登入

魚樂無窮 唐牛

【魚樂無窮】唐牛:跌市不可怕,最可怕嘅係……

恒指昨日由頭沽到落尾,埋單大跌810點,連28000大關都穿埋。壞消息可謂一籮籮,包括武漢肺炎持續擴散、穆迪調低香港評級,以及騰訊(00700.HK)主席馬化騰突然減持。從另一角度出發,恒指由去年12月初26000點,反彈至近日的超越29000點,累積升幅逾3,000點,大調整又變得合情合理。跌市難免要損手,不過如果拉闊嚟睇,現水平依然贏大鑊,只是賬面利潤減少,所以毋須自亂陣腳。還有,現今科技發達,消息流通極快,有心人或會利用部份人的負面情緒圖利。最簡單就係製造faKe news,然後在WHatsapp流傳,再將大市壓低,所以接收到不明訊息,切忌照單全收,一定要做fact cHecK,最怕誤信流言做錯決定,蝕底嘅就係自己。收到不少查詢,離不開追揸沽策略,由於各人倉位、承受風險能力不盡相同,所以難有統一答案。在我自己而言,大跌市乃最佳執倉良機,先將短炒貨沽出套現,然後再低吸心儀的強勢股,例如ATM呀、5G概念股呀,由於屬低賣低買,相對容易執行,戰友們不妨參考。唐牛fb專頁Http://www.fb.com/tongcow88

2020-1-22 8:30:51

【魚樂無窮】唐牛:港股後市睇兩個要點

港股昨日gap up近200點,高見29149點後隨即回吐,埋單倒跌69點,29000點得而復失。還記得做節目時講過,想開Put寧願等大市裂口高開,皆因早幾日無論恒指抑或強勢個股,均以棍棍陽燭上升,資金由頭掃到落尾,逆市開淡倉絕不適宜。相反,裂口高開反映有大量買盤湧入,若在高位出現,更是反映超買情況,從值博率出發一定較高。本文刊出之時,中美應該即將簽署首階段貿易協議,相信今次可順利完成(如果唔得就唔使講落去),但某程度上,環球股市已反映相關利好因素,後市走勢相信會重回上落市,影響因素包括中美兩國最新言論,以及企業業績等。咁係咪代表冇嘢好炒?只要資金仍留在市場,總會有嘢畀你玩,我覺得短線指數整固,資金會由大價股轉戰細價股(近日已見少數仙股蠢動),搵到概念去炒的話,肯定雞犬皆升。最令人擔憂的,必定開抽水活動日日有,無論係新股集資抑或股東減持,或多或少也會吸走市場資金,暫時形勢尚算可以,不過若然抽水機越開越猛,危機便會越來越大,不得不防。唐牛fb專頁Http://www.fb.com/tongcow88

2020-1-15 9:58:17

【魚樂無窮】唐牛:愛股之中揀一隻心水

中東局勢突然變得緊張,令恒指由逼近29000點,變為下試28000點。從樂觀角度出發,港股狀態由亢奮變回沉實,冷卻一下熾熱氣氛,並非壞事。事實上,雖然指數回落,但個股炒作依然不停,好似本欄愛股美團(3690),逆市下創出新高,反映資金繼續留在香港這個大賭場搵食。同一時間,人民幣最新升穿6.93水平,專家更預期將重見6.9,人仔與港股近期走勢關連度極高,前者走勢對後者肯定有幫助。與此同時,港滙亦見轉強迹象,有指因為地緣政治升溫,資金湧入避險,亦有指近期大量新股上市,令港元需求轉強。無論是哪一個原因,港紙強這個結果,也利好港股氣氛。在不同的平台中,已點選了今年的心水股(欲知詳情請移玉步至本欄fb專頁),但要在愛股之中再挑最愛,從值博率出發,港交所(388)應該最佳。無他,去年升幅不算多,大約與恒指同步,但今年炒作憧憬甚多︰包括阿里巴巴(9988)及美團有望染藍,勢必令成交增加;中概股回歸成風,從IPO集資額以及往後成交,均對港交所有利。從走勢所見,在大市成交淡薄之際,港交所依然呈強,可見聰明錢已率先流入,今年先設目標價290元,達標後再作檢視。唐牛fb專頁Http://www.fb.com/tongcow88

