登入

股壇串到盡 羅尚沛

【股壇串到盡】跌有跌玩法(羅尚沛)(第154期)

恆指今年1月3日開局的收市價是22001點,到11月22日最高位30003點,之後跌勢加劇到截稿日收市28224點,升咗8000點,跌返1800點,使乜wewa鬼叫。鬼咩,年頭個個話大師明燈個市實升冇走雞,但有幾多個年頭買到年尾呢?相反,年頭炒完一浸,到年中掛住「寸」大師唔記得贏就谷,到年尾衝到30000點,個個話牛三剛起步先瞓返個身入場,一入咪出事囉,一出事咪賴三賴四賴地硬囉。今年個市賺錢嘅人多。但據小弟目測,香港人賺嘅一定唔夠大媽多,何解?因為香港人花太多時間去抽水,以為抽水會抽出個道理,點知越抽越迷失於初衷,偏激與迷信撈埋一碟,甚麼分析甚麼判斷都拋於腦後。反觀大媽就唔同,佢哋只會跟車上跟車落,用食花生嘅時間去贏錢,懶理港人話佢傻話佢喪話佢吉利(00175.HK)咁貴重炒來做乜,恒大咁高債等執笠重走去炒。因為大媽們明白到一日氣勢在佢手,贏就自然識得谷,谷到爆為止。小弟近星期的網友留言,大致上分為兩種,一種是wewa鬼叫型,怨恨一直唔買騰訊(00700.HK)到420先衝入去依家唔知點算好。第二種是有點寸寸貢的,問200蚊唔嘅騰訊而家好唔好驚,還是加碼。以過去12個月呢一round來講,輸贏的分別就是點解有人一路都唔買,有人一路都唔沽。以此邏輯推算,未來12個月下—round如果是跌到打回原形的話,輸贏的分別就是點解有人一路都唔肯沽,有人一路都肯買。又如果下—round係只跌回升破埋頂的話,輸贏的分別就是點解有人懂得人棄我取咁叻叻了。以上係咪好似好有道理,好鬼精闢簡直係投資大哲學咁呢,其實...

2017-12-11 18:00:45

【股壇串到盡】醫生與你(羅尚沛)(第153期)

讀大學的年代,有一科特別有興趣的,就是Strategic management,國內的譯名叫戰略管理學,比較外向,側重市場侵略的研究。但實情學科是內外兼備,像是公司醫生一樣,專醫競爭力不足、先天後天管理不善、公司架構陰陽不調等公司症狀。到進入了股票投資這一行,以為當年喜愛的學科已俱往矣,原來唔係,醫學在股市裡面原來可以玩得更出神入化,化腐朽為神奇,化神奇為龐大的金錢利益。事緣是那位叫David Webb的先生,寫了一篇叫「謎網:50隻不能碰的股」的文章,姑勿論出發點是正義還是私怨,但搞到系統內多隻股停牌,滿城風雨,就肯定是前無古人。這篇文章吸引小弟的不是內容,而是那幅勾劃了整個啤殼股權互持交叉控股的八陣圖,細心觀察,明顯地是一幅人體構造圖,那些脈絡之間的關係,心肝脾肺腎的擺位,各個器官的連系,簡直係巧奪天工。能夠將股權結構,與人體理論合二為一的,相信建造這系統的人,一定是個醫術高明的權威醫生吧。炒人地張公仔約,不如印公仔紙俾人炒,這個是股市的必勝技。在投行的世界,上市前要執靚個股權結構,往往是藝術多過技術,每間上市公司的招股書,都有一頁係講公司個股權結權和公司架構,上市前和上市後的對比,一看便懂,就算下面有持有幾多控股上市公司或上面有幾多BVI公司,大股東以及母公司與子公司的關係總能一目了然,但係呢啲投行嘅藝術結晶品,試問有幾多個排隊抽新股的人士會認真看?上市有冇造假,小弟不敢下評語,但會計制度與審批制度總不會無逢接合,就好似骨折要駁返埋一樣...

