登入

財演算法 蔡嘉民

【財演算法】點解啲人Short期權成日都爆倉?

點解啲人SHort期權成日都爆倉?今次專欄想講下期權。香港炒期權嘅風氣的確係無海外地區,例如歐美咁盛行,當中一個原因當然係因為有類似嘅產品,例如窩輪、牛熊證咁,所以散戶多數會被商券推廣嘅產品所吸引。另外一個原因係,坊間教期權成日都係集中喺策略上,幾時應該用咩組合,例如睇好應該用long call,或者debit call spread,睇爆邊應該用long strangle等,多數都係停留喺用咩策略嘅層面上討論,但極少會做風險管理嘅教育。好多朋友炒期指,見倒證券行一張大期收10萬,就以為佢剩係值10萬,就好放心咁炒。其實一張期指貨值(Notional value) 係大約130萬,變相炒緊130萬嘅藍籌股。所以如果個戶口只係得10萬蚊就玩1張大期,睇錯個市2000點就已經輸哂所有錢。如果做返正確做法,唔槓桿的話,戶口130萬先開1張大期,恆指跌到0點,先會輸哂個本。期權一樣,恆指一張等價期權,依家大約600點,期權金值3萬蚊,感覺上風險唔大,其實一張等價期權嘅貨值已經係半張大期,即係65萬。如果你個帳戶只有10萬蚊,個市向相反方向郁3%,你已經無左2萬蚊,即係帳戶嘅20%。所以啲人做短倉點解會成日爆倉,係因為唔識得計數,去做好風險管理。例如做一張 SHort put,可能入市嘅時候,佢delta只係0.2,但風險絕對唔係0.2咁少,downside risK係入價後先一野反映出黎,即係要當佢delta 1咁看待先正確,所以如果唔想做任何槓桿嘅動作,百幾萬戶口做1張sHort put先係正確操作。咁你可能會問,咁其他閒置嘅錢拎黎做咩?答案係,用黎做其他策...

2019-1-8 17:00:56

【財演算法】蔡嘉民:你仲睇緊期權倉位?

 【財演算法】蔡嘉民:你仲睇緊期權倉位?筆者一直都好認同期權世界隱含住好多資訊,因為期權有唔同嘅行使價、唔同到期月份、又有分Call同Put,從炒家喺邊一個時間,做邊一個月份,邊一個行使價,做Call定Put,已經可以留意倒唔少端倪。可惜,坊間分析期權實在太過片面,成日都集中留意個倉位變化,例如見倒27000call同27200call未平倉各加1000張,配合個市升,就話應該有大戶做左1000套Bull call spread (Debit call spread),跟住就大肆宣揚個市會向好,因為有人做左好多套牛跨。 可惜,大學金融學嘅期權第一課嘅同學仔都會知,一個未平倉增加係同時有一個買家同一個賣家組成,所以如果假設27000同27200各加1000張係只係兩個人嘅交易,即係有人做1000套牛跨同時有人做1000套熊跨,試問一個人睇升一個人睇跌,點解證明個市會升呢? 下一步,推敲者會話,因為個市向好,無理由會係大升市開個熊跨嘅,咁已經犯左錯誤,因為涉及主觀嘅判斷。升市開牛跨定熊跨跟本就係取決於你係做緊跟勢定係迴歸策略。可能又有啲人話,無理由喺咁價外嘅位置做熊跨嘅,收倒嘅權金又唔多。其實,就係因為觀點同操作手法不同,期權市場每日先會有咁多成交,如果存在某個位嘅期權無可能做Long/SHort,價格就會即刻郁去合理嘅位置,令市場平衡。 另外,絕對唔可以排除期權炒家有可能只係用期權黎做對沖,曾經有一個ibanK朋友分享過,見倒有客戶不斷喺700做SHort call,由200蚊做到上400蚊,唔少人都恥笑緊個客戶。點知,後...

