【活捉走地股】中信資源1205掃除蟹貨向高位進發

日期:2021-09-15
更新時間:13:05:31

資源股目前係資金最信任嘅板塊,琴日講完油股、油服股,中信資源(01205.HK)原來受惠油價升值之餘,更享受到鋁價、煤價升值,但股價只係剛剛重返2018年低位,參考返中國鋁業(02600.HK),1205上望倍升睇1.2元亦唔過份。

中鋁2600近年於谷底大反彈,由1.4元水平,彈至近日高見7.49元,正正係2017年高位阻力水平。

1205作為中信系下資源旗艦,手上分別有四大業務,包括:1)於印尼和中國經營油田和銷售石油、2)於澳洲從事採購氧化鋁和生產鋁錠業務、3)在澳洲營運煤礦和銷售煤、4)在澳洲出口多種商品,例如鐵礦石、銅、鋼、汽車和工業用電池等等。

相比起中鋁低位勁彈近4、5倍,1205只係較近年低位約0.25元水平,反彈近1.5倍左右。

1205現水平正處於2018年低位,短線正消化當年一批蟹貨,一旦破阻力相信好快挑戰當年高位0.9元水平,參考返中鋁2600走勢,1205甚至有望挑戰2017年高位1.2元阻力,潛在升幅由五成起跳,上望倍升。

相關評論

相關評論