登入

What’s Up 查金庸(逢周一、三、五)

【What’s Up】等發圍一日(查金庸)

【WHat's Up】等發圍一日(查金庸)世杯前的港股真唔多掂,兩日跌超過7舊,睇黎大家真係要疊埋心水睇波好過。早前一批內需股有D睇頭,對於一批零售股有D刺激!利標品牌(00787.HK)擁有唔少牌仔,經濟環境好,對佢地有利。利標由利豐(00494.HK)分拆上市,主要從事設計、開發、推廣及出售品牌服裝、鞋類、時裝配飾及相關時尚產品。利標過去大半年的股價表現,算一殼眼淚,年內高位1.16元,低位竟穿3毫,比一隻三、四線的股仔仲要衰,以利標股東背景,真係無理由落得如此下場!年初一度有傳言,指利豐有機會將利標私有化,使公司股價一度炒上,可惜憧憬過後,股價持續甘跌。月前,公司更發盈警預料,截至今年3月底止全年將由盈轉虧,錄得7000萬至7500萬美元的虧損(約5.46億至5.85億港元)。公司解釋主要是因一項貸款衍生應收賬撇銷、數項無形資產減值的一次性損失,以及主要特許授權於年內屆滿所致,估計減值損失及應收賬款撇銷超過1億美元。即使有解釋公司股價已經跌到四腳朝天!早係利標早一份成績表時,匯豐已看淡其盈利能力及提升資本能力,認為利標資產負債表壓力更大,當時都係認為佢值7毫,依家只有匯豐目標價的一半,慘哉!前日,大市回軟利標卻由低位反彈,顯然公司股價已經跌到相當低殘所致。現價較年內高位跌左近7成,一間有背景的公司,何解會甘誇跌成甘,除非公司有非常不利的消息,但又唔係,既然係甘,股友係咪應該趁佢樣衰的時候入手?但佢發圍一日!

2018-6-15 10:16:14

【What’s Up】執平貨時候(查金庸)

上個星期五港股狂插600點,騰訊(00700.HK)、友邦(01299.HK)及內銀成為開刀對象,由於氣氛唔好,唔少股票係無承接下,都要捱沽,不過當中亦有個別股票唔多肯跌,無他,早已跌都殘,再無乜下跌空間。早排老查提過的永嘉(03322.HK)都一直企穩係7毫邊,該股最新業績雖唔好,但期內主要受轉移工廠的影響。潮股IT(00999.HK)業績唔錯,Hypebeast(08359.HK)股價更已升幾倍。同樣跟潮扯上關系的永嘉,旗下的DMop及Y3都有唔少潮友朝拜。再加上公司為adidas長期合作供應商,世界杯再即,可成為概念股理由!策略王唔少主播都曾提過結好金融(01469.HK),上個禮拜五恆指瘋跌600點,結好金融卻企定定唔肯跌,無他,該股由年內高位已急跌6成,較當初的起步位仲要低,顯然係因無承接已出現的跌過龍!依家只欠股友對其重新關系而矣,到時反攻幅度又可以好勁!國農金融(08120.HK)星期五一度跌近2成,比起公司早排的配售價1毫仲要低,市值更差D跌穿1億銀,尾市卻有醒目友趁低吸入。主要又係因太低。依家唔少三、四線垃圾股都10億、8億市值,雖則國農唔係乜勁野,但單睇市值就已經有得搏,況且公司岩岩先placing完,短期內唔會再要新資本行動,份屬安全,現價仲要較人1毫配股價平,真係要趁呢個機會狙擊,搏佢上毫2子已經夠 查金庸 

2018-6-11 8:41:38

【What’s Up】爆上必有因(查金庸)

