登入

靚股齊齊「目及」 梁風

【今日吹乜風】Barry:堡獅龍592供股拆局

堡獅龍(00592.HK)供股有結果,只得90個人供,人均供771萬股、人均涉資277萬元。 扣除大股東,以及我呢個散戶,即係有88個大戶,人均「基本」供167萬股、人均涉資60萬元。 上述88位大戶當中,有53位行使「超供權」(不計大股東),合共額外供股6410萬股,人均超供120.95萬股,加上「基本」要供嘅股數,超供人士平均供103.5萬元。 純睇市值,592只得11.1億元市值,講明未來會發展國內市場,以及拓展電商平台,對比李寧2331總市值1448億元,592追返後者1%身價已經可望值14.5億元,相當於每股值0.59元水平,即現價仲有空間。 近年供股後大炒最成功嘅例子當然要數華哥系下太陽城集團(01383.HK)、凱升控股(00102.HK),兩隻都係大玩供股戲法後大炒,凱升控股升幅較供股價有逾倍水平,太陽城升幅更較供股價累升12倍。 592係咪玩供乾後大炒呢? 我相信李寧系入主後係有心經營呢個品牌,否則,羅氏家族唔會甘心做「呀二」,如果只係為十幾億市值,羅家一係唔賣,一係直接拎幾億現金退場就得。 短炒角度,592當然有條件大爆發,但長線去諗,592亦有條件搶佔國內休閒服飾市場,唔好話做「一哥」,搶入十大絕對無問題,到時592會值幾多錢呢? 操作上,當然希望賺到「Free貨」,令倉位繼續有彈藥之餘,又可以享受到長線升幅。

2021-4-13 10:53:08

【今日吹乜風】Barry:跟勢沒有錯,但要認清責任

受美債息口抽高,所有熱炒股份都幾乎被洗板式下跌,過去幾個交易日,小弟觀察名單股多次全線見紅,場面認真嚇人。呢個時候,正如股神名言:「潮退後便知誰沒穿泳褲」。   過去幾個月市場上充斥「契仔股神」,由「契媽」CatHerine Wood帶領下征戰美股、港股,開初當然無往而不利,但當領軍股Tesla跌穿600美元關口,「契仔」們帳面開始見紅虧損,「契媽」都要拎出嚟被清算。   「契仔股神」只係一個代名詞,形容一班跟勢炒作嘅投資者,股票場上沒有高招低招,只有賺蝕。「契仔股神」正正乎合前輩曹仁超的主張:「投資最緊要是個『C』(勢)」,有錢贏又何妨做一下契仔。   市場突然逆轉是常有之事,將自己輸錢責任推落其他人身上,雖然可令自己心情好一點,但卻錯失一個檢討自己的進步機會。炒股是否有進步,每一次風浪來到,都會非常直觀地反映在戶口之上,雖然當中有運氣成份,但相信真正落場嘅人心中應該很清楚。   股場連日倒水式下跌,有初步見底的兆頭,問題是能否反彈、反彈的力度有多強,尚待進一步觀察。基於環球放水的基調未變,大市應該尚未玩完,只是一次深度調整,但睇中大方向只是第一步,仍要捱得過風浪才能食得住個「C」(勢),中間操作只能各人自己體驗成長。

