作為基準。想不到十多年後的今天,財經頭條竟然係「400萬元上車盤不足1,000個」,認真嚇人。辣招及水浸下令樓市供求失衡,樓價嚴重扭曲,買樓為住得好啲還可以,買樓為發達?你諗都唔好諗。樓市嚇人,股市亦不遑多讓,講緊嘅係一批科網股。美圖秀秀(01357.HK)上市時俾人睇淡,更一度失守招股價,但在北水買盤源源不絕下,最新已較招股價高出近五成,破頂股還有大大隻嘅舜宇光學(02382.HK),兩隻股市值加埋過千億,但走勢同細細粒股仔無異,利害!今日推介二三線科網股建溢(00638.HK),一旦有資金相中,同樣可以掃到甩轆。公司主要從事電器及電子產品、摩打、資源開發及房地產發展,講概念,最殺食乃具備人工智能技術的電器產品及物聯網裝置,當中吸塵機械人已獲得中外市場顯著認知度,未來則會強攻自動化生產平台及機械人產製技能,和新一批物聯網產品。還記得總理李克強日前在兩會提到扶持多種高新產業嗎?人工智能正是其中一瓣,建溢食正條水,不得了!建溢中期盈利狂升七成,動力正正是上述電子產品,相信盈利走勢只會越來越強,還有一個吸引之處,就係建溢中期慷慨派息0.2元,以現價計超過十厘,如果全年業績繼續咁爽手,股價肯定多一重動力。從圖表出發,股價正蓄勢突破1.5元,一旦成功闖關,下一站直撲1.8元!#知魚之樂 #唐牛【只要用心,人人都可以係股神!】Https://www.facebooK.c...

2017-3-13 17:01:12

【知魚之樂】原地踏步盈喜股(唐牛)(MAR 07)

做人做事啱timing,自然事半功倍。剛剛過去星期日,雷神莫雷拉騎十場贏八場,破盡紀錄,馬迷福至心靈自製八串一嘅話,十蚊可以變幾十萬,如果唔好彩揀中其餘兩場落注,同樣可以輸死人,你話timing幾重要。近期本欄推介表現皆不俗,合興(00047.HK)單日炒高一成,勤達(01172.HK)上周更累升兩成有多,同樣都係啱timing之作。前者盈喜後輾轉回落,吼準時機上車當然實食無黐牙,後者推介時價量齊升,明顯配合發circular,最新通告指將會延遲一周,炒風可能更熾熱,繼續坐定定睇好戲。今日翻兜利是股天寶(01979.HK),同樣係啱timing之選。簡單講講背景,公司主要從事製造及銷售消費品的開關電源及工業用智能充電器及控制器,1月時公佈盈喜,預期全年多賺45%至55%,數數手指,2015年度賺1.28億銀,即2016年度最多賺1.98億銀,又上半年賺7584萬銀,下半年盈利可高達1.22億銀,橫睇豎睇都係靚數。更重要係,盈喜係因為毛利率及銷量上升,百分百真材實料,童叟無欺!天寶現價1.69元,與盈喜後翌日股價相若,十萬個不合理。點解?市盈率僅得單位數,還有增加派息憧憬,星期三公佈業績前,絕對係最佳上車時機!硬生生廣告一則︰潮流興財務自由,即係唔使打工都可以消遙生活。點樣先可以做到?機會就在眼前!唐牛「秒殺爆升股」投資課程鐵定3月21日開始,教你賺取第一桶金,然後輕輕鬆鬆享受生活,有興趣的戰友,請即上唐牛fb專頁報名!#知魚之樂 #唐牛【只要用心,人人都可以係股神!】Https://www.facebooK.com/tongcow88

2017-3-6 16:49:35

【知魚之樂】價量齊升有景轟(唐牛)(FEB 28)

