【活捉走地股】松齡炒到飛天 嘉濤2189睇1蚊唔過份

日期:2020-01-15
更新時間:12:30:59

護老院股松齡護老集團(01989.HK)一個月多啲升咗倍幾,6毫子升到1.4元,市盈率90倍、市賬率6倍,明顯係有買家刁緊想買返嚟做。即係話啲大孖沙開始趁低吼緊好貨,護老院業務勝在收入穩定又食到「人口老化」條水,市值更細嘅嘉濤(香港)(02189.HK)應該會受惠1989炒起而起動。

2189概念好簡單,同樣係做護老院,但無論市值、盈利能力、派息率都跑贏松齡。更重要一點,現價仲低過上市價0.6元,現價只係有批蟹貨未清到,因為真係上市半年都冇炒過,0.6元大位一清到隻股隨時炒到癲。

2189市值唔夠6億,上財年賺3788.2萬元,對比松齡都係賺得1343.5萬,但松齡最新市值接近13億元,2189上返10億市值已經講緊1蚊。

DBS報告就話,2189係香港第三大私營養老院,股息收益率約為6%,在供應嚴重短缺下,2189有望每年加價5至10%,兼2189相對其他同業成本控制得更好,未來有望將業務擴展到大灣區,給予目標價0.8元

DBS嘅目標價0.8元似乎保守咗啲,大概等於5厘Yield,但以松齡咁嘅炒法,就唔止睇股息咁簡單,應該係炒埋大灣區嘅憧憬,2189突破到6毫子大關,未來炒到十幾億市值都有可能。

相關評論

相關評論