2018-12-18 9:13:00

【財演算法】VIX可以點炒4(蔡嘉民)

上期提過用VIX ETP去炒VIX雖然有各種好處,例如唔會輸多過本金、唔洗轉倉等等,不過都會有唔同嘅損耗出現,令到長揸優勢大大降低。上次提到嘅第一種損耗叫做Contango loss,係關乎Rollyield,即係長揸近端期貨係無好處的。第二種啲損耗叫做Rollover cost,因為ETP管理公司會幫你去模擬VIX指數嘅走勢,而VIX係追蹤緊30日後嘅IV,所以佢要同時揸住即月同下月期貨。而當時間一日一日咁過,佢就要賣出即月期貨,買入下月期貨,去盡力跟貼VIX指數嘅變化。例如成個倉一開波揸緊30張即月期貨,而如果即月期貨啱啱好仲有30日到期,就唔需要揸下月期貨去模擬VIX指數走勢。但一日之後,佢就有需要賣1張即月VIX期貨,而去買入1張下月VIX期貨。如此類推,每日都要做呢一個轉倉嘅動作。而轉倉涉及佣金、買賣差價同埋滑價,所以會有成本牽涉,而當中嘅成本就會轉嫁於股價之上,長遠形成損耗。而呢隻損耗就係俗稱嘅Rollover cost。第三種損耗來自Rebalancing ,即係重新組合或者重新平衡,特別喺槓桿ETP身上會留意倒。例如一隻3倍嘅VIX ETP,佢要買n份嘅期貨去複製3倍回報,一旦第二日VIX升左10%,因為ETP嘅價格會30%咁累積上去,但VIX期貨嘅貨值只係升左10%,所以ETP管理公司係要買入多少少嘅VIX期貨去令到隻ETP Keep住有3倍嘅回報。如果第二日VIX大跌20%,VIX ETP縮細左,但期貨又縮得無ETP多,咁管理公司又要調返轉賣返啲期貨出去。如此類推,佢地會不斷咁高買低賣,因此,呢隻重新組合嘅動作會令槓桿ETP出現損耗。下回續。

2018-11-13 9:20:38

【財演算法】VIX可以點炒?4(蔡嘉民)

上期提過用VIX ETP去炒VIX雖然有各種好處,例如唔會輸多過本金、唔洗轉倉等等,不過都會有唔同嘅損耗出現,令到長揸優勢大大降低。上次提到嘅第一種損耗叫做Contango loss,係關乎Rollyield,即係長揸近端期貨係無好處的。第二種啲損耗叫做Rollover cost,因為ETP管理公司會幫你去模擬VIX指數嘅走勢,而VIX係追蹤緊30日後嘅IV,所以佢要同時揸住即月同下月期貨。而當時間一日一日咁過,佢就要賣出即月期貨,買入下月期貨,去盡力跟貼VIX指數嘅變化。例如成個倉一開波揸緊30張即月期貨,而如果即月期貨啱啱好仲有30日到期,就唔需要揸下月期貨去模擬VIX指數走勢。但一日之後,佢就有需要賣1張即月VIX期貨,而去買入1張下月VIX期貨。如此類推,每日都要做呢一個轉倉嘅動作。而轉倉涉及佣金、買賣差價同埋滑價,所以會有成本牽涉,而當中嘅成本就會轉嫁於股價之上,長遠形成損耗。而呢隻損耗就係俗稱嘅Rollover cost。第三種損耗來自Rebalancing ,即係重新組合或者重新平衡,特別喺槓桿ETP身上會留意倒。例如一隻3倍嘅VIX ETP,佢要買n份嘅期貨去複製3倍回報,一旦第二日VIX升左10%,因為ETP嘅價格會30%咁累積上去,但VIX期貨嘅貨值只係升左10%,所以ETP管理公司係要買入多少少嘅VIX期貨去令到隻ETP Keep住有3倍嘅回報。如果第二日VIX大跌20%,VIX ETP縮細左,但期貨又縮得無ETP多,咁管理公司又要調返轉賣返啲期貨出去。如此類推,佢地會不斷咁高買低賣,因此,呢隻重新組合嘅動作會令槓桿ETP出現損耗。下回續。