2021-3-9 11:24:32

【今日吹乜風】Barry:快手上市被忽略了一件事

快手(01024.HK)上市引發全城熱搶,想要穩中一手快手,一定要借500幾萬孖展搶做「B組頭」,否則就要以「六合彩心態」做一手黨,和70萬人鬥好運,平均每25個人只有一位幸運兒。但我關注點落在「B組頭」人數方面,似乎是港股A股化後,最理想的一把尺。 小弟經常說港股A股化,主要係指大量有錢散戶主導市場。當然單看成交額已經非常明顯,日均成交額由2019年872億元,2020年升至1295億元,2021年1月份達到2584億元。 問題是,成交金額並未能反映「人數」這項因素,以人頭計數的新股認購情況則非常理想。 快手作為2021年首隻大型新股,在幾個層面已經打破紀錄,凍資金額1.26兆,成為首隻破兆的「凍資王」,比前任的農夫山泉(09633.HK)多了88%。 再次強調,金額不是重點,問題是人數,快手凍資雖多,但頂頭槌飛人數只得225人,比農夫山泉的298人還要少。 但如果細心看一下認購金額逾500萬的「乙組頭」人數,快手的「乙組頭」多達3.48萬人,農夫山泉只得1.32萬人,人數急增1.6倍。 當然券商大力吹捧,加上提供大量低息孖展,令投資者人人被迫借孖展入飛「焗砌」,亦是人數急增的原因。 但表二正是歷來港股三大「凍資王」的資料,從申購數明顯見到,快手總申購數,達142.3萬份,較農夫山泉多了1倍,比中國鐵建(01186.HK)亦多了近八成。 或許農夫山泉、中鐵建大家感覺都未夠深,工行(01398.HK)2006年IPO時全城認購,總申購數亦只是96.93萬份,快手今次再多了46.81%或45萬人。 港股A股化後,到底市場參與者增...

2021-2-5 14:50:27

【今日吹乜風】Barry:「追月」

藍月亮(06993.HK)有兩大因素反映會大炒,呢隻股隨時會成為「神水」農夫山泉(09633.HK)嘅翻版,成為炒內需嘅龍頭股之一。 一)公司上市集資額97.5億元,6位基石投資者合共認購1.38億股,扣除後餘下6.026億股(涉資79億元)。 該股上市首日即見大高開兼大成交,資金態度相當進取,當日成交72.41億元或4.7億股,信心不足嘅投資者有足夠空間離場。 二)公司1月6日悉數行使「超額配股權」,涉及合共1.120685億股發售股份,額外收取所得款項淨額約14.45億元。 通常行使完「超額配股權」,市場又多一批新貨,對信心有一定負面影響,但6993走勢話你知,多一批新貨仲好炒,今日更加係大成交破頂。 上述兩項因素都反映6993已經俾北水睇中,未來一旦獲納入港股通升勢只會更勁。 當然6993市盈率極高,但你睇返「神水」農夫山泉,市場都唔單止吹捧佢現有產品,而係憧憬「神水」借助龍頭優勢捧起其他產品。 6993模式亦相當似,其在洗衣液市場、濃縮洗衣液市場及洗手液市場的市佔率均為第一,分別為24.4%、27.9%及17.4%。 短線6993有幾個潛在憧憬,一)大行出報告吹捧、二)入港股通、三)業務上新發展,例如網上銷售或有新產品推出。 今日6993大成交破頂,高見19.16元,全日成交均價亦唔低,要18.65元,之前高位18.8元,短炒計17元止蝕,上望2000億市值,即34元水平。 Barry炒股成長日記

2021-1-13 15:07:55

【今日吹乜風】Barry:康方生物9926折讓配股,點解係好消息?

康方生物-B(09926.HK)折讓配股,集資11.88億元,但其實睇返配股作價39.6元一啲都唔差,短線我唔會話一定唔會穿個配股價,最少會有一定支持力,如果要現價先入場,止蝕位可以定喺35元水平。   先細心分析今次配股資料,銷售文件顯示,配股價區間39.05至39.8元,定價39.6元即係接近配股價上限水平,亦較公司上市定價16.18元溢價1.45倍。   留意返其實9926係獲納入港股通之後先升得比較急,11月份都只係作價24元水平,納入港股通前高位都只得38.95元。換言之,今次配股價對公司而言相當唔錯,亦反映機構投資者對9926前景幾樂觀。   9926公布配股後(雖然未完成),反映公司以一個唔錯嘅價位集得一筆資金,短線亦應該冇再集資需要,最少公司承諾有半年禁售期,其他投資者唔需要再擔心公司配股集資,對獲納入港股通之後的表現有相當正面積極的影響。   ======   康方生物-B公布,公司已有條件同意透過大摩以每股39.6元,向不少於六名承配人配售合共3000萬股。   每股配售價較昨日收市價折讓約4.58%;股份佔經擴大已發行股本約3.67%。   假設3000萬股配售股份獲悉數認購,於配售完成後,所得款項總額將為11.88億元,配售所得款項淨額估計為11.7134億元。   Barry炒股成長日記    

