登入

不問價追 小炒王梁心欣

【不問價追】不問價追煤炭股(小炒王梁心欣)(第159期)

早前我在節目同大家分享不問價追中國神華(01088.HK),早上22蚊推介時,估唔到好多朋友立即去搵輪,在正股$22.95到$23時,竟然有朋友已經傳訊息過來講多謝。除了神華之外,大家可以發現小炒王大力建倉煤炭相關股份,記唔記得一兩年前煤股熱炒嘅時候,易大宗(01733.HK)同蒙古焦煤(0975.HK)短時間內爆升幾倍,市場正正炒緊呢個味道。今次叫大家買中煤能源(01898.HK),公司在上市煤企中走勢比較落後,人哋兗州煤業(01171.HK)同神華一早就破頂再破頂,中煤能源就仲未到52周高位$4.36,小炒王覺得追落後的機會好大,梗係不問價衝。但係其實中煤係有幾個潛力可以令佢股價突破$4.36後直衝5蚊,唔講大家未必知,一講就可能「叮」一聲,係喎!第一個原因:我講過上周五多部委支持有條件煤炭企業之間實施兼併重組,神華國電率先合併成為先例,股價照推算係會愈來愈好,因為咁先吸引到其他煤企跟隨。係呢個時候,小炒王可以講中煤好大機會係下一個重組目標。睇返中煤官網,其實中煤除了煤炭生產與貿易、煤化工、裝備制造之外,其實仲有埋工程建設同埋電力兩個業務。根據網頁資料顯示,中煤集團以調整產業結構、消納自產煤為目標,發展環保型坑口電廠和參股建設下游電廠項目,形成現有控股和參股發電廠 24座,總裝機1141萬千瓦,權益裝機446萬千瓦。講到呢度,大家係咪諗到多部委講嘅煤電合併嘅扶持方案,小炒王認為中煤已經有煤電的雛型,未來若果出手同某啲電力集團合併,隨時好大機會係神華翻版,股價因此爆升幾成。第二...

2018-1-11 18:52:03

【不問價追】第一季不問價追(小炒王梁心欣)(第158期)

小炒王剛剛從歐洲返港,落機當日港股大升500點,仲突破埋30,000點呢個大關口,既然聞到陣牛市味道,小炒王都忍唔住拎緊行李個刻就開始落盤,趕得上呢個牛市列車。記得係上年11、12月嘅時候,恒指由高位回調咗近二千點,好多股都見52周低位個時,市場上都唔少聲音話牛市玩完。但近日大市突破之後,已經有部份人都已經唔敢再去上返車。小炒王一直都堅信呢個係前所未見過嘅超級大牛市,而近日港股呢個突破,小炒王相信第一季港股勢將創歷史高位,所以大家要好好把握。假如順利在第一季突破到07年高位32,000的話,大市首個目標自然係35000至38000點,港交所(00388.HK)、滙豐(00005.HK)係必要之鎮倉之寶,更有可能有多過十隻以上嘅倍升基金股,如果大家仲未做好準備嘅話,就要畀多啲心機去研究一下,當然小炒王都會同大家一齊發掘更多好嘅股票。好簡單嘅例子,17年大升嘅股除咗恒大(03333.HK)、融創(01918.HK)呢啲幾倍內房,吉利(00175.HK)、華晨(01114.HK)爆升車股之外,其實仲有好多特別嘅股份,例如做CAR-T嘅金斯瑞(01548.HK)、SHABU SHABU呷哺呷哺(00520.HK)都表現強勁,小炒王希望18年可以同大家一齊搵到呢類倍升股去不問價追。

2018-1-4 15:28:06

【不問價追】永遠最好的就是分析(小炒王梁心欣)(第157期)

