登入

最寂寞的無敵 孫柏文

【最寂寞的無敵】天下無不散之筵席(孫柏文)(第110期)

2014年秋天,香港多處路面,都因有行人瞓街而封路之際。孫柏文突然收到小炒王梁心欣電話。佢話:「喂,我哋會搞份雜誌,你有冇興趣一齊?」咁我一聽到就答:「搞咩雜誌?FasHion?不過以你體型,唔通童裝雜誌?」畀佢抦完一陣之後,心欣姐就解釋話,原來資深財經傳媒人陳承龍,統領一眾最autHentic嘅年青財經傳媒人,諗住出本財經雜誌。呢本雜誌嘅名?就係你手上嗰本《港股策略王》。就係咁,我有幸從本刊嘅創刊號開始執筆,撰寫呢個「最寂寞的無敵」專欄。當然,今日忽然講埋呢啲嘢,就係因呢篇將會係我喺本欄嘅最後一篇文,之後再見。咁睇番呢廿幾個月,我真係要不但多謝《港股策略王》提供嘅稿費,更重要嘅係我未試過寫作嘅空間可以咁廣闊。內容當然我寫得好free,不過最緊要係連風格、格式,社長陳承龍都放膽畀我試。而推到最盡嗰次,就係我以連載式,一連六周咁寫點解要賣樓。亦係我本人入行撰稿超過十年,內容上最富挑戰嘅一次。而嗰輯文,到今日都仲有人喺街撞到我時提起。真係冇《港股策略王》,都唔會令我坐下認真咁諗同寫。點到好,由70年代尾、80年代初開始嘅投資大環境,將會開始劇變。嗰種全球越來越低嘅通脹(不過又唔係通縮)、貿易越來越自由、經濟越來越開放、權力集中化等,都可能結束。隨之而來,可能係滯脹或通縮兼蕭條,又或突破由08年開始,靠印、靠谷大借貸泡沫嘅迷糊,換來新景象。喺呢刻,有啲資產(港樓、美股、A股等)確實唔抵要跌。有啲(英鎊、二線城市日本樓等)則應該差不多見底或已見底...

2017-2-6 18:00:15

【最寂寞的無敵】禍不單行昨夜行(孫柏文)(第109期)

早幾個禮拜,孫柏文喺呢到寫咗篇題為「外匯市場最大(冇人講)的黑天鵝」。文中,就係講一個特朗普諗緊叫Destination Based CasH Flow Tax,花名則叫Border Tax,不過實質係個美國全國性本土銷售稅嘅新稅。講嘅原因,係如果呢個稅一但落實,所有進口貨即賣貴,而美國製造嘅出口貨,就會有退稅。一來一回,就會令入口大幅減少,出口增加。咁即令美元外流它國情況減少,美元匯率爆升。而雖然會令美國消費者要俾多好多,不過就會鼓勵工業移回美國,所以特朗普好大機會會同國會搞呢個新稅。就係因為咁,我不但建議拋空人民幣同日圓,最緊要係更身體力行咁,造咗唔少呢兩隻貨幣匯美元嘅淡倉。點知你老闆,上週,阿特朗普佢滷味接受唔知邊個傳媒訪問,忽然話:「呢個Border Tax好煩,我都係唔推啦。淨係會用啲簡單好多嘅關稅,去打入口算數。」講真,你特朗普係狂牛都好,以前美國簽落嘅協議都要遵守。簡單嘅關稅,係唔做得㗎,因為會違反世界貿易組織嘅協議。你落實啲關稅,人哋嗰啲美國入口商司法覆核,就會贏,之後推翻你啲關稅。嗰個銷售稅就唔同,世界貿易組織話到明准用呢招,所以英國、大陸等都有。咁即係有料到、准用嘅,你就放棄。冇料到兼會被推翻嘅,你就話會靠佢,咁即係唔使打貿易戰啦!佢呢句說話嘅結果係點?當然首先令美元大插插啦!而更緊要係,我見拋空日圓同人民幣最大理由冇Q咗,咪忍痛止蝕,買番晒之前拋空咗嘅日圓同人民幣,走去平倉囉!咁就俾佢打咗一大把!咁我又諗,唔打貿易戰,即係買得啲出口股啦...