2020-1-8 8:58:41

【魚樂無窮】唐牛:A股破位 吼實惠理

港股氣勢如虹,唞完一日再起動,恒指與28000點大關僅差百零點,新動力主要來自A股,上證綜指一舉升穿3000點大關。翻查紀錄,恒指11月上試28000點,正是上證綜指突破3000點水平之時,但好景不常,在中美貿易戰再添變數下,A股反覆回落,恒指闖關亦宣告失敗。今次能否修成正果,主觀意願當然希望做到,但世事如棋局局新,縱然好消息已放在眼前,也不敢寫包單。可幸的是,A股每次挑戰3000點,就算未竟全功,都會在高位徘徊數天,從炒作角度出發,絕對係好事,起碼唔係一日貨仔先。睇好A股,傳統玩法都係買A股ETF、券商股及內險股,既方便又快捷,主打基金業務的惠理集團(00806.HK),其實也是受惠股之一,事實上,今年環球股市表現理想,惠理收表現費都收到手軟。集團內地業務擴張進度良好,旗下高息股票已獲中證監批准,成為內地與香港基金互認安排下的北上互認基金。從圖表出發,破位後拒絕回吐,成交日日增加,明顯正在蓄力準備第二波攻勢,呢轉博炒番上5.5元水平,依然比起券商股落後多多聲。唐牛fb專頁Http://www.fb.com/tongcow88

2019-12-18 9:00:45

【魚樂無窮】唐牛:世上沒有無緣無故的沽壓

恒指連續兩日高低波幅不足200點,原因離不開等待儲局議息、英國大選結果、美國會否向中國加徵關稅等,即市要在指數搵食,唯有揀超貼價牛熊證炒賣,有興趣的戰友,一定要緊貼策略王電視節目,冧巴照樣無限量供應。指數唔郁,但不少強勢板塊出現異動(嚴格來說是向下),當中包括醫藥股、體育用品股、海底撈孖寶,前者喪跌還可歸咎國策,後兩者卻是在零消息下洗倉。世界上沒有無緣無故的愛,也沒有無緣無故的沽壓,點解突然間會插水,最合理的解釋,乃基金在年底鎖定利潤,故將今年的長勝將軍沽出,是故出現價量齊跌局面。面對如此情況,有貨的不妨跟勢減持,齊齊taKe profit,無貨的則不宜亂撈貨,一來相關股份相對仍在高位,二來難以估底,倒不如謀定後動。我自己亦已身體力行,減持一定部份強勢股;至於換馬甚麼,我建議等待明年初、資金開始掃貨時才出手,現階段揸住現金等過年,不失為好選擇。唐牛fb專頁Http://www.fb.com/tongcow88

2019-12-11 9:00:40

【魚樂無窮】唐牛:這個12月不太冷

昨日做策略王午市節目,即場問觀眾們牛定熊過夜,以往就算不是一面倒,也會有傾向性,但昨日的答案竟然是一半半,很少見的好淡爭持,可想而知後市幾難估,所以更多的是沒有表態,寧願少做少錯。進入12月,又到了基金經理放大假的日子,但今年會否如願以償,實在值得商榷。事關中美貿易戰再次殺埋身(執筆之時美股及港股夜期跌到反艇),似乎這個傳統淡靜月會十分熱鬧,芬佬們稍一分神,倉位表現隨時大逆轉,戰至最後一分一刻的機會不低。政府統計處最新公佈10月零售貨值為301億元,按年大跌24.3%,較預計挫22.6%為差,由於年尾乃傳統消費旺季,在基數效應下,11及12月跌幅理應跌得更勁。有趣的是,昨日零售股表現不算太差,相信與之前早已大調整有關。係咪代表零售股開始抗跌、可以低吸?現階段入場撈貨,只能抱住博反彈的心態,博重展升浪可以死咗條心,正正因為博反彈,揀股時寧願選擇低殘股份,已炒上的潛在下跌空間相對較大,落注時不妨開個股價圖望望。唐牛fb專頁Http://www.fb.com/tongcow88

