登入

長雄林仔週記 林志培

【霜霜魔鏡】梁傲霜:SHISEIDO奢華晶鑽極光傳奇下午茶

適逢中秋佳節,大家都有機會於週末時間,出來享受一個美麗的下午茶,本月到30日期間香港文華東方酒店聯乘SHISEIDO,推出獨家限定「晶鑽極光傳奇下午茶」,映現日本備受推崇的傳統茶道,以及融匯傳奇再生功效的珍罕植物,享用期間限定下午茶將可獲贈,SHISEIDO 護膚品牌推出全新極光精華再生限定組合奢華護膚體驗套裝,享受其極致珍寵煥膚禮饌。 SHISEIDO Future Solution 傳奇再生極光系列蘊含源自於日本高野山深山山麓的傳奇再生植物延命草,以及孕育自日本青翠繁盛的樹林與清流的珍罕綠蠶絲精華,為肌膚傾注大自然的修護力量,牽出肌膚再生潛能,系列中的星級產品 Future Solution 極光精華,賦予肌膚無可媲美的再生力量,從肌底深處提升肌膚質素,重煥年輕彈滑。 為慶祝是次合作,酒店糕點行政總廚CHristopHe Sapy精心展現日式食材的精髓,匠心巧製出別樹一幟及味道豐富的下午茶點,更特意加入珍稀的延命草,炮製出延命草70%黑朱古力蛋糕,每位可以根據喜好挑選兩款甜點,當中包括1963文華芝士餅、黑芝麻柚子撻和抹茶開心果青檸馬德蓮蛋糕,創製出獨特的甜蜜美饌體驗。 此外,為添加日式元素,精緻的甜點更包括雲呢拿綠茶布甸,加入以富含抗氧化物的抹茶粉作點綴,以及令人垂涎的紫蘇葉紅豆麻糬,鹹點方面,賓客則可品嚐一系列誘人美味的三文治及酥餅,包括忌廉芝士煙三文魚芥末醬裸麥三文治和龍蝦柚子飛魚籽三文治等,最後壓軸配上文華東方馳名玫瑰花果醬及牛油忌廉的新鮮焗製鬆餅,為這日式之旅完美作結,喜歡香...

2021-9-11 17:27:51

【長雄林仔週記】杉杉品牌服裝新股有驚喜(林志培)

相信服裝股絕對係市場上其中一個較低調嘅板塊,但係今個星期小弟就俾正係度招股更位列內地第五大男士商務正裝品牌嘅杉杉品牌(01749.HK)吸引住! 集團業務定位於中高檔男士商務正裝品牌,整體黎講可以話係有好處亦不足之處,作為專攻商務正裝嘅杉杉品牌正可以利用西裝專家形象避開現時市場上速食時裝嘅激烈競爭,之但係只在商務服飾單一市場上銷售,亦會使到集團發展前景欠缺多元化,所以集團亦有先見知明並特意拓展了多個適合不同年齡階層客人需求嘅品牌,而現時就擁有FIRS以及SHANSHAN兩大核心品牌,特別係後者價錢相當大眾化只需要千幾元一套正裝, 所以係國內大受年輕人歡迎。 講到業績方面,集團去年收入及盈利均錄得升幅,當中前者更按年增加三成四,而毛利率亦相對穩定達到四成八,另外管理層明言將大力發展線上零售網絡,並透過天貓、京東、唯品會等第三方電子商務平台銷售產品,可見未來收益仍見龐大上升潛力。 至於今次集團上市就搵咗東興證券做獨家保薦人,睇翻保母近兩年共四次保薦經驗,當中主板同創仔各半,而屬於前者嘅中國升海食品(01676.HK)以及椰豐集團(01695 .HK)首掛均有近五成的理想升幅,另外踏入第二季度開始,服裝股板塊走勢已經明顯跑贏大市,作為同業的利郎(01234.HK)同江南布衣(03306.HK)股價更接連破頂,所以綜合各項因素下,小弟認為杉杉品牌值得去馬落飛抽翻幾手,短線高出上市價三至四成為目標,長線而言靜待集團日後線上零售業務增長大爆發,升幅或許有意想不到驚喜出現。林志培...