2021-1-7 10:29:41

【今日吹乜風】Barry:點解要一注獨贏AMD?

有朋友留言問隻AMD ,話好似好多負面消息咁,但我又真係見唔到,反而見到好多利好消息嚟緊。當然,Intel同Nvidia嘅反擊都有機會造成負面影響,加上行業整體估值亦相對唔平,都帶來一定沽壓,之但係AMD 根本「印緊錢」唔使驚啦! 我話AMD 「印緊錢」嘅原因好簡單,2020年第四季,PS 5、Xbox Series 兩大遊戲主機開賣,最新數字話PS 5 累計賣出373萬台、Xbox Series 則售出201萬台。呢兩部主機都係採用AMD 定制的Zen 2 CPU架構、RDNA 2 GPU架構,並採用7nm工藝製造,只係具體規格略有不同。 AMD 現時面對最大難題,係7nm嘅產能,市面上無論係AMD 嘅CPU同GPU 都缺貨,甚至有炒價。但最新台積電已經多返好多7nm產能,未來AMD更會成為台積電第二大客仔。大量7nm產能,可以幫AMD 印更多錢。 大環境講完,就逐條產品線分析,我自己主力睇緊 「桌上型電腦 CPU+GPU」、「筆記本電腦 CPU+GPU」、「大型數據中心」、「半客製化解決方案」(即AI、5G、自動駕駛等應用)。 桌上型電腦(PC)市場方面,AMI已經不斷搶佔Intel市場份額。據遊戲平台(Steam)統計,AMD CPU(WINDOWS機)市佔率升至26.91%,比起7月底23.73%上升3.18個百分點,好明顯可以見到上升勢頭非常急速。 PC GPU方面,AMD 雖然仲係明顯跑輸Nvidia,但由於性價比優勢,非遊戲市場有一定競爭力,例如剪片就係AMD 嘅顯示卡更理想(據朋友評價係:「平好多,但效能差唔多」)。「掘礦市場」更加唔使講,係AMD有優勢。Bitcoin炒到28000美元一粒,...

2020-12-31 10:50:38

【今日吹乜風】Barry:呢隻「21章股」有勢可小注一博

「21章投資公司」中國新經濟投資(00080.HK)近期好似有啲動作,低位可以一博,參考今年3月份配股價0.16元,建議0.15元止蝕,若然真係有力反彈,有機會以年頭支持位約0.3元水平做目標。   自港交所推出「21章投資公司」以來,基本上投資者都係比較少關注,除咗招商局中國基金(00133.HK)及東英金融(01140.HK)呢類大嘢,其他最出嘅要數「王立強事件」嘅中國創新投資(01217.HK),以及「道士股」鼎益豐(00612.HK)呢類。   有133、1140亦正正代表「21章」唔係冇好嘢,其實早幾年殼股大炒,亦傳過有資金想買間「21章」做單一類主題嘅投資,變相將未上市資產簡單地注入上市公司,雖然係主板上市,但殼價平一好幾成。   好似中國創新投資1217咁,公司喺2018年亦宣布擬收購擁有可充電鋰硫電池技術的全美能源公司(Power Energy Solutions, Inc.),如果唔係因為「王立強事件」,近年電車概念咁熱炒,1217牌面睇其實幾有概念,但現時政治風險咁大當然唔使諗。   睇返中國新經濟投資80,公司就喺公告表示,想向醫療保健(包括高科技及在線醫療)以及電信(包括物聯網板塊)私募股權的投資機會。公司喺2019年、2020年都有配股集資,合計集資約6250萬元,但公司最新市值都只係1億元左右,純計數都有唔錯值博率。   早一段時間,80亦差啲有新刁,公司於9月份與東方支付(08613.HK)訂立換股協議,但交易未有落實。另一宗潛在新刁則尚在進行中,11月初,公司與廣州奧珀斯...