2019-12-4 9:45:23

【魚樂無窮】唐牛:還是炒美團最好

阿里巴巴(09988.HK)首日掛牌報捷,埋單收報187.6元,較招股價176元高6.6%,每手100股賺逾千元,可喜可賀。以阿里在美國收市價190.45美元計,折合香港股價應約185.7元,但昨日開市價187元已是全日最低價,最高更曾見189.5元,較合理價高出2%。出現如此差異,原因有很多,例如在港掛牌的股份需求龐大,令股價出現溢價,又阿里自身擁有多個指數納入憧憬,以至更遠的港股通及藍籌等,亦令股價出現高水情況,再加上同日有多隻輪證上市,在衍生工具影響下,波動性更大。至於追揸沽策略,好簡單,一隻電商龍頭,配合起飛的雲業務,最新盈利仍有四成增長,中線計股價一定未升完,有貨的不妨再坐一會。另一隻同股不同權架構的美團(03690.HK)不讓阿里專美,收市首度企穩100元大關樓上,與歷史高位103.5元近在咫尺,有着完美的第三季業績加持,破頂只是時間問題。唔少人問新經濟股如小米(01810.HK)、平安好醫生(01833.HK)是否值博,如果可以揀的話,我會建議大家賭美團高處未算高好過。唐牛fb專頁Http://www.fb.com/tongcow88

2019-11-27 9:24:42

【魚樂無窮】唐牛:中手遊炒完未?

新股熱潮短暫沉寂後,近日再由中手遊(00302.HK)帶起。這隻有騰訊(00700.HK)、阿里巴巴及本港富二代加持的手遊股,上周四首日掛牌表現麻麻,僅較招股價高出2.1%,明顯與市場期望有重大落差,不過,其後表現即脫胎換骨,連出兩支大陽燭,以周一高位4.49元計,累積升幅接近六成。正當大家憧憬中手遊可成為神級新股中煙香港(06055.HK)接班人之際,公司昨日竟逆市回吐近一成,出現上市以來首支陰燭。點解突然鑊氣全消,原來集團發通告,已悉數行使超額配股權,涉及6,915萬股,相當於全球發售的15%。如此一來,機構投資者可沽貨的數量大增,加上現階段乜位沽都贏,自然令股價受壓。回應本文標題,究竟中手遊炒完未?我會形容現時係市場力量大戰機構投資者,如果前者有本事食晒大戶的獲利貨,股價要破頂話都冇咁易,反之便可能GG了。周二的陰燭反映,市場力量先輸一仗,如果嚟緊未能再度逼近新高,玩法很大可能由尋頂變炒波幅,戰友們要隨機應變了。唐牛fb專頁Http://www.fb.com/tongcow88

2019-11-6 9:57:52

【魚樂無窮】唐牛:兩隻心水股快突破

過去兩個多星期,恒指大部份時間都在26500至27000點徘徊,高低波幅只得500點,但唔好以為藍籌悶爆,其實內有乾坤。好似友邦(01299.HK)同滙控(00005.HK)咁,齊齊公佈第三季業績,結果一隻炒高一隻急回,剛好互相抵銷對恒指的影響。不過,隨着明日儲局議息有結果,相信金融市場會再起風浪。減息應該無懸念,儲局主席鮑威爾如何控制市場預期才是主菜,加上11月中美雙方將會簽訂貿易戰協議,係咪可以無驚無險過終點,實在令人懷疑。是故大家安全度過10月,也不可以掉以輕心。11月5日(下周二)為我個人兩隻持倉的大日子,第一隻係越秀交通(01052.HK),其收購母公司三條公路的交易,將於當日舉行EGM,如無意外肯定通過,近日股價在高位儲力,似乎正等待破位催化劑,係咪單刁完成就砌上,大家拭目以待。第二隻係中滙集團(00382.HK),呢隻教育半新股,盈喜後升完又升升完又升,我估計業績後會唞唞氣,有貨的不妨趁高食下糊,吼位再吸,冇貨嘛,等好消息出貨撈啦。唐牛fb專頁Http://www.fb.com/tongcow88

2019-10-30 13:25:19

【魚樂無窮】唐牛:三個必須睇實的形勢

指數沉悶非常,連續兩日波幅不足200點,等運到味道甚濃。等甚麼?等中美貿易戰進展、英國脫歐、儲局議息、第三季業績……等等等等。不過,個股明顯與指數背馳,活躍非常之餘,更出現了三個必須睇實的形勢,絕對幫到大家趨吉避凶。第一,內房抽水。先有寶龍(01238.HK)再有華潤置地(01109.HK),還記得去年初另一藍籌股碧桂園(02007.HK)抽水後,大市隨即見頂,雖然現時指數並非在高位,但批股吸走資金卻是不爭的事實,如果抽水越見頻密,不得不防大市出現乾塘情況。第二,新股大旺。雖然近期稍為降溫,但整體來說仍是火熱,就算破底也是先甜後苦,炒作一輪才罷休,今日掛牌的快餐帝國(01843.HK),昨日暗盤炒高八成,證明形勢仍然一片大好,唔想研究的戰友,不如每隻都小注落飛,總算有一定值博率。第三,零售反底。零售業在本地政局不穩及去年基數高的效應下,最新數據可謂無段好睇,但個股走勢卻是異常強勁,當中莎莎(00178.HK)兩日累升近一成,剛宣佈炒燶金的周大福(01929.HK)更創一個月新高,大有否極泰來味道,鍾意短炒的戰友,可以趁勢炒番轉。唐牛fb專頁Http://www.fb.com/tongcow88

