登入

長雄林仔週記 林志培

【長雄林仔週記】杉杉品牌服裝新股有驚喜(林志培)

相信服裝股絕對係市場上其中一個較低調嘅板塊,但係今個星期小弟就俾正係度招股更位列內地第五大男士商務正裝品牌嘅杉杉品牌(01749.HK)吸引住! 集團業務定位於中高檔男士商務正裝品牌,整體黎講可以話係有好處亦不足之處,作為專攻商務正裝嘅杉杉品牌正可以利用西裝專家形象避開現時市場上速食時裝嘅激烈競爭,之但係只在商務服飾單一市場上銷售,亦會使到集團發展前景欠缺多元化,所以集團亦有先見知明並特意拓展了多個適合不同年齡階層客人需求嘅品牌,而現時就擁有FIRS以及SHANSHAN兩大核心品牌,特別係後者價錢相當大眾化只需要千幾元一套正裝, 所以係國內大受年輕人歡迎。 講到業績方面,集團去年收入及盈利均錄得升幅,當中前者更按年增加三成四,而毛利率亦相對穩定達到四成八,另外管理層明言將大力發展線上零售網絡,並透過天貓、京東、唯品會等第三方電子商務平台銷售產品,可見未來收益仍見龐大上升潛力。 至於今次集團上市就搵咗東興證券做獨家保薦人,睇翻保母近兩年共四次保薦經驗,當中主板同創仔各半,而屬於前者嘅中國升海食品(01676.HK)以及椰豐集團(01695 .HK)首掛均有近五成的理想升幅,另外踏入第二季度開始,服裝股板塊走勢已經明顯跑贏大市,作為同業的利郎(01234.HK)同江南布衣(03306.HK)股價更接連破頂,所以綜合各項因素下,小弟認為杉杉品牌值得去馬落飛抽翻幾手,短線高出上市價三至四成為目標,長線而言靜待集團日後線上零售業務增長大爆發,升幅或許有意想不到驚喜出現。林志培...

2018-6-14 11:08:17

【長雄林仔週記】維信金科抱擁線上金融大數據概念(林志培)

相信大家有留意小弟上期文章,應該都可以係敘福樓(01978.HK)同21世紀教育(01598.HK)兩隻新股身上賺翻吾少生活費,而今個禮拜小弟就搵咗正招股嘅維信金科(02003.HK)同大家分析一下落注部署策略。 集團作為國內一家領先嘅獨立線上消費金融服務提供商,相信其營運模式係好多本地股友腦海中仍然相當陌生,就等小弟簡單黎講,今次集團基本業務透過自家嘅「蜂鳥」大數據分析系統,向市場上一批未獲得傳統銀行審核提供服務嘅信用卡客戶供應個人化消費金融產品,再睇翻業績方面,集團有如一貫嘅創科企業因優先股公允價值虧損問題,至今仍未錄得任何盈利,情況有如前年上市嘅美圖(01357.HK)一樣,但集團係淨利息收入表現卻相當突出除左保持上升趨勢外,按年收入增幅愈一倍達至23億元人民幣! 既然集團擁有市場上趨之若鶩嘅線上金融概念,當然吾少得有股壇猛人係背後支持,今次就獲得國内有「女股神」之稱嘅劉央入股,當中股份佔上市後股權約6.98%,但值得留意嘅係「女股神」融資時入股平均價只需要5.84元左右,以上市下限20元黎計,已經賺近2.5倍相當誇張,而今次由三家外資大行組成嘅聯席保薦人陣容可謂星光熠熠,分別為瑞信、高盛以及摩根大通,根據往績由外資大行聯手合作對投資者以及首掛表現而言均有信心保證,所以小弟認為集團業務概念創新加上具實力保薦人,建議可以去馬參與認購並以高過上市價兩到三成為食糊目標,而長遠嚟講股東會否高位出貨以及業績可否扭虧為盈將成為關鍵,想長揸嘅股友可密切留意以上兩點。林志...