2018-6-14 11:08:17

【長雄林仔週記】維信金科抱擁線上金融大數據概念(林志培)

相信大家有留意小弟上期文章,應該都可以係敘福樓(01978.HK)同21世紀教育(01598.HK)兩隻新股身上賺翻吾少生活費,而今個禮拜小弟就搵咗正招股嘅維信金科(02003.HK)同大家分析一下落注部署策略。 集團作為國內一家領先嘅獨立線上消費金融服務提供商,相信其營運模式係好多本地股友腦海中仍然相當陌生,就等小弟簡單黎講,今次集團基本業務透過自家嘅「蜂鳥」大數據分析系統,向市場上一批未獲得傳統銀行審核提供服務嘅信用卡客戶供應個人化消費金融產品,再睇翻業績方面,集團有如一貫嘅創科企業因優先股公允價值虧損問題,至今仍未錄得任何盈利,情況有如前年上市嘅美圖(01357.HK)一樣,但集團係淨利息收入表現卻相當突出除左保持上升趨勢外,按年收入增幅愈一倍達至23億元人民幣! 既然集團擁有市場上趨之若鶩嘅線上金融概念,當然吾少得有股壇猛人係背後支持,今次就獲得國内有「女股神」之稱嘅劉央入股,當中股份佔上市後股權約6.98%,但值得留意嘅係「女股神」融資時入股平均價只需要5.84元左右,以上市下限20元黎計,已經賺近2.5倍相當誇張,而今次由三家外資大行組成嘅聯席保薦人陣容可謂星光熠熠,分別為瑞信、高盛以及摩根大通,根據往績由外資大行聯手合作對投資者以及首掛表現而言均有信心保證,所以小弟認為集團業務概念創新加上具實力保薦人,建議可以去馬參與認購並以高過上市價兩到三成為食糊目標,而長遠嚟講股東會否高位出貨以及業績可否扭虧為盈將成為關鍵,想長揸嘅股友可密切留意以上兩點。林志...

2018-6-8 10:02:41

【長雄林仔週記】短炒叙福樓 長揸21世紀教育(林志培)

過去兩星期新股市場有回勇跡象,九隻掛牌新股中大部分均錄得一定升幅,當中就以小弟曾推介嘅澳州成峰高教(01752.HK)表現最為突出股價曾升接近兩倍,相信有抽嘅朋友亦賺到不少生活費,而今個禮拜亦有兩隻屬於熱門板塊嘅新股即將上市。首先就有香港人熟悉嘅「牛涮鍋」及「牛角」日本涮涮鍋品牌特許經營商叙福樓(01978.HK),集團上市前就獲得港鐵(00066.HK)主席馬時亨入股800萬元作為基礎投資者,似乎係人氣方面已稍為跑出,雖則近年業務盈利有下降趨勢,之但係集團擁有進軍內地市場決心,當中「牛角」品牌更已簽定華南六個省份開發權,相信有助改善未來賺錢能力,回顧近期多隻餐飲股掛牌後都有炒翻轉嘅往績,就好似聚利寶(08527.HK)咁升幅更高達一倍,而今次再配上福樓本身高知名度以及名人效應加持下,所以小弟就建議短線進取嘅股友可以係暗盤又或者係首掛開市價小注入場,觀察兩三日嘅走勢並以食翻幾餐涮涮鍋為目標!而對長線穩健嘅股友黎講,另一隻新股中國21世紀教育(01598.HK)就相信較為適合,集團現時係河北省石家莊市開辦15所包括民辦高校、培訓學校以及幼兒園,集團受惠到近年中國大力推動學前教育普及化,學生就讀人數大幅上升當然業務盈利方面亦同樣穩步增長,作為股友最關注緊係未來發展前景,而管理層亦表明上市後將收購幼兒園以及建立海外業務,再者近日市場傳出內地將取消二孩生育限制政策,相信以上兩點對擴大未來市佔率有相當大幫助,觀乎近期多隻內地教育股上市後均被炒得火紅火熱,相信21世紀教育亦有...