話咁快來到年尾,小炒王例牌會同大家重溫過去一年的推介是得是失?不過在歐洲寫呢篇文章時,發覺最值得改變嘅是策略,而非所得的「冧把」,在此祝願2018年,大家有好冧把都要識得把握,因為「捉到鹿而唔識脫角」真係好蝕底,甚至輸在起跑線。最值錢或者最值得大家花時間接收嘅資訊永遠都是有前瞻性的分析!因為股市永遠行先,要預測準確的走勢就要靠幫你分析前景的「分析師」。因為「事實」已經發生了,一旦別人同你談論「事實」,那已經是落後的步伐,所以講事實無錯,最錯是無前瞻指引,聽咗等如無聽,尤其是在此資訊性爆炸的年代,有得上網就成了「先知」,但透徹和詳細的分析是要靠無限的數據支持,願意向你「分析前景」的人,無論是對是錯(當然準繩度要高啦)都十分值得尊重。股市著重的是「未來」,現在與過去係已知事實,大家都不必為現在而過份著緊或憂心。2018年,小炒王相信上半年還是有好光景,我著眼於農曆新年過後的時間,因為春節假期前「水緊」的情況尤甚明顯,(農曆新年於2月中),故年頭的一個半月,絕對有機會要忍一陣,但潛力股就唔使睇時間,主要由事件帶動。好似利邦(00891.HK),1月17日就到關鍵日子,朝早就是股東特別大會,如果通過收費,將會令股價進入大直路。所以我願意跨年持有利邦定必有因。最後,希望大家喜歡過去一年我特別準備的分析,想起從前懶惰的日子真是不堪回首,倒覺得現時充實很多,大家要賺錢都不能偷懶哦,共勉之。

2017-12-29 13:41:57

不問價追 【不問價追】盡早部署(小炒王梁心欣)(第156期)

話咁快嚟到年尾,小炒王連日來嘅動作係執倉,準備2018年的第二浪。相信個市係明年春節前,都係咁上上落落,無咩大方向出來,不如做下功課。明年有咩股跑出來? 大家可以諗下11-12月喺呢個浪,大家可以睇到內銀股如工行(01398.HK)、建行(00939.HK),以及國際性銀行匯豐(00005.HK)等,股價都幾強勁,好明顯係有資金在部署,所以明年第一季炒銀行應該係不二之選。小炒王繼續同大家推介銀行股為核心持股之一。早幾日,泛海金融控股(00952.HK)宣佈3供8,集資182億元,約40%用作支持及擴展證券業務;20%擴展結構性融資業務;10%發展自營買賣業務;30%用於策略性收購。好明顯就係供錢大行動,一旦供完之後,公司多咗近181億嘅錢,呢筆數真係好,大家可以諗下,供咁多錢來做咩?呢啲大佬喺度準備緊糧草,所以明年個市,上半年都應該唔會差得去邊,隨時有一兩個事件,觸發到港股爆大單邊向上。假如真係大單邊,應該買乜?會唔會再係股王騰訊(00700.HK)? 近期國家主席習近平強調加快建設數字中國,習表示應深入了解大數據對經濟社會發展的影響,推動實施國家大數據戰略,加快完善數字基礎設施,推進數據資源整合和開放共用,保障數據安全,加快建設數字中國。科技股近日調整唔少,小炒王諗緊係咪撈底嘅機會,定係繼續沽科技買金融,但係唯一肯定既就係雲嘅應用,呢方面最好就係騰訊同阿里雲,跟住就浪潮(00596.HK)雲,再之後先到金蝶(00268.HK)同金山(03888.HK)雲,小炒王之前同大家分享過,未來真係可以留意浪潮雲...

2017-12-21 17:22:33

【不問價追】平保大動作的啟示(小炒王梁心欣)(第155期)