2018-6-8 10:02:41

【長雄林仔週記】短炒叙福樓 長揸21世紀教育(林志培)

過去兩星期新股市場有回勇跡象,九隻掛牌新股中大部分均錄得一定升幅,當中就以小弟曾推介嘅澳州成峰高教(01752.HK)表現最為突出股價曾升接近兩倍,相信有抽嘅朋友亦賺到不少生活費,而今個禮拜亦有兩隻屬於熱門板塊嘅新股即將上市。首先就有香港人熟悉嘅「牛涮鍋」及「牛角」日本涮涮鍋品牌特許經營商叙福樓(01978.HK),集團上市前就獲得港鐵(00066.HK)主席馬時亨入股800萬元作為基礎投資者,似乎係人氣方面已稍為跑出,雖則近年業務盈利有下降趨勢,之但係集團擁有進軍內地市場決心,當中「牛角」品牌更已簽定華南六個省份開發權,相信有助改善未來賺錢能力,回顧近期多隻餐飲股掛牌後都有炒翻轉嘅往績,就好似聚利寶(08527.HK)咁升幅更高達一倍,而今次再配上福樓本身高知名度以及名人效應加持下,所以小弟就建議短線進取嘅股友可以係暗盤又或者係首掛開市價小注入場,觀察兩三日嘅走勢並以食翻幾餐涮涮鍋為目標!而對長線穩健嘅股友黎講,另一隻新股中國21世紀教育(01598.HK)就相信較為適合,集團現時係河北省石家莊市開辦15所包括民辦高校、培訓學校以及幼兒園,集團受惠到近年中國大力推動學前教育普及化,學生就讀人數大幅上升當然業務盈利方面亦同樣穩步增長,作為股友最關注緊係未來發展前景,而管理層亦表明上市後將收購幼兒園以及建立海外業務,再者近日市場傳出內地將取消二孩生育限制政策,相信以上兩點對擴大未來市佔率有相當大幫助,觀乎近期多隻內地教育股上市後均被炒得火紅火熱,相信21世紀教育亦有...

2018-5-25 10:24:28

【長雄林仔週記】成峰高教1752三大亮點要睇實(林志培)

今個星期就有開辦海外教育機構澳洲成峰高教(01752.HK)正招股上市,當中小弟發現到已經係澳洲落地生根集團蘊藏著三大亮點。 1. 中國人成海外留學大戶 中國係過往「一孩政策」之下,父母都願意付出最好海外留學機會俾子女,所以內地年青人往海外求學人數亦因此出現爆發性增長,係過往四年間,中國學生去海外進行高等教育人數年均增長率更達至10.7%,而現時集團旗下有八成六學生正正係來自中國,係度可以睇到集團業界已經打響名堂,實力更得到中國家長青睞以及認同,所以未來收生人數方面可謂源源不絕。 2. 學費及課程具先天優勢 原來現時澳洲院校係徵收學費會分為本地或國際學生兩個制度,當中本地學生學費加幅係設有限制,相反國際學生則不受限,所以市場上會出現國際學生學費會較當地學生高出約四倍現象,另外集團亦設有澳州首間及唯一一間私立非大學法學院,所以學費有龐大上調空間再配合獨市生意法律課程,集團賺錢能力好自然地高出其他同行一大截。 3. 知名投資者撐腰 全球知名四大會計師行之一澳洲普華永道(PwC)身為集團主要股東,除雙方已經訂立了聯盟協議,最重要係(PwC)更會為集團旗下學生提供實習計劃,眾所皆知每年數以萬計畢業生都想得一個四大會計師行工作機會,所以集團與(PwC)合作絕對係將來吸引學生入學致勝關鍵。 睇過以上三大焦點位後,相信澳洲成峰高教往後有望成為一隻高增長潛力股,至於各位有落飛抽股友固然可以實睇長遠少少,而錯過招股期朋友,小弟就建議可以係首掛...