呢期港股真係唔知點容易,幾個交易日已經抽上31500點,但氣氛就唔見得有幾好!新股亦然,不知小米上市會否為大市帶黎喜訊?暫時卻睇唔到,未見市場對小米熱衷。 新股唔多熱鬧,唯有睇下舊野有無好發現。早排股價出現異績常的中國有色礦業(01258.HK),呢兩個星期又精神番,上個月初公司股價由2.2元水平爆升5成至約3.5元,之後又插番落去,依家又慢慢向上移動。中國有色礦業主要在贊比亞及剛果作陰極銅、粗銅及硫酸等的勘探、採礦、選礦、濕法冶煉、火法冶煉及銷售。截至去年12月底止的全年業績,粗銅收益仍是集團的主要收入來源。受惠國際銅價上漲及銷量增長,集團錄得收入約18.4億港元,比去年同期增長40%。而年度溢利則同比大升11倍至1.4億港元。中有色礦業依家擁有12個礦場,亦不斷加大地質勘探和開發投入力度。集團在謙比希東南礦體探建結合項目投資達8.3億美元,以及在盧阿拉巴銅冶煉粗銅冶煉項目投資達4.4億美元。集團早前亦公布與雲南銅業集團達成協議,已同意合資於剛果民主共和國建設火法銅冶煉廠,項目的總投資為約4.2億美元。而雲南銅業集團為謙比希銅冶煉的主要股東,憧憬雙方未來有更多合作機會。而目前公司位於贊比亞的謙比希銅礦東南礦體項目將於2018年內試產。此外,剛果金盧阿拉巴銅冶煉項目,將於2019年三季度投產。故未來兩年公司前景可以睇高一線。 中有色礦業其控權股東為中國有色礦業集團,是國資委直屬的中央企業,也是中國有色集團於銅及鈷資源開發的海外平台。有著咁強大背景及前景,公司股價之...

2018-6-8 9:46:55

【What’s Up】終於唔係死魚(查金庸)

恆指三扒兩撥已經由3萬點邊,抽上31000點,不過整體觀望氣氛仍然濃厚,尋日內房算有D勢。五礦地產(00230.HK)屬少數可以從事物業投資的央企,多年來市場對其前景都抱有期望,但其股價就偏偏長期大落後,不過自去年第三季開始就出現慢火煎魚格,雖則唔係爆升,總較以往有得睇!近年唔少中資都來港投地,五礦地產去年以逾40億港元奪得的油塘崇信街及仁宇圍交界住宅項目。其實五礦地產在港房地產市場相當積極。去年是五礦集團精彩的一年,企業實現營業收入達5,000億元人民幣,利潤總額130億元,雙雙創出歷史新高。而五礦地產截至去年底止全年業績,純利為7.13億元,按年升39.2%。收入為119.36億元,按年升3.1%。五礦集團現持五礦地產61.93%,而五礦地產則是系內唯一上市房產旗艦,項目涵蓋珠三角、長三角及中部地區,包括香港在內。去年上半年,集團已積極參與一線及核心二線城市土地競拍,首次成功進入武漢市場,6月止的土地儲備泛蓋17個房產發展項目,分佈北京、營口、廊坊、天津、南京、長沙、武漢、惠州、佛山、廣州及香港等11個城市,合共可開發土地儲備總樓面面積約320萬平方米。 早在去年第,市場曾傳出國家正考慮將五礦集團及中國黃金集團合併,若然有關傳聞屬實,則未來五礦地產獲注資的機會唔細,規模亦會更加大!如前說五礦地產多年來的股價令唔少股友失望,差唔多對佢失回興趣,但今年佢又真係幾好樣,完全打破多年的壞印象。其股價已連番破年內高位,都係時候追番來年的落後幅度。依家五礦資產淨值應該約2.2元...

2018-6-6 9:15:21

【What’s Up】最早食正條水(查金庸)

報道指內地擬全面開放生育限制。消息一出刺激教育股呢幾日逆市持續造好,其實除左教育板塊外,兒童服飾及玩具都屬其中受惠的一環。去年尾才上市的童園國際(03830.HK)公布招股時,公開發售錄得約1,052倍超額認購,上市價為每股0.48元,首日掛牌,童園的股價一度抽上最高0.82元,第一日掛牌收市為0.78元,表現相當唔錯,之後卻係無成交下,輾轉咁回,最後連上市價都跌穿!2016年童園國際排廣東省戶外運動玩具出口額第二,全國排第七。產品在全球超過70個國家都有銷售,北美及歐洲市場的銷售額佔總收益的80%以上。童園表示,集資所得資金用於開發新產品和獲取知名娛樂產權人授權,讓產品更為多樣化、替換和升級生產機器,設立新生產線等,進一步提升生產效率和產能。童園最大市場在歐美,佔比分別為43.3%及45%,包括歐美跨國大零售企業。公司擬加大投入銷售及市場推廣力度,並計劃於北美、拉丁洲及歐洲、中東、非洲開拓嬰幼兒及學前玩具類別,增加收入多元化。還有自有品牌KiDDiELAND,及為客戶生產帶有定製標誌的產品。由於公司大部份的產品為0-3歲幼兒,電子產品對其影響不大。雖然國家正式放寬孩童政策,童園就係食正最早段初生嬰兒的一環,亦都係國家政策最早受惠的行業。依家童園的股價較招股價低35%,市值只剛過3億銀,風險一D唔高,反觀可以趁呢個消息來下轉!查金庸