2018-11-13 8:20:23

【財演算法】蔡嘉民:VIX可以點炒3

上期比較過VIX期貨同期權嘅分別,今次就想加入埋VIX ETP一齊討論。VIX ETP係指VIX嘅ExcHange traded product,細分仲有ETF同ETN,即係ExcHange traded fund同埋ExcHange traded note。兩者有少量分別,不過唔係度細講,詳情可以Google一下。出名嘅ETP嘅例子有:VXX、XIV、UVXY、TVIX、SVXY等等,佢地分別係由唔同公司管理,而且有唔同槓桿,有啲一倍,有啲三倍,有啲係正向,有啲係反向。正向即係好似買緊VIX咁,而反向即係同VIX走勢相反,想搏個窩縮就可以買入反向ETP。咁佢地同VIX期貨有咩分別呢?VIX期貨都有槓桿,如果用孖展黎計的話,期貨個槓桿更大,不過槓桿大個問題係,有機會輸得多過你所投入嘅本金。而ETP就好似股票咁,輸有限,最盡輸都只會輸你個本,除非你做沽空。另外VIX期貨要轉倉,ETP唔洗轉倉,呢點令到成個操作好方便。咁係咪ETP適合長揸呢?不,因為ETP本體會有損耗,如果開幅長期嘅股價圖黎睇,佢地有TracKing error,例如VIX升5個百分比,啲1倍ETP只會升4個,所以長期黎講會出現折讓。因為都有唔少ETP係由期貨去複製出黎,即係ETP管理公司喺背後都係買緊VIX期貨,去俾返個升跌俾你,但問題係,長揸期貨會有滾動收益(Roll yield)問題。期限結構(Term structure)上,升水同貼水會令唔同月份期貨有唔同嘅表現。例如升水情況下,近月期貨會損耗得快過遠月期貨,所以正向ETP喺升水情況下,股價會有慢慢向下折讓嘅現象,呢個現象叫做Contango loss。另外仲有2種損耗,下次再講!

2018-11-7 8:00:51

【財演算法】蔡嘉民:VIX可以點炒2

上期簡介左一下咩係VIX,同埋提過2個好簡單嘅炒VIX策略,看似簡單,但的確係筆者幾鍾意嘅策略,而且回報唔錯。今次會講下點樣從唔同嘅VIX工具之中揀取啱自己嘅策略。最簡單當然係玩VIX期貨,因為計算簡單,同平時炒期指一樣,每點價值係固定嘅,每一個波幅點值1000蚊美金,即係如果喺VIX20嘅時候覺得市場波幅上升,買入後升到25,每張就會賺5000蚊美金。好處係計算方法非常簡單,不過壞處係每個月都需要轉倉,所以會涉及些少轉倉成本。係可能會唸,咁直接買遠期嘅VIX期貨咪可以囉?遠期VIX期貨嘅問題係,敏感度會大大降低,即使VIX指數升左5個波幅點,遠期期貨可以淨係上升1個波幅點,敏感度隨住期限愈長而下降。所以,為左捕捉短線市場嘅波動,通常都會交易最近期嘅組合,加上因為流通性比較高。而第二個選擇,就係交易標的物嘅期權,例如直接炒SP500指數嘅期權,因為期權本身嘅定價就係取決於引伸波幅,假如你睇引伸波幅會上漲,只要買入期權,引伸波幅上升,就會令期權金上升。如果對後市方向無睇法,可以做一啲市場中性策略,例如Long strange/long traddle,將對沖值變為0,純粹曝露Vega值,無論市場點郁,甚至唔郁,只要VIX上升,就可以獲利。不過問題係,THeta值同Gamma值並無對沖,通常正Vega都會係負THeta,即係時間係你嘅敵人。喺到期之前,如果引伸波幅帶來啲盈利唔夠覆蓋時間值損失,就會虧損。所以,用期權去炒波幅要留意時間值同埋市場方向,如果無特別睇法,都係炒返VIX期貨最簡單直接。當然,如果睇法係...