2017-1-30 11:00:53

【最寂寞的無敵】鐵路優先滅亡 鐵路盤神話幻滅?(孫柏文)(第108期)

南港島線通車,除非你住香港仔,如果唔係,理論上就好受惠。多唔好講,我作為一個住過港島南區幾個月嘅人,喺港鐵南港島綫通車前,最主要嘅交通路線,就係香港仔隧道。而如果要預測香港仔隧道究竟塞唔塞,準繩度直迫估一條港女心情般難測。南港島綫通車,攞黃竹坑為例,以前搭車去中環嘅時間,有如喺荃灣上車般。不過一通車,只要金鐘站聽聽話話,去黃竹坑時間等同去銅鑼灣!嗰啲喺黃竹坑一棟棟嘅舊工廈,唔通可以呎租追羅素街水平?當然,黃竹坑啲商用空間未見有特別爆前,呢啲已升咗唔少嘅舊工廈,都係等吓、觀察吓先再行動。不過,南港島線沿線嘅住宅樓盤,確實引來唔少人買。始終全港空氣最清新喺南區,搭車出中環時間又短,買得起嘅人,真係會心動。不過,自從南港島線開車後,接駁嘅金鐘站就開始出問題。每日上落班時間,乘客等車怨聲四起。等車,等好多班,港鐵甚至話金鐘站本身要落閘唔俾人入。呢個不但係唔健康嘅現象,更重要係人為政策嘅直接後果。咩政策?咪就係「鐵路優先」政策。美其名話「優先」,實際來講,根本就係「鐵路壟斷」政策。你嗰區一有地鐵,巴士、小巴全部say good bye。要去到你條線嘅使用量,超設計上限,政府先會慢慢同你研究開番幾條巴士線。死未?睇香港地圖,如果計埋人口分佈,地理上,即邏輯上,交通中心應該喺旺角。不過,一個「鐵路壟斷」政策落實後,金鐘成為成個交通網絡嘅中心兼超級樽頸位。當沙中線都通埋車,會否令今日要等四至六班車嘅情況,變成更嚴重呢?如果會,時間上,...

2017-1-23 17:00:26

【最寂寞的無敵】如何推落馬洲河套區發展(孫柏文)(第107期)

孫柏文都唔記得邊個老一代嘅商界人士,喺千禧年代初,香港經濟極低迷時講過話:「以前企喺羅湖邊境,啲燈,全部都係喺香港嗰邊。到今日,反而係深圳嗰邊燈火通明,香港嗰邊則漆黑一片。」佢講完十幾年後嘅今日,此現象更明顯。喺世界上好多邊界區,例如墨西哥、美國、加拿大、歐洲(就算未有歐盟前)各國,人嘅屋、辦公室、商店,都會起到去邊界嗰到。香港同大陸嘅邊境區就唔同,有個好多公里闊,特登唔畀發展嘅「緩衝區」。香港地少人多,樓價高企,既又唔可以填海,又唔拆舊樓,更唔可以郁啲郊野公園,呢個好多百公頃嘅冇開發地,確實奇怪。歷史因由,「緩衝區」嘅出現,當然係大英帝國、殖民地時代嘅軍事需要而出現防北方入侵。你睇到呢到,可能會問:「依家都回歸啦!防乜呀?點解仲唔攞來用呀?」冇錯,地呢味嘢,真係各門各派都有方法用。連啲左膠,都會覺得你只要好冇效率咁用,例如做社企、起公屋等,都可接受。如果係咁,點解回歸廿年,都未郁手呢?答案好簡單,因為啲特區官員弱勢。喺資訊咁發達嘅世界,好難主動推一個發展項目係可以冇阻力。因為啲人一知,就反你。而依家,政府突然宣佈話要發展呢個「緩衝區」,仲要話畀啲大陸人可免過關咁自出自入。我雖覺maKe sense,不過唔睇好呢個計畫可推行。當然,你依家唔得,唔等於將來唔得。要推就要做前期工夫。大英帝國殖民政府最勁嘅地方,就吓吓將啲政策,推出時都俾到市民感覺係「終於成功爭取!」而如要成功推行呢個落馬洲河套區發展計畫,如何解決到最反對...