2018-5-25 10:24:28

【長雄林仔週記】成峰高教1752三大亮點要睇實(林志培)

今個星期就有開辦海外教育機構澳洲成峰高教(01752.HK)正招股上市,當中小弟發現到已經係澳洲落地生根集團蘊藏著三大亮點。 1. 中國人成海外留學大戶 中國係過往「一孩政策」之下,父母都願意付出最好海外留學機會俾子女,所以內地年青人往海外求學人數亦因此出現爆發性增長,係過往四年間,中國學生去海外進行高等教育人數年均增長率更達至10.7%,而現時集團旗下有八成六學生正正係來自中國,係度可以睇到集團業界已經打響名堂,實力更得到中國家長青睞以及認同,所以未來收生人數方面可謂源源不絕。 2. 學費及課程具先天優勢 原來現時澳洲院校係徵收學費會分為本地或國際學生兩個制度,當中本地學生學費加幅係設有限制,相反國際學生則不受限,所以市場上會出現國際學生學費會較當地學生高出約四倍現象,另外集團亦設有澳州首間及唯一一間私立非大學法學院,所以學費有龐大上調空間再配合獨市生意法律課程,集團賺錢能力好自然地高出其他同行一大截。 3. 知名投資者撐腰 全球知名四大會計師行之一澳洲普華永道(PwC)身為集團主要股東,除雙方已經訂立了聯盟協議,最重要係(PwC)更會為集團旗下學生提供實習計劃,眾所皆知每年數以萬計畢業生都想得一個四大會計師行工作機會,所以集團與(PwC)合作絕對係將來吸引學生入學致勝關鍵。 睇過以上三大焦點位後,相信澳洲成峰高教往後有望成為一隻高增長潛力股,至於各位有落飛抽股友固然可以實睇長遠少少,而錯過招股期朋友,小弟就建議可以係首掛...

2018-5-4 9:43:51

【長雄林仔週記】平安好醫生抽追揸沽策略(林志培)

今個星期焦點當然係由中國平安(02318.HK)分拆出黎平安健康醫療科技(01833.HK)亦簡稱為平安好醫生開始招股,預期一手難求再次出現,係度就等小弟同大家分析下抽平安好醫生戰術同埋隨後追沽策略喇。 平安好醫生今次招股共發行1.6億股,集資額最多達87.7億元,公開發售僅佔6.5%,以首日招股已經超額166倍黎睇,即管啟動回撥機制,亦只會增多至約4000萬股,可見貨源方面仍然係相當緊張,根據過往抽明星新股數據,抽一手中韱比率約在10%左右,而今次借孖展抽要計七日息,但偏偏遇著近期港元走勢疲弱銀行收水拆息抽高,整體成本會比以往較高而股價更要升愈兩成才可平手,所以用全家總動員各人抽一手碰運氣方法會係成本方面較為可取。 至於集團首掛當日追沽點樣部署好,股友們最關注當然係追吾追得過,要記住追一隻新股股價走勢,當中搶先時機係十分關鍵,以往績去睇多隻明星新股如閱文(00772.HK)、眾安(06060.HK)、毛記0(1716.HK)等,股價係上市當日往往高於前一日暗盤價,所以早一步機會就係依度,要追的話就要趁早下定決心係暗盤時段去追;如果要問股價到咩位沽先最好呢,小弟就認為首掛當日第一口價沽出就至為安全,相信股友們都記得易(02858.HK)上市股價一開即插事件,既然開市價已經有可觀回報就梗係要袋左落自己荷包先喇;另外有意實股友,就要留意翻集團盈利能力,管理層早前已表明未來數年間仍未有業務扭虧為盈既時間表,所以話除非想做位忠實股東,否則長似乎並吾係一個最佳選擇,最後小弟希望透過...

