【活捉走地股】手遊股首選禪遊科技2660 「騰訊基因」準備爆發

日期:2020-02-14
更新時間:12:27:52

手遊股當炒,之前推介過嘅禪遊科技(02660.HK)繼續大落後,近期喺多項利好因素刺激下曾經破過1元大關。該股有勢力追合理身價,短線好大機會一舉上返上市價1.23元,中線睇3元樓上

《港股策略王》已經提過大家,禪遊科技係一隻有「騰訊系基因」嘅手遊股,集團董事長葉升曾任騰訊旗下QQ遊戲產品部門嘅產品總監作達6年;首席技術官楊民亦喺QQ遊戲產品部做咗開發總監5年。

基於濃厚嘅騰訊系背景,市場一直睇好呢隻股,預期點都會大炒一轉。

近期公司發盈喜,加上肺炎因素唔少人都冇得出街,條隻一索都畀阿爺收埋,好多人只好留喺屋企打機。

唔少麻雀Game、鬥地主Game一時間都應付唔到咁多人流,,要叫大家「避過高峰期玩遊戲」,即係今年上半年應該會繼續靚數。

炒呢類股仔,講血統都好重要,阿里健康(00241.HK)喺2018年只係4元頭,而家?14元。

另一隻阿里系嘅途屹控股(01701.HK)都講緊由0.5元炒上見過2.75元,最新造緊2元。

充滿「騰訊基因」嘅禪遊科技仲低於上市價,以一隻科網股而言,冇20倍都真係冇面見人,而2660市盈率不足10倍,所以2660現價真係處於「特價時段」,記住上市價1.23元之前都仲係好抵博。

遊萊互動(02022.HK)、指尖悅動(6860.HK)隻隻炒得起,論質素概念而言,首選都係隻2660。

相關評論

相關評論