2017-1-17 18:00:12

【最寂寞的無敵】 還「債」的一年(孫柏文)(第106期)

理論,往往同現實脫節。而同現實脫節嘅理論,一但變成政策, 加埋政府威迫權,就會衍生好多悲劇。而一個又一個嘅悲劇積聚後,就會轉化成憤怨,集結起,就會令政府改變。好彩嘅,話事嗰班只係需要臨崖勒馬、改變方向,社會穩定及佢哋嘅權力可受保留。唔好彩嘅話,人民大規模起義,將成個已證明無能嘅統治階級推翻。債,唔一定係我畀咗錢,跟住等你還。可能係你做咗啲嘢,等報應。當然,中文好過我呢啲讀國際學校大嘅人,會叫做孽。睇開呢個欄嘅人,都知孫柏文由《港股策略王》創刊之今,都鬧過好多政策。而2017年,將會係呢啲罪孽有報應之年。如非全報,只係時辰未到。睇到呢到,你可能會問:「頂! 講埋啲佛偈!同投資有乜叉關係呀? 唔畀個冧把過來就回水!」如果你真係咁諗,我想你冷靜先。孽呢味嘢,其實係最好炒。點解? 孽,如果用牛頭角順嫂嗰句,就係有咁耐風流,就有咁耐折墮。咁你知啦, 當一個人,一間公司,一個板塊,甚至成個概念都風流,仲要風流咗好耐, 個價就會托咗上去啲泡沫位。而如果要還,開始折墮,捉到個轉角位,就真係特首曾蔭權嗰句,想窮都難呀!唔明? 2016年就有個好好嘅例子。大陸多年來飛黃騰達,仲要各行各業中,以「高科技」最為風流快活。仲有,喺呢個講關係嘅社會裡,冇乜嘢比我係邊個邊個嘅同學值錢(可能得我係邊個邊嗰嘅仔能勝)。咁又搞高科技,又係一班各行業領導嘅同學, 仲唔風流?冇錯,好風流,好快樂。《樂視》個樂。佢檔嘢,究竟係咪真係上市嗰part冇財困,真係冇同其他業...

2017-1-9 18:00:34

【最寂寞的無敵】外匯市場最大(冇人講)的黑天鵝(孫柏文)(第105期)

大家如果係忠實fan屎,可能知道孫柏文除咗正職做財演之外,公餘時間,會喺我有份搞嘅「獅子山學會」做公共政策研究同建議。所以,我對全球各地、型型式式嘅政策,都好有興趣。不過,喺眾多政策類別當中,有一項雖然喺全球各地都舉足輕重、影響深遠,不過我確實少睇。係乜?就係稅,特別係稅制。點解咁少睇?首先,香港不但係個低稅港,更重要嘅係香港稅制非常簡單。喺唐英年卸任,曾俊華做財政司司長後,政府更加唔鍾意用稅制去「鼓勵」某啲行為(除咗瘋狂加煙稅外)。即係呢十年來,政府都冇乜改過、用過稅制去做嘢,冇乜好特別研究。不過如果冇研究,點解今日要提呢?原因係美國特朗普當選,佢嘅共和黨控制國會,大家都知會有好多政策將會翻天覆地。而其中一個啱啱放風想推嘅政策,就係一個新嘅稅制建議,亦可以一嘢迫到人民幣對港元一對一嘅政策。冇錯,真係一嘢隊冧人民幣。咩稅?全名叫做Destination-Based CasH Flow Tax,花名則叫Border Tax。不過呢啲全部都係政治化妝,呢個稅實質係個美國本土銷售稅。特朗普係個商人,有好多商家佬朋友。傾起計時,一定講佢哋公司有乜舉動。其中,我相信特朗普多年來都會聽到佢啲朋友,將廠房外移,離開美國。而特朗普呢個堅信美國工人好得兼抵請嘅人,多年來都會聽到啲廠家將工廠外移嘅理由,唔係因啲工人唔掂,而係美國本身個稅制有份造成。如果美國開廠,賣嘢去例如日本,要交足所有美國稅項。不過如果例如英國或大陸開廠,造嘢賣去日本,則英國同中國政府會退稅。如果美國...

