【活捉走地股】堡獅龍592勢變「小李寧」 借時裝猛人入局炒上1.8元

日期:2020-07-31
更新時間:13:07:08

堡獅龍國際(00592.HK)成為「小李寧」憧憬未變,最新更有前Guess CEO、李寧身邊猛人入局,592大換班已經完成,短線隨時爆發,追回羅氏家族持股嘅合理身價。

592獲李寧旗艦控股公司非凡中國(08032.HK)入主,股價一度炒上0.64元之後大回,近日低位再起,上次《策略王》推介已講明,592合理身價絕對冇咁少!

最新分析係1.8元起跳,咁先追返羅氏家族持股約13%股權嘅「原有身價」,592最新一輪換班部署亦證明《策略王》分析正確。

最新,592已完成高層大換班,羅家領頭人羅正杰、非凡中國首席財務官趙建國等加入董事局。

最重要一點,就係國際服裝界猛人Victor Herrero 成為592主席兼非執董。

翻查資料,Victor 曾任Zara母公司Inditex(印地紡)亞太區主管,任期為2003年至2015年,呢段期間正正係Inditex股價嘅爆發期,由2003年低位3歐元水平,到2015年曾升穿34歐元,累升幅度達十倍水平。Victor 離任後,Inditex最叻仔都只係升到36至37歐元水平。

當時正正係靠中國市場食糊,即係由Victor 擔大旗嘅區域。短期內,592必定會向呢批新高層發Options(購股權),一派Options 勢必大去。

592短線首站目標1.8元,相當於羅家持股原有身價,中長線當正「小李寧」咁炒,李寧(02331.HK)最新市值619億元,592第一個大位先睇一成市值(62億元),即每股作價3.78元水平。

相關評論

相關評論