繼駿傑(08188.HK)被勒令停牌後,在掛牌前一日遭叫停嘅芭迪貝伊(08297.HK)亦因未能符合創業板上市規則第11.23條(未有一個公開市場),宣佈上市失效,與駿傑情況一致。連續兩隻創仔出事,睇嚟證監動真火了,從炒股角度出發,啤殼門檻調高,殼股變得更珍貴,價格自然水漲船高,能夠奪得靚殼而歸嘅,實力亦一定有番咁上下。勤達(01172.HK)上月底宣佈,與大股東莊士中國(00298.HK)互換資產,勤達向莊中出售廣東墓園業務聚福寶中國,總代價3.98億人仔,莊中則以成都、廣州等三個內地物業另加1.74億現金支付。勤達表示,出售墓園業務後,可強攻核心嘅印刷業務,投資物業亦可提升經常性收入;公司更打開口牌指,由於一段頗長時間未有派息,交易完成後有機會作出特別派送,由於今次現金收益不少於1.56億銀,相當於每股4.7仙,全數派出的話,股息率超過廿厘,肥仔水也!派嘅機會高唔高?畀兩個數據你參考︰第一,莊中持有勤達六成股權,舵手莊紹綏則透過莊士機構持有莊中,即為派息終極受惠者;第二,交易通函最遲本周寄出,股價及成交已見異動,話唔定係春江鴨趕入場。價量齊升,對短炒戶及搶息客均屬利好訊號,值得投下信心一票!#知魚之樂 #唐牛【只要用心,人人都可以係股神!】Https://www.facebooK.com/tongcow88

2017-2-27 18:09:59

【知魚之樂】等普拉達上番招股價(唐牛)(FEB 21)

今期港股策略王主攻落後板塊,唐牛都有講兩句,睇好大部份人睇淡嘅零售股,無他,數據底已見,加上租金繼續回落,有利業績表現。以化妝股莎莎(00178.HK)為例,最新農曆新年港澳零售銷售升3.5%,同店銷售則跌1%,你可能話好碎料啫,但睇番去年同期,兩個數據喪跌20%及19%,在低基數效應下,未來表現只會更好,加上有7厘息墊底,坐貨更是安心。同樣出色的還有普拉達(01913.HK),公司剛發出2016年度初步銷售數字,列出三大亮點。第一,過去數月改善趨勢明顯,財政年度以1月份回到正面的業績完結;第二,歐洲及亞洲為最具活力的地區,中國自第三季起恢復增長,具有強勁且快速趨勢;第三,近期產品及營銷策略產生的業績清晰且令人滿意。事實上,普拉達盈利由2014年起已連跌三年,股價由高位計更是狂瀉六成,從任何角度出發,股價已是超跌了,保守估計下半年盈利持平,則全年計業績跌幅將大為減少,甚至轉跌為升,上上大吉!不過,買零售股勿期望有大大棍升幅,事關數據公佈需時,買入要有心理準備作長期戰爭,你睇濠賭股之前炒復蘇,都用咗一年時間啦!如果要畀普拉達一個中長線目標,我會先睇招股價39.5元吧,潛在升幅25%。#知魚之樂 #唐牛【只要用心,人人都可以係股神!】Https://www.facebooK.com/tongcow88

2017-2-20 17:36:17

【知魚之樂】合興食正互聯網優勢(唐牛)(FEB 14)

恒指再上一層樓,一度突破23700,氣氛越來越熾熱。有戰友報料,搭巴士聽到有人討論股票,散戶入場後果如何,大家應該清楚過我,所以個心當堂涼了一截,唯有控制注碼,有心頭好都要先沽一隻再買,絕不投入新資金。大市成交持續在高水平,與成交關係最密切的港交所(00388.HK),近日股價亦異常堅挺,上周三大棍崛起後,一直企於大陽燭之上,從圖表出發,下一站可挑戰210蚊。個股方面,可留意合興集團(00047.HK),公司主要在內地經營吉野家及冰雪皇后,中期盈利按年上升54%,日前再發盈喜,指全年盈利升幅將達八成或以上。主要因為外賣業務成績理想,以及營改增帶來稅務優惠。篤篤計數機,2016年最少賺1.2億銀,當中下半年賺7,879萬銀,較上半年多一倍,冇花冇假。老老實實,合興成功提升O2O策略及外送能力,加上完善信息系統及靈活開店,將好多傳統食店都怕怕嘅互聯網世代轉化為新能量,借力打力,可謂食正條水,夠膽講句,盈喜之路只係剛剛開始。睇圖表,合興升破圓底頸線後出現整固,今日再現陽燭,話唔定係升浪開始,最新市值20億銀未夠,預測市盈率十數倍,大把湊大空間,第一站先睇0.2元!#知魚之樂 #唐牛【只要用心,人人都可以係股神!】Https://www.facebooK.com/tongcow88

2017-2-13 21:49:51

【知魚之樂】利是股揀天寶(唐牛)(FEB 07)