2018-5-4 9:43:51

【長雄林仔週記】平安好醫生抽追揸沽策略(林志培)

今個星期焦點當然係由中國平安(02318.HK)分拆出黎平安健康醫療科技(01833.HK)亦簡稱為平安好醫生開始招股,預期一手難求再次出現,係度就等小弟同大家分析下抽平安好醫生戰術同埋隨後追沽策略喇。 平安好醫生今次招股共發行1.6億股,集資額最多達87.7億元,公開發售僅佔6.5%,以首日招股已經超額166倍黎睇,即管啟動回撥機制,亦只會增多至約4000萬股,可見貨源方面仍然係相當緊張,根據過往抽明星新股數據,抽一手中韱比率約在10%左右,而今次借孖展抽要計七日息,但偏偏遇著近期港元走勢疲弱銀行收水拆息抽高,整體成本會比以往較高而股價更要升愈兩成才可平手,所以用全家總動員各人抽一手碰運氣方法會係成本方面較為可取。 至於集團首掛當日追沽點樣部署好,股友們最關注當然係追吾追得過,要記住追一隻新股股價走勢,當中搶先時機係十分關鍵,以往績去睇多隻明星新股如閱文(00772.HK)、眾安(06060.HK)、毛記0(1716.HK)等,股價係上市當日往往高於前一日暗盤價,所以早一步機會就係依度,要追的話就要趁早下定決心係暗盤時段去追;如果要問股價到咩位沽先最好呢,小弟就認為首掛當日第一口價沽出就至為安全,相信股友們都記得易(02858.HK)上市股價一開即插事件,既然開市價已經有可觀回報就梗係要袋左落自己荷包先喇;另外有意實股友,就要留意翻集團盈利能力,管理層早前已表明未來數年間仍未有業務扭虧為盈既時間表,所以話除非想做位忠實股東,否則長似乎並吾係一個最佳選擇,最後小弟希望透過...

2018-4-26 8:58:41

【長雄林仔週記】翻炒半新股有兩大秘訣(林志培)

上期介紹完新股十大超購王之間關係後,就有股友問究竟翻炒潛水半新股有冇秘訣呢,係度就等小弟歸納以下兩項重點話俾大家知喇。 1. 上市後首份業績 成日聽到一班老股民掛係口邊話「好股不上市,上得市嘅業績都應該開始倒退」,所以每隻半新股上市後第一份業績表現正正係展現自己業務具增長實力嘅時候,同時間依個亦係入場訊號,具實力股份自然得到投資者青睞,股價亦會節節上升,而近期例子就有小弟推介過嘅河北建設(1727)以及日清食品(1475),以上兩隻股份首掛後走勢相當類似,大家都係招股價以下浮沉咗一段頗長時間,但係前者公佈去年純利增長三成七以及後者宣布全年多賺一倍之後,兩者股價走勢隨即逆轉,不但重翻招股價水平其後更形成上升軌跡,所以話留意住半新股公佈上市後第一份業績絕對係十分關鍵。2. 貨源集中度睇實貨源流向亦係炒半新股嘅其中一個要點,小弟留意到當一隻半新股上市後股價愈壓愈低,同時亦會令到一班股民把持吾住將僅餘倉底貨忍痛俾翻市場,之不過市場往往係千變萬化的,正所謂:人棄我取,有實力嘅投資者往往趁這些機會收集,好自然地當貨源集中於一方,股價要有炒作嘅機會亦會大幅增加,而最近就有本地建築機械商善樂國際(1660)出現以上近似嘅情況,集團自上市後股價一直缺乏鑊氣甚至愈造愈低,同時亦使到貨源歸邊現象加快發生,果然冇錯當集團上市剛夠一年,就順利地獲得投資者睇中並作出溢價收購,市場上普遍對半新股易手都會有更好發展憧憬,所以近期善樂股價就以火箭般速度嘅升幅倍數而上...

