登入

長雄林仔週記 林志培

【長雄林仔週記】杉杉品牌服裝新股有驚喜(林志培)

相信服裝股絕對係市場上其中一個較低調嘅板塊,但係今個星期小弟就俾正係度招股更位列內地第五大男士商務正裝品牌嘅杉杉品牌(01749.HK)吸引住! 集團業務定位於中高檔男士商務正裝品牌,整體黎講可以話係有好處亦不足之處,作為專攻商務正裝嘅杉杉品牌正可以利用西裝專家形象避開現時市場上速食時裝嘅激烈競爭,之但係只在商務服飾單一市場上銷售,亦會使到集團發展前景欠缺多元化,所以集團亦有先見知明並特意拓展了多個適合不同年齡階層客人需求嘅品牌,而現時就擁有FIRS以及SHANSHAN兩大核心品牌,特別係後者價錢相當大眾化只需要千幾元一套正裝, 所以係國內大受年輕人歡迎。 講到業績方面,集團去年收入及盈利均錄得升幅,當中前者更按年增加三成四,而毛利率亦相對穩定達到四成八,另外管理層明言將大力發展線上零售網絡,並透過天貓、京東、唯品會等第三方電子商務平台銷售產品,可見未來收益仍見龐大上升潛力。 至於今次集團上市就搵咗東興證券做獨家保薦人,睇翻保母近兩年共四次保薦經驗,當中主板同創仔各半,而屬於前者嘅中國升海食品(01676.HK)以及椰豐集團(01695 .HK)首掛均有近五成的理想升幅,另外踏入第二季度開始,服裝股板塊走勢已經明顯跑贏大市,作為同業的利郎(01234.HK)同江南布衣(03306.HK)股價更接連破頂,所以綜合各項因素下,小弟認為杉杉品牌值得去馬落飛抽翻幾手,短線高出上市價三至四成為目標,長線而言靜待集團日後線上零售業務增長大爆發,升幅或許有意想不到驚喜出現。林志培...

2018-6-14 11:08:17

【長雄林仔週記】維信金科抱擁線上金融大數據概念(林志培)

相信大家有留意小弟上期文章,應該都可以係敘福樓(01978.HK)同21世紀教育(01598.HK)兩隻新股身上賺翻吾少生活費,而今個禮拜小弟就搵咗正招股嘅維信金科(02003.HK)同大家分析一下落注部署策略。 集團作為國內一家領先嘅獨立線上消費金融服務提供商,相信其營運模式係好多本地股友腦海中仍然相當陌生,就等小弟簡單黎講,今次集團基本業務透過自家嘅「蜂鳥」大數據分析系統,向市場上一批未獲得傳統銀行審核提供服務嘅信用卡客戶供應個人化消費金融產品,再睇翻業績方面,集團有如一貫嘅創科企業因優先股公允價值虧損問題,至今仍未錄得任何盈利,情況有如前年上市嘅美圖(01357.HK)一樣,但集團係淨利息收入表現卻相當突出除左保持上升趨勢外,按年收入增幅愈一倍達至23億元人民幣! 既然集團擁有市場上趨之若鶩嘅線上金融概念,當然吾少得有股壇猛人係背後支持,今次就獲得國内有「女股神」之稱嘅劉央入股,當中股份佔上市後股權約6.98%,但值得留意嘅係「女股神」融資時入股平均價只需要5.84元左右,以上市下限20元黎計,已經賺近2.5倍相當誇張,而今次由三家外資大行組成嘅聯席保薦人陣容可謂星光熠熠,分別為瑞信、高盛以及摩根大通,根據往績由外資大行聯手合作對投資者以及首掛表現而言均有信心保證,所以小弟認為集團業務概念創新加上具實力保薦人,建議可以去馬參與認購並以高過上市價兩到三成為食糊目標,而長遠嚟講股東會否高位出貨以及業績可否扭虧為盈將成為關鍵,想長揸嘅股友可密切留意以上兩點。林志...

