登入

靚股齊齊「目及」 梁風

【今日吹乜風】Barry:貓眼係「港版納指」最大受惠股

「港版納指」恒指科技指數公布後,市場上有唔同看法,我自己偏向正面。的確,當中唔少股份恒指又有、科技指數又有,例如騰訊(00700.HK),阿里(09988.HK)最快亦會於今個月染藍,但如果MPF有得揀恒指基金、國指基金同科技指數基金?以上三選一,我100%會All IN 科技指數,不過目前實際首選都係亞太基金。 最少,我認為科技指數代表市場大方向,並唔係單純話題炒作,成份股當中確有唔少潛力股,其中貓眼娛樂(01896.HK)係我長期留意股份之一,可惜2019年上市冇耐就開始玩潛水,又有多個行業負面消息(例如冰冰事件),今次科技指數引發資金被動式流入有一定支持之餘,亦可望令到市場重新關注呢隻內地網上購票平台嘅潛力股。 貓眼娛樂係去年2月4日上市,上市價14.8元,集團一直為國內線上電影票務平台一哥,市佔率達60%,集團有稱為「貓爪模型」的五個平台,包括娛樂票務、產品服務、數據、營銷及集資。 最近大摩都發出「XX日內上升報告」,預期股價會於未來30日上升,發生此機率料80%以上,目標價15元,評級「增持」。 7月底時國內影院重開,阿里影業(01060.HK)總裁李捷當時預期,「非常有信心票房會恢復到平時同期的正常的2/3的水平。」 1896、1060都係值得留意嘅長線股,市場負面因素等基本上已反映得七七八八,疫情發展當然只能靠估,但係全球政府都希望防疫之餘,能夠重啟實體經濟,電影業有序重啟可期。 1896多一個概念可炒,重返合理身價,上望返上市價14.8元應該冇難度,到時再睇市場及行業情況去或留...

2020-8-3 8:30:58

【今日吹乜風】Barry:創維751有機會變成潮股

最近研究買邊部電視機好,中國品牌往往有種土味,但國內品牌創維(00751.HK)嘅「SKywortH 55S8」,竟然令我有少少心動,只不過,最終我當然揀返韓國牌子。 不過,隻股真係值得留意,短線751要睇2.6、3元兩大阻力,分拆酷開、2.8元回購3.928億股、盈喜等三大利好消息,中線有機會挑戰4元大關。 講股票呢啲悶嘢之前,俾我讚一讚佢部電視,七千銀價位,55吋採用LG OLED面板,加埋傳統喇叭名牌JBL音響,撇除耐用性因素,如果要平價玩OLED係諗得過。最少睇得出,呢部機係有心。 由於技術門檻較高,LG Display(簡稱:LGD)目前喺OLED 面板市場算係獨大,國內品牌都係買LG面板再組裝。 首先係基本面轉好,報道指6月份,創維OLED電視國內銷量達1.11萬台,第26周OLED單周市佔率突破68.92%。 而創維亦於7月15日公布兩大利好消息,1)公司預期上半年未經審核綜合淨溢利將增長不低於60%;2)建議分拆深圳市酷開網絡科技於聯交所或深交所獨立上市。 酷開即係創維旗下智能電視系統,截至2019年12月31日,酷開系統在中國市場的智能終端機月活躍量實現2894萬,日均活躍量達到1553萬。收入來源主要包括,內容訂閱、廣告和軟件應用程式操作。 截至2019年,創維仍持有酷開56.79%的股權,其餘股東包括騰訊、百度和愛奇藝。百度作為最後一個入場嘅大哥,當時顯示酷開的估值達到91.82億元。即係創維持股市值,最少值52.14億元。 創維最新市值僅73.46億元,但睇升一倍,挑戰140億元市值亦唔過份。公司本身電視業務保守估計值82億元(2...

