登入

靚股齊齊「目及」 梁風

【今日吹乜風】Barry:堡獅龍592供股拆局

堡獅龍(00592.HK)供股有結果,只得90個人供,人均供771萬股、人均涉資277萬元。 扣除大股東,以及我呢個散戶,即係有88個大戶,人均「基本」供167萬股、人均涉資60萬元。 上述88位大戶當中,有53位行使「超供權」(不計大股東),合共額外供股6410萬股,人均超供120.95萬股,加上「基本」要供嘅股數,超供人士平均供103.5萬元。 純睇市值,592只得11.1億元市值,講明未來會發展國內市場,以及拓展電商平台,對比李寧2331總市值1448億元,592追返後者1%身價已經可望值14.5億元,相當於每股值0.59元水平,即現價仲有空間。 近年供股後大炒最成功嘅例子當然要數華哥系下太陽城集團(01383.HK)、凱升控股(00102.HK),兩隻都係大玩供股戲法後大炒,凱升控股升幅較供股價有逾倍水平,太陽城升幅更較供股價累升12倍。 592係咪玩供乾後大炒呢? 我相信李寧系入主後係有心經營呢個品牌,否則,羅氏家族唔會甘心做「呀二」,如果只係為十幾億市值,羅家一係唔賣,一係直接拎幾億現金退場就得。 短炒角度,592當然有條件大爆發,但長線去諗,592亦有條件搶佔國內休閒服飾市場,唔好話做「一哥」,搶入十大絕對無問題,到時592會值幾多錢呢? 操作上,當然希望賺到「Free貨」,令倉位繼續有彈藥之餘,又可以享受到長線升幅。

2021-4-13 10:53:08

【今日吹乜風】Barry:跟勢沒有錯,但要認清責任

受美債息口抽高,所有熱炒股份都幾乎被洗板式下跌,過去幾個交易日,小弟觀察名單股多次全線見紅,場面認真嚇人。呢個時候,正如股神名言:「潮退後便知誰沒穿泳褲」。   過去幾個月市場上充斥「契仔股神」,由「契媽」CatHerine Wood帶領下征戰美股、港股,開初當然無往而不利,但當領軍股Tesla跌穿600美元關口,「契仔」們帳面開始見紅虧損,「契媽」都要拎出嚟被清算。   「契仔股神」只係一個代名詞,形容一班跟勢炒作嘅投資者,股票場上沒有高招低招,只有賺蝕。「契仔股神」正正乎合前輩曹仁超的主張:「投資最緊要是個『C』(勢)」,有錢贏又何妨做一下契仔。   市場突然逆轉是常有之事,將自己輸錢責任推落其他人身上,雖然可令自己心情好一點,但卻錯失一個檢討自己的進步機會。炒股是否有進步,每一次風浪來到,都會非常直觀地反映在戶口之上,雖然當中有運氣成份,但相信真正落場嘅人心中應該很清楚。   股場連日倒水式下跌,有初步見底的兆頭,問題是能否反彈、反彈的力度有多強,尚待進一步觀察。基於環球放水的基調未變,大市應該尚未玩完,只是一次深度調整,但睇中大方向只是第一步,仍要捱得過風浪才能食得住個「C」(勢),中間操作只能各人自己體驗成長。