2018-6-8 10:02:41

【長雄林仔週記】短炒叙福樓 長揸21世紀教育(林志培)

過去兩星期新股市場有回勇跡象,九隻掛牌新股中大部分均錄得一定升幅,當中就以小弟曾推介嘅澳州成峰高教(01752.HK)表現最為突出股價曾升接近兩倍,相信有抽嘅朋友亦賺到不少生活費,而今個禮拜亦有兩隻屬於熱門板塊嘅新股即將上市。首先就有香港人熟悉嘅「牛涮鍋」及「牛角」日本涮涮鍋品牌特許經營商叙福樓(01978.HK),集團上市前就獲得港鐵(00066.HK)主席馬時亨入股800萬元作為基礎投資者,似乎係人氣方面已稍為跑出,雖則近年業務盈利有下降趨勢,之但係集團擁有進軍內地市場決心,當中「牛角」品牌更已簽定華南六個省份開發權,相信有助改善未來賺錢能力,回顧近期多隻餐飲股掛牌後都有炒翻轉嘅往績,就好似聚利寶(08527.HK)咁升幅更高達一倍,而今次再配上福樓本身高知名度以及名人效應加持下,所以小弟就建議短線進取嘅股友可以係暗盤又或者係首掛開市價小注入場,觀察兩三日嘅走勢並以食翻幾餐涮涮鍋為目標!而對長線穩健嘅股友黎講,另一隻新股中國21世紀教育(01598.HK)就相信較為適合,集團現時係河北省石家莊市開辦15所包括民辦高校、培訓學校以及幼兒園,集團受惠到近年中國大力推動學前教育普及化,學生就讀人數大幅上升當然業務盈利方面亦同樣穩步增長,作為股友最關注緊係未來發展前景,而管理層亦表明上市後將收購幼兒園以及建立海外業務,再者近日市場傳出內地將取消二孩生育限制政策,相信以上兩點對擴大未來市佔率有相當大幫助,觀乎近期多隻內地教育股上市後均被炒得火紅火熱,相信21世紀教育亦有...

2018-5-25 10:24:28

【長雄林仔週記】成峰高教1752三大亮點要睇實(林志培)

今個星期就有開辦海外教育機構澳洲成峰高教(01752.HK)正招股上市,當中小弟發現到已經係澳洲落地生根集團蘊藏著三大亮點。 1. 中國人成海外留學大戶 中國係過往「一孩政策」之下,父母都願意付出最好海外留學機會俾子女,所以內地年青人往海外求學人數亦因此出現爆發性增長,係過往四年間,中國學生去海外進行高等教育人數年均增長率更達至10.7%,而現時集團旗下有八成六學生正正係來自中國,係度可以睇到集團業界已經打響名堂,實力更得到中國家長青睞以及認同,所以未來收生人數方面可謂源源不絕。 2. 學費及課程具先天優勢 原來現時澳洲院校係徵收學費會分為本地或國際學生兩個制度,當中本地學生學費加幅係設有限制,相反國際學生則不受限,所以市場上會出現國際學生學費會較當地學生高出約四倍現象,另外集團亦設有澳州首間及唯一一間私立非大學法學院,所以學費有龐大上調空間再配合獨市生意法律課程,集團賺錢能力好自然地高出其他同行一大截。 3. 知名投資者撐腰 全球知名四大會計師行之一澳洲普華永道(PwC)身為集團主要股東,除雙方已經訂立了聯盟協議,最重要係(PwC)更會為集團旗下學生提供實習計劃,眾所皆知每年數以萬計畢業生都想得一個四大會計師行工作機會,所以集團與(PwC)合作絕對係將來吸引學生入學致勝關鍵。 睇過以上三大焦點位後,相信澳洲成峰高教往後有望成為一隻高增長潛力股,至於各位有落飛抽股友固然可以實睇長遠少少,而錯過招股期朋友,小弟就建議可以係首掛...