彈完三日又散,頂住29000點!小炒王先講咗三個大位,若果用黃金比率去計反彈,粗略有三個位,28800點、29200點同29500點,但係若果呢個唔係反彈,而係繼續上升,即係話跌2000點只係調整嘅話,小炒王覺得就應該諗下,下一浪帶領個市上升嘅係邊隻,其中一隻相信係滙豐銀行(00005.HK),明年紅底機會好大。點解講滙豐?因為平保(02318.HK)的大動作令人無限聯想。細心啲睇,平保呢招叫價值投資,用萬億資金堆砌出一個主題。平保增持滙豐至5.01%,再出手於工行(01398.HK)身上沽A買H。呢次擺明係做差價,成個行動好醒目,下年好有機會其他大佬會跟隨。今期先講工商銀行,先從技術走勢去睇,佢由10月個高位$6.48見短期頂開始回落,回足兩個月到近日$5.9呢個水平,28100點時佢低見$5.86,近日個市彈佢只係彈多少少到5.96,小炒王覺得咁大隻工商銀行,回咗落來可能係建倉的機會,尤其係資本新規下,長遠利好金融股,同埋好多業務會由表外重回表內,有危同時有機。另外,小炒王選工行有第二個原因,就係近日平保沽A買H,呢個動作話咗你知大戶點睇AH 差價,而大家權益一樣,未來除平保之外,會有更多大佬跟隨,大家可以睇下A股工商(5.84元人民幣),相對股價6.893港元,即係好簡單咁睇,未來會隨時縮減呢個差價,最理想係A股升慢啲,H股升返快啲,但係好多時Equilibrium呢樣嘢,會係A股回返少少,H股漲返啲去達成,個Equilibrium Point 當住係大家嘅平均,即係$6.5水平。最近中金出咗份報告,指內銀股將進入市場重估第二階段...

2017-12-14 16:11:37

【不問價追】跌市綠洲有萬洲(小炒王梁心欣)(第154期)

大市由高位回調2000點,到底想點呢?個個殺到死晒,仲有咩好買呀?是日推介萬洲國際(00288.HK)。講起萬洲,小炒王同佢都好有緣,因為早前小炒王就估佢黑馬染藍,簡單邏輯就係消費股換消費股。小炒王國推介萬洲,邏輯一樣咁簡單,就係稅改,雖然話參眾兩院有少少分歧,但大體上都有共識,好大機會聖誕節前傾得掂,企業稅由35%大幅減到去20%,以及標準扣稅額都升近一倍,小炒王相信好大機會提升企業盈利,有助企業請多啲人外就係加人工,而個人交少咗稅,更有利消費市道。係咁嘅情況下,消費股係首選,大家都應該明白點解小炒王推介萬洲國際。講返小小基本資料,萬洲係世界上最大的豬肉食品企業,在豬肉產業價值鏈的主要環節,包括肉製品、新鮮豬肉和生豬養殖,均佔據全球首位。公司手持幾大品牌,分別係中國雙匯同埋美國嘅SmitHfield,除咗呢兩大品牌,公司仲有唔少細品牌,而公司今年都積極向外收購,年初時收購咗美國本土Farmer JoHn等多個品牌,直接打入美國西岸市場,6月嘅時候進軍歐洲業務,收購咗營運肉類加工及包裝工場的Pini PolsKa,年產能10萬公噸,營運零售包裝鮮肉工場的Hamburger Pini,年產能4萬公噸,正在興建的家禽加工廠房Royal CHicKen,計劃產能每年1億隻禽鳥。在9月嘅時候收購羅馬尼亞的Elit SRL及Vericom SRL, 取得其肉製品市場的領導地位。綜合去講,萬洲國際已經係全球嘅領先肉食家禽類品牌之冠,自然係基金愛股啦!公司九個月業績都做得幾好,營業額為162.85億美元,同比增長3.2%,經營利潤為...

2017-12-7 20:00:29

【不問價追】I will be back(小炒王梁心欣)(第153期)