2018-4-26 8:58:41

【長雄林仔週記】翻炒半新股有兩大秘訣(林志培)

上期介紹完新股十大超購王之間關係後,就有股友問究竟翻炒潛水半新股有冇秘訣呢,係度就等小弟歸納以下兩項重點話俾大家知喇。 1. 上市後首份業績 成日聽到一班老股民掛係口邊話「好股不上市,上得市嘅業績都應該開始倒退」,所以每隻半新股上市後第一份業績表現正正係展現自己業務具增長實力嘅時候,同時間依個亦係入場訊號,具實力股份自然得到投資者青睞,股價亦會節節上升,而近期例子就有小弟推介過嘅河北建設(1727)以及日清食品(1475),以上兩隻股份首掛後走勢相當類似,大家都係招股價以下浮沉咗一段頗長時間,但係前者公佈去年純利增長三成七以及後者宣布全年多賺一倍之後,兩者股價走勢隨即逆轉,不但重翻招股價水平其後更形成上升軌跡,所以話留意住半新股公佈上市後第一份業績絕對係十分關鍵。2. 貨源集中度睇實貨源流向亦係炒半新股嘅其中一個要點,小弟留意到當一隻半新股上市後股價愈壓愈低,同時亦會令到一班股民把持吾住將僅餘倉底貨忍痛俾翻市場,之不過市場往往係千變萬化的,正所謂:人棄我取,有實力嘅投資者往往趁這些機會收集,好自然地當貨源集中於一方,股價要有炒作嘅機會亦會大幅增加,而最近就有本地建築機械商善樂國際(1660)出現以上近似嘅情況,集團自上市後股價一直缺乏鑊氣甚至愈造愈低,同時亦使到貨源歸邊現象加快發生,果然冇錯當集團上市剛夠一年,就順利地獲得投資者睇中並作出溢價收購,市場上普遍對半新股易手都會有更好發展憧憬,所以近期善樂股價就以火箭般速度嘅升幅倍數而上...

2018-4-20 8:30:25

【長雄林仔週記】新股十大超購王(林志培)

有讀者問小弟究竟新股市場上超額認購王會吾會有咩特別,我諗人同股一樣,當然股亦有佢過股之處呢,於是小弟特意盤點翻過去一年新股市場上十大超購王同埋部分相關資料,原來要打入十大新股超購王榜最低入場門檻至少要超購740倍以上,榜上當然仲有近期熱門希瑪(03309.HK)、歐化(01711.HK)、賓仕(01705.HK)等,而位於榜首就係毛記葵涌(01716.HK),超購6,288倍紀錄相信會盤據一段長時間,同時小弟亦從數字當中搵到以下三項較為特別關係。 1. 十大超購王中九成係主板 自從去年初創業板遭到證監會修例後,全部「8字頭」新股係首日爆升情況已經不再復見,從而亦做就左市場資金流向上市前透明度較高以及財務較穩健主板新股之上,所以過去一年超購王榜上只得一隻高萌科技(08065.HK)係自創業板,由此睇得出主板新股亦較受投資者歡迎。 2.超購倍數與首日升幅成正比 做得十大超購王,當然每隻股份係首日收市表現都可以輕易地錄得升幅,而統計翻升幅程度就介乎於0.67%至431%之間,而除了排於第三位龍昇(06829.HK)於第一日升幅較少外,其餘九隻都出現上市前獲超購得愈多,於首日收市亦升得愈勁現象。 3.中資華資行成保薦人大戶 十大超購王當中竟未見傳統外資大行作為保薦人的身影,相反中資同埋本地融資機構則佔據了全部位置,深信此趨勢與超購王榜上大多都是本地以及國內中小型企業有關,而依班客戶正需要中資華資行具備人際網絡優勢,正所謂同聲同氣,相比外資行更能了解本地公司運作以及參與上市前準備,所以要係...