2019-10-23 9:53:49

熱門專欄

【霜霜魔鏡】梁傲霜:珍罕濟州綠茶抗養化

女性抗氧化要持續性,一年四季,不同節氣,由早到晚,從內到外都努力好好保養,為求將身體機能提升,同時間競賽,達致不用隱藏真實年齡,都能展現出一面童顏面容,就是女性抗養化成功效果。高效抗氧化的綠茶人所共知,韓國尊貴品牌 AMOREPACIFIC 一直秉承「ONLY THE BEST,LIKE NO OTHER」的宗旨,超過 70 年的護膚科研精髓,於濟州島擁有自家綠茶園,致力培植出含豐富抗氧化奇效的珍罕綠茶,再通過高端科技將極高抗氧精髓源源不絕導入肌膚,締造全天然護膚奇效,竭力滿足對美有最嚴謹要求的每位女士。近日AMOREPACIFIC 於以自然界可持續發展為理念的 K11 Nature Discovery ParK,並舉辦珍罕綠茶晚宴,薈萃頂尖綠茶創作別緻菜式,讓飲食開始體驗綠茶的高效抗氧化功效。當中皇牌 VINTAGE SINGLE EXTRACT ESSENCE 淨透活肌昇華原液,歷經 101 日天然發酵、天然熟成及細滴提煉而成,融合頂尖專利科技完整保留了珍貴兒茶素的超凡抗氧化成分,能激活抗氧化基因,有效抵禦自由基侵害,全面淨化肌膚,有效均勻膚色及提昇光澤透亮感,將至純抗氧活膚奇 效發揮頂巔,TIME RESPONSE Vintage WasH off Masque 煥采活膚嫩顏面膜結合專利配方 Advanced TIME RESPONSE ComplexTM,含有豐富的五倍子酸,有助抑制黑色素形成,淡褪晦暗泛黃,於早晚潔面後使用,只需四星期,重現光澤透亮的年輕活力,令膚色回復剔透明亮。梁傲霜扮靚、養生、旅行愛好者...

【今日吹乜風】梁風:有人叫我小心武漢沙士引發負資產

武漢肺炎爆發,再有朋友叫我小心沙士負資產嘅事,實際上如果再發生咁嘅市況係買樓良機。2002年中原城市指數高位40.28點(見下圖),去到2003年8月頭低見31.77點,跌幅21%。但沙士一過去,2004年8月頭,樓價指數升到45.27點,比2002年高位仲要升多一成幾,比沙士低位計升幅42.49%。中原指數網址:Http://www1.centadata.com/cci/cci.Htm對比起沙士呢類一階段事件,美國重啟加息周期呢類長期因素更影響供樓人士。好彩,今年內都唔見美國有加息嘅意欲。老實講,近幾年幾條辣條影響下,買得香港樓嘅人都好有實力,再唔同1997年個個借到盡狗衝,雖然有水份,但槓桿有限。順手講個故事呃字數,小弟有親戚都係地產經紀,當年經介紹跟過某位猛人做過幾日「艇仔」,呢位猛人勁在97年近乎「空手入白刃」(零資本)炒幾層樓,97年爆煲當然中晒招,由當年過千萬身家,變欠債幾百萬。佢同我講「我差啲跳落去」,但佢冇咁做之後一路死撐跑數,到我識佢時(約2004年),佢已經還清晒。我之所以一直記住呢個猛人,一個原因係佢嘅意志力,另一個原因係佢真係好敬業,佢唔係亂吹一通呃啲客,個新盤周邊有咩交通工具、有咩設施都一清二楚,真係幫個新盤做晒功課咁去Sell樓,呢份專業亦令我印象相當深刻。可惜小弟真係對樓興趣不大,跟咗佢幾日就唔做了。所以有人話我「中樓毒」,我不嬲都唔認同。我買樓只係因為我見到個大環境要迫住買,其實我係中咗嘅係...