過去一星期小炒王終於放一個長假期了,港股由年頭升到年尾,當然中間跌盪少不免,但大體趨勢向上,如果去年11月有留意我接受《壹週刊》訪問,提到2017年目標價是28500點(當時恒指仲死死吓,得21000-22000點)相信大家都大賺了,雖然過程並不輕鬆,但可以力排「2017股災言論」,相信都可以說看中了,自己的身家都進帳了。但問題係,點樣保住盈利唔輸返出來?2015年港股大時代,錢來得快去得快,好多時見到戰友守唔到盈利仲要將個「本」嘔突,呢個係最壞情況,所以「贏在帳面上」是無用的,最緊要是保住最大優勢。試望望自己戶口?到底你進攻之後,有冇做到防守?咁到底呢一浪我睇幾多?太遠的預測我唔想講,因為做得直播多,一講得遠,啲觀眾都會「噓」一聲,哈哈,因為大家都唔會望到咁遠,只顧短期甚至眼前的變化,好多時我在FacebooK 收到大家的留言都係全日最低位之時,跟住我就望一望就走開,因為因日中的跌盪而灰心係好難得到勝利的,更明顯是大家對買的股票無信心,所以弄得「頻頻撲撲」的下場。破大頂是肯定的,32000點都不是我的目標,其實現在一試到30000點,大家都「衝、衝、衝」是一個壞習慣來的,一遇到大位,來回跌盪是肯定的,一跌400點都已經叫「股災」,相信又是不成熟的表現。這個大位肯定回試幾次吧,試想,邊有聰明人30000點先去買貨?買嘅都等回調吧!很開心同大家分享,小炒王得到了2017年度的大本鐘獎,更遠赴倫敦領獎,順道遊覽一下,拿獎是一種鼓勵,更係讓別人認知小炒王的一個途徑,在此,多...

2017-11-30 20:00:02

【不問價追】被遺漏的北水股(小炒王梁心欣)(第152期)

呢期個個為北水而瘋狂,小炒王上幾個星期就發現北水係咁流入環球醫療(02666.HK),當時股價衝到去8.47呢啲上市高位,近日股價回調咗成蚊,但北水無點走過,小炒王覺得係機會吸納佢啦。講返基本資料先,環球醫療集團是中國最大型的綜合醫療解決方案供應商。集團向醫院客戶提供一系列綜合醫療服務,包括(1)構成集團業務主要部分的設備融資;(2)醫療行業、設備及融資諮詢服務;及(3)科室升級服務。公司係2015年7月上市,招股價8.18元。睇返資料,環球醫療大股東係央企中國通用技術集團,個名咁鬼似美國嗰間GENERAL ELECTRIC,好明顯就係中國版GE啦,阿媽境內外擁有過千億資產,實力相當雄厚。而擁有3間上市公司平台,分別係中國醫藥(600056.HK)、中國汽研(601965.HK)同埋環球醫療(02666.HK)。有個咁勁的阿媽,小炒王覺得環球醫療前途一片光明。公司首9個月除稅前溢利12億,同埋增長3成左右,今年盈喜相信無走雞,但係呢個唔算勁,睇番過去幾年的增長,每年都有3至4成,以呢個復合增長去睇,現時股值係超級平,加上十九大後國家政策特別看重醫療福利,小炒王覺得梗有一兩隻醫療股係手,早前同大家推介過華潤醫藥(03320.HK),第二隻心水就係環球醫療。公司一直做緊醫療融資租賃業務,業績有目共睹,而公司近年開展醫院投管業務,其中一個醫院邯郸第一醫院將會在2017年Q4落地,而公司與西安交通大學第一附屬醫院合作國際陸港醫院項目正式開始,呢行新業務俾到市場好大的憧憬。環球醫療呢個新業務模式主要分兩種,一係...

2017-11-23 21:00:39

【不問價追】不問價追美加醫學(小炒王梁心欣)(第151期)

