【活捉走地股】軍方背景兼業績交到貨 安捷利實業1639預料爆上1.5元

日期:2020-07-09
更新時間:13:05:58

軍工股大炒,有軍方背景嘅安捷利實業(01639.HK)要睇實,公司專營電路板及組件業務,向兩大股東歌爾股份、安潔科技供貨,其中安潔科技已經一個月左右升咗五成,1639點止咁簡單。

1639嘅電路板產品,可以應用於5G產品,例如智能手機、可穿戴產品、攝像頭模組、新能源汽車電池及無線充電模組等。

公司係由安利實業、歌爾股份、蘇州安潔科技合計持股72.65%,公司兩大客仔正正係歌爾股份、安潔科技,公司概念十足但股價大低殘,反彈空間可以好高。

但安利實業背景最猛,係中國兵器工業集團,同中國北方工業嘅合營公司。

而兩大客仔兼股東--歌爾股份、蘇州安潔科技都喺A股上市,兼且股價近兩個月都見大升,累計升幅都超過五成。

2019年,1639業績已經唔錯,收入升19.6%、純利升69.8%。公司印度、越南嘅新廠房已經投產,2020年可望帶來新貢獻。

1639都只係剛剛突破,最新市值18.15億元。安潔科技喺2017年入股,作價1.5元,以此作參考1639潛在升幅26%起跳;長線目標價大可上望50億市值,即係3.25元水平。

相關評論

相關評論