2017-12-5 18:00:53

【股壇串到盡】創新高(羅尚沛)(第152期)

股市日日都創新高,唔通股市日日都創新高咩。(註:其實港股歷史高位是2007年直通車時代的31897點,不過依家人人都話創新高,小弟唯有失憶於2007那一年吧)。今次重上3萬點,但就冇上一次大時代咁亢奮,唔單止因為升來升去得隻騰訊(00700.HK),日日都單天補至尊,最主要係北水由年頭買到年底,同當年A股衝6000點咁炒,睇住隻吉利(00175.HK)有買貴冇買錯,一條虛幻嘅買入strory line就義無反顧咁只買不沽,成件事從年中開始搬到去騰訊舞台,就知道恆指衝高已無懸念了。股市日日都創新高,難道人人都賺錢?非也,其實好多股都係冇乜升過。美其名就是新常態,幾隻龍頭升,勝過一堆龍尾以至7線股爆升然後爆跌將散戶深度套牢,聽落好有道理,但係諗深一層,難道龍頭股如騰訊就唔可以暴跌變蟹嗎?股市日日創新高,邊個賺最多?基金經理最多都係與大市同步,大媽年初入場是有賺,但回報率未算最高。一個非正式民調顯示,賺得最多嘅係一班低下階層,唔好笑,小弟某日在廁所聽到一位掃地阿姐同另一位掃地阿嬸講話佢$200已買入幾千股騰訊,而掃地阿嬸話佢有成萬股騰訊均價只係$100。股市高位個個都股神就是肯定的,姑勿論吹水非吹水,我等凡人只要聽完就算。如果唔係,見阿嬸都有幾萬股騰訊而感覺荒涼自悲,一下想唔開450衝入場與阿嬸同路,輸錢事少,之後發覺原來阿嬸當日只是同啊姐鬥大吹水的話,那份信錯阿婆上錯車的失落唔係個個後生仔頂得住的。股市日日都新高,代表乜嘢?頂多就係叫新經濟價值大釋放,騰訊啲game多人玩...

2017-11-28 19:45:47

【股壇串到盡】絕地求生之餘也求人生道理(羅尚沛)(第151期)

多年前一套北野武演出的電影《大逃殺》,已經睇到小弟晒頭,42名學生互相殺戮,是想表達各種人生和社會的思考,還是要體驗弱肉強食,不知道。成套戲睇完都只係記得殺殺殺,無厘頭咁死死死。絕地求生呢個神game同一道理,100個只能活1個,非常之嚴酷,小弟玩了幾局,已悟出了不少人生道理,不妨同讀者們分享一下。要「食雞」就要龜縮,越縮越有機;心口掛個勇字,死得最快;哪怕你殺了98個人,殺不到最後一人,你都是loser;『苟全性命於亂世,不求聞達于諸侯』,沒有拿到消音器,就不要先開槍暴露行蹤;路上遇到好東西例如車,唔好咁興奮,十次有九次都開唔到的。路上看到屍體,請先補上兩槍,敵人不是比你奸猾,只是你永遠比敵人豬兜;與隊友之間要保持一定的距離,行得近你有事佢哋都唔一定會救你,反而經常會被牽連;屋仔在遊戲內盡顯了中國房地產的強勁剛性需求,雖然大家深知裡面躲著無數想殺你的人。唔好諗住避得開「雷」隊友,只有比他們雷,人生才有價值,掉返轉頭,想做神player的,就唔好怨俾人累死。遊戲過程中你可能從頭到尾都看不到一個人,然後死得莫名其妙,這就是人生。成個遊戲最多人鍾意嘅反為係個煎pan,揀槍揀刀做裝備人人都識,但係用煎pan的話就型好多。煎pan不僅是遊戲中的一個奇葩道具,還滿載了人生意義,喻意一些看似毫無用處,卻可能在關鍵時刻成為救命稻草的神器。另外,煎pan所暗藏的殺機絕不低於周星馳的摺凳,殺人一個措手不及。試想想,在遊戲中,用煎pan的你偶遇另一持槍玩家,這種極...