小炒倉之前一注獨贏佳兆業(01638.HK),開頭都有點擔心,但之後聽到老前輩一番話,小炒王對佳兆業嘅信心增加咗好多,話晒佢在深圳都幾多地,截至2016年底,佳兆業持有2100萬平方米的土地儲備,而約有80%的土地位於一線城市及二線重點城市,比起幾大爆升內房中,佳兆業嘅質地唔錯,遲早會價值大回歸。翻查資料,小炒王梗係順藤摸瓜咁查落去,週末比小炒王搵到一間好有潛力嘅公司,佢就係佳兆業大股東揸咗29%的美加醫學(00876.HK)。講返歷史,美加醫學前身係永利控股,拆咗隻永利地產(00864.HK)上市後賣殼,15年大時代時曾經炒過去$0.9左右,其後就落返去起步位。去年11月郭英成三度出手,以合共3.9億元掃入美加醫學逾21%股權,成為公司大股東。翻查資料,郭氏以0.36元入咗2.7億股,之後0.52元,再入多1.91億股,0.52元入左3.7億股等等,睇返幅圖,郭嘅成本價大約係0.46元左右,現價0.36元來睇都真係好吸引。公司最近宣佈以0.4元溢價供股,3股供1股籌5.4億元而包銷商就係佳兆業,大家可能聽到供股就怕怕,係咪諗佳兆業係咪出術㗎?但係好少聽過公司會溢價去供股,大部份超大折讓,例如十三集團(00577.HK)供股又合股,所以小炒王覺得美加醫學今次供股,佳兆業誠意分十足,都可以話算厚道。若果大家細心一點睇下呢次供股,只要有小部份人唔供,佳兆業就可以成為超過3成嘅控股股東,結果公布結果後,果然由佳兆業拎晒。更重要嘅係呢個過程唔使行General Offer, 同時間供咗5億資金後,公司資金充足,又可以即刻用得,...

2017-11-16 16:26:39

【不問價追】999 響起了(小炒王梁心欣)(第150 期)

踏入11月,率先來個雙十一,然後THanKs Giving同聖誕新年,係消費旺季,Amazon老闆都做埋首富,仲要今次唔再係幾分鐘嘅事。九月尾,我講過消費股係第四季之選,小炒王早前都同大家推介咗利標(00787.HK)同利邦(00891.HK),係咪好好炒呢?而小炒王相信利豐系全線大翻生,不過我唔係推介利豐(00494.HK),而係香港fasHion領軍之一的I.T(00999.HK)。睇返公司最新一份業績,公司中期總營業額增長0.2%至36.52億元,毛利增長3.4%至22.83億元,純利大升55%至5,975萬元,而系內品牌A BATHING APE熱賣,日本及美國大幅增長達3成,中國則有見底回升的感覺,香港同澳門則調整步伐之中,倒退一成左右,小炒王睇完盤數幾滿意,尤其係毛利率大幅改善,未來只要大中華地區成功重拾增長嘅話,相信公司股價好大機會倍升。而公司通告《有關在中國上海開設老佛爺百貨之意向書》裡面,相信好少人留意,就係巴黎老佛爺百貨(中國)有限公司(「老佛爺中國」)係由老佛爺同IT各自擁有50%權益之合營企業,而目前係中國唯一一間百貨,未來係上海有意再開多一間,相信老佛爺呢個品牌的百貨,好大機會未來在中國成功發展下去,而真係好少人留意到呢樣嘢。第三,既然公司開始turn around,未來有望隨著中國人富起來時一同增長,而公司手持嘅品牌都係潮牌,小炒王呢方面好有信心會得,睇返公司股價,出完業績後有資金獲利,但股價回吐後重上4蚊水位,市場係50億附近,呢樣嘢就係小炒王最喜歡嘅位,40幾億、50億邊嘅股票好好炒,因為只要維持到...