2018-6-1 8:00:16

【What’s Up】數據理想(查金庸)

呢兩日港股如同點穴,星期一恆指抽上,交投唔多,尋日指數下跌,更加令股友卻步!醫療板塊持續造好,尋日個別繼續發力,但係仍未算全面。普華和順(01358.HK) 順應板塊略為偏好。普華主要於中國開發、製造及銷售再生醫用生物材料產品;輸液器產品;以及骨科植入物產品。2017年度,集團持續經營業務之營業額下降10.2%至2.87億元人民幣,溢利下跌37.4%至1.22億元。去年普華透過轉讓附屬天新福80%股權,收購生物製藥公司CBPO(CHina Biologic Products Holdings)總值5.13億美元股份。完成後,公司將成為CBPO單一最大股東,持股16.66%。CBPO於納斯達克股票交易所上市,主要於中國從事人類血漿醫藥產品或血漿產品的研究、開發、製造及銷售。而天新福為國內第一大人工硬腦膜生產商。血液製品行業擁有好高的增長及潛力,中國係世界上僅次於美國的第二大血液製品市場,其次血液製品行業擁有較高的行業壁壘,自2001年以來,國務院已停止發放新的血漿分離許可證,中國現有生產力較大的生產商,面對的競爭有限,更有機會係行業槍合時取得更多的市場份額。今年3月,普華公布在美國上市的CBPO去年銷售額3.7億美元,毛利2.45億元,應佔淨額6794萬美元,應佔非美國公認會計原則經調整淨收入1.41億元,截至去年底CBPO總資產8.09億元,淨資產6.64億元。去年大摩曾出報告認為,普華相關收購有利未來發展,其股價更有可能出現爆炸性的升幅。睇完CBPO最新的營運數據,預計CBPO係未來將會對普華有正面影響。

2018-5-30 8:00:04

【What’s Up】重整後再出發(查金庸)

世界杯再即,每一屆世界杯都對股票市場有一定的影響,四年一度,球迷除捱夜睇波外,亦會小注宜情,盡情投入呢個盛事。老查突然諗起隻永嘉集團(03322.HK),呢間公司業務為生產和銷售成衣產品,包括運動服、活動及戶外服裝以及有關配飾。生產分部以原設備生產安排為主,外銷至歐洲、北美及中國大陸客戶,以及以分銷及零售模式在中國大陸及香港出售。永嘉的運動服生產業務主要客戶包括adidas集團和Reebo集團,更是adidas集團全球最大的運動服供應商,並與其合作超過20年。  旗下更有高級時裝產品零售由SHine Gold集團經營。SHine Gold集團以D-Mop名義擁有自主經營的零售店舖網絡,在香港、澳門、中國大陸及台灣銷售包括Blues Heroes、Loveis、Queen 11等多個自有品牌及進口品牌。 此外,SHine Gold亦擁有若干品牌(包括於香港、中國大陸(北京除外)、台灣及新加坡的Y3及於香港的多個日本品牌的獨家分銷權。同時公司又以Futbol Trend、運動站名義經營運動服產品零售。永嘉截至2017年12月31日止年度溢利2104萬元,按年跌85.3%。期內收益37.24億元,按年跌7.7%,毛利10.31億元,跌10.3%。除左毛利下跌外,集團因搬廠亦拖累公司的業績。由於本港零售市場競爭激烈,加上租金高企,永嘉計劃年內縮減本港分店規模,包括把運動服零售店由20間最少縮減到4間,更不排除關閉所有運動服分店,至於D-Mop店舖亦會由10間縮減至僅1、2間,公司會全力轉攻內地高級時裝市場。 公司認為香港市場太細,發展空間有限,反而內地的富裕年輕中產階...