2017-11-21 19:00:10

【股壇串到盡】面對歪理要無情(羅尚沛)(第150期)

遠古以來,成功的人都是擁有獨立思考的人,這點不難理解。但到了今天資訊無邊際擴張的年代,能夠獨立思考的original tHinKer不幸要被一一淘汰,跟著大隊意見走的follower變成永恆的皇道,投資市場如果人人都跟潮流,人買你又買,不問價就追,世上就不會再出現畢菲特。畢菲特的名句是「別人恐懼時貪婪,別人貪婪時恐懼」,恐懼和貪婪是人類天生的弱點,要擺脫談何容易,但同時又不甘於既來之則安之,所以面對恐懼和貪婪這個交叉點,我們慣性地就會利用歪理來開脫自己,直到歪理淹沒了真理,真理被打成歪理,仍然是執迷不悔。在滿嘴歪理的年代,如何保持獨立思考,首要學識無情。首先,炒股不應糾結於過去的經驗,更不要執著別人的看法,悟出大浪一過,所有的對與錯也是雲煙。例如,抱著「等股價再跌一些買入」的心態,可能會與牛股擦肩而過,但同樣也會避開一些技術性調整,所以這些所謂的買賣策略,唔多唔少同有買貴冇買錯一樣是有點自欺欺人的。其次,要對自己的錯誤無情。有幾樣嘢是散戶經常發生的;一,有隻股好想買,覺得是sure win,但自己個倉又爆晒,又唔捨得沽走冇升的股去換馬;二,明明set了止蝕,到價都唔肯斬;三,明明隻股次次炒都輸,但見財演日唱好夜唱好,神推鬼擁下又高位接貨。這些拖泥帶水,藕斷絲連,無人會話你多情,只會笑你唔識揮慧劍,錯失良機。對自己無情的最高境界,是意識到只有自己,才是自己的所有選擇的第一和最終的責任人。講就好理所當然,但實際上輸打贏要,依賴別人的意見,贏錢就基...

2017-11-14 19:15:43

【股壇串到盡】為了新股,能去到幾盡?(羅尚沛)(第149期)

每當牛氣沖天時,就是新股發狂時。原因很簡單,就是人人皆股,唔買會執輸,在這種氛圍下,供求訊號大混亂,新股就可用更虛幻的概念拿最高的定價招股。騰訊(00700.HK)當日在市況低迷時招股,配售那部份幾乎要「哎契弟咁哎」先湊夠飛,相比起TOM.COM(02383.HK)上市時的萬人空巷,無人會估到今日騰訊是股王,TOM.COM就成為灰塵吧。小弟入行時正值在隻勁爆的北控(00392.HK)招股,超額認購1276倍,凍結資金2400億,上市後馬上勁升3倍,之後就被深度套牢,唔計派息,當日如果高位接貨的,要等20年才能返家鄉。392近排股價升到48元,作為一位出色的財演,應該大大聲喺電視機面前講:「二十年前就叫人買北控啦,而家咪賺囉,幾叻叻啊。」最慘係當年小小的analyst的我,要寫份北控full reprt,佢業務又多又雜又亂,要攞當年北京的經濟數據仲難過上山打老虎,最陰公係為了國家,為了日後一堆紅籌來港上市奠定良好基礎,為了幫北京市推隻北控畀香港同胞感受中國經濟的無比威力,成份報告都只能讚不能彈。最記得是報告最後要寫埋北控上市對香港股市的意義,經小弟絞盡腦汁,終於寫了幾個仲勁過習思想嘅points,包括:加強香港與內地的經濟聯繫、讓國際資本市場認悉現代經營管理的中國人才、改善香港股市的成分和結構,進一步加強其國際地位。諗返起當年都毛管棟。不過都好過令分析員心絞痛的TOM.COM,貴為虛幻之王,佢虛幻到連個上市嘅網頁都係「under construction」,最後份研究報告要以虛幻來形容虛幻,難度之高非人之能為...

