【活捉走地股】酷派2369轉攻新能源汽車 係時侯低位大反攻

日期:2020-09-17
更新時間:13:19:29

大市雖然氣氛偏弱,但昨日提過嘅充電樁陂泰坦能源技術(02188.HK)又幾強,證明概念好、夠殘嘅股份可以逆流而上,咁就要睇下隻酷派集團(02369.HK)。

2369早幾日突然宣布以1.03億元代價收購氫燃料電池公司精威企業75%股權,當中2500萬元為現金支付,另外發行6億股代價股份,相當於每股作價0.13元。

2369自從獲「京基二公子」陳家俊入場後,公司一直未見明確方向,今次終於見到明確啟示,隨時係股價大反攻嘅開始。

據公告指,董事會鑒於新能源汽車業務的整體趨勢及強大增長潛力,已建議公司應計劃打造拓展新能源汽車行業的潛在項目。

而目標公司有氫燃料電池技術、汽車技術,以及氫燃料補充站設計及興建能力。更有新能源汽車自動化技術,與2369嘅5G技術有合作發展空間。公司講明,會借此機會拓展新能源汽車價值鏈。

陳家俊當年係以高價0.9元入場,之後一度想引入潮汕商人黃光苗,CB換股價0.581元,雖然交易傾唔成,但0.581元都好有參考價值,大哥們都係高位入場,2369低位炒反彈應有唔錯幅度。

相關評論

相關評論