登入

社長話事 陳承龍

【社長話事】陳承龍:「港版國安法」殺到,有咩股份可以「最後武士」?

人大公布「港版國安法」堵國安漏洞,港股大跌逾800點之餘,本地地產股逐隻被空軍掃低,分別跌4至7%;阿爺眼中釘嘅壹傳媒(00282.HK)更加跌逾20%。 至於「港版國安法」對乜嘢公司有利呢?真係唔識講了,但好明顯,唔會有大影響就係中資股,同埋一批5G概念股、生物科技類嘅B股、內房股、物管股、資源股等等,都有機會成為「最後武士」(最後無事)。 陳承龍

2020-5-22 10:42:03

【社長話事】陳承龍:有黃光裕老婆同高振順睇場,國美金融科技628無理由唔炒

國美電器(00493.HK)翻生,咪睇漏隻國美金融科技(00628.HK),國美系隨時大重組,杜鵑、高振順一班人馬講緊0.77元入股628,628隨時上演殘股復仇記,好似493咁炒上1蚊樓上。杜鵑即係國美創辦人黃光裕老婆,加埋高振順、余楠,三個人買咗20億股,合計持股量76.5%,涉資15.92億元。街貨量有限,493大炒,628冇理由唔炒返起。628專攻國美相關嘅物流、支付業務,仲向國美上遊供應商借錢,提供周轉。即係同「小微貸款」有啲似,但專攻國美系內嘅上遊供應商,提供三個月還款期。支持小微企業等實體經濟,最合阿爺胃口,做得好隨時獲國家支持,有內銀大水喉入股都唔出奇。628更有大數據概念,公司官網自稱,「運用大數據技術建立用戶畫像和關係圖譜,精準識別用戶並定價。」A股嘅國美通訊已經踏出重組第一步,今日漲停板升10.07%;493更加係炒咗幾日,累升逾50%。628最新升26%,睇落以為升咗好多,實際上仲係潛緊水,短線真係上返0.77元先係正式起步!第一站先睇2月份高位0.82元。陳承龍

2020-4-23 14:43:52

【社長話事】陳承龍:壹家壹品8101好大機會再上配股價0.13元

由於港股急跌,壹家壹品(08101.HK)近期一單配股交易迫住取消,但據聞幕後仲係好想繼續配股,原因當然唔止資金咁簡單,而係想逐步引入更多投資者,一齊發大嚟搞。壹家壹品早排宣布引入瑞士品牌Saniswiss嘅醫療級別消毒產品及服務,之前睇過新聞,會德豐賣樓前,都要搵Saniswiss消毒一次,盛惠10萬大元,所以話商場等商業嘢係有得做、迫住做。據周顯爆料,肺炎確診者周巧兒曾經去過富豪飯堂福臨門,福臨門都係搵Saniswiss消毒。明顯壹家壹品今次搞消毒係好有商機,亦好想搞好呢個業務。國內咁多發展商,近期都因為肺炎搞到大家要去網上賣樓,壹家壹品一路做消毒,一路宣傳埋自己嘅定制家具,真係有得諗。所以0.13元呢個配股價,幕後應該仲要炒返上去配股,特別係當一隻股配市值夠大先可以做大收購,唔可能再好似當年盈科數碼動力「蛇吞象」收購香港電訊,而家監管實唔畀過呢類交易。好多人唔識,又唔理解,要畫公仔畫出腸先會明。國內個市場咁大,商場、寫字樓管理費一年講緊幾十萬、幾百萬咁去計,8101唔炒上去只會錯失好多機會,所以今次係幕後心急過我哋,短線上返0.13元嘅機會好大。陳承龍

2020-4-7 8:54:10

【社長話事】陳承龍:買債係有錢佬玩意,iBanker亦只係Sales

當英倫銀行出聲,叫停銀行派息,銀行股可能真係好大鑊。近年銀行唔少iBanKer力Sale啲有錢佬用孖展買公司債,銀行借畀你就賺你2厘,但有錢佬拎舊錢去買債就賺十幾厘,賺息差賺到盡咁話。但當富婆畀人Call Loan,同一個iBanKer另一邊廂緊係同另一個客仔講:「喂!我有批筍貨呀!買唔買呀?」,其實即係Sales,唔係銀行賺咩呀?咪又係賺佣賺息。好似大劉咁,人哋緊係唔會有事啦,人哋本身可能同間公司熟,又可能已經係有股權,好似佳兆業咁,大劉都有借過錢畀間公司。人哋個底又夠厚,佢坐得咪冇事囉,唔坐得嘅咪畀人Call Loan囉。另一樣嘢,呢類高危嘅內房債同當年雷曼「迷債」一樣,好多時係賣出海外,最少內房債國內好少發到債,甚至唔係間間可以係國內發債。買債根本係有錢佬玩意,入場費球球聲,其實邊有咁多有錢佬買債,個場來來去去得幾條大戶,透明度好低,呂麗君傳聞被斬手貨,明顯就係泛海(00129.HK)接貨。其實個銷售手法根本同Accumulator(戲稱:I Kill you later)一樣,銀行借錢畀你去做投資,升跌佢都賺,風險就你食,好多人以為好好執,結果咪出事。