2018-4-20 8:30:25

【長雄林仔週記】新股十大超購王(林志培)

有讀者問小弟究竟新股市場上超額認購王會吾會有咩特別,我諗人同股一樣,當然股亦有佢過股之處呢,於是小弟特意盤點翻過去一年新股市場上十大超購王同埋部分相關資料,原來要打入十大新股超購王榜最低入場門檻至少要超購740倍以上,榜上當然仲有近期熱門希瑪(03309.HK)、歐化(01711.HK)、賓仕(01705.HK)等,而位於榜首就係毛記葵涌(01716.HK),超購6,288倍紀錄相信會盤據一段長時間,同時小弟亦從數字當中搵到以下三項較為特別關係。 1. 十大超購王中九成係主板 自從去年初創業板遭到證監會修例後,全部「8字頭」新股係首日爆升情況已經不再復見,從而亦做就左市場資金流向上市前透明度較高以及財務較穩健主板新股之上,所以過去一年超購王榜上只得一隻高萌科技(08065.HK)係自創業板,由此睇得出主板新股亦較受投資者歡迎。 2.超購倍數與首日升幅成正比 做得十大超購王,當然每隻股份係首日收市表現都可以輕易地錄得升幅,而統計翻升幅程度就介乎於0.67%至431%之間,而除了排於第三位龍昇(06829.HK)於第一日升幅較少外,其餘九隻都出現上市前獲超購得愈多,於首日收市亦升得愈勁現象。 3.中資華資行成保薦人大戶 十大超購王當中竟未見傳統外資大行作為保薦人的身影,相反中資同埋本地融資機構則佔據了全部位置,深信此趨勢與超購王榜上大多都是本地以及國內中小型企業有關,而依班客戶正需要中資華資行具備人際網絡優勢,正所謂同聲同氣,相比外資行更能了解本地公司運作以及參與上市前準備,所以要係...

2018-4-12 8:30:54

【長雄林仔週記】落注「Mr. Steak 」母企 有望搵翻餐自助餐(林志培)

剛過去復活節長假期,相信好多朋友們都籍著機會外遊叉叉電,而決定留港消費小弟就約班行家出黎短聚,剛巧地朋友們就訂一間「Mr.  SteaK —Buffet    la  minute」餐廳食晚飯,心水清小弟當然知道依間餐廳就係近期正在招股MS CONCEPT LIMITED(08447.HK) 旗下自助餐餐廳,於是小弟就決定係晚餐期間實地考察集團業務質素,再同大家分析下依隻新股值搏率有幾高。 考察餐飲股少不免要重點留意以下各項因素,包括餐廳位置人流、 食品質素以及價格定位等,首先集團旗下扒房餐廳全部位於地鐵沿線人流暢旺地區,而今次小弟去自助餐廳更位於銅鑼灣黃金地段,亦可以望到維港景色,可謂相當吸引;食品質素方面,小弟至今仍然回味當日供應的長腳蟹海鮮,當中鮮味感更係十足,原來集團早已經同最大供應商鮮運訂立總供應協議,確保客人每日都會食到最新鮮肉類以及海鮮;最後當然要睇睇價錢,繁忙時段自助餐每位高達450元,拍得住高級酒店價格,而扒房餐廳人均消費只需要200元,定位方面則相對親民;另外從招股書可以見到集團業務盈利有按年遞升趨勢,去年頭九個月更賺超過800萬元按年增加一成,而六間「Mr. SteaK」西餐廳及自助餐廳合共的營業額更佔去集團的六成五總收入,帶來相當穩定盈利貢獻。 而集團今次獨家保薦人係同人融資,搵翻過去兩年內合共七次保薦紀錄,發覺到全部股份係首日表現均可以錄得升幅,相信依點可以俾到大家一個可靠保證,所以經過實地考察以及業務分析後,小注落飛「Mr.  SteaK 」母企MS CONCEPT...