2017-1-2 14:00:33

【最寂寞的無敵】跌得快過人民幣的貨幣(孫柏文)(第104期)

呢條題,你第一眼睇,特別如果係追開本欄嘅fan屎,第一個反應必定係:「孫柏文!你一定又想譁眾取寵!人民幣已經跌到嚇親人!如果真係一隻跌得比人民幣快嘅貨幣,一定係啲小國!唔係委內瑞拉,就係津巴布韋!香港人都冇得炒!講來呃字數!」如果你真係咁諗,首先,我會叫你冷靜啲,唔好用,咁多感嘆號。第二,就係呢個貨幣不但跌得快過人民幣,仲要係大國貨幣,香港人都可以炒。而最緊要係,不但已跌得快過人民幣,仲要如果你係個愛港愛國嘅人,拋空人民幣、買佢跌呢個舉動,過唔到你心中嘅愛國情操,呢隻貨幣你一定拋空得好開心。咁呢隻貨幣係乜?就係日圓。雖然近乎冇人講,唯一有報導日圓呢排走勢嘅,都係嗰啲「港女旅遊新聞」,不過對上個六個禮拜,由特朗普當選後高位計,日圓匯美元已貶百分之15。匯「跌到HigH HigH」嘅人民幣,日圓都跌咗近百分之10。真係唔講,大家都可能唔知。點解日圓會咁弱?其實最重要係日央行之前嘅一個政策目標,出台時大家都覺得no big deal,因為日央行話要將日本10年期國債息率控制喺0厘或以下。咁當時大家都對呢個政策提唔起勁嘅最主要原因,係因為日本10年期國債今年好多時候都負利率,市場都幫日央行達成佢嘅政策目標。點知,特朗普一當選後,市場好似滿希望咁,覺得世界可擺脫以嘅悶氣。即唔需要再借錢畀政府時,補貼佢。結果係全球長年期,十年八載後先還嘅政府借貸,要利息先氹到啲人入局。即係如果日央行要日本10年期國債0厘,佢唔使望私人資金走去喺呢個息率買。咁日本政府仲係...

2016-12-26 13:00:26

【最寂寞的無敵】按揭的最大謊言(孫柏文)(第103期)

孫柏文寫呢篇文落筆呢刻,仲未知究竟周三(即香港時間周四凌晨)聯儲局有冇加息,又或者加幾多,更唔知佢哋嘅議息聲明嘅講話,會令市場覺得出年加息幾多次。點都好,息口走勢,上嘅壓力好大。美國五年、十年期國債利率,不但不斷上升,仲要升穿晒一啲維持咗好耐嘅阻力線。即反映借啲鎖死利息嘅長期貸款,要借新錢,將會越來越貴。喺云云香港人可以賭嘅資產裡,理論上同利息敏感度最高嘅,一定係樓。點解?原因係咁多資產類別當中,樓,借錢去買係最普遍。咁點解當利息越跑越高,樓價受壓?首先,所有潛在新買家都要重新計數,睇吓究竟利息抽升會令佢哋每月嘅供款多幾多。第二,就係已買咗樓嘅人,要供樓,每月要攞多啲出來,連帶消費力下降。當然,相信就算最傻、最天真嘅買家,當佢係借錢買樓,佢一定明利息升嘅時候,每月供款會多咗。而好多人買樓,甚至做任何決定,都會問:「Worst case scenario (最差)會點先?」咁因為上周,香港銀行同業拆息不斷上升。六周內升一倍,由0.32厘升至金融海嘯後新高嘅0.62厘。我見好多報導,都講啲按揭利息不斷升。而嗰啲做咗按揭買樓嘅人,每月還款都一齊升。但當我諗住:「嘩!如果啲人嘅供款不斷升,要斷供沽樓,樓價咪回落畀我買!」點知,啲報導都相繼話有樣嘢叫做「鎖息上限」,又或者有啲叫「封頂息率」。即係計每月供款嘅利息,原來有上限。幾高?報導話只係兩厘多啲。兩厘幾?我一見就諗,今次應該冇乜人要掟啲樓出來啦?不過我再諗:「它媽的!,咁咪玩死本刊《港股策略...