2021-3-9 11:24:32

【今日吹乜風】Barry:快手上市被忽略了一件事

快手(01024.HK)上市引發全城熱搶,想要穩中一手快手,一定要借500幾萬孖展搶做「B組頭」,否則就要以「六合彩心態」做一手黨,和70萬人鬥好運,平均每25個人只有一位幸運兒。但我關注點落在「B組頭」人數方面,似乎是港股A股化後,最理想的一把尺。 小弟經常說港股A股化,主要係指大量有錢散戶主導市場。當然單看成交額已經非常明顯,日均成交額由2019年872億元,2020年升至1295億元,2021年1月份達到2584億元。 問題是,成交金額並未能反映「人數」這項因素,以人頭計數的新股認購情況則非常理想。 快手作為2021年首隻大型新股,在幾個層面已經打破紀錄,凍資金額1.26兆,成為首隻破兆的「凍資王」,比前任的農夫山泉(09633.HK)多了88%。 再次強調,金額不是重點,問題是人數,快手凍資雖多,但頂頭槌飛人數只得225人,比農夫山泉的298人還要少。 但如果細心看一下認購金額逾500萬的「乙組頭」人數,快手的「乙組頭」多達3.48萬人,農夫山泉只得1.32萬人,人數急增1.6倍。 當然券商大力吹捧,加上提供大量低息孖展,令投資者人人被迫借孖展入飛「焗砌」,亦是人數急增的原因。 但表二正是歷來港股三大「凍資王」的資料,從申購數明顯見到,快手總申購數,達142.3萬份,較農夫山泉多了1倍,比中國鐵建(01186.HK)亦多了近八成。 或許農夫山泉、中鐵建大家感覺都未夠深,工行(01398.HK)2006年IPO時全城認購,總申購數亦只是96.93萬份,快手今次再多了46.81%或45萬人。 港股A股化後,到底市場參與者增...

2021-2-5 14:50:27

【今日吹乜風】Barry:「追月」

藍月亮(06993.HK)有兩大因素反映會大炒,呢隻股隨時會成為「神水」農夫山泉(09633.HK)嘅翻版,成為炒內需嘅龍頭股之一。 一)公司上市集資額97.5億元,6位基石投資者合共認購1.38億股,扣除後餘下6.026億股(涉資79億元)。 該股上市首日即見大高開兼大成交,資金態度相當進取,當日成交72.41億元或4.7億股,信心不足嘅投資者有足夠空間離場。 二)公司1月6日悉數行使「超額配股權」,涉及合共1.120685億股發售股份,額外收取所得款項淨額約14.45億元。 通常行使完「超額配股權」,市場又多一批新貨,對信心有一定負面影響,但6993走勢話你知,多一批新貨仲好炒,今日更加係大成交破頂。 上述兩項因素都反映6993已經俾北水睇中,未來一旦獲納入港股通升勢只會更勁。 當然6993市盈率極高,但你睇返「神水」農夫山泉,市場都唔單止吹捧佢現有產品,而係憧憬「神水」借助龍頭優勢捧起其他產品。 6993模式亦相當似,其在洗衣液市場、濃縮洗衣液市場及洗手液市場的市佔率均為第一,分別為24.4%、27.9%及17.4%。 短線6993有幾個潛在憧憬,一)大行出報告吹捧、二)入港股通、三)業務上新發展,例如網上銷售或有新產品推出。 今日6993大成交破頂,高見19.16元,全日成交均價亦唔低,要18.65元,之前高位18.8元,短炒計17元止蝕,上望2000億市值,即34元水平。 Barry炒股成長日記

2021-1-13 15:07:55

【今日吹乜風】Barry:康方生物9926折讓配股,點解係好消息?

康方生物-B(09926.HK)折讓配股,集資11.88億元,但其實睇返配股作價39.6元一啲都唔差,短線我唔會話一定唔會穿個配股價,最少會有一定支持力,如果要現價先入場,止蝕位可以定喺35元水平。   先細心分析今次配股資料,銷售文件顯示,配股價區間39.05至39.8元,定價39.6元即係接近配股價上限水平,亦較公司上市定價16.18元溢價1.45倍。   留意返其實9926係獲納入港股通之後先升得比較急,11月份都只係作價24元水平,納入港股通前高位都只得38.95元。換言之,今次配股價對公司而言相當唔錯,亦反映機構投資者對9926前景幾樂觀。   9926公布配股後(雖然未完成),反映公司以一個唔錯嘅價位集得一筆資金,短線亦應該冇再集資需要,最少公司承諾有半年禁售期,其他投資者唔需要再擔心公司配股集資,對獲納入港股通之後的表現有相當正面積極的影響。   ======   康方生物-B公布,公司已有條件同意透過大摩以每股39.6元,向不少於六名承配人配售合共3000萬股。   每股配售價較昨日收市價折讓約4.58%;股份佔經擴大已發行股本約3.67%。   假設3000萬股配售股份獲悉數認購,於配售完成後,所得款項總額將為11.88億元,配售所得款項淨額估計為11.7134億元。   Barry炒股成長日記    

2021-1-7 10:29:41

【今日吹乜風】Barry:點解要一注獨贏AMD?