2018-5-4 9:43:51

【長雄林仔週記】平安好醫生抽追揸沽策略(林志培)

今個星期焦點當然係由中國平安(02318.HK)分拆出黎平安健康醫療科技(01833.HK)亦簡稱為平安好醫生開始招股,預期一手難求再次出現,係度就等小弟同大家分析下抽平安好醫生戰術同埋隨後追沽策略喇。 平安好醫生今次招股共發行1.6億股,集資額最多達87.7億元,公開發售僅佔6.5%,以首日招股已經超額166倍黎睇,即管啟動回撥機制,亦只會增多至約4000萬股,可見貨源方面仍然係相當緊張,根據過往抽明星新股數據,抽一手中韱比率約在10%左右,而今次借孖展抽要計七日息,但偏偏遇著近期港元走勢疲弱銀行收水拆息抽高,整體成本會比以往較高而股價更要升愈兩成才可平手,所以用全家總動員各人抽一手碰運氣方法會係成本方面較為可取。 至於集團首掛當日追沽點樣部署好,股友們最關注當然係追吾追得過,要記住追一隻新股股價走勢,當中搶先時機係十分關鍵,以往績去睇多隻明星新股如閱文(00772.HK)、眾安(06060.HK)、毛記0(1716.HK)等,股價係上市當日往往高於前一日暗盤價,所以早一步機會就係依度,要追的話就要趁早下定決心係暗盤時段去追;如果要問股價到咩位沽先最好呢,小弟就認為首掛當日第一口價沽出就至為安全,相信股友們都記得易(02858.HK)上市股價一開即插事件,既然開市價已經有可觀回報就梗係要袋左落自己荷包先喇;另外有意實股友,就要留意翻集團盈利能力,管理層早前已表明未來數年間仍未有業務扭虧為盈既時間表,所以話除非想做位忠實股東,否則長似乎並吾係一個最佳選擇,最後小弟希望透過...

2018-4-26 8:58:41

【長雄林仔週記】翻炒半新股有兩大秘訣(林志培)

上期介紹完新股十大超購王之間關係後,就有股友問究竟翻炒潛水半新股有冇秘訣呢,係度就等小弟歸納以下兩項重點話俾大家知喇。 1. 上市後首份業績 成日聽到一班老股民掛係口邊話「好股不上市,上得市嘅業績都應該開始倒退」,所以每隻半新股上市後第一份業績表現正正係展現自己業務具增長實力嘅時候,同時間依個亦係入場訊號,具實力股份自然得到投資者青睞,股價亦會節節上升,而近期例子就有小弟推介過嘅河北建設(1727)以及日清食品(1475),以上兩隻股份首掛後走勢相當類似,大家都係招股價以下浮沉咗一段頗長時間,但係前者公佈去年純利增長三成七以及後者宣布全年多賺一倍之後,兩者股價走勢隨即逆轉,不但重翻招股價水平其後更形成上升軌跡,所以話留意住半新股公佈上市後第一份業績絕對係十分關鍵。2. 貨源集中度睇實貨源流向亦係炒半新股嘅其中一個要點,小弟留意到當一隻半新股上市後股價愈壓愈低,同時亦會令到一班股民把持吾住將僅餘倉底貨忍痛俾翻市場,之不過市場往往係千變萬化的,正所謂:人棄我取,有實力嘅投資者往往趁這些機會收集,好自然地當貨源集中於一方,股價要有炒作嘅機會亦會大幅增加,而最近就有本地建築機械商善樂國際(1660)出現以上近似嘅情況,集團自上市後股價一直缺乏鑊氣甚至愈造愈低,同時亦使到貨源歸邊現象加快發生,果然冇錯當集團上市剛夠一年,就順利地獲得投資者睇中並作出溢價收購,市場上普遍對半新股易手都會有更好發展憧憬,所以近期善樂股價就以火箭般速度嘅升幅倍數而上...

