【活捉走地股】電動車設備股大落後 泰坦能源2188隨時直上1蚊

日期:2020-09-16
更新時間:12:30:00

Tesla股價強勁反彈,但做電動車設備嘅泰坦能源技術(02188.HK)反而被大忽略,喺5毫樓下已經橫行近一年,近期有勢上衝,7月份一度炒上0.57元,走勢上似想重新發力。

2188有「電動車設備+新基建」兩大概念,現價只得4億幾市值,熱錢一旦流入勢必炒升幾倍。

2188主業包括電力直流產品、電動汽車充電設備及服務等。中央表明新能源汽車充電樁、特高壓等已經獲納入「新基建」範圍,而2188子公司泰坦科技更成為「國網電動社會樁開放平台項目」認證的充電設施企業。

目前內地正大吹「車樁比1:1」,即係每一部電動車要有一個充電樁,但最新數字只係3.5:1,離「車樁比1:1」仍有一段距離,未來電動車銷量更會持續增長,即係2188呢類公司仲有唔少發力空間。

2188上一次大炒係2015年,一度炒上2元樓上水平,現價已去清水份,短炒第一個大阻力位先睇近期高位0.57元,一旦開炒隨時直上1元大關。

相關評論

相關評論