有朋友留言問隻AMD ,話好似好多負面消息咁,但我又真係見唔到,反而見到好多利好消息嚟緊。當然,Intel同Nvidia嘅反擊都有機會造成負面影響,加上行業整體估值亦相對唔平,都帶來一定沽壓,之但係AMD 根本「印緊錢」唔使驚啦! 我話AMD 「印緊錢」嘅原因好簡單,2020年第四季,PS 5、Xbox Series 兩大遊戲主機開賣,最新數字話PS 5 累計賣出373萬台、Xbox Series 則售出201萬台。呢兩部主機都係採用AMD 定制的Zen 2 CPU架構、RDNA 2 GPU架構,並採用7nm工藝製造,只係具體規格略有不同。 AMD 現時面對最大難題,係7nm嘅產能,市面上無論係AMD 嘅CPU同GPU 都缺貨,甚至有炒價。但最新台積電已經多返好多7nm產能,未來AMD更會成為台積電第二大客仔。大量7nm產能,可以幫AMD 印更多錢。 大環境講完,就逐條產品線分析,我自己主力睇緊 「桌上型電腦 CPU+GPU」、「筆記本電腦 CPU+GPU」、「大型數據中心」、「半客製化解決方案」(即AI、5G、自動駕駛等應用)。 桌上型電腦(PC)市場方面,AMI已經不斷搶佔Intel市場份額。據遊戲平台(Steam)統計,AMD CPU(WINDOWS機)市佔率升至26.91%,比起7月底23.73%上升3.18個百分點,好明顯可以見到上升勢頭非常急速。 PC GPU方面,AMD 雖然仲係明顯跑輸Nvidia,但由於性價比優勢,非遊戲市場有一定競爭力,例如剪片就係AMD 嘅顯示卡更理想(據朋友評價係:「平好多,但效能差唔多」)。「掘礦市場」更加唔使講,係AMD有優勢。Bitcoin炒到28000美元一粒,...

2020-12-31 10:50:38

【今日吹乜風】Barry:呢隻「21章股」有勢可小注一博

「21章投資公司」中國新經濟投資(00080.HK)近期好似有啲動作,低位可以一博,參考今年3月份配股價0.16元,建議0.15元止蝕,若然真係有力反彈,有機會以年頭支持位約0.3元水平做目標。   自港交所推出「21章投資公司」以來,基本上投資者都係比較少關注,除咗招商局中國基金(00133.HK)及東英金融(01140.HK)呢類大嘢,其他最出嘅要數「王立強事件」嘅中國創新投資(01217.HK),以及「道士股」鼎益豐(00612.HK)呢類。   有133、1140亦正正代表「21章」唔係冇好嘢,其實早幾年殼股大炒,亦傳過有資金想買間「21章」做單一類主題嘅投資,變相將未上市資產簡單地注入上市公司,雖然係主板上市,但殼價平一好幾成。   好似中國創新投資1217咁,公司喺2018年亦宣布擬收購擁有可充電鋰硫電池技術的全美能源公司(Power Energy Solutions, Inc.),如果唔係因為「王立強事件」,近年電車概念咁熱炒,1217牌面睇其實幾有概念,但現時政治風險咁大當然唔使諗。   睇返中國新經濟投資80,公司就喺公告表示,想向醫療保健(包括高科技及在線醫療)以及電信(包括物聯網板塊)私募股權的投資機會。公司喺2019年、2020年都有配股集資,合計集資約6250萬元,但公司最新市值都只係1億元左右,純計數都有唔錯值博率。   早一段時間,80亦差啲有新刁,公司於9月份與東方支付(08613.HK)訂立換股協議,但交易未有落實。另一宗潛在新刁則尚在進行中,11月初,公司與廣州奧珀斯...

2020-12-21 8:00:32

【今日吹乜風】Barry:2021年有乜爆升主題?