2018-4-12 8:30:54

【長雄林仔週記】落注「Mr. Steak 」母企 有望搵翻餐自助餐(林志培)

剛過去復活節長假期,相信好多朋友們都籍著機會外遊叉叉電,而決定留港消費小弟就約班行家出黎短聚,剛巧地朋友們就訂一間「Mr.  SteaK —Buffet    la  minute」餐廳食晚飯,心水清小弟當然知道依間餐廳就係近期正在招股MS CONCEPT LIMITED(08447.HK) 旗下自助餐餐廳,於是小弟就決定係晚餐期間實地考察集團業務質素,再同大家分析下依隻新股值搏率有幾高。 考察餐飲股少不免要重點留意以下各項因素,包括餐廳位置人流、 食品質素以及價格定位等,首先集團旗下扒房餐廳全部位於地鐵沿線人流暢旺地區,而今次小弟去自助餐廳更位於銅鑼灣黃金地段,亦可以望到維港景色,可謂相當吸引;食品質素方面,小弟至今仍然回味當日供應的長腳蟹海鮮,當中鮮味感更係十足,原來集團早已經同最大供應商鮮運訂立總供應協議,確保客人每日都會食到最新鮮肉類以及海鮮;最後當然要睇睇價錢,繁忙時段自助餐每位高達450元,拍得住高級酒店價格,而扒房餐廳人均消費只需要200元,定位方面則相對親民;另外從招股書可以見到集團業務盈利有按年遞升趨勢,去年頭九個月更賺超過800萬元按年增加一成,而六間「Mr. SteaK」西餐廳及自助餐廳合共的營業額更佔去集團的六成五總收入,帶來相當穩定盈利貢獻。 而集團今次獨家保薦人係同人融資,搵翻過去兩年內合共七次保薦紀錄,發覺到全部股份係首日表現均可以錄得升幅,相信依點可以俾到大家一個可靠保證,所以經過實地考察以及業務分析後,小注落飛「Mr.  SteaK 」母企MS CONCEPT...

2018-4-6 8:30:57

【長雄林仔週記】新股市場 梗係炒供求關係(林志培)

特朗普挑起貿易戰,全球股市突然籠罩起一陣坐立不安氣氛,有讀者更特意問小弟要不要暫停抽新股一排呢,坦白咁講新股市場可以話係另一個戰場,由舊時到今日炒賣新股一直講緊供求關係,當市場上有隻新股一股難求時候股價自然會俾搶高,就如毛記葵涌(01716.HK)首掛當日股價飄升近六倍一樣,只要貨源乾身可以炒上機會率亦會增加,近年新股本身基本因素以及大市氣氛已經變得次要,相反供求關係絕對成為股價暴升元素,所以大家每次落飛抽新股前可以多加留意公開發售股份數目同超額認購倍數之間數據,相信搵到兩餐機會自然事半功倍。今個星期創業板就有隻過江龍自新加坡紙巾股日光控股(08451.HK)正在招股,集團係新加坡業界已經有四十年經營歷史更係第五大紙巾供應商,主要業務向企業客戶銷售衛生紙產品、車隊付運及提供售後一條龍服務,但集團去年業務盈利在撇除上市費用後,按年只錄得一成五的升幅,而去年市盈率更在45.4至54.5倍之間高水平,相比現時本地市場紙巾股代表維達(03331.HK)以及恒安(01044.HK)高出近一倍以上。而集團今次共發行2億股,當中只得一成是公開發售,亦即係街貨量只得兩千萬股,招股價為0.25元至0.3元,以中間價計集資額5,500萬元亦屬偏細規模,再睇翻今次保薦人係智富融資,雖然保薦人經驗較新而過往保薦紀錄亦只得一次,同樣係創仔鉅京控股(08450.HK),但追蹤翻此股首日掛牌走勢,原來股價曾被炒高1.5倍,由此可見保薦人功力亦相當不錯,最後綜合多項因素,日光控股(08451.HK)雖然本質一般但...