2018-11-6 15:26:31

【財演算法】VIX可以點炒?(蔡嘉民)

上個禮拜有個訪問問關於VIX可以點炒,VIX絕對唔係一個簡單嘅產品,三言兩語好難可以解釋哂,所以決定用少少文字講下。因為VIX係講緊美國標普500指數嘅期權嘅引伸波幅 (IV) ,去俾人一個概念黎緊個大市會點樣行,會比較波動,定係比較淡靜。初學者要留意VIX並唔係講緊個市最近點行,唔係一定要個市CHoK左之後,個波動率指數先郁,絕對可以喺個市唔郁嘅情況之下,波動指數不斷變。所以,其實炒VIX係炒緊啲人點睇個市,所以玩法係去估啲人會點估個市。炒VIX可以玩事件主導(Event driven),喺大事件公佈之前: 例如Brexit咁,你覺得啲人低估左現時個波動率的話,可以喺Brexit前一星期買VIX。之後如果爆大鑊,啲人對引伸波幅嘅睇法重新調整,就可以獲利。又或者喺事件之後: 例如特朗普當選之後,你發覺VIX升左唔少,覺得啲人過度反應、過份恐慌,咁就可以考慮沽VIX。當市場人士冷靜過後,就可以獲利。另一種簡單玩法係,因為VIX長期都有一個均值回歸嘅特性,所以唔可能會見倒VIX長期係50之上,或者10之下,因為大市嘅波動性一定會有一個範圍,所以如果見倒VIX係好極端嘅位置,就可以小試牛刀,做一做均值回歸嘅策略,搏佢會回調或者反彈。咁有咩工具可以玩VIX呢?大分有3種,一係直接玩VIX future,既方便又快捷,唔洗計太多數,不過要留意玩緊邊一個到期月份合約。其次係VIX嘅Options,不過會有啲複雜,因為VIX options嘅定價係取決於VIX嘅IV,俗稱VVIX,所以係要估埋VIX本身嘅IV! 第三個方法,係玩VIX相關嘅ETP,例如VXX、SV...

2018-10-23 9:06:11

【財演算法】量化波幅指數異象 揭示大跌時機2(蔡嘉民)

上一次專欄提到我地可以使用波幅指數(VIX)嘅異象去估計大市幾時有機會出現大跌,因為波幅指數係反映緊期權嘅引伸波幅(IV),亦即係投機者對期權嘅需求,而多數期權炒家都係機構投資者居多,所以波幅指數有機會可以俾倒關於大市方向嘅提示。回溯測試當中,一共用左8年嘅歷史數據,大市方面就用左標普500指數ETF做基準。首先喺測試中會用到60日,即係1季嘅數據去做一個推移 (Rolling) 嘅回歸分析 (Regression) ,計算理論上大市變動幾多,波幅指數應該點樣變動。例如最近,如果採用線性迴歸(Linear regression)分析,9月尾嘅數字顯示,理論上波幅指數嘅變動應該係 — 指數變動乘-8.6再加0.0056。例如9月20日,標普指數上升左0.8%,理論上波動指數應該下跌。不過當日波幅指數不跌反升,升左0.4%。如果運用公式,波幅指數理論上應該下跌6.35%,因為0.8%乘-8.6再加0.0056。喺呢一日,波幅指數同理論值偏差左足足7個百分比。呢個情況,就會成日一個出現異象嘅日子。下一步,測試之中就要計一計算出現異象嘅頻率有幾高。喺簡單測試之中,隨意挑選咗過去2個月作為計算嘅範圍,如果過去40個交易日內,波幅指數高過理論值嘅日數超過或者等於25日的話,大市就有機會面臨調整。歷史數據中,2011年7月25出現過,隨後1個月內標普500指數急跌最少16%;另一次喺2015年12月15日出現,隨後大約1個月急跌8.9%;最近一次係2018年1月3日,隨後1個月左右時間跌4.7%。不過訊號出現後,指數繼續有一段時間創新高。除左成功例子之外,失敗例子亦有。...