2020-4-1 14:11:10

【社長話事】陳承龍:大股東增持都要7毫子 重慶機電2722低位有商機

今日隻重慶鋼鐵(01053.HK) 開炒,不妨留意埋隻重慶機電(02722.HK),近期大股東重慶機電集團自己出手喺0.7592元增持,現價大低水,低位幾有商機,上返7毫子都有兩成升幅。2722 當年好猛料,係當炒「中國製造股」之一,近年業務已經大重組,賣電動車業務又中止虧損業務,咁多動作之後,大股東自己增持似乎係有新一輪重組大動作。2722近年似乎轉向升級轉型嘅道路,講緊製造智能化、自動化,阿爺一定會大力扶持。今日阿爺講明要刺激汽車消費,2722造唔少汽車零件,都會好受惠!

2019-12-30 15:14:44

【社長話事】陳承龍:1803淨係「紅籌」都值10億 2662邊有得比

《港股策略王》社長陳承龍:琴日推介的北京體育文化(01803.HK)雖然未開始反彈,但我已經拆解成局!1803離開始反彈不遠了,我都係維持上望0.65元。今日有人竟然將隻1803同承興國際(02662.HK)比較,1803有北控系咁大個母公司BacKup(支持),淨係「紅籌」兩隻字都值10億啦,所以點解我咁有信心!仲搞唔清楚咩事嘅人,真係彈開啦!數完CCASS之後,我估1803要打嘅都打晒了,最重要嘅係北控系同羅旭瑞都冇沽過貨,呢兩個大碼頭先係1803嘅最大亮點。CCASS資料顯示,1803只得46.12%股權喺場內,另外53.86%係畀人提走咗。睇返急跌當日成交只得5.5億股成交,最大嗰三間持倉有5億至19億股,即係話今次斬倉只係排第四位或者打後嘅其中一間行出事,同最大嗰三間冇關係,只要呢班大戶冇出事,1803仲係好安全囉!1803旗下最煞食係控有北京百悅長峰體育文化、及北京約頓氣膜建築技術股份,係同業領導者,截至舊年底,約頓已在全國搭建超過200個氣模設施,所有客戶都係大集團或政府機構,並已取得超過100項知識產權!所以,未來北控透過百悅長峰及約頓搞大注資,係必然之事,再加上2022年奧運概念,應該有唔少大項目等住上馬!1803近年大概於2至3元間反覆,走勢強頑,市值幾乎上望50億,而家落返嚟5億樓下,相信呢次大跌後,更加速北控趁機進行大重組或大注資動作,重新反映紅籌應有身價!

2019-7-10 10:59:21

【社長話事】陳承龍:友聯似等開車

 個市今日都係反覆,等睇G20習特會,反而見到隻半新股友聯租賃(01563.HK)吽咗幾日之後,今日啲盤似似地,有機會嚟料。友聯租賃定價0.85元,最新都係做緊0.91元,較上市價升7%,近期啲盤路似係收得七七八八,冇乜大貨阻力,只係等大戶開車,不妨睇實。

2019-6-26 12:01:12

【社長話事】陳承龍:7.1前炒一轉282

 壹傳媒(00282.HK)準備轉收費,每日3蚊或新台幣10元,蘋果上一份通告就話自己截至6月8日「已登記會員人數已超過600萬」,簡單啲計,600萬人最終得返1/3願意畀錢,其實日收近600萬銀一日,即一年收入近22億,就算只有一成人畀錢都年收入6.57億,未計其他廣告收入。其實282呢啲位都好抵博,聽日好大機會又圍政總,近期掂10天線即彈,又係有埋計數位,不妨7.1前炒一轉。