雞年第一次同港股策略王戰友見面,先祝大家一本萬利、贏到開巷。主流財經傳媒新年都會以利是股作主題,無他,好意頭兼容易做嘛。還記得當年老細千叮萬囑,利是股只限定一手三數千蚊,否則利是錢唔夠買,也不能當成利是股了。不過,最新見到滙控(005)也成為利是股一員,一手要成兩皮嘢,係大家收嘅利是多咗,還是我特別少,成為雞年第一懸案。今日推介利是股天寶(1979),一手4,000股,以今日收市價1.72元,入場費6,880大元,勉勉強強買得起。公司主要從事製造及銷售消費品的開關電源及工業用智能充電器及控制器,賣點在於業績靚仔,盈喜通告表示,全年盈利增長將介乎45%至55%,2015年度賺1.28億銀,即2016年盈利介乎1.86億至1.98億銀,以上半年賺7,584萬銀計,下半年即最多賺1.22億銀,差不多等於2015年全年,亦較上半年多六成。一輪數字之後,望望原因,主要受惠毛利率上升及工業用智能充電器、控制器及通訊領域的開關電源產品銷量上升,冇水份夠晒實在。睇圖表,天寶於高位徘徊多時,正等待新一輪催化劑,會唔會就係嚟緊放榜嘅大日子,暫時不得而知,但市盈率勢將降至單位數,卻是不爭事實。市值廿億未夠,啱晒基金胃口,呢封大利是,手快有手慢冇呀。#知魚之樂 #唐牛【只要用心,人人都可以係股神!】Https://www.facebooK.com/tongcow88

2017-2-6 20:02:01

【知魚之樂】宏輝三個動作添炒味(唐牛)(JAN 23)

證監會及港交所(00388.HK)上周五發表聯合聲明,關注創業板新股瘋狂炒作問題,並向保薦人、包銷商及配售代理發出指引,要他們達到操守標準,維護上市公司最佳利益及確保市場廉潔穩定云云。老老實實,創業板淪為啤殼工場唔係一朝一夕嘅事,運作亦非常成熟,要杜絕不是易事,但令炒風降溫卻大把辦法,例如增加股東數目、硬性規定部份公開發售等,已可令幕後人士成本大增,紙上談兵只會給人無牙老虎嘅印象。啤殼活動無日無之,皆因殼股有價,需求多供應少,自然水漲船高。今日推介冷門股宏輝(00183.HK),有望成為明日之星。宏輝前身為專收舊樓重建的田生,原來大股東區永華已全退,取而代之為創業板殼王龐維新,佢2015年透過摸殼轉售中璽國際(264,前稱卓高)勁賺逾億後,一直未見有新搞作。點解覺得宏輝會做嘢?三個伏筆逐個數,第一,去年5月批咗逾一成股權出街,每股作價0.15元,疑似係轉手嘅首個動作;第二,龐維新同期出任主席及執行董事,為2011年辭任後翻叮,象徵意義極大。第三,今日新鮮滾熱辣有30球大手上板,每股作價0.177元,約等於1%股權,話唔定係新一輪攻勢嘅開始。公司最新市值5億幾,基本殼價都未夠,市賬率只得0.5倍,變相半價大平賣,現價於一年幾低位橫行,刀仔鋸大樹佳品也!#知魚之樂 #唐牛【只要用心,人人都可以係股神!】Https://www.facebooK.com/tongcow88

2017-1-23 16:31:30

【知魚之樂】如何輕鬆在盈喜股搵食(唐牛)(JAN 17)

你話我擦鞋又好,呃稿費又好,不得不向港股策略王社長陳承龍寫個服字,夠膽在facebooK直播炒股,掃幾多話晒你知,贏錢輸錢一目了然。炒開股嘅戰友都知道,一個價位的變動,都足以令心跳快多幾十下,仲要邊炒股邊做主持,EQ高得難以置信,社長你係得嘅!冇錯,炒股最忌紙上談兵,一定要有實戰經驗,才能加強戰鬥力。今日中午見到中升控股(881)出通告,預計2016年全年盈利將增長2.5倍,由於時間關係,加上對行業不熟悉,只用了數分鐘便決定落注,最後用幾萬蚊成本賺咗幾千銀,短炒嚟講,心滿意足了。幾分鐘做咗啲乜?當然係計數啦,先望望中升中期業績,盈利增長98%至6.13億人仔,盈喜話全年盈利起碼升2.5倍,較中期突飛猛進,率先加分。再望一望2015年全年業績,盈利4.6億人仔,即2016年盈利高達16.1億人仔,拆開睇,上半年及下半年分別賺6.1億及10億人仔,下半年較上半年更勁,九成有計了。最後一步,望望盈喜內容,增長主要因為1.品牌組合及地區分佈優勢進一步顯現;2.新車銷售增長良好,供求關係積極向好;3.運營管理效率、人均效能持續提升,一句到尾,全部真材實料,唔係一次性,結論係衝得過了。當然,擁有天時地利後,還要人和配合。唔知係咪高手放晒假,午後開市中升竟然冇人搶,造就今次短炒獲利,下次遇有同樣情況,戰友們可以此作參考。咁中升仲買唔買得過,睇圖係靚絕,用今日平均價8.6元入場,應該仲有水位。#知魚之樂 #唐牛【只要用心,人人都可以係股神!】Https://www.facebooK.com/tongcow88

2017-1-16 17:23:31

熱門專欄

【求知之聲】何承聲:大市中秋過後就落完?