2018-4-6 8:30:57

【長雄林仔週記】新股市場 梗係炒供求關係(林志培)

特朗普挑起貿易戰,全球股市突然籠罩起一陣坐立不安氣氛,有讀者更特意問小弟要不要暫停抽新股一排呢,坦白咁講新股市場可以話係另一個戰場,由舊時到今日炒賣新股一直講緊供求關係,當市場上有隻新股一股難求時候股價自然會俾搶高,就如毛記葵涌(01716.HK)首掛當日股價飄升近六倍一樣,只要貨源乾身可以炒上機會率亦會增加,近年新股本身基本因素以及大市氣氛已經變得次要,相反供求關係絕對成為股價暴升元素,所以大家每次落飛抽新股前可以多加留意公開發售股份數目同超額認購倍數之間數據,相信搵到兩餐機會自然事半功倍。今個星期創業板就有隻過江龍自新加坡紙巾股日光控股(08451.HK)正在招股,集團係新加坡業界已經有四十年經營歷史更係第五大紙巾供應商,主要業務向企業客戶銷售衛生紙產品、車隊付運及提供售後一條龍服務,但集團去年業務盈利在撇除上市費用後,按年只錄得一成五的升幅,而去年市盈率更在45.4至54.5倍之間高水平,相比現時本地市場紙巾股代表維達(03331.HK)以及恒安(01044.HK)高出近一倍以上。而集團今次共發行2億股,當中只得一成是公開發售,亦即係街貨量只得兩千萬股,招股價為0.25元至0.3元,以中間價計集資額5,500萬元亦屬偏細規模,再睇翻今次保薦人係智富融資,雖然保薦人經驗較新而過往保薦紀錄亦只得一次,同樣係創仔鉅京控股(08450.HK),但追蹤翻此股首日掛牌走勢,原來股價曾被炒高1.5倍,由此可見保薦人功力亦相當不錯,最後綜合多項因素,日光控股(08451.HK)雖然本質一般但...

2018-3-28 18:20:56

【長雄林仔週記】 100毛熱爆全城(林志培)

萬眾期待「100毛」母公司毛記葵涌(01716.HK)將於28號正式掛牌上市,相信以頭三個招股日就已經超額認購三千多倍走勢黎睇,要問鼎新股超購王寶座可謂絕對毫無難度,預期一手難求情況下,首掛當日股價可望重現希瑪(03309.HK)、賓仕(01705.HK)等股份以數倍上漲,並延續新股市場熾熱氣氛。另外今週半新股當中,內地中高端物業管理服務供應商雅生活服務(03319.HK)股價就具備跑出條件,首先集團剛剛交出一份亮麗嘅成績表,去年全年度營業額17.61億元人民幣(下同),按年升41.46%,而純利則大幅增加超過八成達至2.9億元,收入及盈利表現喜出望外主要受到集團積極擴張業務所帶動,而現時總管理建築面積為7,833.5萬平方米按年多出五成六,另外非業主增值服務業務方面,在客戶物業銷售活動上升刺激下收入增幅更達到1.13倍,由此可見集團係各項業務賺錢能力絕對不能忽視。其次集團係由雅居樂地產(03383.HK)分拆出來上市,同時亦於去年6月收購了綠地物業,並引入綠地控股作為戰略股東,集團往後將全面承接前者開發的物業面積以及後者每年注入不少於1000萬平方米嘅管理面積,在背靠著兩大股東下,集團未來業務具有龐大發展空間。最後物業管理行業絕對係近年來內地新興板塊,隨著內地樓市持續暢旺,各大屋苑必需與物業管理公司穩定合作先得以形成一個成熟嘅社區,預期内地未來對物業管理需求只會有增無減,再者將來亦會更多內房股分拆旗下物業管理業務來港上市,並相信能帶動投資者資金流入該板塊,所以小弟建議大家可以係招股價12.3元之...