近期主力都係到諗,2021年會炒乜? 要揀嘅當然唔係得一、兩成嗰種,而係起碼有機會炒超過一倍嘅題材,我暫時比較有信心嘅,係一批生物科技B股,冇乜基本分析可言,純睇圖、睇盤炒就算了。 背後原因好簡單,因為我作為醫藥行業門外漢根本唔熟醫藥嘢,就算佢話係醫乜病乜病,我都唔知病人喺市場上有幾多種選擇,佢嘅競爭對手有幾多,未來有咩新藥,更加有潛在政策風險,係我唔識估計。 所以要炒生物科技B股,建議集中火力揀幾隻大嘢,有大行力捧、入咗大指數嘅更好,未來炒作概念好簡單: 一)本身行業前景好 二)國家策略支持(提提大家,今份香港施政報告有重點提到,而呢份施政報告係請示過中央最高層) 三)跟住港股通北水炒 現時已納入恒生綜合指數的「B股」共7隻,分別為諾誠健華(09969.HK)、沛嘉醫療(09996.HK)、康寧傑瑞(09966.HK)、康方生物(09926.HK)、啟明醫療(02500.HK)、亞盛醫藥(06855.HK)及康希諾(06185.HK)。 第一批爆升B股一定係上述7隻當中尋寶,暫時比較似樣嘅有9996、9966、6855。

2020-12-9 10:21:53

【今日吹乜風】Barry:德琪醫藥6996有高盛「護航盤」力撐

德琪醫藥(06996.HK)周一湧現大量沽盤,一跌穿18.08元上市價,之後再引發一批沽盤,一度低見17.4元,若以藥明巨諾(02126.HK)作參考,6996跌深一點亦不出奇。 所以17.9元水平已提大家先止蝕,但很快已見高盛買盤出籠接貨,一度排喺18.08元硬接,可能是沽盤太多,之後開始轉打法,高盛買盤分別於17.8至18元水平浮動。 高盛和摩根大通是德琪醫藥保薦人,有「護航盤」亦不出奇,但「護航盤」是否實淨是最大問題。 以世茂服務(00873.HK)為例,只係掛牌首日尾市「造樣」,之後就消失得無影無蹤,明顯見到873除首日尾市表現特別好之外,之後已進入「Free Fall」(自由落體)狀態,當然不代表873冇得炒,而係令「收集期」大幅延長,一定要搵到個靚底先會反覆向上。 反觀,6996 短線有高盛「護航盤」支持,我估算,周一、周二已累計接貨億幾、兩億元,這批股份當然會流入高盛的大戶客仔手上,因當時6996國際配售大部份已由基石投資者搶去,其他客仔一係要在公開市場上認購,一係等超額配售權時再搶過,現在有高盛負責收貨當然不會搶貴貨。 最少,喺呢個情況下,6996短線不會進入「Free Fall」狀態,持貨時更加舒服,加上「護航盤」不斷收集短炒的街貨,有利後市發展。

2020-11-25 10:10:34

【今日吹乜風】Barry:德琪醫藥6996或先低後高

分配結果分析: 德琪醫藥(06996.HK) 一手黨略為多,涉資5.7億元,但今日融創服務1516表現意外地好,加上基石投資者認購已經佔發售股數達五成水平,與藥明巨諾2126、榮昌生物9995情況相似,後兩股仍然喺高位企硬,6996可以吼位吸納,博佢中線變下隻2126(一度升逾38%)、9995(暫累升逾四成)。 建議買入價19.5元樓下,上望23至25元水平。 ===分配結果=== 一手黨63095人,涉資5.7億元 乙組頭(抽30萬股、派5500股),3180人,涉資3.2億元 頂頭槌飛(抽770.8萬股、派8.1萬股),40人,涉資5857.92萬元 基石投資者佔發售股數49.89% Barry炒股成長日記