【今日吹乜風】梁風:要準備「別人恐懼,我貪婪」

肺炎問題真係好困擾大市,市場情緒極差,啲短炒貨都係要執執佢,減磅過年,港股試緊250天線27700點,我估最悲觀情況有機會試埋26000點。點解咁灰?武漢剛剛先封城,班人臨封城前著草晒去其他地方,即係仲有更多利淡消息未爆,26000點唔係冇機會。但睇返2003年樓市咁,樓價恐慌式插完,一冇事就會大反彈。個市咁跌法,可能真係影響咗一啲刁,傾緊賣盤嘅松齡護老(01989.HK)今日就曾經跌67%,低見0.44元,最新彈返上少少,報0.58元。同股領袖傾開計,佢有一句講得幾岩:「賣唔成都唔洗$0.44掛」;社長陳承龍都係Fb講「1989未至咁cHeap。」1989最新報0.54元,市值唔夠5億,公司真係有業務,真係唔應該咁平,都反映個市連撈底資金都少,個個唔想坐貨過年,如果有勇者,1989呢啲位真係可以撈一撈,話唔定可以成功「別人恐懼,我貪婪」。 

【牛熊薈萃】小米又急抽 新Call上場參考20622

肺炎疫情轉催嚴重,週二大市急跌800點後,週三出現反彈,恒指升355點,全日波幅約450點,大市成交金額繼續千億港元。小米(01810.HK)雖然週二要跌4%,不過週三大市造好時這隻強勢股一馬當先跑出,愈升愈有,抽升近9%,高見14港元。在週二股價向下時,北水積極吸納股份,滬深港通當日合共有超過1億6千萬港元的資金流入,投資者可留意股價會否繼續破頂。上星期五小米股價急升,價外而年期合適的小米Call輪不多,七除八扣下只剩1兌1的輪選擇,證價非常高的選擇,不過近日陸續有新的小米認購證上場,行使價沒有舊的認購證般價內,而且沒有街貨,或是更適合大家參考的選擇。如投資者看好小米,可留意週三新上市的小米認購20622,行使價13.88港元,20年8月到期,有效槓桿約4.2倍。而看好小米,又想作中線部署的投資考,牛證少受引伸波幅和時間值影響,亦是可考慮的選擇。如投資者看好小米,可留意小米牛證50317,收回價11.8港元,20年7月到期,有效槓桿約5.7倍。更多窩輪牛熊資訊:瑞銀證網站: www.ubs.com/HKwarrants窩證教學及巿況焦點短片:Https://www.youtube.com/cHannel/UCKw86qy4eBAInmd52MND45Q?view_as=subscriber瑞銀亞洲股票衍生產品銷售部本產品並無抵押品。 如發行人無力償債或違約,投資者可能無法收回部份或全部應收款項。筆者為UBS AG的代表(作為證監會持牌人),並未持有相關上市公司的任何財務權益。本資料由瑞銀刋發,其並...

【股場放大鏡】歐陽風:小米中芯炒上的真正理由

武漢肺炎對股市影響只有兩日咁大把,周三A股及港股都先跌後回穩,港股大幅反彈逾300點。睇清楚股票表現,會發現指數升咁多,靠的是科技股,加上久未炒過的中移動(00941.HK)大升超過3%所致。另外中資科技股升得好唔尋常,尤其小米(01810.HK)同中芯(00981.HK),背後應有故仔。 由於中國與美國簽署首階段貿易協議之後,極需要出口賺外滙去買美國貨,因此要靠中資企業擴大出口賺滙。近日喪炒的小米,由於平價手機在東南亞、印度、南美、非洲都有市場,國家很大可能會全力支持小米大規模擴產,填補華為在手機市場出現的缺口。 事實上,華為手機即使功能再好,無得下載FACEBOOK等社交媒體,無得用GOOGLE APP,已經成為一部廢機,對海外用家而言只具通電與拍照功能。小米手機完全可以在華為手機的缺口作出填補,而且除了低價手機,亦可以生產埋高功能手機,擴大品牌效應。 中芯係另一個故事,由於美國對高科技晶片作出有限度出口,中國要靠自行生產芯片,去應付大量手機及科技產品出口,實際上中國亦無其他選擇,全部向南韓三星採購,益咗人亦令本國晶片商長期無法振作,倒不如先壯大中芯,再靠中芯加強研發開支,所謂做大做強。 兩隻股票今年表現一定唔會差,如果怕跌市咪買少少熊證做對沖,或者沽啲消費類股,以防內地疫情擴散影響大市。

專業名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風