2020-7-27 10:00:00

【今日吹乜風】Barry:趁機調整持倉,堡獅龍592值博率奇高

市場負面消息仍是不斷,水災蝗禍、中國與國際關係緊張等等,但市場仍未見一面倒下跌,所以初步推測,港股只是進行一個深度調整。我們不如趁機將手上持股進行一次分析,換入一些感覺會更容易跑贏大市表現的股份。 恒指公司公布,將於周一(20日)下午舉行網上新聞發布會,公布推出一項科技指數的詳情。科網股、B股自必為一線大熱門。 另一方面,傳統股份未必會差,疫情問題雖然令經濟一再受壓,但股價基本上已經反映得七七八八,下跌空間有數得計,未來博反彈空間更大。 堡獅龍國際(00592.HK)上周五低位一舉反彈三成,所涉資金不過794.5萬元,證明592低位已無沽壓,短線博反彈先睇0.43元、0.53元兩大阻力。 592自獲羅氏家族後人引入李寧之後,公司大變身已成大方向,公司抽升後市值仍然遠低於10億水平,592有品牌有價值、李寧有中國渠道,潛力巨大,低位值博率奇高,不妨趁反彈順勢落注。

2020-7-20 8:00:56

【今日吹乜風】Barry:吼位試下支電子煙

中港股市齊齊急跌,場內唔少股份洗倉式跌法,但港股已經變成一個散戶資金主導嘅市場,亦即係之前講過嘅「港股A股化」,好難話港股開始急跌就係要玩完,睇水(錢)做人就岩了。 昨日打貨主要係因為小弟之前炒到孖展比率已經偏高,見勢色唔對,第一時間緊係要著返條泳褲,以防潮退時出事。 但小弟相信,今年股市仲有好多商機,今次可能係一個借勢嘅深度調整,始終中美關係、疫情問題等等大量負面消息未曾反映過,唔少股票都低位反彈逾倍,人哋食下糊都要。 相信今年整體大家都係賺緊錢,只係賺多賺少嘅問題,賺完錢嘅人一定心痒痒,仲想繼續搵機會,所以完全唔使擔心,市場仍然有一埋熱錢,大可吼低位買平股。 電子煙概念股思摩爾國際(06969.HK)估唔到俾人打返30元水平,雖然已經較上市定價12.4元升咗倍幾,但呢隻股似乎真係好有潛力,短線唔穿30元已經係好兆頭。 國泰君安已經急急腳出報告唱好呢隻股,目標價睇58.05。該行預期,6969於2022年淨利潤可升至100億元水平。 國泰君安指思摩爾為電子霧化器龍頭,過去幾年市佔率快速攀升,2017至2019年在全球電子煙市佔率6%、10%、16%,預計2020年上半年提高至20%,配合行業30至40%增長,未來仍有很大增長空間。 該行又指,思摩爾在2017年開始研發HNB設備,打造加熱不燃燒品牌METEX平台,加上進軍醫藥領域,今年底或有實質性產品推出。

2020-7-17 8:00:56

【今日吹乜風】Barry:跌市切忌太慌

跌市時唔使太慌,睇返龍頭股表現為上,當龍頭股未穿大支持位,我覺得仲可以睇定啲島。騰訊(00700.HK)都未穿返510呢啲大支持位,阿里(09988.HK)就睇240、220呢兩個大位,感覺仲頂得住。 琴日我揀咗隻眾安(06060.HK)嚟撈貨,48元撈都算係靚價o掛,頂多穿47蚊打囉,我第一注51元先買,博佢開大車挑戰歷史高位97.8元。 好似6060呢類股,低位錯失良機,上返呢啲水平要控制自己注碼,以小注博幅度嘅策略。 我呢啲倉仔當然冇咁多注,只好減隻基石(02616.HK),幾次上到11元水平都有阻力,換隻6060睇下會唔會升得爽啲。 我唔會話呢個大市一定跌唔落,市場一直有負面消息,中美關係惡化、美國制裁方案、疫情、經濟問題,負面消息仲唔夠多咩,但一直咁升法係咩原因? 中概股需要有一個回歸嘅平台,市場資金好簡單,見到有張賭枱成日有錢贏,好似派錢咁款,暫時又未見有人贏完走唔到,咪拎部份錢過嚟玩,有得賺,唔會同錢鬥氣嘅。 其實背後都好大可能係一個音樂椅遊戲,但當第一輪冇入場嘅,見到其他人已經超前自己(我諗已經有兩、三成差距),你點同啲客解釋?只好有限度追貨,等音樂停嘅一刻,口袋能夠袋走幾個錢已經賺到了。 Barry炒股成長日記

2020-7-15 8:00:33

【今日吹乜風】Barry:現代牧業1117發盈喜,預示奶股有運行?