2019-6-20 12:40:22

【社長話事】陳承龍:1865「2蚊不是夢」

 管道工程控股(01865.HK)近兩日真係見真章,個市跌都可以屢創新高,證明啲貨源真係好歸邊,之前聽條街講會上望2蚊,似乎「2蚊不是夢」。

2019-5-7 11:24:45

热门专栏

【霜霜魔鏡】梁傲霜:軒尼詩V.S.O.P Privilège的感觀情緒

軒尼詩秉承多年對藝術與設計文化的支持,將藝術品全權交由這位洛杉磯出身的藝術家自由發 揮,創造出一項開創先河的當代藝術向經典不朽的 V.S.O.P Privilège,今次,RefiK Anadol 到訪軒尼詩酒莊及創辦人的酒窖後,深深體驗到軒尼詩代代相傳的傳統與他所認識的人工智能領域截然不同,因而令他非常著迷。 一項創新前衛的合作, 軒尼詩誠意邀請著名媒體藝術家及總監RefiK Anadol ,首次讓藝術家透過神經系統科技參與及紀錄這個神秘且歷史悠久的日常例程,並結合人工智能及從機器獲取的數據,創造出富有突破性的藝術品。這次合作完美地把精湛專業的技術及知識以創新的表達方式糅合,在這項全新的實驗中,在品酒過程中均會配戴高科技設備,讓RefiK實時追蹤他們的感觀變化,捕捉他們對「生命之水」(Eaux-de-vie)的體驗、感受和欣賞。過程中RefiK Anadol透過一種專門用於實驗室研究腦電波圖的數據驅動裝置(electroencepHalogram;EEG)來獲得他們的認知控制神經機制及捕獲感官數據,RefiK 將其描述為「近乎實時的未來體驗」。 RefiK Anadol和他的團隊通過精密的分析技術過濾了那些盛載兩個世紀歷史智慧及記憶的數據,並將其轉化為色彩及光線。結合多個數據後,RefiK Anadol最終創作出三維數據(THree-dimensional data)的雕塑作品,一項沉浸式視聽裝置藝術《Sense of Heritage》,並陸續於各地展出。 軒尼詩V.S.O.P Privilège RefiK Anadol 2...

【富甲股海】江小魚:寰亞傳媒應成脫韁黑馬

創業板市場無疑係一塊神奇秘境,雖然「妖股」不少,但依然有「好嘢」禾桿冚珍珠。最近騰訊(00700.HK)以1億元認購寰亞傳媒(08075.HK)8333萬股新股,完成後騰訊關連方持股會增至2.96%,認購價為1.2元,所得款項淨額約9700萬元,擬用作推行新內容數字化計劃及未來業務發展。 獲得騰訊寵幸,故此,不排除騰訊今次逐步參股寰亞目的就在於給予寰亞更多內容製作,兼借力推動閱文(00772.HK)成為全球頂尖的文化產業集團。此外,寰亞透過發行新股份抵銷由控股股東借出的4.3億元貸款,加上當日40萬元財務顧問的諮詢費用亦同樣以發行新股方式結算,反映關連人士對股價表現有十足信心。 截至今年4月底止第三季,寰亞營業額錄得3183.8萬元,按年增加51.3%,虧損錄1450萬元,去年同期虧損3222.5萬元,幅度按年收窄55%。 寰亞傳媒表示,大陸及本地市場在娛樂方面之消費仍受新冠疫情所影響,集團一直專注於製作具良好往績記錄及商業可行性之優質項目,並收緊成本控制程序,相信線上電子商務及網絡紅人市場充滿機遇,集團亦已投放資源發展相關業務。 另將於阿里巴巴(09988.HK)優酷平台獨家播放之30集現代連續劇《家族榮耀》正處於製作階段。集團正就開發電視劇集製作之新項目,與多個中國門戶網站及視頻網站進行洽談。得騰訊寵幸,又有阿里巴巴合作,寰亞就似一匹黑馬,不但隨時跑出,甚至何止跑贏一眾創業板股份,可能大部份主板股份都給寰...