2018-10-9 8:00:48

【財演算法】量化波幅指數異象 揭示大跌時機(蔡嘉民)

對於廣大炒家黎講,炒股票最難唔係係牛市賺錢,而喺成功避開跌市同熊市先係最難嘅地方。基本上如果可以預先捕捉倒調整的話,All in啲指數ETF,一路喺升浪之中坐住,然後係大跌前平倉,就已經好唔錯,完全可以跑贏大市,跑贏唔少專業嘅基金經理。問題係,點樣搵出大啲大跌前嘅啟示。喺之前嘅文章其實都曾經提過一啲嘅股災指標,大部分係啲宏觀經濟嘅指標,可以揭示經濟前景同埋公司嘅穩健程度。但係數據更新嘅頻率唔高,可能一星期一次。而最近喺唔少新聞度都見倒有提及波幅指數嘅異象。平時大市上升嘅時候,波幅指數會有下跌嘅慣性,而大市大跌時,波幅指數就會抽升,所以有唔少人都叫波幅指數做恐怖指數。但有時候,即使大市上升,波幅指數都可以企硬,不跌反升,造成異象。有指呢個異象通常係大跌市之前出現。原因係,波幅指數係計算啲炒家對期權嘅需求。如果炒家覺得波幅會擴大,就會買入兩邊期權,從而托高波幅指數。升市之中,波幅指數上升有機會顯示炒家嘅不安。但其實好多媒體都無指出點樣定義呢種異象,點計算呢種異象,點樣為之大跌嘅前夕。純粹睇完新聞就走去賣左啲股票並唔係一個理智嘅做法。當然拎歷史數據做下回測先係正確做法。要介定異象之前,首先要睇下平時大市嘅走勢同波幅指數走勢之間嘅關係,最方便嘅係做一做迴歸分析(Regression analysis)。跟住就可以運用公式去計算每個交易日波幅指數同理論變化嘅差距,從而睇下一段時間之內,波幅指數不尋常咁變動嘅日子有幾多。當不尋常日子嘅數目不尋常地多...

2018-9-28 11:17:21

【財演算法】量化波幅指數異象 揭示大跌時機

港交所(388)攝:陳浩樂對於廣大炒家黎講,炒股票最難唔係係牛市賺錢,而喺成功避開跌市同熊市先係最難嘅地方。基本上如果可以預先捕捉倒調整的話,All in啲指數ETF,一路喺升浪之中坐住,然後係大跌前平倉,就已經好唔錯,完全可以跑贏大市,跑贏唔少專業嘅基金經理。問題係,點樣搵出大啲大跌前嘅啟示。喺之前嘅文章其實都曾經提過一啲嘅股災指標,大部分係啲宏觀經濟嘅指標,可以揭示經濟前景同埋公司嘅穩健程度。但係數據更新嘅頻率唔高,可能一星期一次。而最近喺唔少新聞度都見倒有提及波幅指數嘅異象。平時大市上升嘅時候,波幅指數會有下跌嘅慣性,而大市大跌時,波幅指數就會抽升,所以有唔少人都叫波幅指數做恐怖指數。但有時候,即使大市上升,波幅指數都可以企硬,不跌反升,造成異象。有指呢個異象通常係大跌市之前出現。原因係,波幅指數係計算啲炒家對期權嘅需求。如果炒家覺得波幅會擴大,就會買入兩邊期權,從而托高波幅指數。升市之中,波幅指數上升有機會顯示炒家嘅不安。但其實好多媒體都無指出點樣定義呢種異象,點計算呢種異象,點樣為之大跌嘅前夕。純粹睇完新聞就走去賣左啲股票並唔係一個理智嘅做法。當然拎歷史數據做下回測先係正確做法。要介定異象之前,首先要睇下平時大市嘅走勢同波幅指數走勢之間嘅關係,最方便嘅係做一做迴歸分析(Regression analysis)。跟住就可以運用公式去計算每個交易日波幅指數同理論變化嘅差距,從而睇下一段時間之內,波幅指數不尋常咁變動嘅日子有幾多。當不尋...