全球疫情持續反覆,拖累唔少公司發盈警,估唔到隻現代牧業(01117.HK)發盈喜,預料上半年經調整溢利大升4倍以上。 1117係一隻主力生產原料奶嘅概念股,最大客仔正正係公司大股東蒙牛,持股58.15%,買入均價在1.8元樓上,單講最近蒙牛增持嘅CB(可換股債)換股價都要1.2625元。 國內原料奶市場持續低迷,當年2013年1117股價一度炒上4.4元水平,但股價近期跌到0.9元,高位累跌超過八成。 正當人人以為佢會繼續唔掂,1117竟然發盈喜,預料2020年上半年溢利不低於1.9億元人民幣,其中包含公司向合資公司注入可生產能源的資產而確認的一次性出售淨收益合共約6700萬元人民幣。 撇除一次性收益影響後,上半年溢利同比將大幅增長400%以上。 集團提到,疫情暴發以來,除了運輸及物流在初期受到輕微影響外,集團旗下牧場整體維持營運正常,原料奶生產及銷售穩定,集團牛隻與員工均未有受到實質性影響。 1117有機高開,即日短炒計1元樓下都值博,中線計有機會重估身價,挑戰1.25元阻力,下站再睇1.8元。呢隻股高位有層層蟹貨,但真係殘得緊要,有興趣中線可以先少注落場,等睇市場反應及大行報告,會唔會轉吹行業大改善。

2020-7-6 8:00:07

【今日吹乜風】Barry:追炒一隻細價物管股

  之前小弟話過物管股估值開始過高,值博率吸引唔到我落注,但當陸續有大碼頭進駐三、四線物管股,就變得好好炒了,場內中奧到家(01538.HK)、銀城生活(01922.HK)已經癲咗,下一隻可能係燁星集團(01941.HK)。   1941之前策略王都推過,上一輪高位1.57元,正正反映上市價1.56元好大阻力,呢隻股沉完一輪自己浮返上嚟,上周五再俾人掃到上1.66元,破埋上次策略王推介之後嘅阻力,應該有料到,隨時大炒。   招股上市時,恒地大少李家傑有份入場當然係重點之一。當時,李家傑旗下的Successful Lotus Limited作為基石投資者,認購2100萬元股份。   但最有一大重點係1941母公司鴻坤集團同中交地產有一份合作協議,其中講明雙方會喺「物業管理」等相關領域合作。   理論上1941上市日期係3月13日,而家上市未夠半年,冇咁快可以有財技動作,但有時有大動作前,亦要有事前準備,例如出吓通告、簽吓合作協議,所以真係講唔埋。   既然有資金開炒,只好跟一跟注,博佢升穿1.6元後企穩,下站阻力1.88至2元水平,冇終極目標價,策略係邊炒邊食,尾段留少注放紙鳶。   一旦跌穿1.4元考慮止蝕,跌穿1.3元強烈建議止蝕。 Barry 炒股成長日記