2018-5-28 9:06:45

【What’s Up】靜待破繭(查金庸)

【WHat's Up】靜待破繭(查金庸)港股呢期D氣氛就係唔算好,自煜榮集團(01536.HK) 玩插水後,繼有瑩嵐集團(08470.HK) 然後係民眾金融(00279.HK) 玩高台跳水,更甚到依家其股價仍未止瀉,搞到三、四線股仔有D恐慌。其實一批超高市值的三、四線股,根本就無價值入場投機,睇番急瀉的股份,有其共通點,就係市值高得超誇,唔少更達百億市值,究竟佢地有乜理據可以有呢個價值!大膽講句,呢類股票最終只有一個結果就係PK。 老查情願去搵D有背景及有業績的公司,即使交投唔活躍,都總有機會被市場所認同!幾個月,曾提過的遠東環球(00830.HK) ,到現時其股價仍然無起動過,更甚係連成交都欠奉,其實呢個現象,對三、四線股來講,並唔出奇!目前,中國建築工程總公司係香港間接或直接持有4間上市公司,包括中國海外(00688.HK),中海宏洋(00081.HK),中國建築(03311.HK)及(00830.HK) 。中建築現持有遠東環球74.06%,目前市值18億元,屬系內最無股友留意的一員。遠東環球主要做外墙工程,包括設計、制造、生產及安装幕墙系统,產品主要應用於商厦、酒店、赌场及公寓。2012年,集團以每股0.62元向主要股東中國建築(03311.HK) 發行10.39億股新股,令中國建築國際股權由9.3%增至53.1%,成為公司控權股東。之後市場一直憧憬遠東環球將會受惠中建築呢個幕後大盾。雖然遠東與大股東未見太深入的合作,但公司本身的業績都唔差。遠東環球截至今年3月止,首季營業額上升13.2%至5.15億元。經營溢利增加21.2%至2750萬元。公司今年首季新簽合...

2018-5-25 9:50:28

【What’s Up】非池中物(查金庸)

 禮拜五個市都算沉悶,不過仍有個別板塊有異動,一批油服股就齊齊咁上,中石化油(01033.HK)、宏華(00196.HK)、安東油田(03337.HK)、巨濤海洋(03303.HK)及TSC(00206.HK),雖然後者都有超過1成升幅,但老查仍覺TSC仲有值搏,早前都曾經提及過此股。 去年12月TSC集團(00206.HK)宣布將會配發約7.65億股認購股份,相當於公司已發行股本約108.21%係經配發認購股份擴大後已發行股本約51.97%,認購作價約為5.13億港元,即每股0.67港元。近股認購人為招商長城合夥人有限公司。招商局集團及中國長城資產管理各自間接持有認購人50%有限合夥權益。而呢單交易已係今年2月時完成,不過市場就無乜提過,可謂相當低調地進行。依家從聯會的資料顯示,TSC的大股東已換上招商及長城。點解成單交易進行得咁低調,估計係新主唔想太張揚,免得股份被落鑊大炒,破壞部處!因為打著招商及長城呢兩個金漆招牌,點會唔有憧憬!TSC是陸上和海洋石油及天然氣勘探開發行業的產品和服務供應商,主要從事設計、製造、安裝及委託經營海陸上鑽機的資本設備和總包,油田耗材零件的製造銷售以及提供工程維修服務。新控股股東主要是投資海洋產業,招商局又以海運貿易專長,TSC在海上的業務也有相當的經驗。因此市場對於呢單交易難免有期望。原來前控權股東承諾,以董事的身份和股東的身份在認購人以後不時注入公司的任何資金用作業務擴展而非償還任何債務的任何議案投贊成票。此外,還承諾12個月內禁售股份。可見未來的控股股東對TSC擴展業務的決心。而前大股...

2018-5-21 9:01:31

【What’s Up】好易再爆上(查金庸)

【WHat's Up】好易再爆上(查金庸)尋日港股係開市初段得到騰訊(00700.HK) 力撐,令恆指抽升300點,可惜係獨力難撐,好快就將恆指升幅消滅!近日股仔算有些少鑊氣,不過此終唔可以持續,唔少都係一兩日貨仔,好似上週隻年年卡(03773.HK) 由1.5水平抽上1.7之後就幾日就打回原形,尋日一度得番1.44元,由於回得快,好快又上番1.5元。呢類回得甘快的股票,照理反彈亦會快。年年卡2016年初以每股1元上市,最高曾炒過上2.45元,其後回落到0.8元左右大橫行,近期才回升。年年卡主要業務係通過國內銀行營運的電子銀行系統、線下及其他渠道提供手機話費充值服務。由於行業競爭大,公司業績就唔多好,為此公司開始整頓旗下業務,首先是本業,管理層講明正積極擴大與大銀行的合作,除了繼續努力擴本業外,同時將會深化合作夥伴的關係,積極物色與互聯網及電子商務平台的其他合作機會,換言之,年年卡相信大有機會作高端轉型,將本業擴大到互聯網加金融的高層次。年年卡現行合作夥伴,包括天津奇彩、京東、中大網視及百度等,由於合作伙夥伴強勁,未來可借此再加強或增加夥伴之數。早前有傳媒指出年年卡的管理層有唔少猛將,包括曾任深圳市神州通投資總裁喻子達,另一位係昊,他是中國證券報與軟銀投資合營企業SHangHai New Securities and Finance Information Consulting高層,擺明似要係資本市場做場好戲!依家年年卡市值6.2億,對一隻主板黎講一D都唔貴,只要稍為有利好消息,就可以有力爆上!