2018-9-28 11:06:03

熱門專欄

【專家點睇】Perry:進入期指轉倉高峰期

港股連日呈現反覆上落的格局,而為轉倉高峰期,下周29號為九月的期結日,相信真正的大方向會在期指結算後才會行出來。而指數仍然會比較波動,所以近期投資者只宜作短線部署和審慎控制注碼。 監管政策的風險仍需顧慮 市場仍然有一定的風險因素要顧慮,政策面變動對港股影響絕對深遠,因為在中央監管風險未明朗化之前,整體市場的投資氣氛明顯仍然偏向比較薄弱。現時就算博反彈亦需要以少量資金投放為主。 仍需要保持謹慎的心 在政策陰霾不散之下,對於中港股市展望當然有保留,以目前大市內仍充滿審慎氣氛,大市暫時該欠缺大升之條件,所以高追入之短炒切勿過勇,如持貨仍偏重者當需衡量個人的持貨能力做好風險管理。 中長期角度睇大局 但從大局方度來睇,長期升勢依然有機會已從去年3月低位21000點左右展開。所以暫時來講當前跌浪亦有可能只屬於長期升浪中的中期調整。但於現時局勢明顯反覆不定,而且淡友大戶控制了大局的情況之下,不論是短中長線投投資者,當然也不應貿然入市增持現貨。 還需耐性等待時機 雖然中期和長期新升浪不易於短期內開始,短期內呈現顯著幅度的反彈應該不太困難,問題只在於反彈浪正式開始前大市還有多大再跌空間。但當然港股市市場能否向上展開升勢,很大程度上要取決於各大重磅股及新經濟股能否重拾升勢。 ——————————————————————- 免責聲明:內容只作參考,不構成任何投資建議和邀約 筆者為證...

【置理明言】曹德明:銀行為按揭審批的「把關者們」

置業需要龐大的資金,大部份業主均以按揭方式向銀行借貸上車。根據金管局數據顯示,平均按揭貸款金額一直上升,今年6月更達到509萬創歷史新高,表示現時愈多買家以高槓桿方式上車。「借定唔借?還得到先好借!」,銀行除了向大眾傳遞正確借貸態度的教育信息,在審批按揭上,銀行亦擔當着「把關者們」的重要角色。 買家(借貸人)方面,銀行會對其作仔細的入息審查,包括審視其還款能力,即每月入息能否應付按揭供款。銀行亦會查核借貸人的信貸記錄,即過往有否逾期還款的習慣,從而判斷將來不償還貸款的風險。銀行亦會根據借貸人的工作類別(受薪僱員/自僱人士、所屬行業、固定收入/非固定收入),評估其借貸風險。此外,借貸人與銀行的關係亦是按揭審批的其中一個考慮因素,如銀行熟悉借貸人的財務實力(指若借貸人於該行設立戶口、生意往來或選用該行產品等),銀行或會以較優惠的條件批出按揭。 除了借貸人,銀行亦會對一手賣家(發展商)進行把關的工作。一般來說,發展商於建築前期或會向銀行申請融資,以獲得龐大資金完成工程。 銀行決定與發展商合作前,會透過Know Your Client(認識你的客戶)及Due Diligence(客戶盡職審查),對其作出嚴謹的背景審查,當中包括瞭解發展商的背景、政策、資金來源以及身分審查等。而近年環球經濟氣候變幻莫測,銀行對有關風險監管更為嚴謹。此外,銀行亦會對發展商進行詳細的信貸評估,...

【天下第一倉】高山行:換人兼擴陣 唔買就呻笨

繼續發掘潛力爆升好股,其中一定需在環保系列中尋找,難得見到隻首創環境(03989.HK)正慢慢標上,睇其大佈局,似乎在今、明兩年內會大快放,現價乜角度都超平,唔買都要睇實短炒機會。 3989是一家老牌環保公司,主事提供廢物處理技術及服務,專注廢物處理設施的技術開發、設計、系統集成、項目投資、顧問、營運及維護、尤其廢物轉化能源項目,最大賣點便是強勁股東背景,現由北京首創集團(600008.SH)系內公司合持67.86%股權。北京首創為國資委旗下成員,主業環境基礎設施投資及管理,包括水務工程、固體廢棄物處置及環境管理,顯然3989便是其重要的對外窗口及海外上市平台 。 多年注資重組後,業績表現已修成正果,今年上半年更大放異彩,期內收入40.05億人民幣(下同),按年增20.6%,純利2.57億元,增長34.4%,每股盈利1.8分,整體毛利率升4.8個百分點至29.2%水平,6月結止資產總額達247.32億元,同比增2.8%,並在國內儲備共73個項目(包括25個垃圾發電、7個垃圾填埋、7個厭氧處理、21個垃圾收集、儲存及輸送、9個危廢綜合處理、 2個廢棄電器拆解及2個生物質發電項目),總投資額達約177.9億元,總設計規模為年處理垃圾量約1,372萬噸及年拆解電器及電子設備量約為320萬件。上述項目已陸續進入建設和營運期,6月止,國內項目進入建設和營運期共有68個。 未來仲有大把增長空間,近期便再收購了泰來環保能源85.64%權益,後者擁河南駐...