2017-11-7 19:30:24

【股壇串到盡】買不買iPhone X?(羅尚沛)(第148期)

作為一個果迷(嚴格來講是因為用唔慣Andorid機,所以被困於iPHone),iPHone X真係冇理由唔撐嘅,雖然好多外國手機專家都話多幾千買iPHone X不如買iPHone 8,並羅列出5大技術性理由,包括:與iPHone X只係多了一個Face ID,粒CPU是一樣的Face ID都唔知worK 唔worK,如果你個粉樣日日變,隨時機都開唔到iPHone 8都支援快速叉電同無線叉電iPHone X只係多了內置防手震咁大把iPHone X沒有獨有的軟件功能手機技術嘅嘢我哋識條鐵咩,正如瑞聲科技(02018.HK)、舜宇光學(02382.HK)一樣,炒上去鬼知佢做乜東東咩,升就係王道。正如今次iPHone 8同iPHone X一齊賣,iPHone 8好易買,iPHone X隨時要炒價先入到場,咁即係有得炒啦。曾幾何時好好炒的iPHone 4年代,就算買來自用,見到先達個價係咁升,係咪覺得十分自豪零舍有「飛屎」先。何況,用開iPHone都知道,當有新model出,舊model個iOS總會變慢,跳apps彈bluetootH乜都齊,彷彿Steve Jobs提提你換機時候又到了。小弟曾經有兩次離開了iPHone的懷抱,兩次都係把你個火谷鬼氣。第一次是轉了Samsung,用了唔夠一個星期就壞mon,走去佢哋個售後服務換機(買的時候話明一個月內有壞即換),點知咁簡單嘅要求都被當日那位甚麼經理百般阻攔,千般凌辱,萬般無奈,唔好以為係小弟樣衰被人睇唔起,同場N咁多人都係面對部機問題要換機,那位經理都係一視同仁當你冇到。原來Samsung個維修部係外判嘅,咁外判嘅嘢都唔一定求其,點知佢哋又真係咁求其。當日那位不可一世的Samsung外判服務...

2017-10-31 18:30:06

【股壇串到盡】說好的十九大(羅尚沛)(第147期)

又話十九大會爆上32000點,點知個市郁都唔郁,港股如是,A股如是。好友們,繼續發功唔好畀佢停,十九大前唔升,十九大之後升咪得囉。雖則由下星期十九大閉幕到地球毀滅,時間軸上都能定義為「十九大後」。咁究竟十九大之後就是否維穩行情完結,A股就會飛呢?是咁的,以十九大一個月後的中線看,假設之後一個月,市場消化了習思想,認為美麗中國確實美麗,以歷史數字估,A股會升2%,即是約3460點。咁港股會唔會唔識跟個累創新高,而又活在眼前的道指,走去跟個唔知會唔出現,出現咗唔覺會好爆升嘅所謂A股十九大後行情呢?唔係話造淡,而係事實上相信好友對可唔可以推個恆指上29000樓上都有點淆底吧。咁長線呢?一切由習思想開始,即「新時代中國特色社會主義思想」。新時代承先於十五大的「兩個一百年」和十八大的「在新中國成立100年時建成富強民主文明和諧的社會主義現代化國家」,啟後於深化為「在本世紀中葉建成富強民主文明和諧美麗的社會主義現代化強國」。富強、民主、文明、和諧、美麗,我們都理解,都憧憬。但時間上提及到的本世紀中葉,比以往的時間目標短得多,意義卻深遠得來又可圈可點。習主席提到,新時代中國特色社會主義思想,是對馬克思列寧主義、毛澤東思想、鄧小平理論、三個代表、科學發展觀的繼承和發展。我們簡單歸納此時期乃是舊時代,特點是將當時五窮六白的中國發展起來,讓西方國家看清楚中國,看清楚社會主義的美好。新時代則相反,是讓中國走出去,讓中國看清楚西方世界,看清楚資本主義的腐...