2018-5-18 9:47:08

熱門專欄

【霜霜魔鏡】梁傲霜:珍罕濟州綠茶抗養化

女性抗氧化要持續性,一年四季,不同節氣,由早到晚,從內到外都努力好好保養,為求將身體機能提升,同時間競賽,達致不用隱藏真實年齡,都能展現出一面童顏面容,就是女性抗養化成功效果。高效抗氧化的綠茶人所共知,韓國尊貴品牌 AMOREPACIFIC 一直秉承「ONLY THE BEST,LIKE NO OTHER」的宗旨,超過 70 年的護膚科研精髓,於濟州島擁有自家綠茶園,致力培植出含豐富抗氧化奇效的珍罕綠茶,再通過高端科技將極高抗氧精髓源源不絕導入肌膚,締造全天然護膚奇效,竭力滿足對美有最嚴謹要求的每位女士。近日AMOREPACIFIC 於以自然界可持續發展為理念的 K11 Nature Discovery ParK,並舉辦珍罕綠茶晚宴,薈萃頂尖綠茶創作別緻菜式,讓飲食開始體驗綠茶的高效抗氧化功效。當中皇牌 VINTAGE SINGLE EXTRACT ESSENCE 淨透活肌昇華原液,歷經 101 日天然發酵、天然熟成及細滴提煉而成,融合頂尖專利科技完整保留了珍貴兒茶素的超凡抗氧化成分,能激活抗氧化基因,有效抵禦自由基侵害,全面淨化肌膚,有效均勻膚色及提昇光澤透亮感,將至純抗氧活膚奇 效發揮頂巔,TIME RESPONSE Vintage WasH off Masque 煥采活膚嫩顏面膜結合專利配方 Advanced TIME RESPONSE ComplexTM,含有豐富的五倍子酸,有助抑制黑色素形成,淡褪晦暗泛黃,於早晚潔面後使用,只需四星期,重現光澤透亮的年輕活力,令膚色回復剔透明亮。梁傲霜扮靚、養生、旅行愛好者...

【今日吹乜風】梁風:有人叫我小心武漢沙士引發負資產

武漢肺炎爆發,再有朋友叫我小心沙士負資產嘅事,實際上如果再發生咁嘅市況係買樓良機。2002年中原城市指數高位40.28點(見下圖),去到2003年8月頭低見31.77點,跌幅21%。但沙士一過去,2004年8月頭,樓價指數升到45.27點,比2002年高位仲要升多一成幾,比沙士低位計升幅42.49%。中原指數網址:Http://www1.centadata.com/cci/cci.Htm對比起沙士呢類一階段事件,美國重啟加息周期呢類長期因素更影響供樓人士。好彩,今年內都唔見美國有加息嘅意欲。老實講,近幾年幾條辣條影響下,買得香港樓嘅人都好有實力,再唔同1997年個個借到盡狗衝,雖然有水份,但槓桿有限。順手講個故事呃字數,小弟有親戚都係地產經紀,當年經介紹跟過某位猛人做過幾日「艇仔」,呢位猛人勁在97年近乎「空手入白刃」(零資本)炒幾層樓,97年爆煲當然中晒招,由當年過千萬身家,變欠債幾百萬。佢同我講「我差啲跳落去」,但佢冇咁做之後一路死撐跑數,到我識佢時(約2004年),佢已經還清晒。我之所以一直記住呢個猛人,一個原因係佢嘅意志力,另一個原因係佢真係好敬業,佢唔係亂吹一通呃啲客,個新盤周邊有咩交通工具、有咩設施都一清二楚,真係幫個新盤做晒功課咁去Sell樓,呢份專業亦令我印象相當深刻。可惜小弟真係對樓興趣不大,跟咗佢幾日就唔做了。所以有人話我「中樓毒」,我不嬲都唔認同。我買樓只係因為我見到個大環境要迫住買,其實我係中咗嘅係...