2018-3-28 18:20:56

熱門專欄

【何車評股】何車:魏橋紡織憧憬私有化

8月16日於2.85元薦買魏橋紡織(02698.HK,H股市值11.8億元,H+內資總市值34億元),上月見過3.29元,昨收2.85元,與薦買前一樣。 魏橋是山東首富張氏家族公司,與宏橋(01378.HK)屬姊妹股,宏橋市值893億元,魏橋只及其4%以下。 1)魏橋2003年上市,IPO價8.5元,2007年歷史高價19.5元,現價潛水66%,較最高價下挫85%。 2)2021年(12月年結)上半年,魏橋營收75億元人幣,按年上升38%;純利5.83億元人幣,按年急升276%,較績前預喜所示多出1.18億元人幣。期內並無特殊盈利,即並無水份。公司解釋績優是因為紡織品需求上升,及電力業務穩定。 ✏️ 預測盈利爆升3.6倍 今年全年盈利預測9.5億元人幣,由去年疫症期低水平(2.05億元人幣)爆升3.6倍,PE僅2.9倍;過去6年平均PE 6.6倍,再之前6年平均為7.8倍。 ✏️ PB 0.14倍 3)魏橋今年年底每股NAV估計達19.9元,PB殘至0.14倍;過去6年平均PB 0.2倍,再之前6年平均0.3倍。 ✏️ 現金=股價3.4倍 4)魏橋現金超多,今年6月底手上淨現金高達94.8億元人幣,每股淨現金9.6港元,相等於股價的3.4倍。 ✏️ 高息12厘 5)過去5年,魏橋平均派息比率35%,若然不變,今年可派0.34港元,股息率高達12厘。 6)魏橋「兩低(PE與PB)一高(現金)」,而大股東幾乎全部擁有內資股,具備私有化誘因,可憧憬私有化。 🎯dz...

【長跑深法】陳政深:挾倉市況 揀股要睇估值

港股近日持續挾高,指數已初步企穩於50天線之上,理論上已初步見底;從宏觀因素觀察,目前經濟仍面對內地限電因素,美聯儲亦收水在即,似乎未有太大的說服力預視指數持續上破。當然,指標不說謊,升市之時堅持眾人皆醉,只會焦頭爛額,假如將目前的市況視為挾倉,下一阻力可參考26500點位置,此水平接近九月高位26560點及今年高低位黃金比率26547點,而參考下半年恒指一浪低於一浪的走勢,是次反彈未必可以超越上次之高位。另一個投資者須留意的指標,是成交金額,上日(20日)大市成交為1560億元左右,保持於近日之水平,但如果成交金額增至1800億元或以上,意味入場者眾,屆時一是大市動能充足,今年低位已見;二是散戶入場,大市散水。 無論如何,現市況之下,投資者仍應以價值為依歸,皆因大市信心仍未太強,估值可擔當股份的防守線。筆者過份亦曾提及的天韵國際(06836),主要業務為生產及銷售包裝於金屬罐、塑料杯及玻璃瓶內的加工水果產品,屬基本內需產品,亦非高耗能高排放的類別,限電背景下未受太大負面影響。 集團基本因素不俗,上半年營業額增長54%,至4.72億人民幣,純利8951萬人民幣,按年增幅達87%,主要受惠旗下「天同時代」、「繽果時代」、「果小懶」等自家品牌高毛利銷售;另外,集團去年11月推出維生素運動飲料自家品牌「享派SHioK Party」於上半年已開始貢獻,相信自家品牌的新產品會繼續推升其收益以至...

【天下第一倉】高山行:三大玄機 有權快飛

雲概念股全面急彈,陰霾漸成過去,其中有大量追落後佳選,映客映客(3700.HK)只處回升潮初期,未來還有大把空間可追,三大玄機在面前,先望過倍好合理。 3700主業在國內經營近年大熱的直播平台及提供廣告服務,股份於2018年中以每股3.85元上市,但一開波踢上5.5元高位後已無以為繼,之後更隨業績表現欠佳而下試低位,跟已見回揚的業績表現完全背馳! 事實上,3700業務已緊趨市場大潮流,去年堅持「互動社交」核心戰略, 映客APP不斷強化社交屬性,增加用戶粘性;而在AI、5G 等方面更一直投入大量資源,圖像合成等領域也取得重要突破,為集團社交產品矩陣進一步娛樂化釋放了廣闊空間,去年特別是在創新產品取得極高成功率及亮眼業績,涉年益約21億元,佔全年總收益 41.8%,其中Z世代興趣社交產品積目APP,已步入商業化進程,充分驗證用戶長期價值及強大商業張力。視頻相親產品對緣APP,經一年發展和打磨,更已穩坐視頻相親賽道第一梯隊。 今年更大有憧憬,繼續踐行「互動社交」產品戰略佈局及多元化產品組合,以搶佔更大市佔率,其中年初已與內地移動開發者服務提供商極光(JG.US) 達成協議,在用戶增長、活躍及智能化運營等方面展開深度合作,極光將通過AI技術構建的穩定、高效、安全、智能的推送服務及機器學習技術加持下的運營數據分析平台,提升3700巾戶粘性及活躍度,以實現用戶規模化增長。 另一更大潛力彩蛋則在旗下語音聊天...