2017-10-24 19:00:46

【股壇串到盡】如何施暴呢份施政報告(羅尚沛)(第146期)

每逢出施政報告,心底裡都有一陣被施暴完的感覺,究竟係政府太高還是我太低,唔知道。大大份施政報告,有人話係美麗香港未來的美麗picture,唔知點解,呢張美麗的picture每每是堅離地,離地到睇完總會覺得是一個富家子用幾個銀両就可以不斷蹂躪一個窮家女的悲情故事。今次施政報告最矚目的就是「港人首置上車盤」和農地發展,首置上車盤首階段推出1000個單位咁大把。嘩,真係抽中好過中六合彩,話就話有嚴格出售限制,畀你住唔係畀你賺,不過咁,以我哋政府嘅辦事能力同過人的mindset,你有張良計,我有過牆梯。年青人,不要猶疑,馬上狗衝。農地發展隻字不提,相信是交波畀土地發展委員會,一來貫徹政府事事戴頭盔的作風,二來農地棕地呢啲咁有價值潛力,又屬社會爭議的issue,交畀委員會同坐擁大量農地的發展商去deal,邊個出雞,邊個出豉油。Well,你懂的。樓係用來住唔係用來炒,呢句說話已經成為每個政府的口頭禪。口頭禪者,齋講做唔到是也。無殼一族,還是乖乖等收皮吧。利得稅兩級制,企業首200萬港元利得稅率降至8.25%,這個是good的,因為香港大部份中小企都係呢個數以下,減稅可以對沖租金壓力,但係領展(00823.HK)見利得稅減少,你班蟻民小商戶賺多咗,會唔會借勢加租,則另作別論。話時話,利得稅減,不如入息稅免稅額都提高啦唔該,如果唔係,啲冇殼中產真係去多幾次泰國日本都唔會同你留港消費囉。唔係話關心香港經濟,係擔心泰國越來越多香港人,冇旅遊feel啫。今次施政報告最有新意可算是《免入息審...

2017-10-17 19:00:13

【股壇串到盡】復仇記(羅尚沛)(第145期)

有一套粵語長片,名為《明月刀雪夜殲仇》,是1977年楚原執導,狄龍主演的武俠巨著。故事內容不外乎為父報仇,和尋找當年導致他父親被殺的有關江湖恩怨的前因後果,據說是當年十大賣座電影之一。劇情的套路,當然又不外乎是冤冤相報,甚麼在江湖道義和忠孝信的兩難,再加點人生的無奈和宿命。今時今日若要買飛入場睇肯定超多「負評」,但係幾十年前的話,就已經係非常有內涵了。粵語長片的報仇都是一個迴圈的,宿命論濃。通常是父親被殺那個地方,就是主角報仇的地點。繞了一圈,從起點去到終點,其實都是那個起點,中間經過每一個地方,都會被追殺被襲擊,然後又會殺掉這批人,循環不息。電影內,殺人的很殘酷,被殺的很悲慘,不論好壞的,不是殺人,就是被殺,血雨腥風,都唔知為乜?在武俠世界,江湖恩怨其實很簡單,就是身不由己,只要有人,就會有恩怨,人即是江湖 ,江湖即是恩怨。武俠片劇情老土,其實股票行業啲人事關係一樣咁老套。 有時候都唔係好明,財演呢個所謂嘅界別,錢又唔係多,名氣又冇乜,點解都咁多是非,咁多恩怨嘅。如果係為咗啖氣嘅話,咁唔值錢嘅嘢豪畀你又有乜所謂。如果係為咗真理長存,咁更加要慳返,因為股市真理唔會越辯越明,只會越辯越火滾。如果係為咗贏人,仲無聊,天下之大,能贏得幾多個,贏得幾多次。有人睇升自然有人睇跌,咁簡單嘅嘢都變到成為恩怨情仇,搞到冤家路窄,皆因未能參透萬般帶不走之固也。股市講周期,「估」市一樣有周期,今次你贏,巧威威,下次你輸,唔好以為啲人...