2020-6-29 10:00:42

【今日吹乜風】Barry:「收爛帳」從來都係收多一蚊賺一蚊

正如警務處「一哥」鄧炳強係「學成龍做警察」,小弟都睇唔少電影學嘢,有三位影帝(黃秋生、吳鎮宇、張家輝)主演嘅《黑道風雲之收數王》,就係我學收數嘅良師。 當然睇電影之餘,亦要睇多啲新聞同書進一步充實自己智識,《追債人》一書就係好好去了解收數行業嘅讀物。 話說2008年金融海嘯之後,好多人都還唔起卡數,據指,當時美國消費者負債11.28兆美元,當中呆壞帳有8310億美元。 銀行有一批信用卡壞帳,就會打包出售俾呢批收數佬,《追債人》入面講,亞倫能用15美元買到「帳面價值」1500美元的債權,即係買入價只係帳面值嘅1%,只要能收回欠款的十分之一,就足夠贏大鑊。 美國白宮今日突然彈出彈入,霍士新聞引述美國白宮貿易顧問納瓦羅(Peter Navarro)以「It's over」形容中美貿易協議。 美國總統特朗普隨即發Tweet指中國貿易協議完好無缺,希望中國會繼續履行其協議條款(THe CHina Trade Deal is fully intact. Hopefully tHey will continue to live up to tHe terms of tHe Agreement!) 中美貿易協議有權利亦有責任,中方承諾包括購買「500億美元農產品」。美媒就成日睇住呢舊肥豬肉,對我國指指點點,當然緊張啦,特朗普要靠呢單刁嚟拉票嘛。 今年6月份,彭博社引述消息指,中國暫停部分美國農產品進口。冇幾耐,楊潔篪蓬佩奧6月17日在夏威夷舉行會晤後,彭博社又引述消息人士話:「中國政府已要求屬國企的農產品買家盡一切努力履行第一階段協議」。 學張家輝話齋,收數最緊要唔好迫死個債仔,你...

2020-6-23 12:02:42

【今日吹乜風】Barry:作為港人的「底線思維」

「港版國安法」草案內容終於公開,可以預期歐美等國的回應會進一步強硬,香港仲係咪金融中心,就要觀察港匯能否在未來一段短時間維持強勢。我自己偏向相信流入的資金會足以填補流出的資金,國家隊會全力支持「港版國安法」下香港的金融中心地位,在一片歌舞昇平下,內房股繼續配股Cap水。 阿爺做得呢個動作當然預咗最衰打算,亦即係近期官媒多次強調嘅「底線思維」。作為一個香港人,我亦有我嘅「底線思維」,其實即係風險評估、風險管理,只係換個詞語,叫「底線思維」,好似高人一級咗,呢啲咪叫潮囉。 我嘅最壞打算係,香港失去國際金融中心光環,但仍然會係金融中心,係中西嘅主要橋樑而好難有之一,同時亦始終係一線中國城市。 聯交所自1980年成立,1986年正式四會合一,截至今日為止,好多外資基金已經揸落唔少港股,係咪可以短短幾年內完全抽身呢?我抱有懷疑,叫佢哋加注可能唔敢,但留注喺香港繼續炒「中國概念」,尚算有數得計。 當然另一方面要提醒大家,唔止美國,G7針對「港版國安法」聯合聲明、中印衝突、台海局勢緊張,市場形勢難估,總係會有意外發生。 所以我哋小散戶要時刻提醒自己有「錯估形勢」風險,控制好槓桿,唔好將自己推到只能瞓身All In嘅賭局之上。 投資唔係只得Yes or No,港股你真係覺得唔安心嘅,開個離岸戶口買美股又得,最保守嘅選擇可以買啲實金防身,只要對沖到全球負利率呢個大環境就得了。 是日推介:比高集團(08220.HK) 小注博有料到,純當殼股去炒,,8220截至9月底NA...

2020-6-22 8:00:39

【今日吹乜風】Barry:網店被查舊稅 擎天軟件1297有望受惠

內媒引述消息指,多名網店被稅局「提醒」要求企業自查過往3年以來存在的漏報問題並補繳稅款以及滯納金。 周一開市,阿里(09988.HK)定必有一浸沽壓,未上市的京東(09618.HK)更加係想走都冇得走,但相信要擔心呢個問題嘅人都係高手,識自己走去美股做定對沖了。 其實網店避稅問題一直存在,只係過往阿爺密許而且,如今正係有需要,國家當然不會忘記你們。正如當年迷債事件之後,好多國家都醒起啲國際銀行做事唔太乾淨,係時候罰一罰錢。照咁睇阿爺對自己人都算俾足情面,有機會俾你改過自身。 國內報稅需求突然大增,呢班新客更係同阿里等平台關係密切,阿里持股13.5%嘅擎天軟件(01297.HK)要睇實,公司主打產品出口退稅軟件料會受惠今次大量網店的報稅需求。 該股52周低位0.87元,大可以跌穿0.85元止蝕,博反彈先睇1.22元阻力,下站再睇1.4至1.5元阻力。 Barry炒股成長日記