2018-4-20 8:30:25

【長雄林仔週記】新股十大超購王(林志培)

有讀者問小弟究竟新股市場上超額認購王會吾會有咩特別,我諗人同股一樣,當然股亦有佢過股之處呢,於是小弟特意盤點翻過去一年新股市場上十大超購王同埋部分相關資料,原來要打入十大新股超購王榜最低入場門檻至少要超購740倍以上,榜上當然仲有近期熱門希瑪(03309.HK)、歐化(01711.HK)、賓仕(01705.HK)等,而位於榜首就係毛記葵涌(01716.HK),超購6,288倍紀錄相信會盤據一段長時間,同時小弟亦從數字當中搵到以下三項較為特別關係。 1. 十大超購王中九成係主板 自從去年初創業板遭到證監會修例後,全部「8字頭」新股係首日爆升情況已經不再復見,從而亦做就左市場資金流向上市前透明度較高以及財務較穩健主板新股之上,所以過去一年超購王榜上只得一隻高萌科技(08065.HK)係自創業板,由此睇得出主板新股亦較受投資者歡迎。 2.超購倍數與首日升幅成正比 做得十大超購王,當然每隻股份係首日收市表現都可以輕易地錄得升幅,而統計翻升幅程度就介乎於0.67%至431%之間,而除了排於第三位龍昇(06829.HK)於第一日升幅較少外,其餘九隻都出現上市前獲超購得愈多,於首日收市亦升得愈勁現象。 3.中資華資行成保薦人大戶 十大超購王當中竟未見傳統外資大行作為保薦人的身影,相反中資同埋本地融資機構則佔據了全部位置,深信此趨勢與超購王榜上大多都是本地以及國內中小型企業有關,而依班客戶正需要中資華資行具備人際網絡優勢,正所謂同聲同氣,相比外資行更能了解本地公司運作以及參與上市前準備,所以要係...

2018-4-12 8:30:54

【長雄林仔週記】落注「Mr. Steak 」母企 有望搵翻餐自助餐(林志培)

剛過去復活節長假期,相信好多朋友們都籍著機會外遊叉叉電,而決定留港消費小弟就約班行家出黎短聚,剛巧地朋友們就訂一間「Mr.  SteaK —Buffet    la  minute」餐廳食晚飯,心水清小弟當然知道依間餐廳就係近期正在招股MS CONCEPT LIMITED(08447.HK) 旗下自助餐餐廳,於是小弟就決定係晚餐期間實地考察集團業務質素,再同大家分析下依隻新股值搏率有幾高。 考察餐飲股少不免要重點留意以下各項因素,包括餐廳位置人流、 食品質素以及價格定位等,首先集團旗下扒房餐廳全部位於地鐵沿線人流暢旺地區,而今次小弟去自助餐廳更位於銅鑼灣黃金地段,亦可以望到維港景色,可謂相當吸引;食品質素方面,小弟至今仍然回味當日供應的長腳蟹海鮮,當中鮮味感更係十足,原來集團早已經同最大供應商鮮運訂立總供應協議,確保客人每日都會食到最新鮮肉類以及海鮮;最後當然要睇睇價錢,繁忙時段自助餐每位高達450元,拍得住高級酒店價格,而扒房餐廳人均消費只需要200元,定位方面則相對親民;另外從招股書可以見到集團業務盈利有按年遞升趨勢,去年頭九個月更賺超過800萬元按年增加一成,而六間「Mr. SteaK」西餐廳及自助餐廳合共的營業額更佔去集團的六成五總收入,帶來相當穩定盈利貢獻。 而集團今次獨家保薦人係同人融資,搵翻過去兩年內合共七次保薦紀錄,發覺到全部股份係首日表現均可以錄得升幅,相信依點可以俾到大家一個可靠保證,所以經過實地考察以及業務分析後,小注落飛「Mr.  SteaK 」母企MS CONCEPT...

2018-4-6 8:30:57

【長雄林仔週記】新股市場 梗係炒供求關係(林志培)