2018-3-22 14:25:01

熱門專欄

【天下第一倉】高山行:靚靚手游望青蟹

不明市況更顯個股真章,內地手遊5月收入按月升12%,大大有利推動新遊戲項目,成為手游股今年再增動力元素,其中IGG(0799.HK) 已見蠢動,量度目標青蟹價。 IGG充份演繹創仔升上主板的成功故事,先晉身港A40身份成為大媽熱炒對象,其後更成為上港股通成員,最重要是未來仍大有發展空間可期,無怪數年前曾怒炒上近13元高位水平,現價已回落一半,但市盈率及息率則分處6倍多及近5厘吸引水平,圖表又處破勢格,又屬典型落鑊待炒之勢。 IGG去年純利1.65億美元,跌12.9%,但派末期息17.6港仙,毛利率仍高達69.3%,去年底止持現金及等值物高達3.07億美元,無任何銀貸,單是這筆現金,已佔去市值三成! 去年業績雖未能實現持續增長,但年內繼續加大遊戲研發投入,並積極推出多款不同品類的新遊戲,多元化產品佈局穩步推進,並獲App Annie、PocKetGamer.biz等機構評選為全球50大移動遊戲發行商。 經營理念堅持「用戶第一」,打造創新產品,去年已陸續推出十餘款新遊戲,除擅長的策略類遊戲外,更積極拓展沙盒類、休閒類等不同類型遊戲,今年將有更多全新品類產品出籠,包括MOBA(多人在線戰術競技類)、射擊類、休閒類等遊戲。 一句到尾,天時地利人和,再加上業績後不斷大回購,圖表靚極,月高之位已破,下一步將穿破8.174元的52周高位,有望重現青蟹價。 高山行

【長跑深法】陳政深:國安法後投資是攻是守?

國安法終「順利」立法,既然特首以至北京都說,叫港獨口號、黑暴、示威等,對國家安全構成威脅(外交部明明常說這些圖謀絕不能得逞嘛),如此一來,國家在立法之後自然加倍安全了。可奇怪的是,大概由於外國勢力作祟,個別不明事實真相的投資者仍抱著不輕的避險意識。筆者近日出席不同節目,不約而同遇到投資者問,動盪股市,是否應該買一點中移動(00941.HK)等股份避險。 的確,管理風險是什麼時候也應該做的部署,亦是管理投資組合的一部分。風險在投資學上,一般量化為波幅,即波幅愈大、風險愈力。筆者在過往文章亦曾提及,從不贊成以內銀收息,正正是因為內銀波幅相對較大。同樣道理亦可應用在中移動上,的確,中移動現價息率逾5%,似乎相當吸引,但細心一想,以本金10.5萬元,即四手中移動計,一年收息才5240萬元;然而只要中移動的股價下跌3元,便已完全抵押銷上述收益。 事實上,在技術面而言,中移動自去年年初以來,便一直維持下降通道,再跌亦毫不出奇。再者,當私人企業亦要對執政者唯命是從……應該說,私人企業都必須奉公守法、配合國家政策——連航空公司都需要配合審查社交網絡、銀行需要配合讓利放貸,作為國企的中移動,又豈能不為國家付出?國家的項目,不會都是肥肉,企業總要為人民服務,在可見的將來,當5G是中國在國際上少數仍然掌握的籌碼,電訊企業難度想獲豐厚利潤? 最重要的是,投資股票,你我都是散戶,...

【牛熊薈萃】小米呈「圓底」突破後如何部署? 留意CALL22158、牛證63072

ATMX4股中自IPO上巿以來,如果阿里巴巴(09988.HK)較為落後,小米(01810.HK)則屬於非常落後,是目前4隻股份中唯一仍低於招股價的新經濟大股。但自2019年出現「圓底」的技術突破後,股價漸見起色。去年12月至今年1月用短短2個月由8.28港元起步,升近7成高見14港元。然後開始開始調整並於10港元水平用近2個月時間築底並重展升浪,之後於13港元2次遇阻,直至端午前以大陽燭及大成功突破13港元,蓄勢挑戰早前14港元的頸線阻力。 近日受到印度抵制中國應用程式的消息拖累,小米借勢調整上週的升幅,週二(30日)曾跌穿上週大陽燭12.76港元的底部,報筆時跌幅略為收窄至12.8港元整固。 投資者如看好小米突破「圓底」後仍有後著的話,可留意CALL輪(22158.HK),行使價14.7港元,20年9月到期,有效槓桿約8倍。或小米牛證(59222.HK),收回價12.1港元,21年2月到期,有效槓桿約11倍。如認為14港元是阻力的話,則可考慮小米熊證(57979.HK),收回價14.4港元,21年1月到期,有效槓桿約6.3倍。 其它ATM股CALL輪精選: 騰訊(00700.HK)認購(15235.HK),行使價555港元,21年1月到期,有效槓桿約6.3倍。 阿里(09988.HK)認購(11842.HK),行使價249港元,20年9月到期,有效槓桿約10.倍。 美團(03690.HK)認購(13272.HK),行使價188.88港元,20年12月到期,有效槓桿約4.8倍。 更多窩輪牛熊資訊:瑞銀證網站: www.ubs.com/HKwarrant...