2020-12-21 8:00:32

【今日吹乜風】Barry:2021年有乜爆升主題?

近期主力都係到諗,2021年會炒乜? 要揀嘅當然唔係得一、兩成嗰種,而係起碼有機會炒超過一倍嘅題材,我暫時比較有信心嘅,係一批生物科技B股,冇乜基本分析可言,純睇圖、睇盤炒就算了。 背後原因好簡單,因為我作為醫藥行業門外漢根本唔熟醫藥嘢,就算佢話係醫乜病乜病,我都唔知病人喺市場上有幾多種選擇,佢嘅競爭對手有幾多,未來有咩新藥,更加有潛在政策風險,係我唔識估計。 所以要炒生物科技B股,建議集中火力揀幾隻大嘢,有大行力捧、入咗大指數嘅更好,未來炒作概念好簡單: 一)本身行業前景好 二)國家策略支持(提提大家,今份香港施政報告有重點提到,而呢份施政報告係請示過中央最高層) 三)跟住港股通北水炒 現時已納入恒生綜合指數的「B股」共7隻,分別為諾誠健華(09969.HK)、沛嘉醫療(09996.HK)、康寧傑瑞(09966.HK)、康方生物(09926.HK)、啟明醫療(02500.HK)、亞盛醫藥(06855.HK)及康希諾(06185.HK)。 第一批爆升B股一定係上述7隻當中尋寶,暫時比較似樣嘅有9996、9966、6855。

2020-12-9 10:21:53

【今日吹乜風】Barry:德琪醫藥6996有高盛「護航盤」力撐

德琪醫藥(06996.HK)周一湧現大量沽盤,一跌穿18.08元上市價,之後再引發一批沽盤,一度低見17.4元,若以藥明巨諾(02126.HK)作參考,6996跌深一點亦不出奇。 所以17.9元水平已提大家先止蝕,但很快已見高盛買盤出籠接貨,一度排喺18.08元硬接,可能是沽盤太多,之後開始轉打法,高盛買盤分別於17.8至18元水平浮動。 高盛和摩根大通是德琪醫藥保薦人,有「護航盤」亦不出奇,但「護航盤」是否實淨是最大問題。 以世茂服務(00873.HK)為例,只係掛牌首日尾市「造樣」,之後就消失得無影無蹤,明顯見到873除首日尾市表現特別好之外,之後已進入「Free Fall」(自由落體)狀態,當然不代表873冇得炒,而係令「收集期」大幅延長,一定要搵到個靚底先會反覆向上。 反觀,6996 短線有高盛「護航盤」支持,我估算,周一、周二已累計接貨億幾、兩億元,這批股份當然會流入高盛的大戶客仔手上,因當時6996國際配售大部份已由基石投資者搶去,其他客仔一係要在公開市場上認購,一係等超額配售權時再搶過,現在有高盛負責收貨當然不會搶貴貨。 最少,喺呢個情況下,6996短線不會進入「Free Fall」狀態,持貨時更加舒服,加上「護航盤」不斷收集短炒的街貨,有利後市發展。