2017-10-10 16:12:09

熱門專欄

【牛熊薈萃】不明朗因素增 參考恒指認購認沽

上周市場一度認為中美貿易談判接近達至共識,恒指急升更一度上試28000點水平,可惜中美貿易協議談判又再添變數,主要因為美國總統特朗普否認美方同意撤銷部分中國進口關稅,如中美相方無法就貿易談判達成首階段協議,美國將再對中國大幅加徵關稅。消息本來已不利大市,加上近日香港社會事件日趨緊張,增加市場不明朗因素,恒指亦大幅回落,本周首三日已累跌逾千點,蒸發最近兩個多星期恒指的升幅之餘,更跌穿50天線的位置。截至星期二,恒指熊證重貨區位於27400點,共有約984張期指,牛證的重貨區則較分散。雖然周三(13日)大市跌接近2%,不過根據瑞銀當日的即市資金流紀錄,資金較多流入收回價約27450點的熊證,反映投資者或看淡大市前景。由於市況波動,投資者在揀選牛熊證宜留意收回價較穩健的選擇,或可轉為留意認股證作部署。如投資者看好恒指,可留意恒指認購(12313.HK),行使價27880點,20年3月到期,有效槓桿約14.倍。如投資者看淡恒指,可留意恒指認沽(20301.HK),行使價26800點,19年12月到期,有效槓桿約16.倍。更多窩輪牛熊資訊:瑞銀證網站: www.ubs.com/HKwarrants卓素華董事瑞銀亞洲股票衍生產品銷售部本產品並無抵押品。 如發行人無力償債或違約,投資者可能無法收回部份或全部應收款項。筆者為UBS AG的代表(作為證監會持牌人),並未持有相關上市公司的任何財務權益。本資料由瑞銀刋發,其並不構成買賣建議、邀請...

【股場放大鏡】歐陽風:老恒和續持有等消息

本港局勢急轉直下,港股再跌近500點。在如此動盪局面,阿里似乎繼續其上市計劃,並即將進行一連串路演。何以如此急進來港上市呢?兩隻阿里上市概念股阿里影業(01060.HK)及阿里健康(00241.HK)股價都相對硬淨,或反映阿里無論如何都會闖關上市。早前股價回落的老恒和(02226.HK)股價跌至4元水平有支持,成交量大縮,反映有心沽貨者都沽得八八九九,餘下的股東都為有實力持貨者。參考老恒和上一則通告,稱該公司控股股東陳先生仍在考慮由兩名有意投資者分別提交的兩份不具約束力的指示性要約,及回應已列入候選名單的有意投資者於盡職審查過程中提出的查詢。預期就可能合作詳細條款的進一步磋商將緊接盡職審查完成後進行。於該通告日期,並無就可能合作訂立最終或具有法律約束力之協議或諒解備忘錄,亦尚未向任何有意投資者授出排他性權利。這意味控股股東仍未定向哪一位買家賣盤,通常都是二揀一唔知邊個好,兩個都否決應該很少見吧,因此有貨仍可等等。其他股份以中芯國際(00981.HK)最似樣,但此股業績頗為飄忽,而且同業華虹半導體(01347.HK)股價走勢極速轉差,唔似行業業績有起色,還是小心為上。況且如此市況,少搞少錯。 歐陽風

【天下第一倉】高山行:呢隻藥股博得過

大市弱雞,但過別強股依然可以跑贏大市,高盛更重新定義了「新中國」股份選股條件,重申看好其潛力之餘,更調整了中國「漂亮50(Nifty 50)」名單,其中包括14隻港股在內,而當中又以中國中藥(00570.HK) 最有值博之道,現價又在中國平安保險 (02318.HK)入股價4.43元之下,加上中績理想,又有國策扶持,近日只處剛兜底而上之勢,頗值扒一扒逆水,先以4.43元為首站,已有不俗短博幅度。內地醫療改革不斷深化,隨着人口老齡化加劇,中國醫藥市場潛力不小,令到中國中藥升為同業龍頭,也令集團近幾年來業績表現不斷進步,連年大豐收。繼去年錄純利14.39億元人民幣(下同),按年升23%後,今年上半年再錄8.59億元盈利,增長13%,全年按比計算又再較2018年踏前一步!中資醫藥股下半年前景預期會有調整,但具獨特商業模式的製藥股則可跑贏大市,其中大部分第3季業績強勁,料可支持股價表現,而在國家藥典委員會公布的首批中藥配方顆粒的160個標準中,中國中藥有94項達標,佔比近60%,意味市場門檻提升,短期將增強其市場地位。除此之外,中國中藥大股東國藥集團連番增持計劃,亦都給予信心保証,5月時已定出增持5,000萬股的計劃,而至今為止則增持了2,039萬股,每股均價3.88港元,令持股量增至32.46%,此為第一重要指標。再參考2015年兩次大注資及大配股集資計劃,涉值達80億港元,其中更由國藥集團以每股4.68港元認購了5.98億新股,總認...