2017-11-9 20:00:22

热门专栏

【霜霜魔鏡】梁傲霜:軒尼詩V.S.O.P Privilège的感觀情緒

軒尼詩秉承多年對藝術與設計文化的支持,將藝術品全權交由這位洛杉磯出身的藝術家自由發 揮,創造出一項開創先河的當代藝術向經典不朽的 V.S.O.P Privilège,今次,RefiK Anadol 到訪軒尼詩酒莊及創辦人的酒窖後,深深體驗到軒尼詩代代相傳的傳統與他所認識的人工智能領域截然不同,因而令他非常著迷。 一項創新前衛的合作, 軒尼詩誠意邀請著名媒體藝術家及總監RefiK Anadol ,首次讓藝術家透過神經系統科技參與及紀錄這個神秘且歷史悠久的日常例程,並結合人工智能及從機器獲取的數據,創造出富有突破性的藝術品。這次合作完美地把精湛專業的技術及知識以創新的表達方式糅合,在這項全新的實驗中,在品酒過程中均會配戴高科技設備,讓RefiK實時追蹤他們的感觀變化,捕捉他們對「生命之水」(Eaux-de-vie)的體驗、感受和欣賞。過程中RefiK Anadol透過一種專門用於實驗室研究腦電波圖的數據驅動裝置(electroencepHalogram;EEG)來獲得他們的認知控制神經機制及捕獲感官數據,RefiK 將其描述為「近乎實時的未來體驗」。 RefiK Anadol和他的團隊通過精密的分析技術過濾了那些盛載兩個世紀歷史智慧及記憶的數據,並將其轉化為色彩及光線。結合多個數據後,RefiK Anadol最終創作出三維數據(THree-dimensional data)的雕塑作品,一項沉浸式視聽裝置藝術《Sense of Heritage》,並陸續於各地展出。 軒尼詩V.S.O.P Privilège RefiK Anadol 2...

【富甲股海】江小魚:寰亞傳媒應成脫韁黑馬

創業板市場無疑係一塊神奇秘境,雖然「妖股」不少,但依然有「好嘢」禾桿冚珍珠。最近騰訊(00700.HK)以1億元認購寰亞傳媒(08075.HK)8333萬股新股,完成後騰訊關連方持股會增至2.96%,認購價為1.2元,所得款項淨額約9700萬元,擬用作推行新內容數字化計劃及未來業務發展。 獲得騰訊寵幸,故此,不排除騰訊今次逐步參股寰亞目的就在於給予寰亞更多內容製作,兼借力推動閱文(00772.HK)成為全球頂尖的文化產業集團。此外,寰亞透過發行新股份抵銷由控股股東借出的4.3億元貸款,加上當日40萬元財務顧問的諮詢費用亦同樣以發行新股方式結算,反映關連人士對股價表現有十足信心。 截至今年4月底止第三季,寰亞營業額錄得3183.8萬元,按年增加51.3%,虧損錄1450萬元,去年同期虧損3222.5萬元,幅度按年收窄55%。 寰亞傳媒表示,大陸及本地市場在娛樂方面之消費仍受新冠疫情所影響,集團一直專注於製作具良好往績記錄及商業可行性之優質項目,並收緊成本控制程序,相信線上電子商務及網絡紅人市場充滿機遇,集團亦已投放資源發展相關業務。 另將於阿里巴巴(09988.HK)優酷平台獨家播放之30集現代連續劇《家族榮耀》正處於製作階段。集團正就開發電視劇集製作之新項目,與多個中國門戶網站及視頻網站進行洽談。得騰訊寵幸,又有阿里巴巴合作,寰亞就似一匹黑馬,不但隨時跑出,甚至何止跑贏一眾創業板股份,可能大部份主板股份都給寰...

【天下第一倉】高山行:影視大金蛋 筍價好鬼盞

又一隻冷股冒起,此為主業內地網絡及電視媒介傳播服務的中視金橋(00623.HK),首先淨現金高過股價近八成,市值既係細細粒,本業又逆流強勁,連年回購不斷,走勢現突破,似會有大好事發生,再以每股nav高達4.14元及市盈率5倍幾衡量,又係冇得輸系列! 0623去年營業額11.76億元人民幣(下同),按年跌21.4%,純利8,721.3萬元,大升230.3%,大派末期息9港仙,雖然營收減少,但業務成本和經營費用均有效控制,同時出售了權益證券獲利甚豐,成為佳績所據。 事實上,0623依家非經營傳統本業咁簡單,除擁中央廣播電視台多類資源獨家廣告代理權外,還提供專業廣告視頻製作服務,大客戶包括中國印鈔造幣總公司、中國金幣總公司、建設銀行、華夏銀行、 中石化易派客、中國人保、長隆集團、長城葡萄酒、鄭州旅遊、玉溪旅遊、 縉雲旅遊、簡一大理石、揚子江藥業等。 近年更從後趕上力追數字營銷及網絡媒體業,自研智能程序化廣告投放平台iBCP,通過大數據優化廣告實時投放效果,另又推出播視網(www.boosj.com)明晰「線上+線下,內容 +活動」的運營模式,及透過吾谷網(www.wugu.com.cn)在農業互聯網信息服務中,更加凸顯「品牌強農」的傳播重點和特色服務。 大把現金在手, 去年便已回購2,231萬股,績後仍然持續,去年12月結止持8.41億元淨現金,折合每股高達2.2港元,是為每股nav 4.14港元的53%,淨現金更高過股價1.22港元的八成,市值5億幾港元...