2020-11-25 10:10:34

【今日吹乜風】Barry:德琪醫藥6996或先低後高

分配結果分析: 德琪醫藥(06996.HK) 一手黨略為多,涉資5.7億元,但今日融創服務1516表現意外地好,加上基石投資者認購已經佔發售股數達五成水平,與藥明巨諾2126、榮昌生物9995情況相似,後兩股仍然喺高位企硬,6996可以吼位吸納,博佢中線變下隻2126(一度升逾38%)、9995(暫累升逾四成)。 建議買入價19.5元樓下,上望23至25元水平。 ===分配結果=== 一手黨63095人,涉資5.7億元 乙組頭(抽30萬股、派5500股),3180人,涉資3.2億元 頂頭槌飛(抽770.8萬股、派8.1萬股),40人,涉資5857.92萬元 基石投資者佔發售股數49.89% Barry炒股成長日記

2020-11-19 15:41:09

热门专栏

【霜霜魔鏡】梁傲霜:軒尼詩V.S.O.P Privilège的感觀情緒

軒尼詩秉承多年對藝術與設計文化的支持,將藝術品全權交由這位洛杉磯出身的藝術家自由發 揮,創造出一項開創先河的當代藝術向經典不朽的 V.S.O.P Privilège,今次,RefiK Anadol 到訪軒尼詩酒莊及創辦人的酒窖後,深深體驗到軒尼詩代代相傳的傳統與他所認識的人工智能領域截然不同,因而令他非常著迷。 一項創新前衛的合作, 軒尼詩誠意邀請著名媒體藝術家及總監RefiK Anadol ,首次讓藝術家透過神經系統科技參與及紀錄這個神秘且歷史悠久的日常例程,並結合人工智能及從機器獲取的數據,創造出富有突破性的藝術品。這次合作完美地把精湛專業的技術及知識以創新的表達方式糅合,在這項全新的實驗中,在品酒過程中均會配戴高科技設備,讓RefiK實時追蹤他們的感觀變化,捕捉他們對「生命之水」(Eaux-de-vie)的體驗、感受和欣賞。過程中RefiK Anadol透過一種專門用於實驗室研究腦電波圖的數據驅動裝置(electroencepHalogram;EEG)來獲得他們的認知控制神經機制及捕獲感官數據,RefiK 將其描述為「近乎實時的未來體驗」。 RefiK Anadol和他的團隊通過精密的分析技術過濾了那些盛載兩個世紀歷史智慧及記憶的數據,並將其轉化為色彩及光線。結合多個數據後,RefiK Anadol最終創作出三維數據(THree-dimensional data)的雕塑作品,一項沉浸式視聽裝置藝術《Sense of Heritage》,並陸續於各地展出。 軒尼詩V.S.O.P Privilège RefiK Anadol 2...

【富甲股海】江小魚:寰亞傳媒應成脫韁黑馬

創業板市場無疑係一塊神奇秘境,雖然「妖股」不少,但依然有「好嘢」禾桿冚珍珠。最近騰訊(00700.HK)以1億元認購寰亞傳媒(08075.HK)8333萬股新股,完成後騰訊關連方持股會增至2.96%,認購價為1.2元,所得款項淨額約9700萬元,擬用作推行新內容數字化計劃及未來業務發展。 獲得騰訊寵幸,故此,不排除騰訊今次逐步參股寰亞目的就在於給予寰亞更多內容製作,兼借力推動閱文(00772.HK)成為全球頂尖的文化產業集團。此外,寰亞透過發行新股份抵銷由控股股東借出的4.3億元貸款,加上當日40萬元財務顧問的諮詢費用亦同樣以發行新股方式結算,反映關連人士對股價表現有十足信心。 截至今年4月底止第三季,寰亞營業額錄得3183.8萬元,按年增加51.3%,虧損錄1450萬元,去年同期虧損3222.5萬元,幅度按年收窄55%。 寰亞傳媒表示,大陸及本地市場在娛樂方面之消費仍受新冠疫情所影響,集團一直專注於製作具良好往績記錄及商業可行性之優質項目,並收緊成本控制程序,相信線上電子商務及網絡紅人市場充滿機遇,集團亦已投放資源發展相關業務。 另將於阿里巴巴(09988.HK)優酷平台獨家播放之30集現代連續劇《家族榮耀》正處於製作階段。集團正就開發電視劇集製作之新項目,與多個中國門戶網站及視頻網站進行洽談。得騰訊寵幸,又有阿里巴巴合作,寰亞就似一匹黑馬,不但隨時跑出,甚至何止跑贏一眾創業板股份,可能大部份主板股份都給寰...