2020-6-15 8:00:35

熱門專欄

【求知之聲】何承聲:小博績優強勢股

港股連升兩個月,7月份未能企穩25,000點樓上收市,升幅亦顯然不及6月。回顧7月首周港股亢奮高見26,782點後開始反覆回吐走勢。上周期指結算後,市況再度下跌,恒指又反覆試驗24,500點的支持位,上周五(31日)收報24,595點。短線港股繼續受壓居多,8月首周繼續調整機會大,而回望過去一個月,恒指已調整了三周,由高位回吐近2,200點,相信大市有隨權重股業績「好消息」減震企穩的機會(視符50日線24,600點水平會否光復無望)。 市場首個焦點是美國於周五公布的7月非農業職位數據。在非農業職位數據公布前,美國也會公布上周首次申領失業救濟人數。而上周公布的首次申領失業救濟人數(截至7月25日的一周)按周增加,連續第二周錄得輕微上揚,反映美國經濟存在隱憂,令市場對於7月非農職位數據的看法感到悲觀。市場預期美國上月職位將增加165萬個,遠少於前一月的480萬個。有關數據理應未能反映部分州份7月下旬出現確診人數大幅上升後的情況。展望8月,美國股市將視符美企業績是否能帶來「好消息」(或者不太差信號,當好消息炒)。 此外,據美國權威智庫皮尤研究中心(Pew)調查,73%的受訪美國人對中國持負面看法,而且是自3月以來對中國負面情緒呈上升趨勢,調查另一發現是近78%受訪者對中國處理新冠肺炎以至全球疫情爆發上存在一定的指控。倘若該調查結果沒太大誤差,正如不才早前所強調特朗普牌面已沒太多有力的經濟牌可用來爭取連任,...

【天下第一倉】高山行:聞風起動

風電股炒起,遠因是已有京能清潔能源(00579.HK)及華電福新(00816.HK)等相繼被私有化,近因則是金風科技(02208.HK)及比亞迪電子(00285.HK)強勢合作,再加上國策全力扶持,所以這新舊經濟板塊仍料有一段熱炒期,其中龍源電力(00916.HK)便可趁回氣切入,無論博私有化抑或業績轉好,都仍不俗上望空間可期,先可定7元目標,是切切實實的聞風起動。 龍源去年業績大倒退,令股價走低,但今年則反而在逆市下復活過來,其中首季營業額71.84億元人民幣(下同),按年升1.3%,純利19.9億元,按年升6.1%,已啟動業績復興訊號。中國風能協會秘書長秦海岩發表文章,建議中央政府考慮發行債券,以解決再生能源補貼延遲支付問題,令投資者預期行業補貼延遲有望在短期解決,龍源是其中顯著受惠者,成為股價有力推動引擎。 再看數據亦贏盡同業,每股nav高達6.65元,市帳率只0.8倍,滾動市盈率9倍,大股東國家能源投資集團持股58.44%,一樣大有條件私有化,事實早前股價已聞風而動,昨日略回,可趁機切入,先定目標7港元博私有化,若不果,以業績表現秤,亦值回票價。 高山行

【今日吹乜風】Barry:貓眼係「港版納指」最大受惠股

「港版納指」恒指科技指數公布後,市場上有唔同看法,我自己偏向正面。的確,當中唔少股份恒指又有、科技指數又有,例如騰訊(00700.HK),阿里(09988.HK)最快亦會於今個月染藍,但如果MPF有得揀恒指基金、國指基金同科技指數基金?以上三選一,我100%會All IN 科技指數,不過目前實際首選都係亞太基金。 最少,我認為科技指數代表市場大方向,並唔係單純話題炒作,成份股當中確有唔少潛力股,其中貓眼娛樂(01896.HK)係我長期留意股份之一,可惜2019年上市冇耐就開始玩潛水,又有多個行業負面消息(例如冰冰事件),今次科技指數引發資金被動式流入有一定支持之餘,亦可望令到市場重新關注呢隻內地網上購票平台嘅潛力股。 貓眼娛樂係去年2月4日上市,上市價14.8元,集團一直為國內線上電影票務平台一哥,市佔率達60%,集團有稱為「貓爪模型」的五個平台,包括娛樂票務、產品服務、數據、營銷及集資。 最近大摩都發出「XX日內上升報告」,預期股價會於未來30日上升,發生此機率料80%以上,目標價15元,評級「增持」。 7月底時國內影院重開,阿里影業(01060.HK)總裁李捷當時預期,「非常有信心票房會恢復到平時同期的正常的2/3的水平。」 1896、1060都係值得留意嘅長線股,市場負面因素等基本上已反映得七七八八,疫情發展當然只能靠估,但係全球政府都希望防疫之餘,能夠重啟實體經濟,電影業有序重啟可期。 1896多一個概...