【何車評股】何車:3.9倍PE買中海油

今年以來,紐約天然氣價格飆升88%,紐約油價大漲55%,中石油(00857.HK)大升58%,埃克森石油(美:XOM)亦漲40%,中海油(00883.HK,市值3603億元)只升12%,追落後佳選。 1)天然氣價格升幅遠在油價升幅之上,可刺激使用天然氣的行業,如技術上可行,改用石油,助長石油需求及價格,利好油股。 2)2020年(12月年結),中海油純利249.6億元人幣,大跌59%。今年上半年,營收1,102億元人幣,按年大増48%;純利333.3億元人幣,按年急升2.21倍,並已相等於去年全年的1.34倍。 預測今年多賺2.1倍 3)中海油半年結之後,國際原油7月至今均價較上半年均價高出15%,中海油下半年盈利更勝上半年。預測全年盈利770億元人幣,增長2.1倍,預測PE 僅3.9倍,歷來最低;2017年至今,中海油平均PE 11.4倍。 中石油今年預測PE 6.6倍,埃克森預測PE 13.2倍,中海油較兩者折讓極大。 4)中海油今年預測PB 0.62倍,較6年平均0.98倍折讓37%,高過中石油的0.46倍,但遠低於埃克森的1.49倍。 高息11厘 5)中海油中期股息增派50%,估計末期增幅更大。過去4年,平均派息比率62%,以此推算,今年每股派息可達1.08元人幣,股息率可達16厘,但保守計打七折,仍達11厘,折合派息比率42%。 目標11.4元 6)今年2月8日於2.39元薦買中石油(理由簡單,就是當...

【霜霜魔鏡】梁傲霜:GU 聯乘人氣角色Minions秋冬系列

大人及小朋友都喜愛的《壞蛋將門人》中的主角Minions,今個秋季,GU推出與Minions的聯乘系列,多款以Minions設計的可愛秋冬單品即將登場,一起闖進Minions古靈精怪的歡樂世界。 東京時尚品牌GU致力推廣「WEAR TOKYO NOW! 東京時尚自由,就是現在!」的品牌訊息,宣佈與備受世界喜愛的電影《壞蛋獎門人》推出特別企劃,將於下星期一 9月27日起發放一系列由人氣角色Minions設計的歡樂可愛單品,Minions 調皮的風格和每日都過得像假期般的生活方式為主題,貫徹 Minions 搞鬼特色,讓大家著得過癮,系列由秋冬必備的溫暖衛衣、舒適親膚的家居服佈滿 Minions monogram 的款式、到精緻可愛多款的小袋子等也應有盡有,設計中蘊含了不少周到的心思及現代感的細節。 如果你自認為Minions忠實粉絲,秋季將至,穿上Minions休閒裝,參加不同類型活動及生日派對等,溫馨演繹得意Minions出來,一同營造出青春活力的可愛造型,GU價錢方面繼續親民,新剪裁及新功能的新品,高質量以及耐穿,以簡單、 舒適、實用的穿搭設計滿足各種生活模式需要,合身的設計以及更舒適的穿著體驗,改良剪裁褲裝完美展示匠心之作。 梁傲霜 扮靚、養生、旅行愛好者。 愛分享,努力人生提升女性質素及優勢。 電郵:sHeungsHeung@yaHoo.com    

專業名家

何車評股 何車

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風