2016-12-19 18:00:06

【最寂寞的無敵】一注獨贏彩星玩具(孫柏文)(第102期)

三個禮拜前,孫柏文喺呢到寫咗篇題為「一注獨贏買俄鋁(00486.HK)」嘅文。文中,我講過話因冇人預會(起碼啲大行十九分析員冇)特朗普當選,所以喺當選後世界出現劇變時,有好多資產嘅命運會大變。好多資產價格,亦要大幅調整(講真,我最Q憎啲人價跌叫「調整」,on99。我係好正宗咁用呢個字)。就係因為咁,三個禮拜前,我就推介大家以「一注獨贏」嘅型式買俄鋁。原因有三。一,美國將會喺貿易上,強硬好多去對付大陸。二,俄羅斯由最被美國仇恨,忽然friend過打band。三,美國將會大規模減稅、大興土木、廢除監管惡法,經濟轉強,原材料需求有望上升。咁加埋,首先大陸鋁產能嚴重過盛,以前大量割喉式傾銷去美國,特朗普上台唔可以再做。鋁價升。不過俄羅斯公司唔會被要求減產,甚至受惠於減少被美國政府喺融資上搞,所以食盡鋁價升嘅着數。嗰期《策略王》出街後嘅第一個交易日,俄鋁開市賣3.07元。只要你聽聽話話,乖乖咁一注獨贏,五日後,已高見3.63元,升18%。咁上週,我就話過人民幣對美元大插插,理應最受惠嘅股票類別係,一定係出口股。所以,揀股一定係出口股。不過,嗰間公司嘅產品,又唔可以係出口歐洲、英國、日本,因為人民幣對嗰啲貨幣,不但冇跌,仲要微升。我亦話,出口股近排都係冇運行,除咗外圍經濟表現差外,仲要特朗普話美華貿易,依家係搵美國人笨,咁樣嚇死出口股。所以,要搵嘅股票,係一隻出口股,一隻產品最好只係出口去美國嘅公司,一隻連特朗普都唔會想呢個產品,回流美國本土生產嘅出口...

2016-12-12 18:00:42

【最寂寞的無敵】女神到手又如何?(孫柏文)(第101期)

2007年,即九年前,孫柏文仲係一個血氣方剛嘅後生仔。當年,忽然出現咗個女神,兄弟當中神魂顛倒,就算覺得女神流流哋,都照追。唯獨我,企埋一邊,不但冇參與,仲要大大聲喝住啲兄弟要堅持,唔好輸人兼輸陣。早排,網上廣傳一幅Instagram相。相中一男一女。女,畢業,男,著西裝企喺佢側邊。幅相,就係一位Instagram用戶名叫carmencHeng放上網,佢亦話:「他不是男朋友,卻比男朋友更親更重要。陳先生這十年一直在鄭小姐身邊,不管她多野蠻多任性,依然守護她遷就她。謝謝你,陳文俊。」2009年至今,我嗰班兄弟,都做咗「陳文俊」,對當年嘅女神不離不棄。而每次當班兄弟近乎放棄,女神又會cHoK啲希望畀佢。呢個女神,叫咩名?佢,叫「資金自由行,港股直通車」。不過,唔知係咪連最毒嘅毒男,有日都會醒,早幾日鐵定12月5日周一「深港通」開車都好,完全冇反應。我諗,我哋香港投資者,大個仔成熟啦。其實,香港人當年咁興奮嘅原因,係因為覺得可以front run啲大陸投資者。先我哋圍內炒高,跟住高沽畀國內同胞接貨。點解佢哋會高價、唔抵都接貨?一係佢哋「冇資產選擇」,焗住幫親我哋港交所買股票,一係佢哋係唔識嘢、盲流、亂買。講真,「深港通」我真係唔識睇。巴菲特曾經講過,股價長線係個磅,短線就係個投票機,呢期真係唔知嗰班「滬港通唔來、深港通先來」嘅投資者會點投,所以都係基本因素咁分析好啲。人民幣對美元大插,理應最受惠嘅股票類別,一定係出口股。所以,揀股一定係出口股。不過,嗰間公司嘅產品,...