【高山行快遞】高山行:又威又高!

大跌市下勇闖新高股份更應睇實,代表者為主事醫療業的威高股份(01066.HK) ,經過一段長時間反覆後,又再於逆市下突破,短期突破雙位數已無疑問,下一站應為11元。威高業務獨特,主業研發及產銷一次性醫療器械等專業用品,主要基地在山東,並已在全國建立了廣泛的客戶基礎,產品主要銷售予逾5000家醫療單位和分銷商,包括醫院、血站、其他醫療機構和經銷商。大環境下,具獨特商業模式的製藥股料可繼續跑贏大市,年底前更可望有更多催化劑入市,而且大部分中資醫藥股今年第3季業績強勁,料可支持股價表,特別對威高這類股份為甚。事實上,集團近幾年業績表現不俗,贏盡全場,尤其在2017年是優化營運效率的重要一年,成功突破收入利潤增長,去年通過自身研發及借助科研院所合作,強化產品升級與產品研發能力,進一步鞏固產線,加大創傷手術護理產品市場推廣力,繼續強化非鄰苯輸液器、耐輻照輸液器、中心 靜脈導管、COP(環烯烴聚合物)沖管注射器、骨科脊柱、關節和超聲骨刀(ultrasonic bone scalpel)等一系列新產品。 海外市場是中長期戰略佈局重點,預計海外收入佔比將逐步提高,尤其以8.5億美元收購愛琅醫療器械控股計劃大功告成後,愛琅將作為海外拓展平台,提供巨大貢獻。果然,威高今年中期業績,營業額49.43億元人民幣(下同),按年升19.1%。純利9.37億元,按年升44.2%;每股盈利0.21元,中期息5.9分,所有數據均是高於預期,主...

【置理明言】曹德明:按揭放寬全面睇(二)

上一篇向大家講解在最新的施政報告中,放寬按揭保險計劃的樓價上限後,首置客考慮置業時需要注意的事項,當中包括要符合「首置客」的定義、首期減少但入息要求相應提高、以及保險費增加,今篇會繼續向各位講解另外一些注意的事項:4. 不適用於購買「即供」樓花物業在新措施下,按揭保險放寬樓價範圍只適用於已落成住宅物業,所以現樓沒問題,而購買樓花則要視乎選擇「即供」還是「建築期付款」。一般情況下,樓盤於發出入伙紙及滿意紙後,買家申請按揭時所簽的是現樓按揭契,便合乎已落成物業的定義。因此,若買家選擇「建築期付款」(待樓宇建成,業主收樓後才開始供款)便有機會受惠。相反,「即供樓花」(購入樓花後,立即開始供款)則不適用於新措施。此外,建築期付款對買家(尤其是租屋或換樓人士)的資金運用上有更大靈活性,料未來1,000萬元以下的樓花盤,首置客採用建築期付款的比例或會上升。但是,此方式影響發展商的現金流,因此樓價折扣率較低,而且買家須承受入伙時如樓價下滑出現估價不足的風險。假設一個800萬元樓價單位,新措施下按揭成數為九成,即借720萬元。但當物業落成時,估價下跌一成至720萬元,九成按揭只可借648萬元,準買家要另行支付72萬元差價。建議買家入市前好好考慮及評估自己的負擔能力、樓市狀況以及未來經濟環境等因素。5. 免壓力測試但審批需時新措施指出即使首置客未能通過壓力測試,只要符合供...

專業名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風