【股壇串到盡】跌市並不可怕（沈大師）（第154期）
港股連番下跌，兩個多星期，就從高位跌逾1800點。其實以指數而論，唔算跌得多，只是大家習慣了大漲小回的慣性，稍為出現大一點的跌幅，就感覺不安。或者市場的不安，源於個別個股跌得多。一些早前強勢的股份，近兩周不斷向下突破，支持位逐一失守。更過份者，就是講好咗「只會升不會跌」的股王騰訊（00700.HK），竟然會咁樣跌法，簡直是辜負了一系「騰粉」對其的愛戴。跌市個個都要搵元兇，揾解釋，以下的對答，或許會幫到大家找出答案。問：點解個市跌咁多？答：其實升得多就自然會跌㗎啦，使乜要解釋呢！問：但跌還跌，冇理由要跌咁多㗎！答：升得越過份，自然就跌得更加過份㗎啦！問：但係……大家不是講好咗這是慢牛的嗎？答：是的，慢牛就是慢慢來也，即係話，個市也可以跌完至慢慢來升。問：不是說好，只要沈大師睇淡，那就一定升的嗎？答：是的，但十次睇淡，始終會中一次的。今次咁啱就是中的一鋪。問：唔係喎，依家個個都話，港股係資金市，有北水就冇衰的！點解北水會買唔起個市㗎…………疑問一籮籮，明明個市只有好消息，完全沒有壞消息，要怪的就只能怪個市無端端「大跌」。若不是沈大師繼續唱淡，可能個市跌得更加犀利。問：市場真的沒有壞消息嗎？拆息係咁升，美國又縮表及加息！答：這是大家早已知道的事情，一路話縮表、加息，美股不是不斷創新高嗎？問：大陸拆息係咁升，A股係咁跌，不是跌市的理由嗎？答：A股有國家隊頂住，就算A股冇得炒，資金會調來炒港股的。問：港股已升了好多喎，估值好高，特別係啲科...
2017-12-11 19:30:06