【天下第一倉】高山行:影視大金蛋 筍價好鬼盞

又一隻冷股冒起,此為主業內地網絡及電視媒介傳播服務的中視金橋(00623.HK),首先淨現金高過股價近八成,市值既係細細粒,本業又逆流強勁,連年回購不斷,走勢現突破,似會有大好事發生,再以每股nav高達4.14元及市盈率5倍幾衡量,又係冇得輸系列! 0623去年營業額11.76億元人民幣(下同),按年跌21.4%,純利8,721.3萬元,大升230.3%,大派末期息9港仙,雖然營收減少,但業務成本和經營費用均有效控制,同時出售了權益證券獲利甚豐,成為佳績所據。 事實上,0623依家非經營傳統本業咁簡單,除擁中央廣播電視台多類資源獨家廣告代理權外,還提供專業廣告視頻製作服務,大客戶包括中國印鈔造幣總公司、中國金幣總公司、建設銀行、華夏銀行、 中石化易派客、中國人保、長隆集團、長城葡萄酒、鄭州旅遊、玉溪旅遊、 縉雲旅遊、簡一大理石、揚子江藥業等。 近年更從後趕上力追數字營銷及網絡媒體業,自研智能程序化廣告投放平台iBCP,通過大數據優化廣告實時投放效果,另又推出播視網(www.boosj.com)明晰「線上+線下,內容 +活動」的運營模式,及透過吾谷網(www.wugu.com.cn)在農業互聯網信息服務中,更加凸顯「品牌強農」的傳播重點和特色服務。 大把現金在手, 去年便已回購2,231萬股,績後仍然持續,去年12月結止持8.41億元淨現金,折合每股高達2.2港元,是為每股nav 4.14港元的53%,淨現金更高過股價1.22港元的八成,市值5億幾港元...

【書健弘觀】楊書健:適度止蝕也許會偶而被騙

上週寫過香港財經新聞極之流通,因此相對其他金融系統健全的地方,香港可以說得上是全民股神。這當然對經濟和個人理財都有好處,例如香港的人均財富就經常名列世界的前矛。但是全民股神的副作用,就是失敗下的自然反應永遠是逃。 這本來不是問題,因為動物面對危機的自然反應離不開戰鬥或逃跑。面對整體股巿,股民實力懸殊,永遠是價格接受者。因為股民個人的買賣決定影響不了股價,因此實際上沒有戰鬥策略可言,所以戰況不樂觀,止蝕離場乃是正確反應。 不過,當巿場有很多投資者主要靠止蝕來管理風險,亦會給別人「格食格」。例如一隻股票長期在10至11元上落,也許不少投資者就會將9.8元設定為止蝕位。假如股票正常地炒至10.1 元,可能就會有大戶將之推落9.5元,從而震散了散戶的倉。再加上牛熊證亦往往有打靶位,這類短期炒作就有更多誘因。 另外,假消息和吹風亦在這種環境才有效。要長期宣傳謊言要花不少心力,但假如一兩週的風潮就可以震甩散戶的倉,也就會有人尋找這類機會。所以辯別真假新聞,也許是處身香港的投資者最需要的基本技能。 當然,在股本巿場之中,適度止蝕也許會偶而被騙,但仍是良好的風險管理技巧。但是在全民股神的氣氛,這也影響香港人其他的選擇。例如,太過著重每一場小仗的成敗,就根本不能做好生涯規劃。反而是看得長遠一點,願意留前鬥後的人,往往最後贏得最多。聽過有同行評論這類最終贏家,只會...