【書健弘觀】楊書健:適度止蝕也許會偶而被騙

上週寫過香港財經新聞極之流通,因此相對其他金融系統健全的地方,香港可以說得上是全民股神。這當然對經濟和個人理財都有好處,例如香港的人均財富就經常名列世界的前矛。但是全民股神的副作用,就是失敗下的自然反應永遠是逃。 這本來不是問題,因為動物面對危機的自然反應離不開戰鬥或逃跑。面對整體股巿,股民實力懸殊,永遠是價格接受者。因為股民個人的買賣決定影響不了股價,因此實際上沒有戰鬥策略可言,所以戰況不樂觀,止蝕離場乃是正確反應。 不過,當巿場有很多投資者主要靠止蝕來管理風險,亦會給別人「格食格」。例如一隻股票長期在10至11元上落,也許不少投資者就會將9.8元設定為止蝕位。假如股票正常地炒至10.1 元,可能就會有大戶將之推落9.5元,從而震散了散戶的倉。再加上牛熊證亦往往有打靶位,這類短期炒作就有更多誘因。 另外,假消息和吹風亦在這種環境才有效。要長期宣傳謊言要花不少心力,但假如一兩週的風潮就可以震甩散戶的倉,也就會有人尋找這類機會。所以辯別真假新聞,也許是處身香港的投資者最需要的基本技能。 當然,在股本巿場之中,適度止蝕也許會偶而被騙,但仍是良好的風險管理技巧。但是在全民股神的氣氛,這也影響香港人其他的選擇。例如,太過著重每一場小仗的成敗,就根本不能做好生涯規劃。反而是看得長遠一點,願意留前鬥後的人,往往最後贏得最多。聽過有同行評論這類最終贏家,只會...

【天下第一倉】高山行:醫股開眼 呢隻必彈

牙股大發神威 ,冇理由眼股唔跟,近期希瑪眼科(03309.HK)已漸漸上力,並已將去年不利業績消化,以往日高價達19.9元、大落後於同業及未來大舉進軍大灣區的正面元素衡量,刻下絕對是上車良機,先望青蟹價、再望翻倍價冇懸念! 內地眼科業絕對大有前景,去年國家便發布了《中國眼健康白皮書》,介紹中國防盲治盲和眼健康工作的進展成效,未來將按健康中國要求,結合國情及致盲性眼病疾病譜變化,編制「十四五」全國眼健康規劃,進一步完善三級防盲和眼健康服務體系,教育部等15部門近日聯合印發《兒童青少年近視防控光明行動工作方案(2021-2025年)》提出,到2025年每年持續降低兒童青少年近視率,而目下內地兒童青少年近視總體發生率為53.6%,高中生為81%,大學生總體發生率為90%,令眼科醫務大有需求,兒童青少年近視已成為中國視力損傷的主要原因,內地近年又越加重視孩童健康,所以未來生意肯定不斷。 3309在2018年初以每股2.9元上市,由於大股東林順潮在業界聲名甚響,所以甫上市已大抽上最高19.9元水平,之後才反覆回落到6至7元水平大橫行。 去年醫療相關業務經營都受疫情影響,令3309中期業績亦見紅,但下半年已逐步回順,集團現業務主佈北京、上海、 香港、深圳及昆明,但未來將繼續力拓粵港澳大灣區及內地網絡, 包括收購眼科醫院、眼科中心及診所及物色合適的戰略合作夥伴,其中第5及第6間眼科醫院,便是包括去年初收購...

专业名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風