【何車評股】何車:鐵礦石冧價 鞍鋼受惠

煤價大升,不利鋼鐵股。鞍鋼(00347.HK,H股市值64億元,A+H總市值519億元),上月高價6.83元,上周低見4.35元。市場忽略鐵礦石大冧價有利鋼鐵股的因素。鞍鋼現價4.55元,較上月高價低達2.28元,薦之買之。 1)鐵礦石(iron ore)是提煉鐵的原材料,佔成本最大。今年1月期貨公噸價947元人幣,5月高價1,262元人幣,昨午710元人幣,較5月高價大跌44%,較年初跌25%。鐵礦石大跌價,鋼鐵企業成本下降,得益應足以抵銷煤價上升的影響有餘。 首三季多賺4.7倍 2)鞍鋼將於下周五(29日)宣布頭3Q業績,上月尾已發盈喜,是首家發Q3盈喜公司,料賺23.17億元人幣,按年大增1.8倍;頭3Q合計料賺75億元人幣,按年激增4.7倍。 保守估計,鞍鋼2021年(12月年結)全年賺96億元人幣,激增3.85倍,PE僅3.7倍,過去6年平均為10.2倍;預測PB 0.58倍;過去6年平均為0.65倍。 3)馬鞍山鋼鐵(00323.HK)今年上半年賺46.44億元人幣,按年大增4.7倍,預測全年賺77億元人幣,激增2.9倍,預測PE 3.1倍,較鞍鋼略低;PB 0.69倍,較鞍鋼略高。 估值較其他金屬股吸引 4)其他金屬資源股中,以大行今年平均預測數據計,中鋁(02600.HK)PE 11.1倍、PB1.27倍;江銅(00358.HK)PE 7.9倍、PB 0.67倍;五礦資源(01208.HK)PE 5.7倍、PB 2.3倍。鞍鋼估值較其他金屬股吸引。 高息7.6-1...

【天下第一倉】高山行:新貌掛帥 有根有據

芯片股已在低位調整多時,近期重新復勇,其中晶門半導體(02878.HK)仲有大把可爆空間,上挑1.25元阻力已是有根有據。 2878背景強勁,為中國電子信息集團旗下,後者為中央管理的國有骨幹企業和國務院認定以網信產業為核心主業的中央企業,系內擁中、港13家上市公司,年收入2000多億人民幣,資產值數以萬億計!而系內細細粒的2878,現市值僅廿多億元,為系內最細,且是旗下唯一主業同類半導體業務的上市公司,所以未來增長空間可以大到無倫。 2878今年初改為現名晶門半導體,專門設計、開發及銷售集成電路 晶片產品及系統解決方案,能於智能手機、平板電腦、智能電視╱顯示器、筆記本電腦以及其他智能產品,包括可穿戴產品、醫療保健產品、智能家居產品,及工業用設備等提供廣泛 的顯示及觸控應用。 去年業績一洗頹勢,全年大賺1,172萬美元,今年中期更勁,營業額7,483萬美元,按年升27.7%,純利1,071萬美元,按年升143.1%;幾乎等於去年全年。未來更是宅經濟天下,帶動以晶片為核心及以集成電路驅動的設備需求上升,2878作為其中一間確保上游晶圓穩定供應的公司,有力利用自身戰略優勢來確保客戶產品順利交付,並憑藉此優勢抓住在後疫情時期中出現的機遇。 上半年集團與若干海外領先的晶圓代工廠訂立協議, 成功為未來數年確保晶圓供應。電子紙產品已實現從單色到四色的色彩突破,下一階段將追求七色甚至全彩色產品,帶動需求急劇增...

專業名家

何車評股 何車

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風