【天下第一倉】高山行:平到爆的科網明星

自從恒生科技指數股於上周一開始登場後,同類股份均見逆市呈強,當然是由頭號大哥大先行發力,至周五已見其他中、小型科網股起動跟進,其中可留意已蠢蠢欲動的大偏低股——萬咖壹聯(01762.HK),點秤都要上到1.9元先叫合理,上望空間倍幾! 1762主事支持企業與中國安卓智能手機用戶建立聯繫,向尋求移動廣告、網絡視頻產品分發及遊戲聯運服務的行業客戶提供安卓內容分發服務,旗下擁專有的DAPG著名平台,設數據挖掘、數據及場景分析等技術,以定位於安卓智能手機用戶,客戶包括品牌擁有人、廣告代理、移動應用程序及遊戲開發商以及視頻內容提供商。投放廣告渠道包括應用商店及市場、智能手機製造商自帶應用程序以及按應用程序內嵌廣告方式的移動新聞及社交媒體內容平台。 從何角度去秤,都是偏低都驚人,首先是2018年底上市價高達3.56元,於去年5月更炒過上最高5.86元,之後便因業績不濟及市場累有不利不實傳聞傳出,引致股價暴瀉,但期間則有多個景象可令大家於現價上得放心,首先是大股東自當時起不斷增持,至今累計已增持近1,300萬股,令持股權增至四成多,每股增持價由4元多至1.87元不等,動用達5,000萬元的真金白銀入市! 另於去年9月,集團向信邦控股(01571.HK) 發行2,579萬新股,相當於擴股後1.99%,每股作價1.9元,所得淨額4,860萬元,雙方更合組開發及建立車聯網相關平台業務,註冊資本8,960萬元,是為未來進軍內地車壇...

【霜霜魔鏡】梁傲霜:網購抗敏First Aid Beauty限定優惠

自小受敏感肌問題困擾的品牌創辦人Lilli Gordon,於2009年創立美國敏感肌護膚品牌First Aid Beauty,以安全高效的配方為所有肌膚提供最天然的護膚方案,包括敏感肌膚。從成立至今,First Aid Beauty一直致力推廣Clean Beauty的護膚理念,混合「三無」低敏護膚原則,產品均不含人造香料、色素及酒精,並通過臨床測試,成分溫和親膚,為所有女士塑造健康的肌膚。 網購習慣已成為我們生活的一部份,今日為我們有敏感皮膚朋友帶來一個新訊息,人氣敏感肌護膚品牌First Aid Beauty官方網店於終於正式面世,運送地區更涵蓋全港九及澳門!為慶祝網店推出,品牌推出多個開幕限定精選優惠,讓習慣網上購物的小資女們於今個夏天,宅在家中都能輕鬆選購多款抗敏好物,一同享受FAB護膚方案! 簡單只要在網購付款前輸入「WelcomeFAB」即可享全單85折扣優惠,購物滿$500或以上,除了可享香港及澳門地區免運費,更贈送3件皇牌產品,包括柔膚提亮去角質潔膚片10片、強效保濕修復面霜28.3g,以及溫和深層修復潔面乳28.3g;買滿$700及$900亦可享不同尊貴禮遇;而每次網購更有各式各樣的體驗套裝贈送,十分吸引!更只限首次於網上注冊為FABulous Club之會員,不容錯過。 梁傲霜 扮靚、養生、旅行愛好者。 愛分享,努力人生提升女性質素及優勢。 電郵:sHeungsHeung@yaHoo.com

專業名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風