【今日吹乜風】梁風:要準備「別人恐懼,我貪婪」

肺炎問題真係好困擾大市,市場情緒極差,啲短炒貨都係要執執佢,減磅過年,港股試緊250天線27700點,我估最悲觀情況有機會試埋26000點。點解咁灰?武漢剛剛先封城,班人臨封城前著草晒去其他地方,即係仲有更多利淡消息未爆,26000點唔係冇機會。但睇返2003年樓市咁,樓價恐慌式插完,一冇事就會大反彈。個市咁跌法,可能真係影響咗一啲刁,傾緊賣盤嘅松齡護老(01989.HK)今日就曾經跌67%,低見0.44元,最新彈返上少少,報0.58元。同股領袖傾開計,佢有一句講得幾岩:「賣唔成都唔洗$0.44掛」;社長陳承龍都係Fb講「1989未至咁cHeap。」1989最新報0.54元,市值唔夠5億,公司真係有業務,真係唔應該咁平,都反映個市連撈底資金都少,個個唔想坐貨過年,如果有勇者,1989呢啲位真係可以撈一撈,話唔定可以成功「別人恐懼,我貪婪」。 

【牛熊薈萃】小米又急抽 新Call上場參考20622

肺炎疫情轉催嚴重,週二大市急跌800點後,週三出現反彈,恒指升355點,全日波幅約450點,大市成交金額繼續千億港元。小米(01810.HK)雖然週二要跌4%,不過週三大市造好時這隻強勢股一馬當先跑出,愈升愈有,抽升近9%,高見14港元。在週二股價向下時,北水積極吸納股份,滬深港通當日合共有超過1億6千萬港元的資金流入,投資者可留意股價會否繼續破頂。上星期五小米股價急升,價外而年期合適的小米Call輪不多,七除八扣下只剩1兌1的輪選擇,證價非常高的選擇,不過近日陸續有新的小米認購證上場,行使價沒有舊的認購證般價內,而且沒有街貨,或是更適合大家參考的選擇。如投資者看好小米,可留意週三新上市的小米認購20622,行使價13.88港元,20年8月到期,有效槓桿約4.2倍。而看好小米,又想作中線部署的投資考,牛證少受引伸波幅和時間值影響,亦是可考慮的選擇。如投資者看好小米,可留意小米牛證50317,收回價11.8港元,20年7月到期,有效槓桿約5.7倍。更多窩輪牛熊資訊:瑞銀證網站: www.ubs.com/HKwarrants窩證教學及巿況焦點短片:Https://www.youtube.com/cHannel/UCKw86qy4eBAInmd52MND45Q?view_as=subscriber瑞銀亞洲股票衍生產品銷售部本產品並無抵押品。 如發行人無力償債或違約,投資者可能無法收回部份或全部應收款項。筆者為UBS AG的代表(作為證監會持牌人),並未持有相關上市公司的任何財務權益。本資料由瑞銀刋發,其並...

【股場放大鏡】歐陽風:小米中芯炒上的真正理由

武漢肺炎對股市影響只有兩日咁大把,周三A股及港股都先跌後回穩,港股大幅反彈逾300點。睇清楚股票表現,會發現指數升咁多,靠的是科技股,加上久未炒過的中移動(00941.HK)大升超過3%所致。另外中資科技股升得好唔尋常,尤其小米(01810.HK)同中芯(00981.HK),背後應有故仔。 由於中國與美國簽署首階段貿易協議之後,極需要出口賺外滙去買美國貨,因此要靠中資企業擴大出口賺滙。近日喪炒的小米,由於平價手機在東南亞、印度、南美、非洲都有市場,國家很大可能會全力支持小米大規模擴產,填補華為在手機市場出現的缺口。 事實上,華為手機即使功能再好,無得下載FACEBOOK等社交媒體,無得用GOOGLE APP,已經成為一部廢機,對海外用家而言只具通電與拍照功能。小米手機完全可以在華為手機的缺口作出填補,而且除了低價手機,亦可以生產埋高功能手機,擴大品牌效應。 中芯係另一個故事,由於美國對高科技晶片作出有限度出口,中國要靠自行生產芯片,去應付大量手機及科技產品出口,實際上中國亦無其他選擇,全部向南韓三星採購,益咗人亦令本國晶片商長期無法振作,倒不如先壯大中芯,再靠中芯加強研發開支,所謂做大做強。 兩隻股票今年表現一定唔會差,如果怕跌市咪買少少熊證做對沖,或者沽啲消費類股,以防內地疫情擴散影響大市。

專業名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風