特朗普挑起貿易戰,全球股市突然籠罩起一陣坐立不安氣氛,有讀者更特意問小弟要不要暫停抽新股一排呢,坦白咁講新股市場可以話係另一個戰場,由舊時到今日炒賣新股一直講緊供求關係,當市場上有隻新股一股難求時候股價自然會俾搶高,就如毛記葵涌(01716.HK)首掛當日股價飄升近六倍一樣,只要貨源乾身可以炒上機會率亦會增加,近年新股本身基本因素以及大市氣氛已經變得次要,相反供求關係絕對成為股價暴升元素,所以大家每次落飛抽新股前可以多加留意公開發售股份數目同超額認購倍數之間數據,相信搵到兩餐機會自然事半功倍。今個星期創業板就有隻過江龍自新加坡紙巾股日光控股(08451.HK)正在招股,集團係新加坡業界已經有四十年經營歷史更係第五大紙巾供應商,主要業務向企業客戶銷售衛生紙產品、車隊付運及提供售後一條龍服務,但集團去年業務盈利在撇除上市費用後,按年只錄得一成五的升幅,而去年市盈率更在45.4至54.5倍之間高水平,相比現時本地市場紙巾股代表維達(03331.HK)以及恒安(01044.HK)高出近一倍以上。而集團今次共發行2億股,當中只得一成是公開發售,亦即係街貨量只得兩千萬股,招股價為0.25元至0.3元,以中間價計集資額5,500萬元亦屬偏細規模,再睇翻今次保薦人係智富融資,雖然保薦人經驗較新而過往保薦紀錄亦只得一次,同樣係創仔鉅京控股(08450.HK),但追蹤翻此股首日掛牌走勢,原來股價曾被炒高1.5倍,由此可見保薦人功力亦相當不錯,最後綜合多項因素,日光控股(08451.HK)雖然本質一般但...

2018-3-28 18:20:56

【長雄林仔週記】 100毛熱爆全城(林志培)

萬眾期待「100毛」母公司毛記葵涌(01716.HK)將於28號正式掛牌上市,相信以頭三個招股日就已經超額認購三千多倍走勢黎睇,要問鼎新股超購王寶座可謂絕對毫無難度,預期一手難求情況下,首掛當日股價可望重現希瑪(03309.HK)、賓仕(01705.HK)等股份以數倍上漲,並延續新股市場熾熱氣氛。另外今週半新股當中,內地中高端物業管理服務供應商雅生活服務(03319.HK)股價就具備跑出條件,首先集團剛剛交出一份亮麗嘅成績表,去年全年度營業額17.61億元人民幣(下同),按年升41.46%,而純利則大幅增加超過八成達至2.9億元,收入及盈利表現喜出望外主要受到集團積極擴張業務所帶動,而現時總管理建築面積為7,833.5萬平方米按年多出五成六,另外非業主增值服務業務方面,在客戶物業銷售活動上升刺激下收入增幅更達到1.13倍,由此可見集團係各項業務賺錢能力絕對不能忽視。其次集團係由雅居樂地產(03383.HK)分拆出來上市,同時亦於去年6月收購了綠地物業,並引入綠地控股作為戰略股東,集團往後將全面承接前者開發的物業面積以及後者每年注入不少於1000萬平方米嘅管理面積,在背靠著兩大股東下,集團未來業務具有龐大發展空間。最後物業管理行業絕對係近年來內地新興板塊,隨著內地樓市持續暢旺,各大屋苑必需與物業管理公司穩定合作先得以形成一個成熟嘅社區,預期内地未來對物業管理需求只會有增無減,再者將來亦會更多內房股分拆旗下物業管理業務來港上市,並相信能帶動投資者資金流入該板塊,所以小弟建議大家可以係招股價12.3元之...