2016-12-5 18:00:11

热门专栏

【霜霜魔鏡】梁傲霜:軒尼詩V.S.O.P Privilège的感觀情緒

軒尼詩秉承多年對藝術與設計文化的支持,將藝術品全權交由這位洛杉磯出身的藝術家自由發 揮,創造出一項開創先河的當代藝術向經典不朽的 V.S.O.P Privilège,今次,RefiK Anadol 到訪軒尼詩酒莊及創辦人的酒窖後,深深體驗到軒尼詩代代相傳的傳統與他所認識的人工智能領域截然不同,因而令他非常著迷。 一項創新前衛的合作, 軒尼詩誠意邀請著名媒體藝術家及總監RefiK Anadol ,首次讓藝術家透過神經系統科技參與及紀錄這個神秘且歷史悠久的日常例程,並結合人工智能及從機器獲取的數據,創造出富有突破性的藝術品。這次合作完美地把精湛專業的技術及知識以創新的表達方式糅合,在這項全新的實驗中,在品酒過程中均會配戴高科技設備,讓RefiK實時追蹤他們的感觀變化,捕捉他們對「生命之水」(Eaux-de-vie)的體驗、感受和欣賞。過程中RefiK Anadol透過一種專門用於實驗室研究腦電波圖的數據驅動裝置(electroencepHalogram;EEG)來獲得他們的認知控制神經機制及捕獲感官數據,RefiK 將其描述為「近乎實時的未來體驗」。 RefiK Anadol和他的團隊通過精密的分析技術過濾了那些盛載兩個世紀歷史智慧及記憶的數據,並將其轉化為色彩及光線。結合多個數據後,RefiK Anadol最終創作出三維數據(THree-dimensional data)的雕塑作品,一項沉浸式視聽裝置藝術《Sense of Heritage》,並陸續於各地展出。 軒尼詩V.S.O.P Privilège RefiK Anadol 2...

【富甲股海】江小魚:寰亞傳媒應成脫韁黑馬

創業板市場無疑係一塊神奇秘境,雖然「妖股」不少,但依然有「好嘢」禾桿冚珍珠。最近騰訊(00700.HK)以1億元認購寰亞傳媒(08075.HK)8333萬股新股,完成後騰訊關連方持股會增至2.96%,認購價為1.2元,所得款項淨額約9700萬元,擬用作推行新內容數字化計劃及未來業務發展。 獲得騰訊寵幸,故此,不排除騰訊今次逐步參股寰亞目的就在於給予寰亞更多內容製作,兼借力推動閱文(00772.HK)成為全球頂尖的文化產業集團。此外,寰亞透過發行新股份抵銷由控股股東借出的4.3億元貸款,加上當日40萬元財務顧問的諮詢費用亦同樣以發行新股方式結算,反映關連人士對股價表現有十足信心。 截至今年4月底止第三季,寰亞營業額錄得3183.8萬元,按年增加51.3%,虧損錄1450萬元,去年同期虧損3222.5萬元,幅度按年收窄55%。 寰亞傳媒表示,大陸及本地市場在娛樂方面之消費仍受新冠疫情所影響,集團一直專注於製作具良好往績記錄及商業可行性之優質項目,並收緊成本控制程序,相信線上電子商務及網絡紅人市場充滿機遇,集團亦已投放資源發展相關業務。 另將於阿里巴巴(09988.HK)優酷平台獨家播放之30集現代連續劇《家族榮耀》正處於製作階段。集團正就開發電視劇集製作之新項目,與多個中國門戶網站及視頻網站進行洽談。得騰訊寵幸,又有阿里巴巴合作,寰亞就似一匹黑馬,不但隨時跑出,甚至何止跑贏一眾創業板股份,可能大部份主板股份都給寰...

【天下第一倉】高山行:影視大金蛋 筍價好鬼盞

又一隻冷股冒起,此為主業內地網絡及電視媒介傳播服務的中視金橋(00623.HK),首先淨現金高過股價近八成,市值既係細細粒,本業又逆流強勁,連年回購不斷,走勢現突破,似會有大好事發生,再以每股nav高達4.14元及市盈率5倍幾衡量,又係冇得輸系列! 0623去年營業額11.76億元人民幣(下同),按年跌21.4%,純利8,721.3萬元,大升230.3%,大派末期息9港仙,雖然營收減少,但業務成本和經營費用均有效控制,同時出售了權益證券獲利甚豐,成為佳績所據。 事實上,0623依家非經營傳統本業咁簡單,除擁中央廣播電視台多類資源獨家廣告代理權外,還提供專業廣告視頻製作服務,大客戶包括中國印鈔造幣總公司、中國金幣總公司、建設銀行、華夏銀行、 中石化易派客、中國人保、長隆集團、長城葡萄酒、鄭州旅遊、玉溪旅遊、 縉雲旅遊、簡一大理石、揚子江藥業等。 近年更從後趕上力追數字營銷及網絡媒體業,自研智能程序化廣告投放平台iBCP,通過大數據優化廣告實時投放效果,另又推出播視網(www.boosj.com)明晰「線上+線下,內容 +活動」的運營模式,及透過吾谷網(www.wugu.com.cn)在農業互聯網信息服務中,更加凸顯「品牌強農」的傳播重點和特色服務。 大把現金在手, 去年便已回購2,231萬股,績後仍然持續,去年12月結止持8.41億元淨現金,折合每股高達2.2港元,是為每股nav 4.14港元的53%,淨現金更高過股價1.22港元的八成,市值5億幾港元...