【天下第一倉】高山行:醫股開眼 呢隻必彈

牙股大發神威 ,冇理由眼股唔跟,近期希瑪眼科(03309.HK)已漸漸上力,並已將去年不利業績消化,以往日高價達19.9元、大落後於同業及未來大舉進軍大灣區的正面元素衡量,刻下絕對是上車良機,先望青蟹價、再望翻倍價冇懸念! 內地眼科業絕對大有前景,去年國家便發布了《中國眼健康白皮書》,介紹中國防盲治盲和眼健康工作的進展成效,未來將按健康中國要求,結合國情及致盲性眼病疾病譜變化,編制「十四五」全國眼健康規劃,進一步完善三級防盲和眼健康服務體系,教育部等15部門近日聯合印發《兒童青少年近視防控光明行動工作方案(2021-2025年)》提出,到2025年每年持續降低兒童青少年近視率,而目下內地兒童青少年近視總體發生率為53.6%,高中生為81%,大學生總體發生率為90%,令眼科醫務大有需求,兒童青少年近視已成為中國視力損傷的主要原因,內地近年又越加重視孩童健康,所以未來生意肯定不斷。 3309在2018年初以每股2.9元上市,由於大股東林順潮在業界聲名甚響,所以甫上市已大抽上最高19.9元水平,之後才反覆回落到6至7元水平大橫行。 去年醫療相關業務經營都受疫情影響,令3309中期業績亦見紅,但下半年已逐步回順,集團現業務主佈北京、上海、 香港、深圳及昆明,但未來將繼續力拓粵港澳大灣區及內地網絡, 包括收購眼科醫院、眼科中心及診所及物色合適的戰略合作夥伴,其中第5及第6間眼科醫院,便是包括去年初收購...

专业名家

社長話事 陳承龍

天下第一倉 高山行

魚樂無窮 唐牛

股場放大鏡 歐陽風

富甲股海 江小魚

置理明言 曹德明

實戰理論 沈振盈

靚股齊齊「目及」 梁風

高明邏輯 高明

長跑深法 陳政深

李氏顧問 李鴻彥

書健弘觀 楊書健

金錢帝國 彼德大帝

偏向高山行

退休生活

貿易保衛戰

求知之聲 何承聲

Dr. mall粵港灣投資大贏家 內房沈博士-沈永年

詞海翻波 張皓曦

長雄林仔週記 林志培

板塊關鍵點 康思源

財演算法 蔡嘉民

霜霜魔鏡 梁傲霜

盧火純青 盧駿匡

合縱連環 張秀賢

凌晨估市 凌晨

Bella兵室 Bella

初哥世語 鄧建初

易投資 蔡佑徽

林作‧文 林作

股壇串到盡 羅尚沛

股壇串到盡 沈大師

奇門創富 雲清子

投資先機 小子(逢周三)

港漂財金Talk 林圖輝,孫可兒

期權投機客 歐陽一心

牛熊薈萃

即市大帝 彼德大帝

即市黃嘉俊 黃嘉俊

What’s Up 查金庸(逢周一、三、五)

最寂寞的無敵 孫柏文

井噴上升 火燎森

即買即中 魏力(逢周五)

知魚之樂 唐牛(逢周二)

凌氏密語 凌中則

藍血女中環遊記 藍雪兒

女神軍令 米曹

左耳入右手出 金慕道

史丹利隨筆 史丹利

有一種無奈叫富二代 筆華棋

破天「方」 方健儀

肉食金融圈 周顯

尖啤天下 劉夢熊博士

道總秘笈 黃道林

財技世界 梅偉琛

活在當炒中 黃嘉俊

機會嚟喇 飛雲

不問價追 小炒王梁心欣

今晚「目及」靚股 梁風