恒生指數上周結果出現不才着大家留神的一幕──「淡友能夠成功反擊,令大市進一步失守上月的低位(24,581點)」;正如上周所講雖然「淡友能夠成功反擊的可能性似乎甚低,不過,本周有着下周美聯儲議息會議前的零售銷售及通脹數據公布......」出現的可能性還是不能完全排除。 恒指結果上周四(16日)在缺乏俗稱「北水」加持護航下,失守8月的低位(24,581.6點)下試過24,505.21點,然後上周五(17日)再稍為試過24,424.74點,刷新9月的低位紀錄後(襯機補回去年11月初留下的24,460.01點-24,689.51點上升裂口),好友隨即反攻,最終以上周五(17日)的全日高位24,920.76點收市,純陰陽燭而言,出現「曙光初現」的利好信號,而且上周五亦明顯試一試由7月低位及8月低位連成的延伸阻力線,隨即出現上述全周曇花一現式的反彈。 所以後市只要不失守此阻力線,短線就不會墜落23,825點水平;再簡單而言,只要大市不再失守本月低位後再下試穿24,114點,就可以暫且不用擔心此方向。相反,恒指繼續疲態試穿本月低位後再向24,114點方向下探,就要留神大市會否火速襯機回到23,825點,甚至落到23,358點水平。 難怪不少抄短線的朋友會覺得本周首兩個交易日「玩反彈」的勝率高。若果以恒指由9月8日見過9月暫時的高位(26,560.04點)到上周五的低位累計跌2,135.3點計,港股上周五僅試圖向此跌浪的黃金比率0.236位置(即24,928點)收復失地,雖然當日「曙光初現...

【富甲股海】江小魚:港航科技衛星新貴

要數今年升幅最勁的股票,就是最多升了足足約50倍的香港航天科技(01725.HK);其前稱「恒達科技」,「賣殼」之後注入航天衛星項目,股價隨之飛天。 港航科技股價近日喘定在28元水平後,又再見其異動。 惠生國際(01340.HK)公布,於今年9月15日,公司於公開市場上出售港航科技股份,代價總計約283.6萬元,董事會預期集團將確認帳面收益總計約261.5萬港元。出售後,集團於目標公司仍持有1.46萬股。不過是小菜一碟。 衛星導航、大數據……此等科技範疇可謂未來世界突破之重中之重,兼且軍事科技用途漸趨平民化使用,更見箇中無限商機。稍前,港航科技與中國科學院上海微系統與信息技術研究所訂立合作協議,共同合作於中國完成首個宇航級RISC-V高可靠性半導體的空間驗證及衛星在軌測試。 RISC-V為新一代基於開源指令集的宇航處理器晶片,利用RVC(RISC-V代碼壓縮)技術改善程式代碼的大小,同時亦以增加每個程式的指令數量為代價,減少每個指令的CPU周期數。該技術透過犧牲代碼密度來簡化實現電路,使宇航級晶片更廣泛的運用於航天、航空、通訊、物聯網、新能源及智慧管理等領域。 根據合作,上海微系統所將提供高可靠晶片加載存儲測試及測試方案,港航科技全資附屬深圳港航科將打造必要的在軌環境,藉以實施測試方案。具體合作範疇,包括開發晶片加載存儲測試及測試方案;有關加載存儲測試的機器安裝及能源供應;交換加載存儲測試數據...