【天下第一倉】高山行:影視大金蛋 筍價好鬼盞

又一隻冷股冒起,此為主業內地網絡及電視媒介傳播服務的中視金橋(00623.HK),首先淨現金高過股價近八成,市值既係細細粒,本業又逆流強勁,連年回購不斷,走勢現突破,似會有大好事發生,再以每股nav高達4.14元及市盈率5倍幾衡量,又係冇得輸系列! 0623去年營業額11.76億元人民幣(下同),按年跌21.4%,純利8,721.3萬元,大升230.3%,大派末期息9港仙,雖然營收減少,但業務成本和經營費用均有效控制,同時出售了權益證券獲利甚豐,成為佳績所據。 事實上,0623依家非經營傳統本業咁簡單,除擁中央廣播電視台多類資源獨家廣告代理權外,還提供專業廣告視頻製作服務,大客戶包括中國印鈔造幣總公司、中國金幣總公司、建設銀行、華夏銀行、 中石化易派客、中國人保、長隆集團、長城葡萄酒、鄭州旅遊、玉溪旅遊、 縉雲旅遊、簡一大理石、揚子江藥業等。 近年更從後趕上力追數字營銷及網絡媒體業,自研智能程序化廣告投放平台iBCP,通過大數據優化廣告實時投放效果,另又推出播視網(www.boosj.com)明晰「線上+線下,內容 +活動」的運營模式,及透過吾谷網(www.wugu.com.cn)在農業互聯網信息服務中,更加凸顯「品牌強農」的傳播重點和特色服務。 大把現金在手, 去年便已回購2,231萬股,績後仍然持續,去年12月結止持8.41億元淨現金,折合每股高達2.2港元,是為每股nav 4.14港元的53%,淨現金更高過股價1.22港元的八成,市值5億幾港元...

【書健弘觀】楊書健:適度止蝕也許會偶而被騙

上週寫過香港財經新聞極之流通,因此相對其他金融系統健全的地方,香港可以說得上是全民股神。這當然對經濟和個人理財都有好處,例如香港的人均財富就經常名列世界的前矛。但是全民股神的副作用,就是失敗下的自然反應永遠是逃。 這本來不是問題,因為動物面對危機的自然反應離不開戰鬥或逃跑。面對整體股巿,股民實力懸殊,永遠是價格接受者。因為股民個人的買賣決定影響不了股價,因此實際上沒有戰鬥策略可言,所以戰況不樂觀,止蝕離場乃是正確反應。 不過,當巿場有很多投資者主要靠止蝕來管理風險,亦會給別人「格食格」。例如一隻股票長期在10至11元上落,也許不少投資者就會將9.8元設定為止蝕位。假如股票正常地炒至10.1 元,可能就會有大戶將之推落9.5元,從而震散了散戶的倉。再加上牛熊證亦往往有打靶位,這類短期炒作就有更多誘因。 另外,假消息和吹風亦在這種環境才有效。要長期宣傳謊言要花不少心力,但假如一兩週的風潮就可以震甩散戶的倉,也就會有人尋找這類機會。所以辯別真假新聞,也許是處身香港的投資者最需要的基本技能。 當然,在股本巿場之中,適度止蝕也許會偶而被騙,但仍是良好的風險管理技巧。但是在全民股神的氣氛,這也影響香港人其他的選擇。例如,太過著重每一場小仗的成敗,就根本不能做好生涯規劃。反而是看得長遠一點,願意留前鬥後的人,往往最後贏得最多。聽過有同行評論這類最終贏家,只會...

【天下第一倉】高山行:醫股開眼 呢隻必彈

牙股大發神威 ,冇理由眼股唔跟,近期希瑪眼科(03309.HK)已漸漸上力,並已將去年不利業績消化,以往日高價達19.9元、大落後於同業及未來大舉進軍大灣區的正面元素衡量,刻下絕對是上車良機,先望青蟹價、再望翻倍價冇懸念! 內地眼科業絕對大有前景,去年國家便發布了《中國眼健康白皮書》,介紹中國防盲治盲和眼健康工作的進展成效,未來將按健康中國要求,結合國情及致盲性眼病疾病譜變化,編制「十四五」全國眼健康規劃,進一步完善三級防盲和眼健康服務體系,教育部等15部門近日聯合印發《兒童青少年近視防控光明行動工作方案(2021-2025年)》提出,到2025年每年持續降低兒童青少年近視率,而目下內地兒童青少年近視總體發生率為53.6%,高中生為81%,大學生總體發生率為90%,令眼科醫務大有需求,兒童青少年近視已成為中國視力損傷的主要原因,內地近年又越加重視孩童健康,所以未來生意肯定不斷。 3309在2018年初以每股2.9元上市,由於大股東林順潮在業界聲名甚響,所以甫上市已大抽上最高19.9元水平,之後才反覆回落到6至7元水平大橫行。 去年醫療相關業務經營都受疫情影響,令3309中期業績亦見紅,但下半年已逐步回順,集團現業務主佈北京、上海、 香港、深圳及昆明,但未來將繼續力拓粵港澳大灣區及內地網絡, 包括收購眼科醫院、眼科中心及診所及物色合適的戰略合作夥伴,其中第5及第6間眼科醫院,便是包括去年初收購...

专业名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風