2018-3-22 14:25:01

热门专栏

【霜霜魔鏡】梁傲霜:軒尼詩V.S.O.P Privilège的感觀情緒

軒尼詩秉承多年對藝術與設計文化的支持,將藝術品全權交由這位洛杉磯出身的藝術家自由發 揮,創造出一項開創先河的當代藝術向經典不朽的 V.S.O.P Privilège,今次,RefiK Anadol 到訪軒尼詩酒莊及創辦人的酒窖後,深深體驗到軒尼詩代代相傳的傳統與他所認識的人工智能領域截然不同,因而令他非常著迷。 一項創新前衛的合作, 軒尼詩誠意邀請著名媒體藝術家及總監RefiK Anadol ,首次讓藝術家透過神經系統科技參與及紀錄這個神秘且歷史悠久的日常例程,並結合人工智能及從機器獲取的數據,創造出富有突破性的藝術品。這次合作完美地把精湛專業的技術及知識以創新的表達方式糅合,在這項全新的實驗中,在品酒過程中均會配戴高科技設備,讓RefiK實時追蹤他們的感觀變化,捕捉他們對「生命之水」(Eaux-de-vie)的體驗、感受和欣賞。過程中RefiK Anadol透過一種專門用於實驗室研究腦電波圖的數據驅動裝置(electroencepHalogram;EEG)來獲得他們的認知控制神經機制及捕獲感官數據,RefiK 將其描述為「近乎實時的未來體驗」。 RefiK Anadol和他的團隊通過精密的分析技術過濾了那些盛載兩個世紀歷史智慧及記憶的數據,並將其轉化為色彩及光線。結合多個數據後,RefiK Anadol最終創作出三維數據(THree-dimensional data)的雕塑作品,一項沉浸式視聽裝置藝術《Sense of Heritage》,並陸續於各地展出。 軒尼詩V.S.O.P Privilège RefiK Anadol 2...

【富甲股海】江小魚:寰亞傳媒應成脫韁黑馬

創業板市場無疑係一塊神奇秘境,雖然「妖股」不少,但依然有「好嘢」禾桿冚珍珠。最近騰訊(00700.HK)以1億元認購寰亞傳媒(08075.HK)8333萬股新股,完成後騰訊關連方持股會增至2.96%,認購價為1.2元,所得款項淨額約9700萬元,擬用作推行新內容數字化計劃及未來業務發展。 獲得騰訊寵幸,故此,不排除騰訊今次逐步參股寰亞目的就在於給予寰亞更多內容製作,兼借力推動閱文(00772.HK)成為全球頂尖的文化產業集團。此外,寰亞透過發行新股份抵銷由控股股東借出的4.3億元貸款,加上當日40萬元財務顧問的諮詢費用亦同樣以發行新股方式結算,反映關連人士對股價表現有十足信心。 截至今年4月底止第三季,寰亞營業額錄得3183.8萬元,按年增加51.3%,虧損錄1450萬元,去年同期虧損3222.5萬元,幅度按年收窄55%。 寰亞傳媒表示,大陸及本地市場在娛樂方面之消費仍受新冠疫情所影響,集團一直專注於製作具良好往績記錄及商業可行性之優質項目,並收緊成本控制程序,相信線上電子商務及網絡紅人市場充滿機遇,集團亦已投放資源發展相關業務。 另將於阿里巴巴(09988.HK)優酷平台獨家播放之30集現代連續劇《家族榮耀》正處於製作階段。集團正就開發電視劇集製作之新項目,與多個中國門戶網站及視頻網站進行洽談。得騰訊寵幸,又有阿里巴巴合作,寰亞就似一匹黑馬,不但隨時跑出,甚至何止跑贏一眾創業板股份,可能大部份主板股份都給寰...

【天下第一倉】高山行:影視大金蛋 筍價好鬼盞

又一隻冷股冒起,此為主業內地網絡及電視媒介傳播服務的中視金橋(00623.HK),首先淨現金高過股價近八成,市值既係細細粒,本業又逆流強勁,連年回購不斷,走勢現突破,似會有大好事發生,再以每股nav高達4.14元及市盈率5倍幾衡量,又係冇得輸系列! 0623去年營業額11.76億元人民幣(下同),按年跌21.4%,純利8,721.3萬元,大升230.3%,大派末期息9港仙,雖然營收減少,但業務成本和經營費用均有效控制,同時出售了權益證券獲利甚豐,成為佳績所據。 事實上,0623依家非經營傳統本業咁簡單,除擁中央廣播電視台多類資源獨家廣告代理權外,還提供專業廣告視頻製作服務,大客戶包括中國印鈔造幣總公司、中國金幣總公司、建設銀行、華夏銀行、 中石化易派客、中國人保、長隆集團、長城葡萄酒、鄭州旅遊、玉溪旅遊、 縉雲旅遊、簡一大理石、揚子江藥業等。 近年更從後趕上力追數字營銷及網絡媒體業,自研智能程序化廣告投放平台iBCP,通過大數據優化廣告實時投放效果,另又推出播視網(www.boosj.com)明晰「線上+線下,內容 +活動」的運營模式,及透過吾谷網(www.wugu.com.cn)在農業互聯網信息服務中,更加凸顯「品牌強農」的傳播重點和特色服務。 大把現金在手, 去年便已回購2,231萬股,績後仍然持續,去年12月結止持8.41億元淨現金,折合每股高達2.2港元,是為每股nav 4.14港元的53%,淨現金更高過股價1.22港元的八成,市值5億幾港元...