2020-11-19 15:41:09

熱門專欄

【霜霜魔鏡】梁傲霜:為摯愛母親獻上專屬香氛

母親節將近,早前曾介紹給母親驚喜之旅,若還未想到心意專屬的禮物,不妨帶給母親一同體驗CHloé花香世界,CHloé在香港連卡佛時代廣場、K11 Musea 及 FACESSS 海運⼤廈開設期間限定店,以浪漫法式花車為主題,展示Atelier des Fleurs香氛系列,更帶來限定華麗花束優惠,藉此向母親表達感謝之意。 期間限定店以法式花卉為主軸,淡雅的米白粉紅為主調。店內設有華麗的法式花車,並放置清新花藝作點綴,營造浪漫的歐洲花都風情。CHloé Atelier des Fleurs香氛系列包含12款香氛,在命名上以呈獻花香調、芳香香調或木香調為主線,採用天然成分配方,更可隨心搭配兩款或三款香氛疊加使用。 各種香氛均富其獨特香氣,不論花香調、芳香調或木香調,鮮花芬芳與令人回味的綠葉幽香均相互輝映,多位香氛調香師共同創作,分別選用他們最喜愛的花卉作為中調,打造一款獨具一格的香氛,再將每一款作品背後的故事娓娓道來,幾位才華橫溢的調香師從嗅覺的記憶中汲取靈感,有的是童年往事、有的是旅行回憶、有的是對生命中某些時刻或者地點的懷念,從而創作出一系列浸透了CHloé品牌真蘊而又充滿個性、甚至帶著些許私密感的香氛。 母親節期間親臨限定店,挑選專屬香氛,購指定香水,均免費獲贈新鮮花束一紮,感受來自大自然的饋贈,一同體驗CHloé花香世界,盡情探索Atelier des Fleurs系列的馥郁氣息,以絢麗花都風情歡渡節日。 梁傲霜 扮靚、養生、...

【天下第一倉】高山行:佳績持續 芯智成熟

芯智控股(02166.HK)簡單一份季度盈喜,立將股價扯至上市4年多以來新高,正藉昨日尾段升幅收斂,又是大好上車時機,以其獨特業務模式及極吸引財務數據估計,股價再破昨日2.3元高位而迭創歷史新高走勢,已是在基本盤內。未來還可憧憬3.7元目標。 2166業務獨特,主事中國內地及香港分銷集成電路及其他電子元器件,亦提供庫存計劃、物流安排、工程解決方案及技術支持等增值服務,處行內中游及重要輸送杻角色,獨享其利。 集團於2016年10月以每股1.83元上市,業績一向表現穩定,只是2019年回退,到去年又再轉上升途,全年收入55.41億元,按年增16.3%,純利7,100萬元,增28.9%,重上2017年盈利水平 ,每股盈利14.42仙,末期息4仙,連同中期息計,全年派息共4仙,為上市以來最高。 昨日力創歷史高位,則拜最新一份季度盈喜所賜,預計3月止首季度總收入及應佔利潤分別為20.75億元及3,600萬元,相比2020年6月止的6個月數據大大增長,以此盈利進度推斷,今年盈利應可倍增到1.4至1.5億元,預期市盈率僅6倍多! 首季業績其實承接去年下半年之勢,增長主因客戶對半導體需求上升,帶動授權分銷業務及獨立分銷業務雙雙錄得整體銷售增長,其中授權分銷業在電視、存儲、車載電子、物聯網等方向的業 務數據保持基本平穩;只是智能終端業受行業發展趨勢和疫情衝擊雙重影響,但光電顯 示、安 防、通訊產品、光通信等業務實現大幅成長,另獨立分銷及...

【長跑深法】陳政深:有息無升收息何用?

