【活捉走地股】眼科影子股咪睇少 德視佳1846升一倍都唔貴

日期:2020-06-30
更新時間:12:45:44

眼科B股

1846係德國及丹麥視力矯正行業龍頭,借香港上市打響知名度兼進入中國市場。據市場報告,預計中國私營醫療機構先進晶體置換手術及屈光手術市場,將以29.5%的複合年率增長,2023年市場規模達234億元人民幣。目前內地有90%年青人有近視,人民生活質素已大大提高,故必然看重眼睛護理,市場潛力巨大。

自上市以來,公司大股東一路密密增持,之前已經斥資近2000萬銀增持,最新於6月19、22日再度出手,合計增持30萬股,今次出手均價為6.0604元及5.8834元,持股比例由52.16%升至52.26%。

之前1846大股東已經由10.3995元買到落5.2981元仲密密加緊貨,已行動證明對公司發展信心十足。

而且疫情方面,1846已經陸續恢復營運,公司公佈,目前在德國的所有診所均已恢復正常運營。丹麥的診所暫亦於4月20日已重開,至於北京(西)診所已恢復營運。

相對隻希瑪眼科(03309.HK)市值成71.5億元,1846最新市值只係17.65億元,有概念,又有大股東行動支持,呢啲位好值博,就算升上10蚊,都只係33億元市值左右,比3309仲要平一半。

相關評論

相關評論