【置理明言】曹德明:新居屋全售罄 按揭申請必讀

房委會近日宣布2020年居屋單位全部售罄,涉及7,142個居屋單位,當中包括4個新屋苑(鑽石山啟翔苑、火炭彩禾苑、馬鞍山錦駿苑、粉嶺山麗苑),以及近百個重售貨尾單位。 新屋苑之中,彩禾苑已屬現樓,其後最早可入伙的為山麗苑,關鍵日期為今年11月尾,另外錦駿苑及啟翔苑的關鍵日期則為2023年2月尾以及5月尾。 由於居屋以折扣價發售,首期預算較少,上車更加容易。按揭計劃方面,買家只可選擇P按,實際按息一般為2.5厘;供款年期方面,新居屋一般最長為25年;按揭成數方面,白表人士最高可承造九成按揭,綠表人士最高可承造九成半按揭。 以山麗苑一個287平方呎的單位為例子,樓價約140萬元。假設按揭年期為25年,實際按息為2.5厘。白表人士承造九成按揭,首期只需要14萬,每月供款額為5,653元;綠表人士承造九成半按揭,首期只需要7萬,每月供款額為5,967元。 與購入私樓不同,私樓在承造高成數按揭時,需要經按揭保險公司購買按揭保險,並需要繳交按揭保費;而由於居屋有政府作擔保人,可節省該筆保險費用。此外,部份銀行或可彈性處理買家的按揭申請,買家最早可於關鍵日前六個月至一年申請按揭。而即使提早申請按揭,在提取貸款前,銀行亦一般不需要重新審批申請人的借款能力以及補交最新的入息證明。 雖然居屋買家有政府作擔保,但要注意若申請人的信貸評級太低,銀行亦有權拒批按揭。因此想順利申請按揭,仍要確保有良好的...

【天下第一倉】高山行:順騰唔摸瓜 目標可好誇

順騰國際(00932.HK) 沉寂多年,直至最近憑新灃集團(01223.HK)注資入股而大翻生,頗有重新起步感覺,以過往長時間盤旋1元多高位的歷史衡量,現位3毛多仍大有長暹空間,又係理想扒冷一族。 0932 主事內地及香港推銷及分銷保健產品、美容補品和產品、提供線上廣告代理業,並擁線上支付、電子商務推廣及遊戲發行業務,過往幾年長時期安坐冷宮,直至上月,1223.向其注入香港保健品分銷業務附屬---Aggressive Resources 43.05%股權,代價6,669萬元,由0932發行5.13億新股支付,發行價0.13元,目標集團擁展圖生物具有限公司,主事保健產品採購、製造、設計、包裝、批發和貿易,完成後,1223將持0932經擴股後16.67%股權;及持有Aggressive Resources 56.95%股權。 0932明顯已押注在1223上,借著今次注資逐步變身,而展圖目前以多個分銷渠道分銷其保健產品,其中包括一間知名的家品零售連鎖店,為香港、澳門和新加坡目前最大的家品零售連鎖店,在香港擁有由360家門店組成的龐大零售網絡,大大有助0932打開健康產品市場,未來更可劍指1223再合作機會,尤其1223國際化步伐已經深遠,去年與日本伊藤忠成立合資,共同營運運動壓縮衣品牌「SKINS」全球業 務,SKINS 銷售網絡在全球不斷拓展,並與多個國際賽事及運動員合作,及已加大力度投入產品研發。 另1223也在多國營運國際鞋履品牌「PONY」,現正加強轉型,增加產品多元,及正跟全球貿易夥伴商...

【何車評股】何車:長和撈貨此其時

長和(00001.HK,市值2,016億元)上周四晚宣佈,印尼電訊業務將落實併入印尼電訊公司PT Indosat(印尼:ISAT),變相上市,對長和輕微利好,周五股價即時反應是逆市跌2.2%,低見去年12月下旬及今年2月上旬的雙底價。估值更見吸引,撈貨此其時。 1)長和上周五繼績回購28萬股。8月6日宣佈中績後,共27次回購;今年以來,共回購18.37球,佔發行股數0.48%,幾乎肯定仍會繼續回購。 以前PB 1.2倍 現在0.38倍 2)2021年(12月年結)上半年,長和賺183億元,按年大增41%,預測全年賺348億元,增19%,PE 僅5.8倍、PB 0.38倍。長和基本上是以前的和記黃埔,和黃在2015年大改組前的6年,平均PE 12.5倍、PB 1.2倍。現時PE較和黃時期大折讓54%、PB大折讓68%。 長和旗下的長江基建(1038)今年預測PE 13.3倍、PB 0.94倍。上市公司估值習慣上雖有「Holding company discount」(母公司估值低於子公司),但長和PE較長建折讓大至56%、PB折讓大至60%,未免過份。 估值不應低過長實 3)以長和的業務性質,其估值應較長實(01113.HK)為高,一如以前的和黃估值一直高過以前的長江實業。長實今年預測PE 8倍、PB0.47倍,估值高過長和,假以時日情況將會再扭轉。 4)2015年大改組後,股價最高時,長和市值較長實高出1,513億元,現時大大減縮至334億元。 5)今年以來...

專業名家

何車評股 何車

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風