【書健弘觀】楊書健:適度止蝕也許會偶而被騙

上週寫過香港財經新聞極之流通,因此相對其他金融系統健全的地方,香港可以說得上是全民股神。這當然對經濟和個人理財都有好處,例如香港的人均財富就經常名列世界的前矛。但是全民股神的副作用,就是失敗下的自然反應永遠是逃。 這本來不是問題,因為動物面對危機的自然反應離不開戰鬥或逃跑。面對整體股巿,股民實力懸殊,永遠是價格接受者。因為股民個人的買賣決定影響不了股價,因此實際上沒有戰鬥策略可言,所以戰況不樂觀,止蝕離場乃是正確反應。 不過,當巿場有很多投資者主要靠止蝕來管理風險,亦會給別人「格食格」。例如一隻股票長期在10至11元上落,也許不少投資者就會將9.8元設定為止蝕位。假如股票正常地炒至10.1 元,可能就會有大戶將之推落9.5元,從而震散了散戶的倉。再加上牛熊證亦往往有打靶位,這類短期炒作就有更多誘因。 另外,假消息和吹風亦在這種環境才有效。要長期宣傳謊言要花不少心力,但假如一兩週的風潮就可以震甩散戶的倉,也就會有人尋找這類機會。所以辯別真假新聞,也許是處身香港的投資者最需要的基本技能。 當然,在股本巿場之中,適度止蝕也許會偶而被騙,但仍是良好的風險管理技巧。但是在全民股神的氣氛,這也影響香港人其他的選擇。例如,太過著重每一場小仗的成敗,就根本不能做好生涯規劃。反而是看得長遠一點,願意留前鬥後的人,往往最後贏得最多。聽過有同行評論這類最終贏家,只會...

【天下第一倉】高山行:醫股開眼 呢隻必彈

牙股大發神威 ,冇理由眼股唔跟,近期希瑪眼科(03309.HK)已漸漸上力,並已將去年不利業績消化,以往日高價達19.9元、大落後於同業及未來大舉進軍大灣區的正面元素衡量,刻下絕對是上車良機,先望青蟹價、再望翻倍價冇懸念! 內地眼科業絕對大有前景,去年國家便發布了《中國眼健康白皮書》,介紹中國防盲治盲和眼健康工作的進展成效,未來將按健康中國要求,結合國情及致盲性眼病疾病譜變化,編制「十四五」全國眼健康規劃,進一步完善三級防盲和眼健康服務體系,教育部等15部門近日聯合印發《兒童青少年近視防控光明行動工作方案(2021-2025年)》提出,到2025年每年持續降低兒童青少年近視率,而目下內地兒童青少年近視總體發生率為53.6%,高中生為81%,大學生總體發生率為90%,令眼科醫務大有需求,兒童青少年近視已成為中國視力損傷的主要原因,內地近年又越加重視孩童健康,所以未來生意肯定不斷。 3309在2018年初以每股2.9元上市,由於大股東林順潮在業界聲名甚響,所以甫上市已大抽上最高19.9元水平,之後才反覆回落到6至7元水平大橫行。 去年醫療相關業務經營都受疫情影響,令3309中期業績亦見紅,但下半年已逐步回順,集團現業務主佈北京、上海、 香港、深圳及昆明,但未來將繼續力拓粵港澳大灣區及內地網絡, 包括收購眼科醫院、眼科中心及診所及物色合適的戰略合作夥伴,其中第5及第6間眼科醫院,便是包括去年初收購...

专业名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風