美國財長耶倫,在接受訪問時表示,美國有需要加息,市場即負面解讀;一則憂慮經濟前景,二則擔心美國提早收水,儘管耶倫其後作出澄清,美股仍是走弱,幸而港股反應尚算正面。不過在走勢上,恒指雖然收復100天線,但其失守的時間比上次為長,加上指數之升,乃由滙控(00005.HK)、中移動(00941.HK),以及內銀等傳統股份驅動,似乎意味指數在趨勢上有一定隱憂。 說回耶倫,她既是學者出身,又曾出任聯儲局主席,上述之訪問又是錄影節目,何故耶倫明知息率是美聯儲範疇,作為財長的她竟毫不忌諱地評論?她其後澄清,強調美聯儲的獨立性,明顯已知道她言論不當,似乎耶倫是極想警告市場,將來面對的是一個貨幣供應超級充裕的時代。大家都知道太多的錢、太少的貨會有何後果,超級多錢伴隨的就是超級通脹,財長動不了貨幣政策,聯儲局要睇經濟行事,可見將來收水的空間似乎有限。 通脹,投資者自然想尋找收息股。筆者出席網台以至電視節目,總有投資者問「內銀收息好無?」又或是「買XX內銀博反彈值唔值博?」一類問題。 很明顯,投資者是知道內銀並非優質、高增長的公司,他們只求博10%、20%的反彈,又或是只求保本收息,不求倍升的投資。 本欄既喚「長跑心法」,筆者追求的自然是長線的增值及收益,縱使本欄提及的,不乏短至中線股份,但核心持倉仍是建議有穩定、鎖倉、倉底的股份,這才可以確保投資有足夠程度的分散,以及抵禦大市...

【魚樂無窮】唐牛:通告之王必瘦站 分注撈番

要數近日熱炒的板塊,醫美股必定榜上有名,過往亦曾在日報專欄作出推介,請自行Google。屬於少林正宗的必瘦站(01830.HK),由高位計回落兩成,即見買盤支持,現價博反彈又得,分注吸納買第一注亦得。 有睇開披露易的,也知道必瘦站乃通告之王,最犀利試過一個中午連發三招,內容主要聚焦業務update及新發展方向,如疫情下生意繼續強勁、加強拓展醫療(痛症)及美容至大灣區、澳洲及新加坡市場;另外還有大股東歐陽江增持股份、未來擬易名為「完美醫療健康管理」等。最重要係通告一出,股價都有正面反應。好似噚日中午提到於海港城以至大灣區搞醫美服務中心,午後股價由跌轉升,20天線失而復得。 拉闊少少個畫面睇,今年股價累積升幅逾倍,但勝在派息吸引,以最近12個月共派息0.47元計,現價股息率超過七厘,可自行計算合適股息率入場,博回氣再上,跌穿5.5元止蝕。 fb︰www.fb.com/tongcow88 YouTube︰www.youtube.com/cHannel/UCLwEpfQ6w1d-MUVlAS86QcQ

【天下第一倉】高山行:出征有門 追入晶門

全球半導體業銷售額按年大增,芯片漲價潮已不斷發酵,同業股份大漲,其中以大落後的晶門半導體(2878.HK)反應最熱烈,此無他,一切都皆因一個字: 平!旗下產品更已隨著市場需求而緊貼變化,加上鵝面聚焦中國市場,其中AD產品更廣涉醫療及新進微型電子產品,未來幾年業績仲有大把增長空間,過2元仍只係一個小目標! 2878本身背景已強,為中國電子信息集團旗下,後者為中央管理的國有骨幹企業和國務院認定以網信產業為核心主業的中央企業,系內擁中、港13家上市公司,年收入二千多億人民幣,資產值數以萬億計!而系內細細粒的2878,現市值僅21億元,為系內最細,且是旗下唯一主業同類半導體業務的上市公司,所以未來增長空間可以大到無倫。 2878剛改為現名晶門半導體,專門設計、開發及銷售集成電路 晶片產品及系統解決方案,能於智能手機、平板電腦、智能電視╱顯示器、筆記本電腦以及其他智能產品,包括可穿戴產品、醫療保健產品、智能家居產品,及工業用設備等提供廣泛 的顯示及觸控應用。去年業績一洗頹勢,上半年已轉虧為盈賺440.6萬美元,下半年更勁,全年營業額1.21億美元,年升11.9%,全年賺1,1725萬美元,上年同期則蝕2,727萬美元;每股盈利0.5美仙,末期息0.8港仙, 粒粒數據都見亮眼,毛利率為29.6%,增長9.9百分點, 訂單出貨比率為1.4,即係有排忙,其中AD產品更大有需求,包括PMOLED (觸控+顯示)、雙穩態產品、micro-L...

專業名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風