【股場放大鏡】歐陽風:德視佳影子概念炒得起

新股招股活動大混戰,今期最搶風頭新股非歐康維視生物-B(01477.HK)莫屬,一開波就已錄得660億元孖展認購,超額逾400倍,照此趨勢隨時超購逾千倍,首掛表現可能仲好過首日升近一倍的康基醫療(09997.HK),呢個時候隨咗入飛,梗係去炒影子股。 德視佳(01846.HK)係其中一隻眼科影子股,集團在德國、丹麥及中國設有診所,據了解,公司早在內地疫情發生時,已積極作出部署,通過線上營銷方式進行推廣,取得了非常可觀的視力矯正預約量,較去年同期顯著增長。 德國及丹麥市場自今年以來,直至德國的診所暫時停止應診前,亦實現了良好的增長。因此,可以預期中國市場的手術量會在上半年呈顯著增幅,而德國及丹麥市場亦可保持去年的良好趨勢。 集團今年陸續在中國推出糖尿病視網膜診檢服務,在30年前,不到1%的中國成年人患有糖尿病,但目前已升至約12%,即約1.14億中國成年人患有糖尿病。由於糖尿性視網膜病變是成人失明新病例的主要原因,中國政府已開始非常重視該疾病的預防及診療,並已出台《中國II型糖尿病防治指南(2017年版)》,明確地建議患者每兩年進行一次眼科檢查。 繼在德國成功提供此服務之後,公司亦已在中國診所利用最先進的眼睛檢測儀器,推出相關的眼睛檢查服務,料未來此項服務將成為公司的收益增長新動力。另外,德視佳將於下半年在德國為45至55歲的人士推出新的STAAR Surgical的超大景深可植入隱形眼鏡手術服務...

【置理明言】曹德明:換樓客該「先賣後買」或「先買後賣」?(下)

今節筆者將講解「先買後賣」的處理方法以及注意事項。 「先買後賣」是指換樓客先購入新一個物業,才出售物業,或於入伙後再出售原有的單位。此做法的好處是換客可以安心,或以無縫接合地進行「樓換樓」,將舊有物業的傢俬直接搬遷於新居,省卻多一重搬運功夫。此外,換樓客亦無需額外租賃其他地方去暫住。有關做法適合資金充裕的換樓客,但亦有不少事項需多加注意。 在資金成本方面,因換樓客未事先放售現有的物業套現資金,因此需好好計算自身的購買力。一般換樓客都想換一個更大的物業,如三房單位售價逾一千萬元。在申請按揭時,因換樓客已持有另一個物業,因此申請按揭時,要求亦較為嚴緊。如新物業的售價為1,100萬元,最高可承造五成按揭,即買家需支付550萬首期,並且需同時支付15%稅率的印花稅即165萬元、以及經紀佣金、律師費、差餉及其他裝修費等,開支可多達700萬元,有關成本對換樓客是一項大負擔。 「先買後賣」的買家在購買新物業時需先墊支15%印花稅,待買家在購買新物業後12個月內售出手上原有的唯一物業,買家才可退回購買第二個物業多繳的稅款。而上個財政年度總共錄得418宗換樓退稅的申請,較2018至2019年度的933宗,宗數按年下跌逾五成半。現時經濟環境下,換樓客可能要面對舊有物業未能於指定時間內以心水價出售、並可能以壓價出售,此外亦要面對被買家撻訂等風險及心理壓力。因此建議使用「先買後賣」...

專業名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風