【書健弘觀】楊書健:適度止蝕也許會偶而被騙

上週寫過香港財經新聞極之流通,因此相對其他金融系統健全的地方,香港可以說得上是全民股神。這當然對經濟和個人理財都有好處,例如香港的人均財富就經常名列世界的前矛。但是全民股神的副作用,就是失敗下的自然反應永遠是逃。 這本來不是問題,因為動物面對危機的自然反應離不開戰鬥或逃跑。面對整體股巿,股民實力懸殊,永遠是價格接受者。因為股民個人的買賣決定影響不了股價,因此實際上沒有戰鬥策略可言,所以戰況不樂觀,止蝕離場乃是正確反應。 不過,當巿場有很多投資者主要靠止蝕來管理風險,亦會給別人「格食格」。例如一隻股票長期在10至11元上落,也許不少投資者就會將9.8元設定為止蝕位。假如股票正常地炒至10.1 元,可能就會有大戶將之推落9.5元,從而震散了散戶的倉。再加上牛熊證亦往往有打靶位,這類短期炒作就有更多誘因。 另外,假消息和吹風亦在這種環境才有效。要長期宣傳謊言要花不少心力,但假如一兩週的風潮就可以震甩散戶的倉,也就會有人尋找這類機會。所以辯別真假新聞,也許是處身香港的投資者最需要的基本技能。 當然,在股本巿場之中,適度止蝕也許會偶而被騙,但仍是良好的風險管理技巧。但是在全民股神的氣氛,這也影響香港人其他的選擇。例如,太過著重每一場小仗的成敗,就根本不能做好生涯規劃。反而是看得長遠一點,願意留前鬥後的人,往往最後贏得最多。聽過有同行評論這類最終贏家,只會...

【天下第一倉】高山行:醫股開眼 呢隻必彈

牙股大發神威 ,冇理由眼股唔跟,近期希瑪眼科(03309.HK)已漸漸上力,並已將去年不利業績消化,以往日高價達19.9元、大落後於同業及未來大舉進軍大灣區的正面元素衡量,刻下絕對是上車良機,先望青蟹價、再望翻倍價冇懸念! 內地眼科業絕對大有前景,去年國家便發布了《中國眼健康白皮書》,介紹中國防盲治盲和眼健康工作的進展成效,未來將按健康中國要求,結合國情及致盲性眼病疾病譜變化,編制「十四五」全國眼健康規劃,進一步完善三級防盲和眼健康服務體系,教育部等15部門近日聯合印發《兒童青少年近視防控光明行動工作方案(2021-2025年)》提出,到2025年每年持續降低兒童青少年近視率,而目下內地兒童青少年近視總體發生率為53.6%,高中生為81%,大學生總體發生率為90%,令眼科醫務大有需求,兒童青少年近視已成為中國視力損傷的主要原因,內地近年又越加重視孩童健康,所以未來生意肯定不斷。 3309在2018年初以每股2.9元上市,由於大股東林順潮在業界聲名甚響,所以甫上市已大抽上最高19.9元水平,之後才反覆回落到6至7元水平大橫行。 去年醫療相關業務經營都受疫情影響,令3309中期業績亦見紅,但下半年已逐步回順,集團現業務主佈北京、上海、 香港、深圳及昆明,但未來將繼續力拓粵港澳大灣區及內地網絡, 包括收購眼科醫院、眼科中心及診所及物色合適的戰略合作夥伴,其中第5及第6間眼科醫院,便是包括去年初收購...

专业名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風